छ्या स्‍ये च्‍युताते बात 6:16 - जिरेल

¹⁶ थेमे थेबेकी बोमताङ ठाःकला बात खिन “ए ख्‍योकोन राम्‍ला वाला ङ्योकोनला उप्‍ला थे सिंहासन लाक देत्‍कान्‍ते मिगी दोन्‍दुकी थेमे थे लुई रीउकी स्‍येदाङगी चूर गाल्‍ला तेरच्‍येते सजायदुकी इप।

छ्या स्‍ये च्‍युताते बात 6:16 Iomraidhean Croise

मत्ती 26:64

थेमे येशूकी “ईन, ङा खुई साबाच्‍योक थेराङ ईन। था ङा ख्‍योकोन गाङेला च्‍यि सिते सासीन थानामेकीचेन ख्‍योकोनगी परमेश्‍वर ओत्‍सादुई वाबाते मि ङाला छ्येज्‍यीक शक्ति ओताते परमेश्‍वर सामे छ्य्‌वापा देताते थेमे था तिरी स्‍वर्गनेकी मुक्‍पे लाक्‍तु देत्‍ला दुरू ग्‍युरगीन वाबातेङ थोङगो,” सिन सिदुक।

मर्कूस 3:5

थेबा थोक खाईन छ्याःङ मिसिरा खाईन देता थोङजीन थेला स्‍येदाङ लासुङ। थेमे थेबाला रकस्‍यिक ताकीन देत्‍सुङ। थेला सेमला दुक्‍पाङ लासुङ। च्‍यिला सासीन दया माया सिराते थेबे सेमला छ्याःङ मेतान, परमेश्‍वर बात ङेन्‍च्‍ये सेमोङ मेतान। थेमे थेकी थे लाक्‍पा काम्‍बाते मिला “खुईते लाक्‍पा स्‍योङते,” सिन सिदुक। थे मिकीङ लाक्‍पा स्‍योङजीन लेमु खाला चले खिता थुप्‍च्‍या गाल्‍सुङ।

लूका 23:30

थे बेलाला मिओनला आउदी दुक्‍पा ओङला थेबेकी ‘बरू दि ठाःकताङ बोमओनराङ राम्‍गीन वाकीन ङ्योकोनला उप्‍कीन सेत्‍सीनोङ ओङच्‍या ओतान,’ सिओ।

छ्या स्‍ये च्‍युताते बात 10:6

थेमे थेकी स्‍वर्ग, पृथ्‍वी थेमे समुन्‍द्रताङ दिबे नाङ ओताते जति गाङे जोकान्‍ते सधैँभरि सोन्‍ला देत्‍कान्‍ते परमेश्‍वर मिन लाकीन दोक सिनकामा ना क्‍याल्‍सुङ। थेकी “था ईन्‍सीन समय छाङसुङ।

छ्या स्‍ये च्‍युताते बात 19:15

थे गोमे घोडा कार्मुते लाक जेबा ओताते खानामेकीचेन लुङबा लुङबे मिला थुपाला आउदी नोम्‍बोई तरवार थेन्‍दा ओतान। लुङबा लुङबे मिला आउदी कडा खाला राज्‍य खित्‍कान्‍ते थेराङ ईन। रस छिराला कोलदु लुक्‍पाते अंगूरला काम्‍बेकी फाच्‍यार फुच्‍युर ङेन्‍दा च्‍योकराङ खाला गाङे भन्‍दा छ्येज्‍यीक शक्ति ओताते परमेश्‍वरगी स्‍येदाङगी चूर गाल्‍ला तेरच्‍येते सजाय तेरकान्‍ते थेराङ ईन।

छ्या स्‍ये च्‍युताते बात 20:11

थेरूई तिरी ङे कार्मुज्‍यीक जोदाई सिंहासनताङ थे लाक देत्‍कान्‍तेला थोङसुङ। थे मिगी दोन्‍दुकी साताङ नाम दाक तोरसुङ। थेमे साताङ नाम याङराङ खापाङ माथोङसुङ।

छ्या स्‍ये च्‍युताते बात 4:2

थेमे परमेश्‍वर आत्‍मेकी ङाला दाक जुम्‍सुङ। थेमे ङे स्‍वर्गने सिंहासनज्‍यीकताङ थे लाक्‍तु देत्‍कान्‍तेला थोङसुङ।

छ्या स्‍ये च्‍युताते बात 4:5

किल्‍दु ओताते सिंहासनदुकीचेन चिलाम खिन ओतान, नामज्‍योक बुराङ साच्‍याज्‍यीक ङोरो थोकीन ओतान, नामोङ गुरूङ खिन ओतान थेमे थे सिंहासन दोन्‍दुराङ मे राँको च्‍योक खाईन बाराते नाम्‍दाक दुईन ओतान। थे नाम्‍दाकचेन परमेश्‍वर आत्‍मा दुईनबो ईन।

छ्या स्‍ये च्‍युताते बात 4:9

थोक खाला थेबा स्‍यीकारगी थे सिंहासन लाक देत्‍कान्‍तेला थेते जय जय ओङस्‍यीत सिन ओतान। थेबेकी थेला मान खिन धन्‍यवाद तेरगीन ओतान। थे सिंहासन लाक देत्‍कान्‍तेचेन सधैँभरि देत्‍कान्‍ते ईन।

छ्या स्‍ये च्‍युताते बात 5:1

थेमे ङे थे सिंहासन लाक देता ओत्‍कान्‍तेकी ठीलाते स्‍यिउज्‍यीक सामे लाःक्‍तु खुरा ओता थोङसुङ। थे स्‍यिउला लाक नाङ पट्टि ङिकारपा टिबा ओतान। थेमे थे स्‍यिउला छाप दुईन ग्‍यापा ओतान।

छ्या स्‍ये च्‍युताते बात 6:10

थेबाचेन छेरा खिनकामा “प्रभु परमेश्‍वर, खो सेमला पाप सिराते छ्याःङ मेताते थेमे खिओ साबा च्‍योकराङ खित्‍कान्‍ते ईन। थोरूमोङ खो नामसाक सा लुङबे मिओन न्‍याय मिक्‍किते? ङ्योकोनला सेताते सजाय थेबाला नाम तेरच्‍ये?” सिन ओतान।

छ्या स्‍ये च्‍युताते बात 9:6

दावा ङासाक दोक खाला खपे खिता मुथुप्‍च्‍ये दुक्‍पा ओङजीन थे मिओन स्‍याप छोल्‍ग्‍यो। ईन्‍सीनोङ स्‍या मेङेदो। थेबा स्‍यिसीनोङ ओङच्‍या ओतान सिराच्‍योक खाला काल गुला देत्‍क्‍यो। ईन्‍सीनोङ थेबे काल माछाङो।