छ्या स्‍ये च्‍युताते बात 5:6 - जिरेल

⁶ थेरूई ङे थे सिंहासन दोन्‍दु लाकीन देताते लुई रीउज्‍यीक थोङसुङ। थे सिंहासनताङ थे लुई रीउकी फेरोलाचेन थे ङेपाक ओताते थरी स्‍यीबो थेमे थे मेरा खालज्‍यीकताङ स्‍यीबो छ्ये छ्येतेबा देता ओतान। थेला थोताते मा ताजीन थे लुई रीउ सेताते च्‍योकराङ थोङगीन ओतान। थेते रोज्‍यो दुईनताङ मिक दुईन ओतान। थे मिक दुईनचेन दि सा लुङबा खाङ खुदुक खुदुक काम खिताला ताङाते परमेश्‍वर आत्‍मा दुईनबो ईन।

छ्या स्‍ये च्‍युताते बात 5:6 Iomraidhean Croise

लूका 1:69

ङुरूङला पापताङ दुक्‍पादुकी डेलाला प्रभु परमेश्‍वरगी छ्येज्‍यीक शक्ति ओतातेला ङुरूङ ओत्‍सामा ताङा ओत। थेला थेकी थे खोरोङला माने खित्‍कान्‍ते गेल्‍बो दाऊद सन्‍तान नाङदुईराङ छाने खाबा ओत।

यूहन्‍ना 1:29

ङारो च्‍योक्‍ते येशूला थे खोरोङ ओत्‍सापा ओङगीन ओता थोङगीन यूहन्‍नेकी मिओनला “लो तो, परमेश्‍वरगी मि लाईदु बिन्‍दाते लुई रीउ उथेराङ ईन। सा लुङबा खाङगी मिओनगी खाबाते पापकी सजाय भोगे खाला मिओनला पापदुकी डेल्‍कान्‍तेचेन थेराङ ईन।

यूहन्‍ना 1:36

थेमे येशू थे खोरोङ दोन्‍नापेईराङ खाईन ड्वा थोङगीन थेकी “लो तो, परमेश्‍वरगी मि लाईदु बिन्‍दाते लुई रीउचेन दिराङ ईन,” सिन सिदुक।

शक्ति काम 8:32

थेकी पढे खिन ओताते परमेश्‍वर बातलाचेन दोक सिन टिबा ओतान। चुक सासीन “सेताला टीबाते लुक सेत्‍सापा खेरजीन सरासर गालाच्‍योक खाईन सेत खेरजीन थेङ खाराक्‍पाराङ गाल्‍सुङ। थेमे फाल ठेक्‍पाला ठाकीन रिलाते लुई रीउकी छ्याःङ खिता मुथुपा च्‍योकराङ खाईन दुक्‍पा तेरजीन गाङे दुक्‍पा भोगे खाईन थेकीङ खानामा ङोरोज्‍यीगोङ मातेन्‍सुङ।

छ्या स्‍ये च्‍युताते बात 1:4

एशिये अञ्‍चलदु फाप्‍च्‍येते सार दुईनकारदु जम्‍मा ओङकान्‍ते येशू ख्रीष्‍ट मिओन ख्‍योकोन गाङेला ङा यूहन्‍ना दि बातओन टिगीन ओत। परमेश्‍वर थेमे थे खोरोङ सिंहासन दोन्‍दु ओताते परमेश्‍वर आत्‍मा दुईनबोताङ येशू ख्रीष्‍टकी ख्‍योकोनला दया खाला लेमु खिनराङ देत्‍स्‍यीत। परमेश्‍वर थरिङोलाङ ओत, गोमामेकीराङ ओतान थेमे सधैँभरि देत्‍कान्‍तेङ थेराङ ईन। परमेश्‍वर सु ईन्‍दे सिन थेमे थेकी खित्‍च्‍येते कामगी बात लेमु खाला लाप्‍ला तेरकान्‍ते येशू ख्रीष्‍ट ईन। स्‍याप्‍ते मिओन नाङ गाङे भन्‍दा गोमा नोमुङ मिस्‍यिच्‍या खाला सोम्‍बो लोक्‍कान्‍तेचेन थेराङ ईन। थेचेन दि लुङबा मुलुक गेल्‍बोओनतेङ गेल्‍बो ईन। येशूचेन ङुरूङला आउदी ङिङज्‍ये खित्‍कान्‍ते ईन। ङुरूङ लाईदु स्‍यिजीन थे खोरोङ जीउदुकी थेन्‍दाते ठागी खित्‍सादु थेकी ङुरूङला पापदुकी टाल्‍सुङ,

