छ्या स्‍ये च्‍युताते बात 7:15 - जिरेल

¹⁵ थोगीराङ दिबा ङीन नुप परमेश्‍वर मन्‍दिर नाङ परमेश्‍वर सिंहासन दोन्‍दु देत्‍ला थेला छ्ये जोइनराङ देत्‍कीदुक। सिंहासन लाक देत्‍कान्‍ते थेबाताङ ङ्योम्‍बुराङ देत्‍ला थेकी थेबाला लेमु खाला तेइओ।

छ्या स्‍ये च्‍युताते बात 7:15 Iomraidhean Croise

यूहन्‍ना 1:14

थे बात सिरातेचेन मि जुनी लाकीन केकीन ङ्योकोनताङराङ देता ओतान। थोक खाला ङ्योम्‍बुराङ देत्‍जीन परमेश्‍वर आउदी खाला दया खित्‍कान्‍ते ईन, थे सत्‍यते ईन सिन थेकी ङ्योकोनला लेमु खाईन तेन्‍गीन बिन्‍दा ओतान। थेला आबातेकी देमा ताङा ओतान। थेते दोक्‍पोईकामा ओताते फुज्‍युङ ईन्‍देकी थेत्ताङ छ्येज्‍यीक शक्ति ओताते ङ्योकोनगी थोङा ङेत्‍सुङ।

१ कोरिन्‍थी 3:16

ख्‍योकोन खेराङराङ परमेश्‍वर मन्‍दिर ईन थेमे परमेश्‍वर आत्‍मा ख्‍योकोन नाङ देत्‍क्‍यो सिन च्‍यि ख्‍योकोनला छ्या मेत?

२ कोरिन्‍थी 6:16

परमेश्‍वर मन्‍दिर ओङगीन सिन्‍दाते मिओन ल्‍हा ल्‍हन्‍डीकताङ चुक खाला डिक्‍पा ओङगीते? ङुरूङनी सोम्‍बोते परमेश्‍वर मन्‍दिर ईन। ङुरूङ थोक्‍ते मि ईन सिन परमेश्‍वरगी थे खोरोङ बातला “ङा थेबाताङ ङ्योम्‍बुराङ देत्‍क्‍यो। दोक खाला ङा थेबे परमेश्‍वर ओङला थेबाला ङाराङ मि ईन सिओ,” साबा ओत।

हिब्रू 12:2

दोक दोक खित्‍जीन येशूकी चुक चुक खासुङा सिन टोक मेज्‍येता खाला थेलाराङ तेइन देता फाप्‍क्‍यो। परमेश्‍वरला चुक खाला विश्‍वास खित्‍च्‍ये सिन तेन्‍ला तेरकान्‍ते थेराङ ईन। थेकी खित्‍सादुराङ ङुरूङ जुनी खाङराङ परमेश्‍वरला विश्‍वास खिन देता थुप्‍क्‍यो। स्‍यिङगी थामला टाँए खाला सेत्‍च्‍येते बात मि ङोन्‍ला आउदी मेलेबा ईन्‍सीनोङ तिरी आउदी गा खिता ङेत्‍क्‍यो सिरच्‍येते बात सेमला ज्‍यागीन मिओनगी दुक्‍पा बिन्‍दाते गाङे खपे खिन स्‍यिङगी थामला टाँए खाला स्‍याप्‍लाङ थेकी छ्याःङ ङोचा माक्‍यासुङ। थेमे थे गाल्‍गीन परमेश्‍वर देत्‍च्‍येते सिंहासन सामे छ्य्‌वापा देता ओत।

हिब्रू 8:1

था छ्येते बातचेन दिराङ ईन। च्‍यि सासीन ङुरूङते गाङे भन्‍दा छ्येते पूजारी चुक छ्ये ईन्‍दे सासीन थेनी स्‍वर्गने छ्येज्‍यीक शक्ति ओताते परमेश्‍वर देत्‍च्‍येते सिंहासन सामे छ्य्‌वापा देता ओत।

छ्या स्‍ये च्‍युताते बात 11:19

थेरूई स्‍वर्गने ओताते परमेश्‍वर मन्‍दिर गो फेत्‍सुङ। थेमे गोमा परमेश्‍वर इस्राएलीओनताङ ङ्योम्‍बु ओत सिन सम्‍झे खिताला जोबाते जमान बाकसोङ थे नाङ थोङसुङ। थेमे थेरू चिलाम खासुङ, नामज्‍योक बुराङ साच्‍याज्‍यीक ङोरो थोसुङ, नाम गाराङताङ गुरूङ खासुङ, ज्‍यीबा लाङच्‍याई सेदेर्मु गाल्‍सुङ थेमे जोदा जोदातेन्‍दे सरेङ ग्‍याप्‍सुङ।

