छ्या स्‍ये च्‍युताते बात 6:11 - जिरेल

¹¹ थेमे थेबा गाङेला खोन्‍दाला कार्मुते खोलाक रेरे तेरगीनकामा “खेराङ च्‍योकराङ परमेश्‍वर काम खित्‍कान्‍ते थोरूम सेता बाँकी ओताते खेराङ आज्‍यो न्‍वालाङ ख्‍योकोनला च्‍योकराङ खाईन सेत्‍कीन मासिनथुप टिक्‍पी दिन गुकीन खि,” सिन सिदुक।

छ्या स्‍ये च्‍युताते बात 6:11 Iomraidhean Croise

मत्ती 10:21

थेमे मिओनगी दिङ येशूला विश्‍वास खित्‍कान्‍ते ईन सिन छ्ये छ्ये मिला लाःप्‍ला दाक्‍पोन आज्‍यो न्‍वालाराङ सेत ज्‍युत्‍क्‍यो। आज्‍यो न्‍वाकी नाङदुकामा मेन, आबातेकी फुज्‍युङ फुमुला सेत ज्‍युत्‍क्‍यो। थोकराङ खाला फुज्‍युङ फुमुतेबेकीङ आबा आमातेबाला विरोध खाला सेत ज्‍युत्‍क्‍यो।

लूका 15:22

तर आबातेकीचेन थे खोरोङ खाम्‍बादु काम खित्‍कान्‍ते मिओनला काताङगीन ‘लो ख्‍योकोनगी छिटो छिटो दिला लेमु लेमु खोलाक खुलाला कोन्‍ला बिन। लाक्‍पाला सुङकुमाताङ काम्‍बाला काचापोङ कोन्‍ला बिन।

यूहन्‍ना 16:2

था खेराङ छ्ये छ्ये मिकी ख्‍योकोनला मिटिङ खित्‍च्‍येते खाम्‍बादु ओङा मेङेत्‍च्‍या खाला तेन्‍ला तोङगो। सिइ सासीन दोक्‍ते बेलाङ ओङगो। चुक सासीन ख्‍योकोनला सेत्‍कान्‍ते मिकीनी परमेश्‍वरला मन परे खित्‍च्‍येते कामका खिन ओत सिन विचार खिओ।

शक्ति काम 20:24

थोक दुक्‍पा ओङजीन स्‍याराङ फाप्‍सीनोङ ङाला छ्याःङ ज्‍यीबा मेत। ङाराङ सोन सोनसाक ङे खिता फाप्‍च्‍येते कामचेन परमेश्‍वरगी मिओनला दया खिओ सिरच्‍येते गा लाङच्‍येते बात गाङेला लोप्‍च्‍येते ईन। थोक खाला प्रभु येशूकी खि साबाते काम ङे पूरो खिताराङ फाप्‍क्‍यो।

२ थिस्‍सलोनिकी 1:7

थरिङोला दुक्‍पा भोगे खिन ओताते ख्‍योकोनलाचेन ङ्योकोनताङराङ था तिरी थेकी गाङे पीरताङ दुक्‍पादुकी टाल्‍ला लेमु खिओ। था चुक ओङगीते सासीन प्रभु येशू छ्येज्‍यीक शक्ति ओताते थे खोरोङ दूतओनताङ ज्‍यीबा लाङच्‍या मे ज्‍वाले नाङ देत्‍ला गाङेकी थोङच्‍या खाला स्‍वर्गनेकी ग्‍युरला वाला

२ तिमोथी 4:7

दुक्‍पा किम्‍मु जस्‍तो ओङजीनोङ ङे ङाराङ काम लेमु खाईन खाबा ओत, बत्ते खित्‍कान्‍ते मि ख्‍योला फाप्‍सासाक लेपाच्‍योक खाईन ङेङ ङाराङगी खिता फाप्‍च्‍येते काम गाङे खाईन सिन्‍दा खाबा ओत। थेमे येशू ख्रीष्‍टला विश्‍वास खाईन ङेन्‍दाते बात ङे जुनी खाङ ङेन्‍गीनराङ देताप।

हिब्रू 11:40

थेबे पालोलाराङ थे पूरो माक्‍याबातेचेन थेकी ङुरूङ लाईदु झन लेमुज्‍यीक काम खिताला ठीक खाबा ओतान। च्‍यिला सासीन ङुरूङ लाईदु खिताला ठीक खाबाते कामगी छ्य्‌वापेईराङ थेकी थेबालाङ ङुरूङलाङ पालोईला पूरो खाला पापदुकी टाल्‍ला थे खोरोङ दोन्‍दु ड्वा ङेत्‍कान ज्‍वा चाला ओतान।

