छ्या स्‍ये च्‍युताते बात 7:2 - जिरेल

² लोईन ङे सोम्‍बोते परमेश्‍वर छाप खुरा ओताते ज्‍येनज्‍यीक परमेश्‍वर दूतज्‍यीकला ङीमा स्‍यारसे छ्य्‌वापेई ओङगीन ओताते थोङसुङ। थेमे थेकी दि सा लुङबाताङ समुन्‍द्र नाश ज्‍वाप्‍ला अधिकार ङेता ओताते थे लाकीन देताते दूत स्‍यीबोला छेरा खिनकामा

छ्या स्‍ये च्‍युताते बात 7:2 Iomraidhean Croise

मत्ती 16:16

थेबे नाङ शिमोन पत्रुसकी “गुरू, खो सोम्‍बोते परमेश्‍वर फुज्‍युङ ईन। खो थेकी तोङगो साबाते ख्रीष्‍ट ईन,” सिन सिदुक।

मत्ती 26:63

थेकी थोक सिरजीनोङ थे खाराक्‍पाराङ देत्‍सुङ। लोईनराङ थेकी “लो खो सोम्‍बोते परमेश्‍वर दोन्‍दु ना क्‍याल्‍ला दि बात सि। च्‍यि खो परमेश्‍वरगी तोङगो साबाते ख्रीष्‍टराङ ईन? थोक ईन्‍सीन खो परमेश्‍वर फुज्‍युङ ईन्‍दासीन, मेन?” सिन ठिसुङ।

यूहन्‍ना 6:27

खालि साच्‍या थुङच्‍ये विचारकामा माकेत। दिनी दि जुनी लाईदुकामा ईन। बरू ख्‍योकोनगी चुक खाला नोमुङ मिसिन्‍च्‍येते जुनी ङेत्‍च्‍येते साप ङेदोङा सिरच्‍येते विचार खि। ख्‍योकोनला थे साप तेरकान्‍तेचेन परमेश्‍वर ओत्‍सादुई वाबाते मि ङाराङ ईन। आबा परमेश्‍वरगीराङ ङाला थोक खित्‍च्‍येते अधिकार बिन्‍दा ओत,” सिन सिदुक।

२ कोरिन्‍थी 1:22

ङुरूङ थोक्‍ते मि ईन सिन थेकी ङुरूङला थे खोरोङ छाप ग्‍यापा ओत थेमे थे खोरोङगी तेरग्‍यो साबाते गाङे तेरग्‍यो सिन पक्‍का खिताला थेकी ङुरूङला परमेश्‍वर आत्‍मा बिन्‍दा ओत।

एफिसी 1:13

थेमे सत्‍यते बात थोनामेई ख्‍योकोनोङ ख्रीष्‍टताङ जीउज्‍यीकराङ ओङसुङ। पापकी सजायदुकी थारच्‍येते होथे गा लाङच्‍येते बात ङेन्‍गीन ख्रीष्‍टला विश्‍वास खानामेकी गोमा थे खोरोङगी ख्रीष्‍टकी छ्य्‌वापेकी तेरग्‍यो साबाते परमेश्‍वर आत्‍मा परमेश्‍वरगी ख्‍योकोनलाङ बिन्‍सुङ। दोक खाईन थेकी थे खोरोङ आत्‍मा बिन्‍दातेचेन ख्‍योकोनोङ थे खोरोङ मिराङ ईन सिराला छाप ग्‍यापाते च्‍योकराङ ओङसुङ।

एफिसी 4:30

खेराङ खेकी खित्‍सादु परमेश्‍वर आत्‍माला मेलेबा लाङच्‍येते काम माकेत। परमेश्‍वर आत्‍मा ङेतेकी खित्‍सादुराङ परमेश्‍वरगी थे खोरोङगी साबे छोमु ख्‍योकोनलाङ पूरो खाला पापदुकी टाल्‍ला थे खोरोङताङ देत ज्‍युत्‍क्‍यो सिन टोक माज्‍येत।

१ थिस्‍सलोनिकी 1:9

ङ्योकोन जुन ठाउँदु ख्‍योल्‍सीनोङ थेङले मिओनगी दोक सिन ख्‍योकोन बातकामा खिदुक। थेबेकी ङ्योकोन ख्‍योकोनला प्रभु येशू बात लोपाला डोजीन ख्‍योकोनगी ङ्योकोनला चुक लेमु खाबा ओताने सिरच्‍येते बात थेमे ख्‍योकोनगी ल्‍हा लुतेबा माने खिता ताङगीन सोम्‍बोतेताङ सत्‍यते परमेश्‍वर छ्य्‌वापा लै खाईन थेलाकामा माने खिताला स्‍यूबाते बात खिदुक।

