छ्या स्‍ये च्‍युताते बात 5:14 - जिरेल

¹⁴ थेमे थे ङेपाक ओताते थरी स्‍यीबोकी आमेन सिन सिरजीन थे मेरा खालज्‍यीकताङ स्‍यीबो छ्ये छ्येतेबेकीचेन गुर्बु खाला से खिन थेबा ङिबोला छ्ये जोसुङ।

छ्या स्‍ये च्‍युताते बात 5:14 Iomraidhean Croise

१ कोरिन्‍थी 14:16

था सिइना, ख्‍योकोनगी परमेश्‍वर आत्‍मेकी खेराङ आत्‍माला कोता ओता च्‍योकराङ खाईन खेराङ आत्‍मेकी परमेश्‍वरते जय जय खासुङ सासीन थे बात खोराङ मोखोकान्‍ते थेरू ओताते ज्‍येनगी चुक खाला खुई साबा च्‍योकराङ ओङस्‍यीत सिन आमेन सिरा थुप्‍कीते?

छ्या स्‍ये च्‍युताते बात 19:4

थेमे थे मेरा खालज्‍यीकताङ स्‍यीबो छ्ये छ्येतेबा थेमे थे ङेपाक ओताते थरी स्‍यीबोकी “आमेन, हल्‍लेलूयाह,” सिन थे सिंहासन लाक देत्‍कान्‍ते परमेश्‍वरला गुर्बु खाईन से खासुङ।

छ्या स्‍ये च्‍युताते बात 4:4

थेमे थे सिंहासन फेरोला खालज्‍यीकताङ स्‍यी ज्‍येनोङ सिंहासन ओतान। थे ज्‍येन ज्‍येन सिंहासन लाक्‍तुचेन मेरा खालज्‍यीकताङ स्‍यी छ्ये छ्येतेबा देता ओतान। थेबेकी खोलाक कार्मुतेन्‍दे थेमे सेरगी श्रीपेज खोन्‍दा ओतान।

छ्या स्‍ये च्‍युताते बात 4:6

थे सिंहासन दोन्‍नापाला सिसा च्‍योकराङ सम्‍मज्‍यीक थेमे बिल्‍लौर सिराते यु च्‍योकराङ साङलोज्‍यीक समुन्‍द्र च्‍योक ओतान। थेमे थे सिंहासन फेरोला खुदुक खुदुक स्‍वरूप खाबातेन्‍दे ङेपाक ओताते थरी स्‍यी देता ओतान। थेबेते गाङेपा मिकराङ मिककामा ओतान।

छ्या स्‍ये च्‍युताते बात 5:11

थेमे लोईन ताजीन ङे थे सिंहासन, थे ङेपाक ओताते थरी स्‍यीबो थेमे थे मेरा खालज्‍यीकताङ स्‍यीबो छ्ये छ्येतेबे फेरो खाङ परमेश्‍वर दूत काल्‍बेई थोङसुङ। ङे थेबे ङोरोङ थोसुङ। थेबाचेन ङोला ङ्वा मुथुप्‍च्‍या मुन्‍तीसरी ओतान।

छ्या स्‍ये च्‍युताते बात 5:6

थेरूई ङे थे सिंहासन दोन्‍दु लाकीन देताते लुई रीउज्‍यीक थोङसुङ। थे सिंहासनताङ थे लुई रीउकी फेरोलाचेन थे ङेपाक ओताते थरी स्‍यीबो थेमे थे मेरा खालज्‍यीकताङ स्‍यीबो छ्ये छ्येतेबा देता ओतान। थेला थोताते मा ताजीन थे लुई रीउ सेताते च्‍योकराङ थोङगीन ओतान। थेते रोज्‍यो दुईनताङ मिक दुईन ओतान। थे मिक दुईनचेन दि सा लुङबा खाङ खुदुक खुदुक काम खिताला ताङाते परमेश्‍वर आत्‍मा दुईनबो ईन।

छ्या स्‍ये च्‍युताते बात 5:8

थेकी थे किताब लानामेई थे ङेपाक ओताते थरी स्‍यीकारताङ थे मेरा खालज्‍यीकताङ स्‍यीबो छ्ये छ्येतेबा गाङेकी थेला गुर्बु खाईन से खासुङ। थेबा गाङे लाःक्‍तु वीणा सिराते बाजा रेरेताङ धूपकी खाङाते सेरगी कचौरा रेरे ओतान। थे धूपचेन परमेश्‍वर सन्‍तानओनगी परमेश्‍वरला खाबाते प्रार्थना ओतान।

छ्या स्‍ये च्‍युताते बात 7:12

थेबेकीचेन “आमेन, ङुरूङ परमेश्‍वरला छ्ये जोइन देत्‍की। थेते सधैँभरि जय जय ओङस्‍यीत। थे जस्‍तो बादोङ छ्या स्‍येकान्‍ते ईन। थेला धन्‍यवाद साला मान खिइ। थेत्ताङ छ्येज्‍यीक शक्ति ओत। थेकी जस्‍तो कामोङ खिता थुप्‍क्‍यो। आमेन,” सिन ओतान।