छ्या स्‍ये च्‍युताते बात 7:10 - जिरेल

¹⁰ थेमे थेबा आउदी छेरा खाला खाला “मिला पापकी सजायदुकी डेल्‍कान्‍तेचेन सिंहासन लाक देत्‍कान्‍ते ङुरूङ परमेश्‍वर थेमे लुई रीउ ईन,” सिन ओतान।

छ्या स्‍ये च्‍युताते बात 7:10 Iomraidhean Croise

लूका 3:6

थेमे परमेश्‍वरगी पापताङ दुक्‍पादुकी चुक खाला डेल्‍च्‍या ईन्‍दाका सिन सा लुङबा खाङगी मि गाङेकी छ्या स्‍येक्‍यो,’ सिन सिओ,” सिन टिबा ओतान।

यूहन्‍ना 1:29

ङारो च्‍योक्‍ते येशूला थे खोरोङ ओत्‍सापा ओङगीन ओता थोङगीन यूहन्‍नेकी मिओनला “लो तो, परमेश्‍वरगी मि लाईदु बिन्‍दाते लुई रीउ उथेराङ ईन। सा लुङबा खाङगी मिओनगी खाबाते पापकी सजाय भोगे खाला मिओनला पापदुकी डेल्‍कान्‍तेचेन थेराङ ईन।

यूहन्‍ना 1:36

थेमे येशू थे खोरोङ दोन्‍नापेईराङ खाईन ड्वा थोङगीन थेकी “लो तो, परमेश्‍वरगी मि लाईदु बिन्‍दाते लुई रीउचेन दिराङ ईन,” सिन सिदुक।

यूहन्‍ना 4:22

ख्‍योकोन सामरीओनला खेराङगी सुला माने खिन ओते सिन छ्या मिन्‍दुक। ङ्योकोनलानी ङेराङगी सुला माने खिन ओते सिन लेमुराङ खाला छ्या ओत। च्‍यिला सासीन मिओनला पापताङ दुक्‍पादुकी डेल्‍कान्‍तेचेन यहूदी नाङदुईराङ ओङगो।

एफिसी 2:8

ख्‍योकोनगी थेला विश्‍वास खानामेई थे खोरोङ दयेकीकामा परमेश्‍वरगी ख्‍योकोनला पापकी सजायदुकी टालाते ईन। ख्‍योकोनगी खइँदा लेमु काम खाबेकी खित्‍सादु मेन्‍गीन थे खोरोङगी दोक खिता चालेकीकामा थेकी ख्‍योकोनला पापकी सजायदुकी टालाते ईन।

छ्या स्‍ये च्‍युताते बात 12:10

थेमे स्‍वर्गने कस्‍स्‍ये खाला दोक दोक सिन ओता ङे थोसुङ। च्‍यि सासीन “था ईन्‍सीन ङुरूङ परमेश्‍वरगी मिओनला पूरो खाला पापदुकी टाल्‍ला स्‍वर्गने देत ज्‍युत्‍च्‍येते काम खाईन सिन्‍दा खासुङ। थेकी थे खोरोङ छ्येज्‍यीक शक्तिकी गाङेपा गाङेला राज्‍य खिताला स्‍यूसुङ। थेकी छाने खाबाते ख्रीष्‍टकीते था गाङेपा गाङेला अधिकार लै खिओ। च्‍यिला सासीन ङीन नुप परमेश्‍वर खादु वाला ङुरूङ आज्‍यो न्‍वाला थेबानी दोक दोक गल्‍ती खित्‍कान्‍ते मिका ईन सिन सिरकान्‍ते शैतानला स्‍वर्गनेई युकीन क्‍युरा ओत।

छ्या स्‍ये च्‍युताते बात 19:1

थेमे दि तिरी ङे स्‍वर्गने आउदी काल्‍बेई मि ङोरो च्‍योकराङ कस्‍स्‍ये खाईन दोक साबा थोसुङ। थेबेकी “हल्‍लेलूयाह, मिओनला पापकी सजायदुकी डेल्‍कान्‍ते ङुरूङ परमेश्‍वरकामा ईन। थेते जय जय ओङस्‍यीत। थेत्ताङ छ्येज्‍यीक शक्ति ओत।

छ्या स्‍ये च्‍युताते बात 21:5

थेरूई थे सिंहासन लाक्‍तु देत्‍कान्‍तेकी “था ङा ओताते जति गाङे साम्‍बा जोइओ,” सिन सिदुक। थेमे थेकी ङाला “दि बातओन टि। दिबा गाङे साबाते भन्‍दा नोमुङ खुदुक मोन्‍डोच्‍येते साबा च्‍योकराङ ओङच्‍येते बात ईन,” सिदुक।

छ्या स्‍ये च्‍युताते बात 22:3

थे सारगी नाङ परमेश्‍वर सराप फापाते मेलेबा सिराते था छ्याःङ मेङगो, सुङ मेङगो। परमेश्‍वरताङ लुई रीउ देत्‍च्‍येते सिंहासन थे सारगी नाङराङ ओङगो। थेमे परमेश्‍वर काम खित्‍कान गाङेकी परमेश्‍वरला छ्ये जोइनराङ देत्‍क्‍यो।

छ्या स्‍ये च्‍युताते बात 4:6

थे सिंहासन दोन्‍नापाला सिसा च्‍योकराङ सम्‍मज्‍यीक थेमे बिल्‍लौर सिराते यु च्‍योकराङ साङलोज्‍यीक समुन्‍द्र च्‍योक ओतान। थेमे थे सिंहासन फेरोला खुदुक खुदुक स्‍वरूप खाबातेन्‍दे ङेपाक ओताते थरी स्‍यी देता ओतान। थेबेते गाङेपा मिकराङ मिककामा ओतान।

छ्या स्‍ये च्‍युताते बात 5:7

थेमे थे लुई रीउकी सिंहासन लाक्‍तु देताते दोन्‍दु गाल्‍गीन थे सामे लाःक्‍तुकी थे किताब लासुङ।