छ्या स्‍ये च्‍युताते बात 12:11

ङुरूङ लाईदु स्‍यिजीन लुई रीउ जीउदुकी थेन्‍दाते ठागी खित्‍सादु थेमे थे लुई रीउ सु ईन्‍दे, थेकी च्‍यि खिते सिन थे बात ज्‍येनला लापेकी खित्‍सादु ङुरूङ आज्‍यो न्‍वाकी थोक खाला खोपरोङला दोष लै खित्‍कान्‍तेला ग्‍याल्‍सुङ। सेता छोल्‍जीन थेबेकी खोपरोङ ज्‍यानगी मायाङ खाबा मेतान।

छ्या स्‍ये च्‍युताते बात 13:8

थेमे दि सा लुङबे मि गाङेकी थे जन्‍तुला मान खाला छ्ये जोइओ। खालि दि सा नाम ज्‍वा भन्‍दा गोमाराङ नोमुङ मिसिन्‍च्‍येते जुनी ङेत्‍कान्‍ते मिओन मिन टिबाते किताब नाङ खोपरोङ मिन ओताते मिओनगीकामा थे जन्‍तुला मान खाला छ्ये मोजोओ। थे मिन टिबाते किताबचेन लुई रीउते ईन।

छ्या स्‍ये च्‍युताते बात 14:1

थेमे दि तिरी ताजीन ङे लुई रीउला सियोन बोमदु लाकीन देता ओता थोङसुङ। थेत्ताङ लाखज्‍यीकताङ हजार खाल ङिताङ स्‍यी मि ङ्योम्‍बु ओतान। थे मिओन टालालाचेन लुई रीउताङ थे आबे मिन टिबा ओतान।

छ्या स्‍ये च्‍युताते बात 17:14

थेबा गाङेराङ ङ्योम्‍बुराङ डिक्‍ला लुई रीउताङ लडाइँ खिओ। लडाइँ खित्‍जीन लुई रीउकी थेबाला ग्‍याल्‍ग्‍यो। च्‍यिला सासीन लुई रीउचेन गाङे छ्येतेबेतेङ छ्येते थेमे गेल्‍बोओनतेङ गेल्‍बो ईन। परमेश्‍वरगी थे खोरोङ दोन्‍दु स्‍योक सिन काताङाते मिओनचेन लुई रीउताङ ङ्योम्‍बु देत्‍क्‍यो। थेबाचेन परमेश्‍वरगी छाने खाबाते थेमे जस्‍तो ओङसीनोङ थेला विश्‍वास खिन देत्‍कान्‍ते मिओन ईन,” सिन सिदुक।

छ्या स्‍ये च्‍युताते बात 21:22

थेमे ङे थे सारगी नाङ परमेश्‍वर मन्‍दिर माथोङसुङ। च्‍यिला सासीन थे सारगी नाङ मन्‍दिरचेन गाङे भन्‍दा छ्येज्‍यीक शक्ति ओताते प्रभु परमेश्‍वर थेमे लुई रीउराङ ईन।

छ्या स्‍ये च्‍युताते बात 21:23

नाम्‍दाक ओङाला थेरू दागार ङीमा गोकीन मेतान। मिगी ताराङ मुथुप्‍च्‍या झिलिमिली नाम्‍दाकला देत्‍कान्‍ते परमेश्‍वर थेरू ओतेकी थे सारला नाम्‍दाक छ्याङे जोच्‍याक्‍वा। लुई रीउराङ थे सारदु नाम्‍दाक तेरकान्‍ते बत्ती दुका।

छ्या स्‍ये च्‍युताते बात 22:1

थेमे दि तिरी थे दूतकी ङाला चाङबोज्‍यीक तेन्‍सुङ। थे चाङबो बिल्‍लौर सिराते यु च्‍योकराङ साङलोई ओतान। थे चाङबो छ्यु थुङकान्‍ते मिओनगी नोमुङ मिसिन्‍च्‍येते जुनी ङेत्‍क्‍यो। थे चाङबोचेन परमेश्‍वरताङ लुई रीउ देत्‍च्‍येते सिंहासनदुकी थेन्‍गीन

