छ्या स्‍ये च्‍युताते बात 5:9 - जिरेल

⁹ थेमे थेबेकी “दि किताब लाला थे छापओन लोक्‍पा थुप्‍कान्‍ते खोकामा ईन। खोल्‍ला सेता ओतान। खोल्‍ला सेत्‍जीन खोरोङ जीउदुकी थेन्‍दाते ठागी खुई थर थरगीते, खुदुक खुदुक भाषेते, जात जातकीते थेमे लुङबा लुङबे मि नाङदुकी मिओनला परमेश्‍वर मि ओङाला ङ्योसुङ,

छ्या स्‍ये च्‍युताते बात 5:9 Iomraidhean Croise

मत्ती 20:28

परमेश्‍वर ओत्‍सादुई वाबाते मि ङाङ छ्ये मि च्‍योक खाला गाङेला दि खि, थे खि सिन कोताला वाबाते मेन। बरू मि नरककुण्‍डमा स्‍यूक्‍पा माफाप्‍स्‍यीत सिन थेबेकी ङेता फाप्‍च्‍येते पापकी सजाय ङाराङगीराङ भोगे खाला स्‍याप्‍ला दुरू वाबाते ईन,” सिन सिदुक।

मत्ती 26:28

दिचेन ङे ठाक ईन। काल्‍बेई मिओनगी खाबाते पाप माफ ओङस्‍यीत सिन थेबे लाईदु स्‍यिजीन ङे जीउदुकी थेन्‍दाते ङे ठागी खित्‍सादु परमेश्‍वरगी मिओनताङ तिरी खिओ साबाते जमान पूरो खित्‍च्‍येते ईन।

शक्ति काम 20:28

थोगी येशूला विश्‍वास खिता मोतोङा खाला था ख्‍योकोन खेराङोङ च्‍याङबो खाला देत। थेमे लेमु खाला तो सिन परमेश्‍वर आत्‍मेकी खेराङ जिम्‍माला बिन्‍दाते परमेश्‍वर मि गाङेते लेमु खाला हेर विचार खि। येशू ख्रीष्‍ट स्‍यिजीन थे जीउदुकी थेन्‍दाते ठागी थेकी थेबाला परमेश्‍वर मि ओङाला ङ्योबाते ईन सिन सम्‍झे खाला थेबाला लेमु खाला तो।

१ कोरिन्‍थी 6:20

थेकी ख्‍योकोनला आउदी काल्‍बेई मोल च्‍याल्‍गीन ङ्योबाते ईन। थोगी ख्‍योकोनगी काम बात जे खासीनोङ परमेश्‍वरला मन परे खित्‍च्‍येतेकामा खि। दोक खाला थेला मान खि।

१ कोरिन्‍थी 7:23

परमेश्‍वरगी ख्‍योकोनला आउदी काल्‍बेई मोल च्‍याल्‍गीन ङ्योबाते ईन। थोगी था ख्‍योकोनगी ज्‍येनगी साबा साबा ङेन्‍ला थेबेकी कोता कोताच्‍योक माकेत।

एफिसी 1:7

थेमे ङुरूङला पापकी सजायदुकी डेलाला थेकी ख्रीष्‍टला स्‍याप्‍ला दुरू ताङसुङ। ख्रीष्‍ट स्‍यिजीन थे जीउदुकी थेन्‍दाते ठागी खित्‍सादु थेकी ङुरूङगी खाबाते पाप गाङे माफ बिन्‍दा ओत। थे खोरोङ आउदी खाला दया खित्‍कान्‍ते ईन्‍देकी

एफिसी 5:19

खेराङ नाङ भजन लिन्‍च्‍येते, परमेश्‍वरला छ्ये जोच्‍येते लु लिन्‍च्‍येते थेमे परमेश्‍वर आत्‍मेकी लिन च्‍युताते ज्‍येनोङ लु लाला प्रभु येशू ख्रीष्‍टला सेमदुकीराङ छ्ये जो।

कलस्‍सी 1:14

परमेश्‍वर फुज्‍युङगी खाबाते कामगी खित्‍सादु ङुरूङ पापकी सजायदुकी ठाला ओत, ङुरूङ पाप गाङे माफ ओङा ओत।

कलस्‍सी 1:23

थोगी था ख्‍योकोनगी येशूला विश्‍वास खाईन ङेन्‍दाते बात ङेन्‍दा नोमुङ तोङा मेङगो, थे बातला खि साबा च्‍योकराङ खिन देता फाप्‍क्‍यो थेमे होथे गा लाङच्‍येते बात थोनामेई तिरी खेराङगी परमेश्‍वरगी तेरग्‍यो साबाते जति ङेत्‍क्‍यो सिन आश खाईन गुकीन देताते बातला ज्‍येनगी जे सासीनोङ छ्याःङ शंका मिक्‍किता खाला देत। होथे बात ख्‍योकोनलाकामा मेन, सा लुङबा खाङगी मिला लाप्‍कीन बिन्‍दा ओत। थेमे ङा पावललाचेन मिओनला होथे बात लोप्‍च्‍येते जिम्‍मा बिन्‍दा ओत।

