छ्या स्‍ये च्‍युताते बात 6:12 - जिरेल

¹² थे लुई रीउकी पालो ठुगी बाजि छाप लोक्‍पातेङ ङे थोङसुङ। थेमे थेरू आउदी ज्‍यीबा लाङच्‍याज्‍यीक सेदेर्मु गाल्‍सुङ। थेमे ङीमाचेन नाक्‍पोते फालगी खोलाक च्‍योकराङ नाक्‍पो दिङी गाल्‍सुङ। थोकराङ खाईन दागारचेन ठाक च्‍योकराङ मोर्मु गाल्‍सुङ।

छ्या स्‍ये च्‍युताते बात 6:12 Iomraidhean Croise

मत्ती 11:21

चुक सासीन “खोराजीनताङ बेथसेदादु मिवे, ख्‍योकोनला था आउदी मेलेबा ओङगो। ङे ख्‍योकोन नाङ खाबाते अचम्‍बते कामतेबा टायरताङ सीदोन सारगी मि नाङ खाबा ईन्‍सीन थेबेकी खोपरोङ पापी दुका सिन छ्या स्‍येला भाङ्‌रे खोलाक खोन्‍ला खोपरोङ गोःला थाला कोन्‍ला खित्‍च्‍या ओतान। दोक खाला थेबा परमेश्‍वर छ्य्‌वापा लै खित्‍च्‍या ओतान।

मत्ती 24:29

थेमे थे दुक्‍पे समय सिन्‍दाईताङ चुक ओङगीते सासीन ङीमे नाम्‍दाक तोरला ङीमा नाक्‍पो डुइओ। दागार मास्‍यारो, नामगी कार्मातेबा गाङे नामनेकी ङील्‍ग्‍यो। दोक खाला नामने ओतातेबरी जेसुकै खराप खुरूप नाश डुइओ।

मत्ती 24:7

थेजीन जात जातकी मि जीङगो, लुङबा लुङबे गेल्‍बोओन नाङदुङ लडाइँ ओङगो थेमे ठाउँ ठाउँला छ्ये छ्ये अनिकाल लाङगो, सेदेर्मु डुइओ।

मत्ती 27:45

थेमे ङीम्‍मु बाह्र बजेमेकी तीन बजेसाक लुङबा खाङ मुन्‍दाक जिङी गाल्‍सुङ।

मत्ती 27:54

येशू स्‍यिजीनसाक थेला स्‍युङाला देत्‍कान्‍ते मिल्‍टेरी क्‍याप्‍टेनताङ मिल्‍टेरीओनगी सेदेर्मु गालाते थेमे थेरू ओङाते ज्‍येन ज्‍येनोङ बात थोङगीन आते खिन “दिनी साँच्‍चीराङ परमेश्‍वर फुज्‍युङराङ दुका,” सिन सिदुक।

मत्ती 28:2

थेमे थेरू चुक ओङसुङा सासीन स्‍वर्गनेकी प्रभु परमेश्‍वर दूतज्‍यीक लिच्‍युङ। वाकीन थेकी थे फुगी गोनापा ज्‍याक्‍पाते दो थेरूई पल्‍टे खाईन च्‍याकीन थे लाक्‍तु देत्‍सुङ। थे थोक खाला ओङजीन थेरू ज्‍यीबा लाङच्‍याई सेदेर्मु गाला ओतान।

मर्कूस 15:33

थेमे ङीम्‍मु बाह्र बजेमेकी तीन बजेसाक लुङबा खाङ मुन्‍दाक जिङी गाल्‍सुङ।

छ्या स्‍ये च्‍युताते बात 11:13

थेबा थोक खाला ड्वापज्‍यीकताङ आउदी ज्‍यीबा लाङच्‍याई सेदेर्मु गाल्‍सुङ। थेमे थे जोदाते सारगीते खण्‍ड च्‍युताम्‍बे नाङ खण्‍डज्‍यीक गाङे राम्‍सुङ। हजार दुईन मिङ स्‍यिसुङ। थेरू थोक ओङजीन थाराते मि गाङेराङ आउदी खाईन ज्‍यीबा खासुङ। थेमे थेबेकी स्‍वर्गने देत्‍कान्‍ते परमेश्‍वरराङ छ्ये ईन सिन थेला छ्ये जोसुङ।

छ्या स्‍ये च्‍युताते बात 16:18

थेमे थेरू चिलाम खासुङ। नामज्‍योक बुराङ साच्‍याज्‍यीक ङोरो थोसुङ। नाम गाराङताङ गुरूङ खासुङ। थेमे आउदी ज्‍यीबा लाङच्‍याज्‍यीक सेदेर्मु गाल्‍गीन गाङे सा नामराङ लीक्‍सुङ। दोक ज्‍यीबा लाङच्‍याज्‍यीक सेदेर्मुनी दि सा लुङबादु मि जोबा छुरला नोमुङ गाला मेतान।

छ्या स्‍ये च्‍युताते बात 16:8

थेमे पालो स्‍यी बाजि दूतकी थे खोरोङगी खुराते कचौरा ङीमे लाक पुसुङ। थोक खानामेई मिला छिक्‍स्‍यीत सिन ङीमा आउदी छिक्‍च्‍या गाल्‍सुङ।

छ्या स्‍ये च्‍युताते बात 8:12

दि तिरी पालो स्‍यी बाजि दूतकी बिकुल फुत्‍जीनचेन दागार, ङीमाताङ कार्मेते खण्‍ड सुम नाङ खण्‍डज्‍यीक नाक्‍पो गाल्‍सुङ। दोक ओङगीन दागार, ङीमाताङ कार्मेते खण्‍ड सुम नाङ खण्‍डज्‍यीक नाम्‍दाकराङ तोरगीन खण्‍ड सुम ङीनला खण्‍डज्‍यीक ङीन मुन्‍दाक जिङी गाल्‍सुङ। थोकराङ खाईन खण्‍ड सुम नुपला खण्‍डज्‍यीक नुप मुन्‍दाक जिङी गाल्‍सुङ।

छ्या स्‍ये च्‍युताते बात 8:5

थेमे थे दूतकी होथे थानदु मे मेल्‍ताककी दोबोन्‍डा काङगीन पृथ्‍वीमा युक युकीन क्‍युरसुङ। थोक खानामेई नाम गाराङताङ गुरूङ खासुङ, नामज्‍योक बुराङ साच्‍याज्‍यीक ङोरो थोसुङ, चिलाम खासुङ थेमे सेदेर्मुङ गाल्‍सुङ।