छ्या स्‍ये च्‍युताते बात 22:3

थे सारगी नाङ परमेश्‍वर सराप फापाते मेलेबा सिराते था छ्याःङ मेङगो, सुङ मेङगो। परमेश्‍वरताङ लुई रीउ देत्‍च्‍येते सिंहासन थे सारगी नाङराङ ओङगो। थेमे परमेश्‍वर काम खित्‍कान गाङेकी परमेश्‍वरला छ्ये जोइनराङ देत्‍क्‍यो।

छ्या स्‍ये च्‍युताते बात 4:8

थेबा स्‍यीकारते स्‍योक्‍पा ठुक ठुक ओतान। थेमे स्‍योक्‍पाओनलाङ लाक नाङ मिकराङ मिक ओतान। थेमे थेबाचेन ङीन नुप रकस्‍यिकोङ खाराक्‍पा मेदेता खाला “गाङे भन्‍दा छ्येज्‍यीक शक्ति ओताते प्रभु परमेश्‍वर, खो मेलेबा सिराते छ्याःङ मिक्‍किकान्‍ते ईन। सेमला पाप सिराते छ्याःङ मेताते खोकामा ईन। खो गोमा ओतान, थरिङोलाङ ओत थेमे तिरी तिरीसाकराङ देत्‍कान्‍तेङ खोराङ ईन,” सिनराङ देत्‍कीन ओतान।

छ्या स्‍ये च्‍युताते बात 5:11

थेमे लोईन ताजीन ङे थे सिंहासन, थे ङेपाक ओताते थरी स्‍यीबो थेमे थे मेरा खालज्‍यीकताङ स्‍यीबो छ्ये छ्येतेबे फेरो खाङ परमेश्‍वर दूत काल्‍बेई थोङसुङ। ङे थेबे ङोरोङ थोसुङ। थेबाचेन ङोला ङ्वा मुथुप्‍च्‍या मुन्‍तीसरी ओतान।

छ्या स्‍ये च्‍युताते बात 5:12

थेमे थेबा गाङेराङ “बाजिई सेताते लुई रीउताङ छ्येज्‍यीक शक्ति ओत। सा लुङबा खाङ ओताते सम्‍पत्ति गाङे थेतेराङ ईन। थे जस्‍तो बादोङ छ्या स्‍येकान्‍ते ईन। थेकी जस्‍तो कामोङ खिता थुप्‍क्‍यो। थेला मान खिता सोई खिओ। थेते जय जय ओङस्‍यीत। थेला छ्ये ज्‍वा फाप्‍क्‍यो,” सिन आउदी कस्‍स्‍ये खाला लु लिन्‍गीन ओतान।

छ्या स्‍ये च्‍युताते बात 5:13

लोईन ङे स्‍वर्गने ओतातेबरी, सा लुङबादु ओतातेबरी, स्‍यिइन सिन्‍दाते मिओन थेमे समुन्‍द्रे नाङ गाङेपा ओताते ङेपाक ओताते जति गाङेकी दोक सिन लु लाबाते थोसुङ। थेबाचेन “सिंहासन लाक्‍तु देत्‍कान्‍ते थेमे लुई रीउला ङ्योकोन छ्ये जोला मान खिन देत्‍क्‍यो। थेबेते सधैँभरि जय जय ओङस्‍यीत। थेबा ङिबोकी गाङेपा गाङेला राज्‍य खिनराङ देत्‍स्‍यीत,” सिन लु लिन्‍गीन ओतान।

छ्या स्‍ये च्‍युताते बात 5:14

थेमे थे ङेपाक ओताते थरी स्‍यीबोकी आमेन सिन सिरजीन थे मेरा खालज्‍यीकताङ स्‍यीबो छ्ये छ्येतेबेकीचेन गुर्बु खाला से खिन थेबा ङिबोला छ्ये जोसुङ।

छ्या स्‍ये च्‍युताते बात 6:16

थेमे थेबेकी बोमताङ ठाःकला बात खिन “ए ख्‍योकोन राम्‍ला वाला ङ्योकोनला उप्‍ला थे सिंहासन लाक देत्‍कान्‍ते मिगी दोन्‍दुकी थेमे थे लुई रीउकी स्‍येदाङगी चूर गाल्‍ला तेरच्‍येते सजायदुकी इप।