तीतस 2:14

ङुरूङ पापकी सजाय थे खोरोङगीराङ भोगे खाईन थे ङुरूङ लाईदु ज्‍यान बिन्‍गीन स्‍यिसुङ। ङुरूङला पाप खित्‍च्‍येते बानीदुकी पूरो खाला टाल्‍ला सेम लेमु जोला काम बात लेमुकामा खिता छोल्‍कान्‍ते थे खोरोङ मि सिरा थुप्‍स्‍यीत सिन थे थोक खाईन स्‍या ओतान।

हिब्रू 11:14

थेबेकी दि सा लुङबादु खोपरोङला खालि लामला ख्‍याम्‍कान्‍ते मि लुङबे मि च्‍योककामा ठाने खाबाते बात विचार खित्‍जीन थेबेते खइँसाला खोपरोङ लुङबा ओत थेमे थेबा थे लुङबाला देताला ख्‍याम्‍बाते ईन सिरच्‍येते बात लेमु खाला छ्या स्‍येकीदुक।

२ पत्रुस 2:1

गोमा इस्राएलीओन नाङ परमेश्‍वर बात खित्‍कान्‍ते मि ईन सिन मेन्‍दे बात लोप्‍कान्‍ते मिओन ओता च्‍योकराङ ख्‍योकोन नाङचेन परमेश्‍वर बात लोप्‍कान्‍ते मि ईन सिन मेन्‍दे बात लोप्‍कान्‍ते मिओन ओङगो। थेबेकी ख्‍योकोनला ङ्ये ज्‍युताला परमेश्‍वर बातताङ डिकराङ मिडिक्‍च्‍येते बात लोप्‍क्‍यो। थेबेकीनी खोपरोङ पापकी मोल च्‍याल्‍ला खोपरोङला पापदुकी डेल्‍कान्‍ते छ्येज्‍यीक शक्ति ओताते प्रभु येशूला मानेराङ मिक्‍किओ। दोक दोक खानामेई थेबे गोःनामा परमेश्‍वर सजाय फाप्‍क्‍यो।

१ यूहन्‍ना 1:7

परमेश्‍वर नाम्‍दाकला देता ओता च्‍योकराङ खाला ङुरूङोङ थे नाम्‍दाकला देत्‍कीन लेमु काम खासीन ङुरूङ दाक्‍पोन नाङ ङ्योम्‍बुराङ डिक्‍ला देता थुप्‍क्‍यो। थेमे परमेश्‍वर फुज्‍युङ येशू थे खोरोङ ज्‍यान बिन्‍ला स्‍यिजीन थे जीउदुकी थेन्‍दाते ठागी खित्‍सादु ङुरूङ पाप गाङे माफ ओङगो।

१ यूहन्‍ना 2:2

ङुरूङ पाप माफ तेरा थुप्‍स्‍यीत सिन येशू ख्रीष्‍ट ङुरूङगी खाबाते पापकी सजाय भोगे खाईन स्‍याप्‍ते ईन। ङुरूङतेकामा मेन, सा लुङबा खाङगी मि पाप माफ तेरा थुप्‍स्‍यीत सिन थे थोक खाईन स्‍याप्‍ते ईन।

छ्या स्‍ये च्‍युताते बात 10:11

थे सोकीन सिन्‍नामेकी “था खुई जात जातकीते, लुङबा लुङबेते, खुदुक खुदुक भाषे मि थेमे गेल्‍बोओनला था तिरी चुक चुक ओङगीते सिन परमेश्‍वरगी सिर च्‍युताते बात सिरा फाप्‍क्‍यो,” सिन ङाराङला साबाते बात थोसुङ।

छ्या स्‍ये च्‍युताते बात 11:9

थेमे ङीमा सुमताङ फेस्‍याकसाक जात जातकीते, थर थरगीते, खुदुक खुदुक भाषेते थेमे लुङबा लुङबे मि थेबा ङिबो रो ताप्‍ला ओङगो। तर सुङलाङ थेबे रो दिक मुज्‍युदो।

छ्या स्‍ये च्‍युताते बात 13:7

थेला परमेश्‍वर सन्‍तानओनताङ जीला थेबाला ग्‍याल्‍च्‍येते अधिकार परमेश्‍वरगी बिन्‍दा ओतान। थेमे थेकी थर थरगीते, जात जातकीते, खुदुक खुदुक भाषेते थेमे लुङबा लुङबे मिला राज्‍य खिता ङेता ओतान।

