छ्या स्‍ये च्‍युताते बात 4:4 - जिरेल

⁴ थेमे थे सिंहासन फेरोला खालज्‍यीकताङ स्‍यी ज्‍येनोङ सिंहासन ओतान। थे ज्‍येन ज्‍येन सिंहासन लाक्‍तुचेन मेरा खालज्‍यीकताङ स्‍यी छ्ये छ्येतेबा देता ओतान। थेबेकी खोलाक कार्मुतेन्‍दे थेमे सेरगी श्रीपेज खोन्‍दा ओतान।

छ्या स्‍ये च्‍युताते बात 4:4 Iomraidhean Croise

मत्ती 19:28

थोक सिरजीन थेकी चेलातेबा गाङेला “ईन ईन, ख्‍योकोनगी च्‍यि खाबा ओते सिन ङाला गाङे छ्या ओत। ङा ख्‍योकोनला चुक सिते सासीन दि जुग सिन्‍गीन स्‍वर्गे राज्‍य पूरो खाईन वानामेई परमेश्‍वर ओत्‍सादुई वाबाते मि ङा गेल्‍बो देत्‍च्‍येते सिंहासनदु देत्‍ला राज्‍य खित्‍जीन ख्‍योकोनगीङ सिंहासन च्‍युन्‍ङी लाक्‍तु देत्‍ला ङात्ताङराङ राज्‍य खिता ङेत्‍क्‍यो। थेमे ख्‍योकोनगी इस्राएलीओन थर च्‍युन्‍ङीला राज्‍य खाला न्‍याय खिओ।

लूका 22:30

थोगी ङा गेल्‍बो ओङगीन राज्‍य खिताला स्‍यूनामेई ख्‍योकोनचेन ङे राज्‍यदु देत्‍ला भोज सा ङेत्‍क्‍यो। थेमे गेल्‍बो देत्‍च्‍येते सिंहासन लाक्‍तु देत्‍ला ख्‍योकोनगी इस्राएलीओन थर च्‍युन्‍ङीला राज्‍य खाला न्‍याय खिओ,” सिन सिदुक।

२ तिमोथी 4:8

थोगी ङा परमेश्‍वरगी खि साबा साबा च्‍योकराङ खित्‍कान्‍ते मि ईन सिन था ङे इनाम ङेत्‍क्‍यो। थे इनामचेन सुङलाङ काका पाका मिक्‍किता खाला न्‍याय खित्‍कान्‍ते प्रभु येशू ख्रीष्‍टकी थे खोरोङ ग्‍युरला ओङे छोमु ङाला तेरग्‍यो। थे इनाम थेकी ङालाकामा मेन, थे स्‍वर्गनेकी ग्‍युरला ओङगो सिन गा खिन गुला देत्‍कान्‍तेबा गाङेला तेरग्‍यो।

छ्या स्‍ये च्‍युताते बात 11:16

थेमे परमेश्‍वर फेरोला दाक्‍पोन दाक्‍पोन सिंहासनदु देताते थे मेरा खालज्‍यीकताङ स्‍यीबो छ्ये छ्येतेबेकी खोबुकला देत्‍कीन दोक सिन परमेश्‍वरते जय जय खासुङ।

छ्या स्‍ये च्‍युताते बात 14:3

थेमे थे मिओनचेन परमेश्‍वर सिंहासन, थे ङेपाक ओताते थरी स्‍यीबो थेमे थे मेरा खालज्‍यीकताङ स्‍यीबो छ्ये छ्येतेबे दोन्‍दु देत्‍ला गोमा नोमुङ मालाबाते साम्‍बाते लुज्‍यीक लिन्‍गीन ओतान। दि सा लुङबे मिओन नाङदुकी परमेश्‍वरगी पापकी सजायदुकी टालाते होथेबेकी बाई दि लु ज्‍येन सुङगीङ लिन्‍दा थुप्‍कीन मेतान।

छ्या स्‍ये च्‍युताते बात 19:14

थेमे स्‍वर्गने ओताते फौजतेबाङ ओमे थोपो च्‍योकराङ कार्मुज्‍यीक आउदी लेमुते कार्मुते खोलाक खोन्‍गीन कार्मुतेन्‍दे घोडाला जेकीन थे तिरी तिरी ख्‍याम्‍बा ओतान।

छ्या स्‍ये च्‍युताते बात 19:4

थेमे थे मेरा खालज्‍यीकताङ स्‍यीबो छ्ये छ्येतेबा थेमे थे ङेपाक ओताते थरी स्‍यीबोकी “आमेन, हल्‍लेलूयाह,” सिन थे सिंहासन लाक देत्‍कान्‍ते परमेश्‍वरला गुर्बु खाईन से खासुङ।

छ्या स्‍ये च्‍युताते बात 2:10

ख्‍योकोनला आइ परे खिता खाबाते दुक्‍पा थोङला ख्‍योकोन ज्‍यीबा माकेत। ना ख्‍योकोनगी ङाला विश्‍वास खिता तोङगीता सिन ताप्‍ला शैतानगी ख्‍योकोन नाङ दोक्‍पोई ङिला जेलला लु ज्‍युत्‍क्‍यो। थोक खासीनोङ ङीमा च्‍युताम्‍बाकामा ख्‍योकोनला दुक्‍पा ओङगो। स्‍यापराङ फाप्‍सीनोङ ख्‍योकोनगी ङाला विश्‍वास खिता मातोङ। थेमे ङा ख्‍योकोनला इनाम तेरग्‍यो, थेचेन नोमुङ मिसिन्‍च्‍येते जुनी ईन।

