छ्या स्‍ये च्‍युताते बात 4:8 - जिरेल

⁸ थेबा स्‍यीकारते स्‍योक्‍पा ठुक ठुक ओतान। थेमे स्‍योक्‍पाओनलाङ लाक नाङ मिकराङ मिक ओतान। थेमे थेबाचेन ङीन नुप रकस्‍यिकोङ खाराक्‍पा मेदेता खाला “गाङे भन्‍दा छ्येज्‍यीक शक्ति ओताते प्रभु परमेश्‍वर, खो मेलेबा सिराते छ्याःङ मिक्‍किकान्‍ते ईन। सेमला पाप सिराते छ्याःङ मेताते खोकामा ईन। खो गोमा ओतान, थरिङोलाङ ओत थेमे तिरी तिरीसाकराङ देत्‍कान्‍तेङ खोराङ ईन,” सिनराङ देत्‍कीन ओतान।

छ्या स्‍ये च्‍युताते बात 4:8 Iomraidhean Croise

शक्ति काम 20:31

थोगी खेराङला सुङगीङ छक्‍के खिता मुथुप्‍स्‍यीत सिन च्‍याङबो खाला देत। ङे लो सुमसाक ख्‍योकोन गाङेला येशूला विश्‍वास खिनराङ देत सिन ङीन नुप ख्‍योकोन पीर खुरगीन दुक्‍पा खाईन खाईन खाबाते काम नोमुङ टोक माज्‍येत।

२ कोरिन्‍थी 6:18

दोक खाला ङा ख्‍योकोन आबा ओङगो। थेमे ख्‍योकोनला ङाराङ फुज्‍युङ फुमु ईन सिन सिओ। दि बात गाङे भन्‍दा छ्येज्‍यीक शक्ति ओताते प्रभु परमेश्‍वरगी साबाते ईन,” सिन साबा ओत।

१ थिस्‍सलोनिकी 2:9

आज्‍यो न्‍वावे, ख्‍योकोनला परमेश्‍वरते गा लाङच्‍येते बात लोप्‍जीन ख्‍योकोन सुङलाङ छ्याःङ दुक्‍पा तेरा माफाप्‍स्‍यीत सिन ङेराङ लाईदु साप थुङा ङ्य्‌वाप्‍ला ङीन नुप ठोत थेनथेन काम खाबाप। ङ्योकोनगी थोक खाबाते बात ख्‍योकोनगी टोक ज्‍येता मेतासीन।

१ तिमोथी 4:16

खोरोङगी चुक खिन ओते, चुक्‍ते बात लोप्‍कीन ओते सिन लेमु खाला विचार खिन देत। खुई दोक खिन देत्‍सीन खोरोङगी थेमे खुई लापाते बात ङेन्‍कान्‍ते मिओनगी तिरी पापकी सजाय भोगे खिता माफाबो।

२ तिमोथी 4:2

खुई चुक खिता फाप्‍कीते सासीन मिओनला परमेश्‍वर बात लोप्‍कीनराङ देत, मिओनगी ङेन्‍सीनोङ माङेन्‍सीनोङ जुन बेलालाङ थे बात लोपा मातोङ थेमे गल्‍ती खित्‍कानला थोक खाबाते लेमु मेन साला थोक खिता थोङ सिन सि। चुक खिता लेमु ईन्‍दे सिन गाङेला लाप्‍ला बिन। थानी दिबाला थोई लोप्‍च्‍ये सिराच्‍योक माकेत, सुङताङ स्‍येदाङ मिक्‍किता खाला खा छ्येत लेमु खिन दोक खाला लोप्‍कीनराङ देत।

हिब्रू 13:8

येशू ख्रीष्‍टचेन थोङला जस्‍तो ओतान थरिङोलाङ थोकराङ ओत। थेमे सधैँभरि थोकराङ देत्‍क्‍यो, थे नोमुङ खुदुक मोन्‍डोओ।

