छ्या स्‍ये च्‍युताते बात 6:1 - जिरेल

¹ थेरूई थे लुई रीउकी थे छाप दुईनगी नाङ गाङे भन्‍दा गोमे छाप लोक्‍पाते ङे थोङसुङ। थेमे थे ङेपाक ओताते थरी स्‍यीबो नाङ दोक्‍पोईकी नाम गुरूङ खिताच्‍योक खाईन ङोरो तेन्‍गीन “लो स्‍योक,” सिन सिरा ङे थोसुङ।

छ्या स्‍ये च्‍युताते बात 6:1 Iomraidhean Croise

यूहन्‍ना 1:29

ङारो च्‍योक्‍ते येशूला थे खोरोङ ओत्‍सापा ओङगीन ओता थोङगीन यूहन्‍नेकी मिओनला “लो तो, परमेश्‍वरगी मि लाईदु बिन्‍दाते लुई रीउ उथेराङ ईन। सा लुङबा खाङगी मिओनगी खाबाते पापकी सजाय भोगे खाला मिओनला पापदुकी डेल्‍कान्‍तेचेन थेराङ ईन।

शक्ति काम 4:20

ङ्योकोननी ङेराङगी थोङातेताङ थोबाते बात मिओनला मोलोपा खाला खाराक्‍पा देताराङ मुथुबो,” सिन सिदुक।

छ्या स्‍ये च्‍युताते बात 11:19

थेरूई स्‍वर्गने ओताते परमेश्‍वर मन्‍दिर गो फेत्‍सुङ। थेमे गोमा परमेश्‍वर इस्राएलीओनताङ ङ्योम्‍बु ओत सिन सम्‍झे खिताला जोबाते जमान बाकसोङ थे नाङ थोङसुङ। थेमे थेरू चिलाम खासुङ, नामज्‍योक बुराङ साच्‍याज्‍यीक ङोरो थोसुङ, नाम गाराङताङ गुरूङ खासुङ, ज्‍यीबा लाङच्‍याई सेदेर्मु गाल्‍सुङ थेमे जोदा जोदातेन्‍दे सरेङ ग्‍याप्‍सुङ।

छ्या स्‍ये च्‍युताते बात 13:8

थेमे दि सा लुङबे मि गाङेकी थे जन्‍तुला मान खाला छ्ये जोइओ। खालि दि सा नाम ज्‍वा भन्‍दा गोमाराङ नोमुङ मिसिन्‍च्‍येते जुनी ङेत्‍कान्‍ते मिओन मिन टिबाते किताब नाङ खोपरोङ मिन ओताते मिओनगीकामा थे जन्‍तुला मान खाला छ्ये मोजोओ। थे मिन टिबाते किताबचेन लुई रीउते ईन।

छ्या स्‍ये च्‍युताते बात 14:2

थेमे स्‍वर्गनेकी छ्युई छहरे स्‍य्‌वाँरा च्‍योक थेमे नामज्‍योक बुराङ साच्‍या खाईन नाम गुरूङ खाबाच्‍योक ङे थोसुङ। थे ङोरोचेन आउदी काल्‍बेई वीणा सिराते बाजा दुबाते ङोरो च्‍योक ओतान।

छ्या स्‍ये च्‍युताते बात 19:6

दि तिरीङ ङे आउदी काल्‍बेई मिकी छेरा खाबाते ङोरो च्‍योक थोबा ओतान। थे ङोरोचेन छ्युई छहरे स्‍य्‌वाँरा च्‍योक थेमे नामज्‍योक बुराङ साच्‍या खाईन नाम गाराङताङ गुरूङ खाबाच्‍योक ओतान। थेबेकी “हल्‍लेलूयाह, गाङे भन्‍दा छ्येज्‍यीक शक्ति ओताते ङुरूङ प्रभु परमेश्‍वरगी था पूरो खाला दि सा लुङबा खाङ राज्‍य खिओ।

