छ्या स्ये च्युताते बात 6:2 - जिरेल2 थेमे ताजीन ङे घोडा कार्मुज्यीक थेरू ओङा थोङसुङ। थे घोडे लाक जेबा ओतातेकी लाःक्तु दा ज्यु खुरा ओतान। थेमे थेला श्रीपेजज्यीक बिन्सुङ। थे गाङेला ग्याल्कान्ते ईन्देकी थेकी गाङेपा गाङेला ग्याल्सुङ। Faic an caibideil |
छ्या स्ये च्युताते बात 6:2
22 Iomraidhean Croise
लुङबा लुङबे मि खोत्ताङ स्येदाङ खासुङ। थाचेन खुई स्येदाङगी चूर गाल्ला सजाय तेरच्येते थेमे स्याप्ते मिओन न्याय खित्च्येते बेला लेप्सुङ। था परमेश्वर खुई काम खिन खोरोङ बात खित्कान्ते मिओन, खोरोङ सन्तान थेमे ज्येनोङ खोल्ला मान खित्कान्ते छ्ये टेक्टे मि गाङेला खोरोङगी तेरच्येते इनाम तेरच्ये बेला लेप्सुङ। थेमे दि सा लुङबाला मेलेबा जोला नाश तोङकान्ते मिओनला सजाय बिन्ला सेत्च्ये बेलाङ लेप्सुङ,” सिन सासुङ।
थे दूतओनला थोङनामेई लोक्ला ङे मे ज्वाला स्येबाज्यीक सिसा च्योकराङ टल्के खित्च्याज्यीक समुन्द्र च्योकस्यिक थोङसुङ। थेमे ङे थे समुन्द्रे छेउदुराङ लाकीन देताते मिओन थोङसुङ। थेबाचेन होथे जन्तुला ग्याल्गीन वाबा ओतान। थेबेई नोमुङ थे जन्तुताङ थे मूर्तिला माने माक्याकीन थेमे थे मि ईन सिन थे मिनगी नम्बर छाप देक माच्युत्कीन थे जन्तुताङ थे मूर्तिला ग्याला थुपा ओतान। थेबेकी परमेश्वरगी बिन्दाते वीणा सिराते बाजाओन लाःक्तु खुरा ओतान।
थेबा गाङेराङ ङ्योम्बुराङ डिक्ला लुई रीउताङ लडाइँ खिओ। लडाइँ खित्जीन लुई रीउकी थेबाला ग्याल्ग्यो। च्यिला सासीन लुई रीउचेन गाङे छ्येतेबेतेङ छ्येते थेमे गेल्बोओनतेङ गेल्बो ईन। परमेश्वरगी थे खोरोङ दोन्दु स्योक सिन काताङाते मिओनचेन लुई रीउताङ ङ्योम्बु देत्क्यो। थेबाचेन परमेश्वरगी छाने खाबाते थेमे जस्तो ओङसीनोङ थेला विश्वास खिन देत्कान्ते मिओन ईन,” सिन सिदुक।
Sanasan