हिब्रू 12:23

येशू ख्रीष्‍ट मिओन ओङेकी छ्येते फुज्‍युङगी ङेत्‍च्‍येते हक ङेत्‍कान्‍ते मिओनोङ थेरूराङ ओत। स्‍वर्गदु थेबा गाङे मिन टिबा ओत। मि गाङेते न्‍याय खित्‍कान्‍ते परमेश्‍वर थेरूराङ ओत। परमेश्‍वरगी पूरो खाईन पापदुकी टाल्‍गीन थेकी खि साबा च्‍योकराङ खित्‍कान्‍ते स्‍यिइन सिन्‍दाते मिओनोङ थेरूराङ ओत।

हिब्रू 4:10

थे खोरोङगी ज्‍वा फाप्‍च्‍येते गाङे जोकीन सिन्‍नामेई ङीमा दुईनगी छोमुचेन परमेश्‍वर दोक्‍ते जोच्‍येते छ्याःङ काम मिक्‍किता खाईन देता ओतान। थेकी देत ज्‍युता चालाच्‍योक खाईन ढुक्‍क खाईन देत च्‍युताते मिकीङ था थे खोरोङगी खिता फाप्‍च्‍येते काम जति खाईन सिन्‍गीन ङा सोबाच्‍योक खाला देता ङेत्‍क्‍यो।

छ्या स्‍ये च्‍युताते बात 10:6

थेमे थेकी स्‍वर्ग, पृथ्‍वी थेमे समुन्‍द्रताङ दिबे नाङ ओताते जति गाङे जोकान्‍ते सधैँभरि सोन्‍ला देत्‍कान्‍ते परमेश्‍वर मिन लाकीन दोक सिनकामा ना क्‍याल्‍सुङ। थेकी “था ईन्‍सीन समय छाङसुङ।

छ्या स्‍ये च्‍युताते बात 13:15

थे मूर्ति जोनामेई थेला ङेपाक लुच्‍येते शक्ति होदि तिरी जन्‍तुला बिन्‍दा ओतान। थेकी ङेपाक लुक्‍नामेई थे गोमे जन्‍तु मूर्तिकी बात खिताला स्‍यूसुङ। थेमे थे खोरोङला मान खाला छ्ये मोजोओ सिरकान गाङेला सेत च्‍युत्‍सुङ।

छ्या स्‍ये च्‍युताते बात 14:13

थेमे दि तिरी स्‍वर्गनेकी “लो दि बात टि। थानामेकी उसो प्रभु येशूला विश्‍वास खिन खिनला स्‍यिकान्‍ते मिओन भाग्‍यमानी ईन,” सिन सिरा ङे थोसुङ। थेमे परमेश्‍वर आत्‍मेकी “ईन, साँच्‍चीराङ दोकराङ ईन। था थेबेकी पीरताङ दुक्‍पे छ्य्‌वापेई ठाल्‍ला ढुक्‍क खाला देता ङेत्‍क्‍यो। पीरताङ दुक्‍पालाङ लेमु काम खिनराङ देतेकी था थेबाला लेमु ओङगो,” सिन सिदुक।

छ्या स्‍ये च्‍युताते बात 17:6

थे फेम्‍मे मिचेन परमेश्‍वर सन्‍तानओनला सेत्‍कीन थेबे ठाक थुकीन जा ओतान। थेबाचेन जति दुक्‍पा ओङजीनोङ येशू ख्रीष्‍ट सु ईन्‍दे, थेकी च्‍यि खिते सिन लोप्‍कीनराङ देत्‍कान्‍ते मि ओतान। थे फेम्‍मे मिला थोङजीन ङाला आउदी अचम्‍ब लासुङ।

छ्या स्‍ये च्‍युताते बात 7:14

ङे थेला “दिबा सु ईन्‍दे सिन हजूर खोल्‍लाराङ छ्या ओत,” सिन सिरजीन थेकी “दिबाचेन आउदी छ्ये छ्ये दुक्‍पा खपे खाईन वाबाते मि ईन। दिबेकी खोपरोङ खोलाक लुई रीउकी ठाकला टुकीन दोक कार्मु जोबाते ईन।

छ्या स्‍ये च्‍युताते बात 7:9

थेमे दि तिरी ताजीन ङे थे सिंहासनताङ थे लुई रीउ दोन्‍दु ङोला ङ्वा मुथुप्‍च्‍या मुन्‍तीसरी मि थोङसुङ। थेबेकी खोलाक कार्मुतेन्‍दे खोन्‍दा ओतान। थेमे लाःक्‍तु खजूर दोङबो हाँगा खुरा ओतान। दिबाचेन लुङबा लुङबेते, थर थरगीते, जात जातकीते थेमे खुदुक खुदुक भाषे मि ओतान।