छ्या स्‍ये च्‍युताते बात 6:17 - जिरेल

¹⁷ च्‍यिला सासीन था थेबेकी स्‍येदाङगी चूर गाल्‍ला सजाय तेरच्‍येते दिन लेप्‍सुङ। थेबे दोन्‍दुकी था सुचेन थारा थुप्‍कीतेरो? था सुङ मि थारा मुथुबो,” सिन सासुङ।

छ्या स्‍ये च्‍युताते बात 6:17 Iomraidhean Croise

लूका 21:36

थोगी च्‍याङबो खाला देत। थेमे थोक थोक ज्‍यीबा लाङच्‍या दुक्‍पा ओङजीन ङाला विश्‍वास खिन थे दुक्‍पा खपे खिता थुप्‍स्‍यीत थेमे परमेश्‍वर ओत्‍सादुई वाबाते मि ङा ग्‍युरगीन वानामेई सजाय ङेत्‍कीता सिन छ्याःङ ज्‍यीबा मिक्‍किता खाला थे दोन्‍दु देता ङेत्‍स्‍यीत सिन प्रार्थना खिनराङ देत,” सिन सिदुक।

रोमी 2:5

परमेश्‍वरगी दोक दया खासीनोङ थेकी साबाते मेङेन्‍दा खाईन ख्‍योकोन डेब्रो खाईन देत्‍ला दुक। थेमे मेलेबाते काम खिताङ ताङा मिन्‍दुक। दोक खिन देता ओतेकी था तिरी परमेश्‍वरगी स्‍येदाङगी चूर गाल्‍ला सुङलाङ काका पाका मिक्‍किता खाला न्‍याय खिता छोमु ख्‍योकोनगी झन छ्येज्‍यीक सजाय ङेत्‍क्‍यो।

यहूदा 1:6

थेमे परमेश्‍वरगी मान बिन्‍गीन ज्‍याक्‍पाते ठाउँदु मेदेता खाला दाक्‍पोन खुशीला ख्‍याम्‍कान्‍ते थे खोरोङ दूतओनलाङ थेकी नोमुङ ठोला मुथुप्‍च्‍या खाईन साङलोकी ठाकीन मि गाङे न्‍याय खित्‍च्‍येते दिन मालेपथुप नरककुण्‍डमा गाङे भन्‍दा मुन्‍दाकते ठाउँनामा लुगीन ज्‍याक्‍पा ओत।

छ्या स्‍ये च्‍युताते बात 11:18

लुङबा लुङबे मि खोत्ताङ स्‍येदाङ खासुङ। थाचेन खुई स्‍येदाङगी चूर गाल्‍ला सजाय तेरच्‍येते थेमे स्‍याप्‍ते मिओन न्‍याय खित्‍च्‍येते बेला लेप्‍सुङ। था परमेश्‍वर खुई काम खिन खोरोङ बात खित्‍कान्‍ते मिओन, खोरोङ सन्‍तान थेमे ज्‍येनोङ खोल्‍ला मान खित्‍कान्‍ते छ्ये टेक्‍टे मि गाङेला खोरोङगी तेरच्‍येते इनाम तेरच्‍ये बेला लेप्‍सुङ। थेमे दि सा लुङबाला मेलेबा जोला नाश तोङकान्‍ते मिओनला सजाय बिन्‍ला सेत्‍च्‍ये बेलाङ लेप्‍सुङ,” सिन सासुङ।

छ्या स्‍ये च्‍युताते बात 16:14

थे ल्‍हन्‍डीक सुमबोचेन शैतान छ्य्‌वापेकी अचम्‍ब अचम्‍बते काम खाला तेन्‍कान्‍ते ल्‍हन्‍डीक ईन। थेबा सुमबोकी गाङे भन्‍दा छ्येज्‍यीक शक्ति ओताते परमेश्‍वरगी तोके खाबाते छ्येते दिनगी छोमु परमेश्‍वरताङ लडाइँ खिताला सा लुङबा खाङ ओताते गेल्‍बोओनला ठाउँज्‍यीकराङ जम्‍मा खित्‍च्‍येते कामोङ खिओ।