छ्या स्‍ये च्‍युताते बात 1:4

एशिये अञ्‍चलदु फाप्‍च्‍येते सार दुईनकारदु जम्‍मा ओङकान्‍ते येशू ख्रीष्‍ट मिओन ख्‍योकोन गाङेला ङा यूहन्‍ना दि बातओन टिगीन ओत। परमेश्‍वर थेमे थे खोरोङ सिंहासन दोन्‍दु ओताते परमेश्‍वर आत्‍मा दुईनबोताङ येशू ख्रीष्‍टकी ख्‍योकोनला दया खाला लेमु खिनराङ देत्‍स्‍यीत। परमेश्‍वर थरिङोलाङ ओत, गोमामेकीराङ ओतान थेमे सधैँभरि देत्‍कान्‍तेङ थेराङ ईन। परमेश्‍वर सु ईन्‍दे सिन थेमे थेकी खित्‍च्‍येते कामगी बात लेमु खाला लाप्‍ला तेरकान्‍ते येशू ख्रीष्‍ट ईन। स्‍याप्‍ते मिओन नाङ गाङे भन्‍दा गोमा नोमुङ मिस्‍यिच्‍या खाला सोम्‍बो लोक्‍कान्‍तेचेन थेराङ ईन। थेचेन दि लुङबा मुलुक गेल्‍बोओनतेङ गेल्‍बो ईन। येशूचेन ङुरूङला आउदी ङिङज्‍ये खित्‍कान्‍ते ईन। ङुरूङ लाईदु स्‍यिजीन थे खोरोङ जीउदुकी थेन्‍दाते ठागी खित्‍सादु थेकी ङुरूङला पापदुकी टाल्‍सुङ,

छ्या स्‍ये च्‍युताते बात 1:8

गाङे भन्‍दा छ्येज्‍यीक शक्ति ओताते प्रभु परमेश्‍वरगी “अल्‍फा थेमे ओमेगा शुरूलाराङ ओताते थेमे तिरीसाकराङ देत्‍कान्‍ते ङाराङ ईन,” सिन साबा ओत। थेचेन थरिङोलाङ ओत, गोमामेकीराङ ओतान थेमे सधैँभरि देत्‍कान्‍तेङ थेराङ ईन।

छ्या स्‍ये च्‍युताते बात 11:17

थेबेकी “गाङे भन्‍दा छ्येज्‍यीक शक्ति ओताते प्रभु परमेश्‍वर, खो गोमा ओतान, थरिङोलाङ ओत। था खुई खोरोङ छ्येज्‍यीक शक्तिकी गाङेपा गाङेला राज्‍य खिताला स्‍यूसुङ। थोगी ङ्योकोन खोल्‍ला धन्‍यवाद सिओ।

छ्या स्‍ये च्‍युताते बात 14:11

थेमे थे गन्‍धक बारसादुई थुता थेन्‍गीन देत्‍च्‍येते नोमुङ मोतोरो। दोक ओङला थे जन्‍तु, थे मूर्ति थेमे थे मिनगी छाप देक च्‍युता ओताते मिकी ङीन नुप थे दुक्‍पे नाङ देता फाप्‍क्‍यो। थेकी नोमुङ थे दुक्‍पादुकी ठाल्‍ला ङा स्‍वा मेङेदो,” सिन ओतान।

छ्या स्‍ये च्‍युताते बात 14:3

थेमे थे मिओनचेन परमेश्‍वर सिंहासन, थे ङेपाक ओताते थरी स्‍यीबो थेमे थे मेरा खालज्‍यीकताङ स्‍यीबो छ्ये छ्येतेबे दोन्‍दु देत्‍ला गोमा नोमुङ मालाबाते साम्‍बाते लुज्‍यीक लिन्‍गीन ओतान। दि सा लुङबे मिओन नाङदुकी परमेश्‍वरगी पापकी सजायदुकी टालाते होथेबेकी बाई दि लु ज्‍येन सुङगीङ लिन्‍दा थुप्‍कीन मेतान।

छ्या स्‍ये च्‍युताते बात 15:3

थेमे थेबाचेन परमेश्‍वर काम खित्‍कान्‍ते मोशेकी थे खोरोङ पालोला परमेश्‍वरते जय जय खिन लाबाते लु लिन्‍गीन ओतान। थेमे दोक सिन लुई रीउला छ्ये जोच्‍येते लुङ लिन्‍गीन ओतान। चुक सासीन “गाङे भन्‍दा छ्येज्‍यीक शक्ति ओताते प्रभु परमेश्‍वर, खुई खाबाते कामओन चुक छ्ये छ्येताङ अचम्‍ब लाङच्‍या ईन्‍दाका। खो सधैँभरि सोन्‍ला राज्‍य खिन देत्‍कान्‍ते गेल्‍बो ईन। खुई खित्‍च्‍येते काम गाङे लेमुतेकामा ईन।

