छ्या स्‍ये च्‍युताते बात 8:13 - जिरेल

¹³ थे तिरी ताजीन ङे नामगी चेनापा खोकालीङज्‍यीक फुरगीन ओताते थोङसुङ। थेकी आउदी छेरा खाला “आबिई, आबिई, च्‍यि ज्‍यीबा लाङच्‍ये बात ईन्‍दाका आबिई। था दि तिरी बाँकी ओताते दूत सुमबोकी बिकुल फुत्‍जीन सा लुङबादु ओत्‍कान्‍ते मिओनला चुक ज्‍यीबा लाङच्‍या मेलेबा ओङोङा,” सिन ओतान।

छ्या स्‍ये च्‍युताते बात 8:13 Iomraidhean Croise

हिब्रू 1:14

परमेश्‍वर दूतओननी गाङेराङ परमेश्‍वरगी कोता कोता खित्‍कान्‍तेबाकामा ईन। थेबा दोकस्‍यिकराङ दुक सिन मिगी थोङा मुथुबो। परमेश्‍वरगी थेबाला थे खोरोङगी पूरो खाला पापदुकी टाल्‍ला स्‍वर्गने देत ज्‍युत्‍च्‍येते मिओनला मद्धत तेराला गाङेपा ताङा ओत।

छ्या स्‍ये च्‍युताते बात 11:14

दि ज्‍यीबा लाङच्‍येते पालो ङिकी बाजि छ्येते दुक्‍पाचेन सिन्‍सुङ। था पालो सुमगी छ्येते दुक्‍पाङ होत्ता ओङगो।

छ्या स्‍ये च्‍युताते बात 12:12

थोगी था स्‍वर्गदु ओतातेबरी गाङेराङ आउदी खाला गा खि। तर सा लुङबाताङ समुन्‍द्रदु ओताते जति गाङेलाचेन ज्‍यीबा लाङच्‍ये बात ईन। च्‍यिला सासीन थे खोरोङगी जेसुकै खिता ङेत्‍च्‍येते समय था टिक्‍पीस्‍यिककामा ओत सिन छ्या स्‍येकीन शैतान आउदी खोक्‍पो खाईन स्‍येदाङ खाईन ख्‍योकोन ओत्‍सामा गाला ओत,” सिन ओतान।

छ्या स्‍ये च्‍युताते बात 14:3

थेमे थे मिओनचेन परमेश्‍वर सिंहासन, थे ङेपाक ओताते थरी स्‍यीबो थेमे थे मेरा खालज्‍यीकताङ स्‍यीबो छ्ये छ्येतेबे दोन्‍दु देत्‍ला गोमा नोमुङ मालाबाते साम्‍बाते लुज्‍यीक लिन्‍गीन ओतान। दि सा लुङबे मिओन नाङदुकी परमेश्‍वरगी पापकी सजायदुकी टालाते होथेबेकी बाई दि लु ज्‍येन सुङगीङ लिन्‍दा थुप्‍कीन मेतान।

छ्या स्‍ये च्‍युताते बात 14:6

थेरूई याङराङ ङे नामगी चेनापा फुरगीन ओताते परमेश्‍वर दूतज्‍यीकला थोङसुङ। थेचेन दि सा लुङबा खाङ ओताते लुङबा लुङबेते, थर थरगीते, खुदुक खुदुक भाषेते थेमे जात जातकी मिला गा लाङच्‍येते बात सिराला ओङगीन ओतान। दि गा लाङच्‍येते बातचेन नोमुङ खुदुक मोन्‍डोओ, सधैँभरि थोकराङ देत्‍क्‍यो।

छ्या स्‍ये च्‍युताते बात 19:17

थेमे दि तिरी ङे ङीमे नाङ लाकीन देताते परमेश्‍वर दूतज्‍यीकला थोङसुङ। थे दूतकी नामगी चेनापा फुरकान्‍ते छ्योज्‍युङमा गाङेला कस्‍स्‍ये खाला छेरा खिन “लो ख्‍योकोन गाङेराङ परमेश्‍वरगी ठीक खाबाते छ्येज्‍यीक भोज साप्‍ला रूला स्‍योक।

छ्या स्‍ये च्‍युताते बात 3:10

थेमे ङे खि साबा च्‍योकराङ खाईन जस्‍तो पीरताङ दुक्‍पालाङ ख्‍योकोन सेम मेसेता खाईन देत्‍सुङ। थोगी था तिरी ना थेबेकी पाप खिता तोङगीता सिन ताप्‍ला दि सा लुङबे मिओनला आइ परे खित्‍च्‍येते मेलेबाते दुक्‍पे बेलाला ङा ख्‍योकोनला जोए खाला ज्‍य्‌वाक्‍यो।

छ्या स्‍ये च्‍युताते बात 8:2

थेमे परमेश्‍वर दोन्‍दु लाला देत्‍कान्‍ते दूत दुईनला ङे थोङसुङ। थेबाला बिकुल दुईन बिन्‍दा ओतान।

छ्या स्‍ये च्‍युताते बात 9:1

थेमे पालो ङे बाजि परमेश्‍वर दूतकी थे खोरोङ बिकुल फुसुङ। थेमे ङे नामनेकी कार्माज्‍यीक पृथ्‍वीमा ङीम्‍बाते थोङसुङ। थे कार्मालाचेन खापान खापान तीङ ओताते डालुम गो बेत्‍च्‍येते साँचो बिन्‍दा ओतान।

छ्या स्‍ये च्‍युताते बात 9:12

ज्‍यीबा लाङच्‍येते थोङगी दुक्‍पाओनचेन दाक सिन्‍सुङ। था थोरूमोङ दोक्‍ते दुक्‍पा ङि ओङा बाँकीराङ ओत।