छ्या स्‍ये च्‍युताते बात 4:8

थेबा स्‍यीकारते स्‍योक्‍पा ठुक ठुक ओतान। थेमे स्‍योक्‍पाओनलाङ लाक नाङ मिकराङ मिक ओतान। थेमे थेबाचेन ङीन नुप रकस्‍यिकोङ खाराक्‍पा मेदेता खाला “गाङे भन्‍दा छ्येज्‍यीक शक्ति ओताते प्रभु परमेश्‍वर, खो मेलेबा सिराते छ्याःङ मिक्‍किकान्‍ते ईन। सेमला पाप सिराते छ्याःङ मेताते खोकामा ईन। खो गोमा ओतान, थरिङोलाङ ओत थेमे तिरी तिरीसाकराङ देत्‍कान्‍तेङ खोराङ ईन,” सिनराङ देत्‍कीन ओतान।

छ्या स्‍ये च्‍युताते बात 5:1

थेमे ङे थे सिंहासन लाक देता ओत्‍कान्‍तेकी ठीलाते स्‍यिउज्‍यीक सामे लाःक्‍तु खुरा ओता थोङसुङ। थे स्‍यिउला लाक नाङ पट्टि ङिकारपा टिबा ओतान। थेमे थे स्‍यिउला छाप दुईन ग्‍यापा ओतान।

छ्या स्‍ये च्‍युताते बात 5:12

थेमे थेबा गाङेराङ “बाजिई सेताते लुई रीउताङ छ्येज्‍यीक शक्ति ओत। सा लुङबा खाङ ओताते सम्‍पत्ति गाङे थेतेराङ ईन। थे जस्‍तो बादोङ छ्या स्‍येकान्‍ते ईन। थेकी जस्‍तो कामोङ खिता थुप्‍क्‍यो। थेला मान खिता सोई खिओ। थेते जय जय ओङस्‍यीत। थेला छ्ये ज्‍वा फाप्‍क्‍यो,” सिन आउदी कस्‍स्‍ये खाला लु लिन्‍गीन ओतान।

छ्या स्‍ये च्‍युताते बात 5:8

थेकी थे किताब लानामेई थे ङेपाक ओताते थरी स्‍यीकारताङ थे मेरा खालज्‍यीकताङ स्‍यीबो छ्ये छ्येतेबा गाङेकी थेला गुर्बु खाईन से खासुङ। थेबा गाङे लाःक्‍तु वीणा सिराते बाजा रेरेताङ धूपकी खाङाते सेरगी कचौरा रेरे ओतान। थे धूपचेन परमेश्‍वर सन्‍तानओनगी परमेश्‍वरला खाबाते प्रार्थना ओतान।

छ्या स्‍ये च्‍युताते बात 6:3

लोईन थे लुई रीउकी पालो ङिकी बाजि छाप लोक्‍सुङ। थेमे थे ङेपाक ओताते थरी स्‍यीबो नाङ ज्‍येनज्‍यीगी “लो स्‍योक,” सिरा ङे थोसुङ।

छ्या स्‍ये च्‍युताते बात 6:5

थे लुई रीउकी पालो सुमगी बाजि छाप लोक्‍जीन थे ङेपाक ओताते थरी स्‍यीबो नाङ ज्‍येनज्‍यीगी “लो स्‍योक,” सिरा ङे थोसुङ। थेमे ताजीन ङे नाक्‍पोज्‍यीक घोडा ओङा थोङसुङ। थे घोडे लाक जेबा ओतातेकी लाःक्‍तु तराजु खुरा ओतान।

छ्या स्‍ये च्‍युताते बात 6:7

थेमे थे लुई रीउकी पालो स्‍यी बाजि छाप लोक्‍जीन थे ङेपाक ओताते थरी स्‍यीबो नाङ गाङे भन्‍दा तिरीतेकी “लो स्‍योक,” सिरा ङे थोसुङ।

छ्या स्‍ये च्‍युताते बात 8:1

थेमे थे लुई रीउकी पालो दुईनगी बाजि छाप लोक्‍जीनचेन आधा घण्‍टाजो स्‍वर्गने चकमन्‍न गाल्‍सुङ।