छ्या स्‍ये च्‍युताते बात 15:7

थेमे थे ङेपाक ओताते थरी स्‍यीबो नाङ दोक्‍पोईकी सधैँभरि सोन्‍ला देत्‍कान्‍ते परमेश्‍वरगी स्‍येदाङगी चूर गाल्‍ला तेरच्‍येते सजायकी टाम टाम खाङाते सेरगी कचौरा रेरे थे परमेश्‍वर दूत दुईनबोला बिन्‍सुङ।

छ्या स्‍ये च्‍युताते बात 16:14

थे ल्‍हन्‍डीक सुमबोचेन शैतान छ्य्‌वापेकी अचम्‍ब अचम्‍बते काम खाला तेन्‍कान्‍ते ल्‍हन्‍डीक ईन। थेबा सुमबोकी गाङे भन्‍दा छ्येज्‍यीक शक्ति ओताते परमेश्‍वरगी तोके खाबाते छ्येते दिनगी छोमु परमेश्‍वरताङ लडाइँ खिताला सा लुङबा खाङ ओताते गेल्‍बोओनला ठाउँज्‍यीकराङ जम्‍मा खित्‍च्‍येते कामोङ खिओ।

छ्या स्‍ये च्‍युताते बात 16:7

थोक साकीन सिन्‍नामेकी “ईन ईन, गाङे भन्‍दा छ्येज्‍यीक शक्ति ओताते प्रभु परमेश्‍वर, खोचेन सुङलाङ काका पाका मिक्‍किता खाला सु सुला च्‍यि सजाय तेरा फाप्‍च्‍येते ईन्‍दे थे सजायराङ बिन्‍ला न्‍याय खित्‍कान्‍ते ईन,” सिन साबातेङ थोसुङ। दि ङोरोचेन थे थानदुकी थेन्‍दा ओतान।

छ्या स्‍ये च्‍युताते बात 19:15

थे गोमे घोडा कार्मुते लाक जेबा ओताते खानामेकीचेन लुङबा लुङबे मिला थुपाला आउदी नोम्‍बोई तरवार थेन्‍दा ओतान। लुङबा लुङबे मिला आउदी कडा खाला राज्‍य खित्‍कान्‍ते थेराङ ईन। रस छिराला कोलदु लुक्‍पाते अंगूरला काम्‍बेकी फाच्‍यार फुच्‍युर ङेन्‍दा च्‍योकराङ खाला गाङे भन्‍दा छ्येज्‍यीक शक्ति ओताते परमेश्‍वरगी स्‍येदाङगी चूर गाल्‍ला तेरच्‍येते सजाय तेरकान्‍ते थेराङ ईन।

छ्या स्‍ये च्‍युताते बात 19:4

थेमे थे मेरा खालज्‍यीकताङ स्‍यीबो छ्ये छ्येतेबा थेमे थे ङेपाक ओताते थरी स्‍यीबोकी “आमेन, हल्‍लेलूयाह,” सिन थे सिंहासन लाक देत्‍कान्‍ते परमेश्‍वरला गुर्बु खाईन से खासुङ।

छ्या स्‍ये च्‍युताते बात 21:22

थेमे ङे थे सारगी नाङ परमेश्‍वर मन्‍दिर माथोङसुङ। च्‍यिला सासीन थे सारगी नाङ मन्‍दिरचेन गाङे भन्‍दा छ्येज्‍यीक शक्ति ओताते प्रभु परमेश्‍वर थेमे लुई रीउराङ ईन।

छ्या स्‍ये च्‍युताते बात 3:7

फिलाडेल्‍फिया सारदु जम्‍मा ओङकान्‍ते येशू ख्रीष्‍ट मिओनला ताकोरा खित्‍कान्‍ते परमेश्‍वर दूतला दोक सिन टि। दि बातचेन सेमला पाप सिराते छ्याःङ मेताते, खिओ साबा च्‍योकराङ खित्‍कान्‍ते ङा सिन ओत। ङात्ताङ गेल्‍बो दाऊद सारगी गो बेत्‍च्‍येते साँचो ओत। ङे पेताते गो सुङगीङ च्‍येता मुथुबो थेमे ङे च्‍येताते सुङगीङ बेताङ मुथुबो।