छ्या स्‍ये च्‍युताते बात 13:8

थेमे दि सा लुङबे मि गाङेकी थे जन्‍तुला मान खाला छ्ये जोइओ। खालि दि सा नाम ज्‍वा भन्‍दा गोमाराङ नोमुङ मिसिन्‍च्‍येते जुनी ङेत्‍कान्‍ते मिओन मिन टिबाते किताब नाङ खोपरोङ मिन ओताते मिओनगीकामा थे जन्‍तुला मान खाला छ्ये मोजोओ। थे मिन टिबाते किताबचेन लुई रीउते ईन।

छ्या स्‍ये च्‍युताते बात 14:6

थेरूई याङराङ ङे नामगी चेनापा फुरगीन ओताते परमेश्‍वर दूतज्‍यीकला थोङसुङ। थेचेन दि सा लुङबा खाङ ओताते लुङबा लुङबेते, थर थरगीते, खुदुक खुदुक भाषेते थेमे जात जातकी मिला गा लाङच्‍येते बात सिराला ओङगीन ओतान। दि गा लाङच्‍येते बातचेन नोमुङ खुदुक मोन्‍डोओ, सधैँभरि थोकराङ देत्‍क्‍यो।

छ्या स्‍ये च्‍युताते बात 15:3

थेमे थेबाचेन परमेश्‍वर काम खित्‍कान्‍ते मोशेकी थे खोरोङ पालोला परमेश्‍वरते जय जय खिन लाबाते लु लिन्‍गीन ओतान। थेमे दोक सिन लुई रीउला छ्ये जोच्‍येते लुङ लिन्‍गीन ओतान। चुक सासीन “गाङे भन्‍दा छ्येज्‍यीक शक्ति ओताते प्रभु परमेश्‍वर, खुई खाबाते कामओन चुक छ्ये छ्येताङ अचम्‍ब लाङच्‍या ईन्‍दाका। खो सधैँभरि सोन्‍ला राज्‍य खिन देत्‍कान्‍ते गेल्‍बो ईन। खुई खित्‍च्‍येते काम गाङे लेमुतेकामा ईन।

छ्या स्‍ये च्‍युताते बात 17:15

लोईन थे दूतकी ङाला “खुई थोङाते थे रन्‍डी देताते चाङबोचेन जात जातकीते, थर थरगीते, लुङबा लुङबेते थेमे खुदुक खुदुक भाषे मि ईन।

छ्या स्‍ये च्‍युताते बात 4:11

“ङ्योकोन प्रभु परमेश्‍वर, खुईते जय जय ओङस्‍यीत। खोल्‍ला मान खिता सोई खिओ, खोत्ताङ छ्येज्‍यीक शक्ति ओत। च्‍यिला सासीन सा नाम थेमे ओताते जति गाङे खुईराङ जोबाते ईन। थोगी दिबा ओङाते ईन। दिबा गाङे खुई ज्‍वा चाला च्‍योकराङ खाईन जोबाते ईन,” सिन ओतान।

छ्या स्‍ये च्‍युताते बात 5:12

थेमे थेबा गाङेराङ “बाजिई सेताते लुई रीउताङ छ्येज्‍यीक शक्ति ओत। सा लुङबा खाङ ओताते सम्‍पत्ति गाङे थेतेराङ ईन। थे जस्‍तो बादोङ छ्या स्‍येकान्‍ते ईन। थेकी जस्‍तो कामोङ खिता थुप्‍क्‍यो। थेला मान खिता सोई खिओ। थेते जय जय ओङस्‍यीत। थेला छ्ये ज्‍वा फाप्‍क्‍यो,” सिन आउदी कस्‍स्‍ये खाला लु लिन्‍गीन ओतान।

छ्या स्‍ये च्‍युताते बात 5:6

थेरूई ङे थे सिंहासन दोन्‍दु लाकीन देताते लुई रीउज्‍यीक थोङसुङ। थे सिंहासनताङ थे लुई रीउकी फेरोलाचेन थे ङेपाक ओताते थरी स्‍यीबो थेमे थे मेरा खालज्‍यीकताङ स्‍यीबो छ्ये छ्येतेबा देता ओतान। थेला थोताते मा ताजीन थे लुई रीउ सेताते च्‍योकराङ थोङगीन ओतान। थेते रोज्‍यो दुईनताङ मिक दुईन ओतान। थे मिक दुईनचेन दि सा लुङबा खाङ खुदुक खुदुक काम खिताला ताङाते परमेश्‍वर आत्‍मा दुईनबो ईन।