छ्या स्‍ये च्‍युताते बात 4:6 - जिरेल

⁶ थे सिंहासन दोन्‍नापाला सिसा च्‍योकराङ सम्‍मज्‍यीक थेमे बिल्‍लौर सिराते यु च्‍योकराङ साङलोज्‍यीक समुन्‍द्र च्‍योक ओतान। थेमे थे सिंहासन फेरोला खुदुक खुदुक स्‍वरूप खाबातेन्‍दे ङेपाक ओताते थरी स्‍यी देता ओतान। थेबेते गाङेपा मिकराङ मिककामा ओतान।

छ्या स्‍ये च्‍युताते बात 4:6 Iomraidhean Croise

छ्या स्‍ये च्‍युताते बात 14:3

थेमे थे मिओनचेन परमेश्‍वर सिंहासन, थे ङेपाक ओताते थरी स्‍यीबो थेमे थे मेरा खालज्‍यीकताङ स्‍यीबो छ्ये छ्येतेबे दोन्‍दु देत्‍ला गोमा नोमुङ मालाबाते साम्‍बाते लुज्‍यीक लिन्‍गीन ओतान। दि सा लुङबे मिओन नाङदुकी परमेश्‍वरगी पापकी सजायदुकी टालाते होथेबेकी बाई दि लु ज्‍येन सुङगीङ लिन्‍दा थुप्‍कीन मेतान।

छ्या स्‍ये च्‍युताते बात 15:2

थे दूतओनला थोङनामेई लोक्‍ला ङे मे ज्‍वाला स्‍येबाज्‍यीक सिसा च्‍योकराङ टल्‍के खित्‍च्‍याज्‍यीक समुन्‍द्र च्‍योकस्‍यिक थोङसुङ। थेमे ङे थे समुन्‍द्रे छेउदुराङ लाकीन देताते मिओन थोङसुङ। थेबाचेन होथे जन्‍तुला ग्‍याल्‍गीन वाबा ओतान। थेबेई नोमुङ थे जन्‍तुताङ थे मूर्तिला माने माक्‍याकीन थेमे थे मि ईन सिन थे मिनगी नम्‍बर छाप देक माच्‍युत्‍कीन थे जन्‍तुताङ थे मूर्तिला ग्‍याला थुपा ओतान। थेबेकी परमेश्‍वरगी बिन्‍दाते वीणा सिराते बाजाओन लाःक्‍तु खुरा ओतान।

छ्या स्‍ये च्‍युताते बात 15:7

थेमे थे ङेपाक ओताते थरी स्‍यीबो नाङ दोक्‍पोईकी सधैँभरि सोन्‍ला देत्‍कान्‍ते परमेश्‍वरगी स्‍येदाङगी चूर गाल्‍ला तेरच्‍येते सजायकी टाम टाम खाङाते सेरगी कचौरा रेरे थे परमेश्‍वर दूत दुईनबोला बिन्‍सुङ।

छ्या स्‍ये च्‍युताते बात 19:4

थेमे थे मेरा खालज्‍यीकताङ स्‍यीबो छ्ये छ्येतेबा थेमे थे ङेपाक ओताते थरी स्‍यीबोकी “आमेन, हल्‍लेलूयाह,” सिन थे सिंहासन लाक देत्‍कान्‍ते परमेश्‍वरला गुर्बु खाईन से खासुङ।

छ्या स्‍ये च्‍युताते बात 21:11

मिगी ताराङ मुथुप्‍च्‍या झिलिमिली नाम्‍दाकला देत्‍कान्‍ते परमेश्‍वर थेरू देता ओतेकी थे सार झिलिमिली गाला ओतान। थे आउदी लेमुते बिल्‍लौर थेमे स्‍फटिक सिराते यु च्‍योकराङ खाला टल्‍के खाबा थोङगीन ओतान।

छ्या स्‍ये च्‍युताते बात 21:18

थे गारोचेन स्‍फटिक सिराते युईते जोबा ओतान। थेमे थे सारचेन सिसा च्‍योकराङ जेसुकै छ्याङे थोङा थुप्‍च्‍याज्‍यीक सक्‍कलीते सेरगी जोबा ओतान।

छ्या स्‍ये च्‍युताते बात 21:21

थे गारो गो च्‍युन्‍ङीचेन मोती च्‍युन्‍ङीकी जोबा ओतान। थे गोतेबा मोती रेरेकी गो रेरे जोबा ओतान। थे सारगी लामचेन सिसा च्‍योकराङ जेसुकै छ्याङे थोङा थुप्‍च्‍याज्‍यीक सक्‍कलीते सेरगी जोबा ओतान।

छ्या स्‍ये च्‍युताते बात 22:1

थेमे दि तिरी थे दूतकी ङाला चाङबोज्‍यीक तेन्‍सुङ। थे चाङबो बिल्‍लौर सिराते यु च्‍योकराङ साङलोई ओतान। थे चाङबो छ्यु थुङकान्‍ते मिओनगी नोमुङ मिसिन्‍च्‍येते जुनी ङेत्‍क्‍यो। थे चाङबोचेन परमेश्‍वरताङ लुई रीउ देत्‍च्‍येते सिंहासनदुकी थेन्‍गीन