२ तिमोथी 2:19

तर परमेश्‍वर सत्‍यते बातचेन नोमुङ माराम्‍च्‍या खाईन तिङाते खाम्‍बे जग च्‍योकराङ ईन। थे बात नोमुङ खुदुक मोन्‍डोओ। खइँदा खाम्‍बा च्‍यि लाईदु जोबाते ईन्‍दे सिन खाम्‍बे दोज्‍यीकला कोरगीन टिबाते बात च्‍योक खाईन परमेश्‍वर सत्‍यते बातला दोक दोक सिन टिबा ओत। चुक सासीन “थे खोरोङ मि सु सु ईन्‍दे सिन प्रभु परमेश्‍वरगी लेमु खाला छ्या स्‍येक्‍यो,” थेमे “प्रभु परमेश्‍वर मि ईन सिन सिरकान गाङेकी मेलेबा काम खिता तोङा फाप्‍क्‍यो,” सिन टिबा ओत।

हिब्रू 12:22

तर ख्‍योकोननी सीनै बोमदु मेन्‍देकी सियोन बोमदुका लेपा ओत। सोम्‍बोते परमेश्‍वर देत्‍च्‍येते स्‍वर्गने ओताते यरूशलेम सारोङ ख्‍योकोन लेप्‍सादुराङ ईन। थेरू गा खिन परमेश्‍वरते जय जय खिन देत्‍कान्‍ते ङोला ङ्वा मुथुप्‍च्‍या परमेश्‍वर दूतओन ओत।

छ्या स्‍ये च्‍युताते बात 1:3

परमेश्‍वरगी छ्या स्‍ये च्‍युताते दि किताब नाङ टिबाते था तिरी ओङच्‍येते बातओन पढे खित्‍कान्‍ते थेमे थोला दुरू खि साबा च्‍योकराङ खित्‍कान्‍ते मि भाग्‍यमानी ईन। च्‍यिला सासीन दुरू साबाते दि गाङे बात था होत्ता साबा च्‍योकराङ ओङगीन ओत।

छ्या स्‍ये च्‍युताते बात 10:1

थेरूई तिरी याङराङ ङे स्‍वर्गनेकी छ्येज्‍यीक शक्ति ओताते परमेश्‍वर ज्‍येनज्‍यीक दूतला देमा ओङगीन ओताते थोङसुङ। थे दूत मुक्‍पे नाङ ओतान। थेमे थे गोःकी फेरोलाचेन जा सुक्‍पा ओतान। थे छ्येत ङीमा च्‍योक ओतान। थेमे काम्‍बातेबाचेन मे मुस्‍लो च्‍योक्‍तेन्‍दे ओतान।

छ्या स्‍ये च्‍युताते बात 10:4

थे ङोरो दुईनगी थोक खाईन गाराङताङ गुरूङ खानामेई ङे टिक्‍पाला ठीक खाबाप। तर ङे स्‍वर्गनेकी “थे ङोरो दुईनबोकी खाबाते बात माटिक, दि बातचेन खाराक्‍पा सेमगी नाङकामा स्‍योक,” सिरा थोसुङ।

छ्या स्‍ये च्‍युताते बात 16:12

थेमे पालो ठुगी बाजि दूतकी थे खोरोङगी खुराते कचौरा यूफ्रेटिस सिराते जोदाते चाङबोदु पुसुङ। थोक खानामेई थे चाङबो छ्यु जति काम्‍गीन पूर्वे छ्य्‌वापेकी ओङकान्‍ते गेल्‍बोओन ख्‍याम्‍बाला लाम थोत्‍सुङ।

छ्या स्‍ये च्‍युताते बात 5:2

लोक्‍ला ङे छ्येज्‍यीक शक्ति ओताई परमेश्‍वर दूतज्‍यीक थोङसुङ। आउदी कस्‍स्‍ये खाला छेरा खिन थेकी “दि किताबदु ग्‍यापाते छाप लोक्‍ला दि नाङ ओताते बात सुई ता थुप्‍कीते?” सिन सासुङ।

छ्या स्‍ये च्‍युताते बात 8:3

याङराङ लाःक्‍तु सेरगी दोबोन्‍डा खुराज्‍यीक परमेश्‍वर दूत वाकीन थानगी खादु लाकीन देत्‍सुङ। थे थानचेन सेरगी जोबा ओतान। थे थान सिंहासन खादु ओतान। परमेश्‍वर सन्‍तानओनगी खाबाते प्रार्थनाताङ स्‍येला थे थानदु पोराला सिन थे दूतला आउदी काल्‍बेई धूप बिन्‍दा ओतान।

छ्या स्‍ये च्‍युताते बात 9:14

थेरू बात खित्‍कान्‍तेकी थे पालो ठुगी दूतलाराङ “यूफ्रेटिस सिराते जोदाते चाङबोदु ठाकीन ज्‍याक्‍पाते दूत स्‍यीबोला ठासादुई थोङ,” सिन कोत्‍सुङ।

छ्या स्‍ये च्‍युताते बात 9:4

थेबाला बालीनालीताङ सो दोङबोला छ्याःङ माकेत। खोपरोङ टालाला परमेश्‍वर छाप ग्‍यापा मेताते मिओनलाकामा दुक्‍पा बिन सिन साबा ओतान।