छ्या स्‍ये च्‍युताते बात 6:4 - जिरेल

⁴ थेमे ठाक च्‍योकराङ मोर्मुज्‍यीक घोडा थेरू लिच्‍युङ। थे घोडे लाक जेबा ओतातेलाचेन सा लुङबा खाङ ओताते मिओनला डिक माच्‍युत्‍ला खोपरोङ खोपरोङ नाङ थुपरीङ स्‍यिरीङ खाला सेत ज्‍युत्‍च्‍येते अधिकार बिन्‍दा ओतान। थेला लाःक्‍तु रीम्‍बुई तरवारज्‍यीगोङ बिन्‍दा ओतान।

छ्या स्‍ये च्‍युताते बात 6:4 Iomraidhean Croise

मत्ती 10:34

थेमे ख्‍योकोन ङा मिओनला डिक च्‍युत्‍ला किम्‍मु लोङाला दुरू वाबाते ईन्‍दासीन सिन मासेर। अहँ, ङानी थोक खिताला मेनगी ठाल ज्‍युतालाका वाबाते ईन।

मत्ती 24:6

ख्‍योकोनगी लुङबा लुङबाला लडाइँ ओङाते थेमे दि दि लुङबादु लडाइँ ओङगीन दुक्‍लो सिरा थोक्‍यो। थोक्‍ते बात थोजीन था च्‍यि ओङोङा, चुक ओङोङा सिन ख्‍योकोन ज्‍यीबा माकेत। थोक थोकनी ओङाराङ फाप्‍क्‍यो। ईन्‍सीनोङ थोक थोककामा ओङला दि जुग सिन्‍च्‍येते मेन।

यूहन्‍ना 19:11

थोक सिरजीन येशूकी “स्‍वर्गने ओताते परमेश्‍वरगी ङाला दोक खि सिन खोल्‍ला अधिकार बिन्‍देकी खित्‍सादुकामा खुई ङे न्‍याय खिता ङेताते ईन। ङाला खुई लाःक्‍तु सोम्‍पे खित्‍कान्‍ते मिकी झन आउदी पाप खाबाते ईन,” सिन सिदुक।

छ्या स्‍ये च्‍युताते बात 12:3

लोईन नामने ज्‍येनज्‍यीक अचम्‍बे जाज्‍यीक थेन्‍सुङ। थेचेन आउदी जोदाई मोर्मुज्‍यीक डुक ओतान। थेते गोः दुईनताङ रोज्‍यो च्‍युताम्‍बा ओतान। थेकी गोः रेरेला श्रीपेज रेरे खोन्‍दा ओतान।

छ्या स्‍ये च्‍युताते बात 13:10

चुक सासीन परमेश्‍वर सन्‍तान नाङ सुइँदा जेलला ड्वा फाप्‍च्‍या ओत्‍सीन थे पक्‍काराङ जेलला डुइओ। थेमे तरवारगी तुप्‍ला सेत्‍च्‍या दुक सासीन थेला तरवारगीराङ तुप्‍ला सेत्‍क्‍यो। दोक ओङसीनोङ परमेश्‍वर सन्‍तानओनगी सेम मेसेता खाला दुक्‍पा खपे खिन देता फाप्‍क्‍यो, येशूला विश्‍वास खिन देता तोङा मेङगो।

छ्या स्‍ये च्‍युताते बात 17:3

थेरूई परमेश्‍वर आत्‍मेकी जुम जुम्‍बालाराङ थे परमेश्‍वर दूतकी ङाला काल्‍बा च्‍योक ठाःकताङ बालुवाकामा ओत्‍से नाङला खेरसुङ। थेरू ङे मोर्मुज्‍यीक जन्‍तु लाक्‍तु जेकीन देताते फेम्‍मे मिज्‍यीकला थोङसुङ। थे जन्‍तुते गोः दुईनताङ रोज्‍यो च्‍युताम्‍बा ओतान। थेमे थेते जीउ खाङ परमेश्‍वर विरोध खित्‍च्‍येते खुदुक खुदुक मिनकामा टिबा ओतान।

छ्या स्‍ये च्‍युताते बात 17:6

थे फेम्‍मे मिचेन परमेश्‍वर सन्‍तानओनला सेत्‍कीन थेबे ठाक थुकीन जा ओतान। थेबाचेन जति दुक्‍पा ओङजीनोङ येशू ख्रीष्‍ट सु ईन्‍दे, थेकी च्‍यि खिते सिन लोप्‍कीनराङ देत्‍कान्‍ते मि ओतान। थे फेम्‍मे मिला थोङजीन ङाला आउदी अचम्‍ब लासुङ।