छ्या स्‍ये च्‍युताते बात 13:6

थोगी थेकी परमेश्‍वर विरोध खिताला स्‍यूसुङ। थेकी परमेश्‍वर मिन तेन्‍गीन थे देत्‍च्‍येते ठाउँला थेमे स्‍वर्गने देत्‍कान्‍तेबा गाङेला मोताला स्‍यूसुङ।

छ्या स्‍ये च्‍युताते बात 20:10

थेमे ईन्‍सीन थोक खाला मिओनला छक्‍के खित्‍कान्‍ते शैतानला गन्‍धकताङ मे बाराते ज्‍यीबा लाङच्‍याज्‍यीक मे धुनीमा क्‍युरसुङ। थे जन्‍तु थेमे डुगी सिर च्‍युताते बात खित्‍कान्‍ते जन्‍तुलाङ गोमाका थेमाराङ क्‍युरा ओतान। था थेबा सुमबोकी ङीन नुप नोमुङ ङा स्‍वा मेङेता खाला खपेराङ खिता मुथुप्‍च्‍येते दुक्‍पा भोगे खिनराङ देता फाप्‍क्‍यो।

छ्या स्‍ये च्‍युताते बात 21:22

थेमे ङे थे सारगी नाङ परमेश्‍वर मन्‍दिर माथोङसुङ। च्‍यिला सासीन थे सारगी नाङ मन्‍दिरचेन गाङे भन्‍दा छ्येज्‍यीक शक्ति ओताते प्रभु परमेश्‍वर थेमे लुई रीउराङ ईन।

छ्या स्‍ये च्‍युताते बात 22:3

थे सारगी नाङ परमेश्‍वर सराप फापाते मेलेबा सिराते था छ्याःङ मेङगो, सुङ मेङगो। परमेश्‍वरताङ लुई रीउ देत्‍च्‍येते सिंहासन थे सारगी नाङराङ ओङगो। थेमे परमेश्‍वर काम खित्‍कान गाङेकी परमेश्‍वरला छ्ये जोइनराङ देत्‍क्‍यो।

छ्या स्‍ये च्‍युताते बात 22:5

थेरू था नुप सिराते नोमुङ मेङगो। नाम्‍दाक ओङे लाईदु थेरू बत्तीङ पोरा माफाबो, ङीमे नाम्‍दाकोङ मोगोओ। प्रभु परमेश्‍वरराङ थेबाताङ देतेकी थेराङ थेबे नाम्‍दाक ईन। था थेबेकी सधैँभरि राज्‍य खिनराङ देत्‍क्‍यो।

छ्या स्‍ये च्‍युताते बात 4:4

थेमे थे सिंहासन फेरोला खालज्‍यीकताङ स्‍यी ज्‍येनोङ सिंहासन ओतान। थे ज्‍येन ज्‍येन सिंहासन लाक्‍तुचेन मेरा खालज्‍यीकताङ स्‍यी छ्ये छ्येतेबा देता ओतान। थेबेकी खोलाक कार्मुतेन्‍दे थेमे सेरगी श्रीपेज खोन्‍दा ओतान।

छ्या स्‍ये च्‍युताते बात 4:8

थेबा स्‍यीकारते स्‍योक्‍पा ठुक ठुक ओतान। थेमे स्‍योक्‍पाओनलाङ लाक नाङ मिकराङ मिक ओतान। थेमे थेबाचेन ङीन नुप रकस्‍यिकोङ खाराक्‍पा मेदेता खाला “गाङे भन्‍दा छ्येज्‍यीक शक्ति ओताते प्रभु परमेश्‍वर, खो मेलेबा सिराते छ्याःङ मिक्‍किकान्‍ते ईन। सेमला पाप सिराते छ्याःङ मेताते खोकामा ईन। खो गोमा ओतान, थरिङोलाङ ओत थेमे तिरी तिरीसाकराङ देत्‍कान्‍तेङ खोराङ ईन,” सिनराङ देत्‍कीन ओतान।

छ्या स्‍ये च्‍युताते बात 4:9

थोक खाला थेबा स्‍यीकारगी थे सिंहासन लाक देत्‍कान्‍तेला थेते जय जय ओङस्‍यीत सिन ओतान। थेबेकी थेला मान खिन धन्‍यवाद तेरगीन ओतान। थे सिंहासन लाक देत्‍कान्‍तेचेन सधैँभरि देत्‍कान्‍ते ईन।

छ्या स्‍ये च्‍युताते बात 7:9

थेमे दि तिरी ताजीन ङे थे सिंहासनताङ थे लुई रीउ दोन्‍दु ङोला ङ्वा मुथुप्‍च्‍या मुन्‍तीसरी मि थोङसुङ। थेबेकी खोलाक कार्मुतेन्‍दे खोन्‍दा ओतान। थेमे लाःक्‍तु खजूर दोङबो हाँगा खुरा ओतान। दिबाचेन लुङबा लुङबेते, थर थरगीते, जात जातकीते थेमे खुदुक खुदुक भाषे मि ओतान।