छ्या स्‍ये च्‍युताते बात 4:4

थेमे थे सिंहासन फेरोला खालज्‍यीकताङ स्‍यी ज्‍येनोङ सिंहासन ओतान। थे ज्‍येन ज्‍येन सिंहासन लाक्‍तुचेन मेरा खालज्‍यीकताङ स्‍यी छ्ये छ्येतेबा देता ओतान। थेबेकी खोलाक कार्मुतेन्‍दे थेमे सेरगी श्रीपेज खोन्‍दा ओतान।

छ्या स्‍ये च्‍युताते बात 4:6

थे सिंहासन दोन्‍नापाला सिसा च्‍योकराङ सम्‍मज्‍यीक थेमे बिल्‍लौर सिराते यु च्‍योकराङ साङलोज्‍यीक समुन्‍द्र च्‍योक ओतान। थेमे थे सिंहासन फेरोला खुदुक खुदुक स्‍वरूप खाबातेन्‍दे ङेपाक ओताते थरी स्‍यी देता ओतान। थेबेते गाङेपा मिकराङ मिककामा ओतान।

छ्या स्‍ये च्‍युताते बात 4:9

थोक खाला थेबा स्‍यीकारगी थे सिंहासन लाक देत्‍कान्‍तेला थेते जय जय ओङस्‍यीत सिन ओतान। थेबेकी थेला मान खिन धन्‍यवाद तेरगीन ओतान। थे सिंहासन लाक देत्‍कान्‍तेचेन सधैँभरि देत्‍कान्‍ते ईन।

छ्या स्‍ये च्‍युताते बात 5:6

थेरूई ङे थे सिंहासन दोन्‍दु लाकीन देताते लुई रीउज्‍यीक थोङसुङ। थे सिंहासनताङ थे लुई रीउकी फेरोलाचेन थे ङेपाक ओताते थरी स्‍यीबो थेमे थे मेरा खालज्‍यीकताङ स्‍यीबो छ्ये छ्येतेबा देता ओतान। थेला थोताते मा ताजीन थे लुई रीउ सेताते च्‍योकराङ थोङगीन ओतान। थेते रोज्‍यो दुईनताङ मिक दुईन ओतान। थे मिक दुईनचेन दि सा लुङबा खाङ खुदुक खुदुक काम खिताला ताङाते परमेश्‍वर आत्‍मा दुईनबो ईन।

छ्या स्‍ये च्‍युताते बात 6:1

थेरूई थे लुई रीउकी थे छाप दुईनगी नाङ गाङे भन्‍दा गोमे छाप लोक्‍पाते ङे थोङसुङ। थेमे थे ङेपाक ओताते थरी स्‍यीबो नाङ दोक्‍पोईकी नाम गुरूङ खिताच्‍योक खाईन ङोरो तेन्‍गीन “लो स्‍योक,” सिन सिरा ङे थोसुङ।

छ्या स्‍ये च्‍युताते बात 6:6

थेमे थे ङेपाक ओताते थरी स्‍यीबो नाङ दोक्‍पोईकी थे तराजु खुरा ओतातेला “ङीमाज्‍यीक काम खाला ङेत्‍च्‍येते पैसेकी मिकी था कि किलोज्‍यीक ठा कि किलो सुम जौकामा ङ्य्‌वा थुप्‍क्‍यो। मोर्गु छिरच्‍येते जैतुन दोङबो थेमे छ्याङ जोच्‍येते अंगूर दोङबोओनचेन नाश मातोङ,” सिन साबा ङे थोसुङ।

छ्या स्‍ये च्‍युताते बात 7:11

थे सिंहासन, थे मेरा खालज्‍यीकताङ स्‍यीबो छ्ये छ्येतेबा थेमे थे ङेपाक ओताते थरी स्‍यीबो फेरोला परमेश्‍वर दूतओन गाङे लाकीन देता ओतान। थेमे थे दूतओनगी सिंहासन दोन्‍दु खोबुकला देत्‍कीन दोक सिन परमेश्‍वरते जय जय खासुङ।

छ्या स्‍ये च्‍युताते बात 7:15

थोगीराङ दिबा ङीन नुप परमेश्‍वर मन्‍दिर नाङ परमेश्‍वर सिंहासन दोन्‍दु देत्‍ला थेला छ्ये जोइनराङ देत्‍कीदुक। सिंहासन लाक देत्‍कान्‍ते थेबाताङ ङ्योम्‍बुराङ देत्‍ला थेकी थेबाला लेमु खाला तेइओ।