छ्या स्‍ये च्‍युताते बात 4:5 - जिरेल

⁵ किल्‍दु ओताते सिंहासनदुकीचेन चिलाम खिन ओतान, नामज्‍योक बुराङ साच्‍याज्‍यीक ङोरो थोकीन ओतान, नामोङ गुरूङ खिन ओतान थेमे थे सिंहासन दोन्‍दुराङ मे राँको च्‍योक खाईन बाराते नाम्‍दाक दुईन ओतान। थे नाम्‍दाकचेन परमेश्‍वर आत्‍मा दुईनबो ईन।

छ्या स्‍ये च्‍युताते बात 4:5 Iomraidhean Croise

मत्ती 25:1

परमेश्‍वर ओत्‍सादुई वाबाते मि ग्‍युरला ओङजीनचेन स्‍वर्गे राज्‍यदु दि कथाला साबा च्‍योकराङ ओङगो। चुक सासीन बाजिई ठाउँज्‍यीक्‍तु फाङमा खिते बेलाला खोपरोङ चलनला खिता फापा च्‍योकराङ खाईन कर्नेते फेम्‍मे फिजा च्‍युताम्‍बा खोपरोङ खोपरोङ बत्ती पारगीन खुरगीन बेउलाला ठेता खिताला गाल्‍दुक्‍लो।

मत्ती 3:11

थेमे ङाचेन खालि खोपरोङ पापी दुका सिन छ्या स्‍येकीन परमेश्‍वर छ्य्‌वापा लै खाबाते मिओनला छ्युलाकामा लुक्‍ला बप्‍तिस्‍मा तेरग्‍यो। था ङे तिरी मिज्‍यीक ओङगो। थेचेन ङा भन्‍दा खापान खापान छ्ये ईन। सिइराङ सासीन ङानी थेते योक्‍पो ओङला काचाप खुरला थे तिरी ख्‍याम्‍बालाङ सोई मिक्‍किओ। थेकीचेन ख्‍योकोनला परमेश्‍वर आत्‍मा तेरच्‍येतेताङ मेला लुक्‍ला न्‍याय खित्‍च्‍येते काम ङिकाराङ खिओ।

शक्ति काम 2:3

थेमे जोदाज्‍यीक मे बाराते च्‍येला च्‍योकस्‍यिक थेरू ओङाङ थेबेकी थोङसुङ। थेचेन ठाल्‍गीन गाल्‍गीन थेरू ओताते मिबरी गाङे लाक्‍तु फाप्‍सुङ।

छ्या स्‍ये च्‍युताते बात 1:4

एशिये अञ्‍चलदु फाप्‍च्‍येते सार दुईनकारदु जम्‍मा ओङकान्‍ते येशू ख्रीष्‍ट मिओन ख्‍योकोन गाङेला ङा यूहन्‍ना दि बातओन टिगीन ओत। परमेश्‍वर थेमे थे खोरोङ सिंहासन दोन्‍दु ओताते परमेश्‍वर आत्‍मा दुईनबोताङ येशू ख्रीष्‍टकी ख्‍योकोनला दया खाला लेमु खिनराङ देत्‍स्‍यीत। परमेश्‍वर थरिङोलाङ ओत, गोमामेकीराङ ओतान थेमे सधैँभरि देत्‍कान्‍तेङ थेराङ ईन। परमेश्‍वर सु ईन्‍दे सिन थेमे थेकी खित्‍च्‍येते कामगी बात लेमु खाला लाप्‍ला तेरकान्‍ते येशू ख्रीष्‍ट ईन। स्‍याप्‍ते मिओन नाङ गाङे भन्‍दा गोमा नोमुङ मिस्‍यिच्‍या खाला सोम्‍बो लोक्‍कान्‍तेचेन थेराङ ईन। थेचेन दि लुङबा मुलुक गेल्‍बोओनतेङ गेल्‍बो ईन। येशूचेन ङुरूङला आउदी ङिङज्‍ये खित्‍कान्‍ते ईन। ङुरूङ लाईदु स्‍यिजीन थे खोरोङ जीउदुकी थेन्‍दाते ठागी खित्‍सादु थेकी ङुरूङला पापदुकी टाल्‍सुङ,

छ्या स्‍ये च्‍युताते बात 10:3

थेरूई थे सिंह ङाराच्‍योक खाईन कस्‍स्‍ये खाईन छेरा खासुङ। थेकी थोक खित्‍जीन थे ङोरो दुईनगी गाराङताङ गुरूङ खासुङ।

छ्या स्‍ये च्‍युताते बात 11:19

थेरूई स्‍वर्गने ओताते परमेश्‍वर मन्‍दिर गो फेत्‍सुङ। थेमे गोमा परमेश्‍वर इस्राएलीओनताङ ङ्योम्‍बु ओत सिन सम्‍झे खिताला जोबाते जमान बाकसोङ थे नाङ थोङसुङ। थेमे थेरू चिलाम खासुङ, नामज्‍योक बुराङ साच्‍याज्‍यीक ङोरो थोसुङ, नाम गाराङताङ गुरूङ खासुङ, ज्‍यीबा लाङच्‍याई सेदेर्मु गाल्‍सुङ थेमे जोदा जोदातेन्‍दे सरेङ ग्‍याप्‍सुङ।

छ्या स्‍ये च्‍युताते बात 3:1

सार्डिस सारदु जम्‍मा ओङकान्‍ते येशू ख्रीष्‍ट मिओनला ताकोरा खित्‍कान्‍ते परमेश्‍वर दूतला दोक सिन टि। दि बातचेन परमेश्‍वर आत्‍मा दुईनबो ङ्योम्‍बु ओताते थेमे लाःक्‍तु कार्मा दुईन ओताते ङा सिन ओत। च्‍यि सासीन थेपा ख्‍योकोनगी च्‍यि च्‍यि खाबा ओते सिन गाङे बात ङाला छ्या ओत। मिओनगी ख्‍योकोनला परमेश्‍वरताङ डिक्‍कान्‍ते आउदी लेमु मि ईन खिदुक। दोक ईन्‍सीनोङ ख्‍योकोन थोक्‍ते मि मेन, ख्‍योकोननी परमेश्‍वर लाईदु स्‍याप छेतराङ गाल्‍ला दुक।

छ्या स्‍ये च्‍युताते बात 5:6

थेरूई ङे थे सिंहासन दोन्‍दु लाकीन देताते लुई रीउज्‍यीक थोङसुङ। थे सिंहासनताङ थे लुई रीउकी फेरोलाचेन थे ङेपाक ओताते थरी स्‍यीबो थेमे थे मेरा खालज्‍यीकताङ स्‍यीबो छ्ये छ्येतेबा देता ओतान। थेला थोताते मा ताजीन थे लुई रीउ सेताते च्‍योकराङ थोङगीन ओतान। थेते रोज्‍यो दुईनताङ मिक दुईन ओतान। थे मिक दुईनचेन दि सा लुङबा खाङ खुदुक खुदुक काम खिताला ताङाते परमेश्‍वर आत्‍मा दुईनबो ईन।

छ्या स्‍ये च्‍युताते बात 8:5

थेमे थे दूतकी होथे थानदु मे मेल्‍ताककी दोबोन्‍डा काङगीन पृथ्‍वीमा युक युकीन क्‍युरसुङ। थोक खानामेई नाम गाराङताङ गुरूङ खासुङ, नामज्‍योक बुराङ साच्‍याज्‍यीक ङोरो थोसुङ, चिलाम खासुङ थेमे सेदेर्मुङ गाल्‍सुङ।