छ्या स्‍ये च्‍युताते बात 4:4

थेमे थे सिंहासन फेरोला खालज्‍यीकताङ स्‍यी ज्‍येनोङ सिंहासन ओतान। थे ज्‍येन ज्‍येन सिंहासन लाक्‍तुचेन मेरा खालज्‍यीकताङ स्‍यी छ्ये छ्येतेबा देता ओतान। थेबेकी खोलाक कार्मुतेन्‍दे थेमे सेरगी श्रीपेज खोन्‍दा ओतान।

छ्या स्‍ये च्‍युताते बात 5:11

थेमे लोईन ताजीन ङे थे सिंहासन, थे ङेपाक ओताते थरी स्‍यीबो थेमे थे मेरा खालज्‍यीकताङ स्‍यीबो छ्ये छ्येतेबे फेरो खाङ परमेश्‍वर दूत काल्‍बेई थोङसुङ। ङे थेबे ङोरोङ थोसुङ। थेबाचेन ङोला ङ्वा मुथुप्‍च्‍या मुन्‍तीसरी ओतान।

छ्या स्‍ये च्‍युताते बात 5:14

थेमे थे ङेपाक ओताते थरी स्‍यीबोकी आमेन सिन सिरजीन थे मेरा खालज्‍यीकताङ स्‍यीबो छ्ये छ्येतेबेकीचेन गुर्बु खाला से खिन थेबा ङिबोला छ्ये जोसुङ।

छ्या स्‍ये च्‍युताते बात 5:6

थेरूई ङे थे सिंहासन दोन्‍दु लाकीन देताते लुई रीउज्‍यीक थोङसुङ। थे सिंहासनताङ थे लुई रीउकी फेरोलाचेन थे ङेपाक ओताते थरी स्‍यीबो थेमे थे मेरा खालज्‍यीकताङ स्‍यीबो छ्ये छ्येतेबा देता ओतान। थेला थोताते मा ताजीन थे लुई रीउ सेताते च्‍योकराङ थोङगीन ओतान। थेते रोज्‍यो दुईनताङ मिक दुईन ओतान। थे मिक दुईनचेन दि सा लुङबा खाङ खुदुक खुदुक काम खिताला ताङाते परमेश्‍वर आत्‍मा दुईनबो ईन।

छ्या स्‍ये च्‍युताते बात 5:8

थेकी थे किताब लानामेई थे ङेपाक ओताते थरी स्‍यीकारताङ थे मेरा खालज्‍यीकताङ स्‍यीबो छ्ये छ्येतेबा गाङेकी थेला गुर्बु खाईन से खासुङ। थेबा गाङे लाःक्‍तु वीणा सिराते बाजा रेरेताङ धूपकी खाङाते सेरगी कचौरा रेरे ओतान। थे धूपचेन परमेश्‍वर सन्‍तानओनगी परमेश्‍वरला खाबाते प्रार्थना ओतान।

छ्या स्‍ये च्‍युताते बात 6:1

थेरूई थे लुई रीउकी थे छाप दुईनगी नाङ गाङे भन्‍दा गोमे छाप लोक्‍पाते ङे थोङसुङ। थेमे थे ङेपाक ओताते थरी स्‍यीबो नाङ दोक्‍पोईकी नाम गुरूङ खिताच्‍योक खाईन ङोरो तेन्‍गीन “लो स्‍योक,” सिन सिरा ङे थोसुङ।

छ्या स्‍ये च्‍युताते बात 6:6

थेमे थे ङेपाक ओताते थरी स्‍यीबो नाङ दोक्‍पोईकी थे तराजु खुरा ओतातेला “ङीमाज्‍यीक काम खाला ङेत्‍च्‍येते पैसेकी मिकी था कि किलोज्‍यीक ठा कि किलो सुम जौकामा ङ्य्‌वा थुप्‍क्‍यो। मोर्गु छिरच्‍येते जैतुन दोङबो थेमे छ्याङ जोच्‍येते अंगूर दोङबोओनचेन नाश मातोङ,” सिन साबा ङे थोसुङ।

छ्या स्‍ये च्‍युताते बात 7:11

थे सिंहासन, थे मेरा खालज्‍यीकताङ स्‍यीबो छ्ये छ्येतेबा थेमे थे ङेपाक ओताते थरी स्‍यीबो फेरोला परमेश्‍वर दूतओन गाङे लाकीन देता ओतान। थेमे थे दूतओनगी सिंहासन दोन्‍दु खोबुकला देत्‍कीन दोक सिन परमेश्‍वरते जय जय खासुङ।

छ्या स्‍ये च्‍युताते बात 7:17

च्‍यिला सासीन सिंहासन किल्‍दु ओताते लुई रीउकी थेबाला लेमु खाला गोठाला खिओ। थेकी थेबाला छ्युई मोनगी नाङला टीला खेरग्‍यो। थे मोनगी छ्यु थुङकान्‍ते मिओनगी नोमुङ मिसिन्‍च्‍येते जुनी ङेत्‍क्‍यो। थेमे परमेश्‍वरगी थेबे मिगी मिकच्‍युक पिला तेरग्‍यो,” सिन सिदुक।