छ्या स्‍ये च्‍युताते बात 20:4

थेमे दि तिरी ङे सिंहासनतेबा थेमे थे लाक्‍तु देत्‍कान्‍तेबाला थोङसुङ। थेबालाचेन न्‍याय खित्‍च्‍येते अधिकार बिन्‍दा ओतान। लोक्‍ला ङे येशू सु ईन्‍दे, थेकी च्‍यि खिते सिन ज्‍येनला लापेकी थेमे ज्‍येनला परमेश्‍वर बात लापेकी खित्‍सादु गोः तुप्‍कीन सेताते मिओन आत्‍मा थोङसुङ। थेबेकी थे जन्‍तु थेमे थे मूर्तिला माने खाबा मेतान। थेमे खोपरोङ टालाला कि सामे लाक्‍पाला थे जन्‍तु मिनगी छाप देक च्‍युता मेतान। थेबा गाङेराङ दाक सोम्‍बो लोक्‍सुङ। थेमे लो हजारज्‍यीकसाक ख्रीष्‍टताङ ङ्योम्‍बुराङ राज्‍य खासुङ।

छ्या स्‍ये च्‍युताते बात 3:18

थोगी ङा ख्‍योकोनला च्‍यि खि सिते सासीन खेराङला जेसुकै दाङस्‍यीत ख्‍योप्‍स्‍यीत सिन मेला लुगीन ताकीन सक्‍कली दुका सिन छ्या स्‍येबाते सेर ङात्ताङ ङ्यो, ङोचा लाङच्‍या पेर्दुङबाराङ ओतेकी खोन्‍दाला ख्‍योकोनगी ङात्ताङ ओताते खापाङ छ्याःङ दाग माखोबाते खोलाक कार्मुते ङ्योला खोन थेमे खेराङ मिगी थोङस्‍यीत सिन ङात्ताङ ओताते मलम ङ्योला कु।

छ्या स्‍ये च्‍युताते बात 4:10

थे ङेपाक ओताते थरी स्‍यीबोकी सधैँभरि सोन्‍ला थे सिंहासन लाक देत्‍कान्‍तेते थोक खाला जय जय खित्‍जीन थे मेरा खालज्‍यीकताङ स्‍यीबो छ्ये छ्येतेबेकीचेन गुर्बु खाला थेला से खिन ओतान। थेमे थे खेराङगी खोन्‍दाते श्रीपेज थेन्‍ला च्‍याला थे सिंहासन खादु ज्‍याक्‍ला

छ्या स्‍ये च्‍युताते बात 4:6

थे सिंहासन दोन्‍नापाला सिसा च्‍योकराङ सम्‍मज्‍यीक थेमे बिल्‍लौर सिराते यु च्‍योकराङ साङलोज्‍यीक समुन्‍द्र च्‍योक ओतान। थेमे थे सिंहासन फेरोला खुदुक खुदुक स्‍वरूप खाबातेन्‍दे ङेपाक ओताते थरी स्‍यी देता ओतान। थेबेते गाङेपा मिकराङ मिककामा ओतान।

छ्या स्‍ये च्‍युताते बात 5:11

थेमे लोईन ताजीन ङे थे सिंहासन, थे ङेपाक ओताते थरी स्‍यीबो थेमे थे मेरा खालज्‍यीकताङ स्‍यीबो छ्ये छ्येतेबे फेरो खाङ परमेश्‍वर दूत काल्‍बेई थोङसुङ। ङे थेबे ङोरोङ थोसुङ। थेबाचेन ङोला ङ्वा मुथुप्‍च्‍या मुन्‍तीसरी ओतान।

छ्या स्‍ये च्‍युताते बात 5:14

थेमे थे ङेपाक ओताते थरी स्‍यीबोकी आमेन सिन सिरजीन थे मेरा खालज्‍यीकताङ स्‍यीबो छ्ये छ्येतेबेकीचेन गुर्बु खाला से खिन थेबा ङिबोला छ्ये जोसुङ।

छ्या स्‍ये च्‍युताते बात 5:6

थेरूई ङे थे सिंहासन दोन्‍दु लाकीन देताते लुई रीउज्‍यीक थोङसुङ। थे सिंहासनताङ थे लुई रीउकी फेरोलाचेन थे ङेपाक ओताते थरी स्‍यीबो थेमे थे मेरा खालज्‍यीकताङ स्‍यीबो छ्ये छ्येतेबा देता ओतान। थेला थोताते मा ताजीन थे लुई रीउ सेताते च्‍योकराङ थोङगीन ओतान। थेते रोज्‍यो दुईनताङ मिक दुईन ओतान। थे मिक दुईनचेन दि सा लुङबा खाङ खुदुक खुदुक काम खिताला ताङाते परमेश्‍वर आत्‍मा दुईनबो ईन।

छ्या स्‍ये च्‍युताते बात 5:8

थेकी थे किताब लानामेई थे ङेपाक ओताते थरी स्‍यीकारताङ थे मेरा खालज्‍यीकताङ स्‍यीबो छ्ये छ्येतेबा गाङेकी थेला गुर्बु खाईन से खासुङ। थेबा गाङे लाःक्‍तु वीणा सिराते बाजा रेरेताङ धूपकी खाङाते सेरगी कचौरा रेरे ओतान। थे धूपचेन परमेश्‍वर सन्‍तानओनगी परमेश्‍वरला खाबाते प्रार्थना ओतान।

छ्या स्‍ये च्‍युताते बात 6:11

थेमे थेबा गाङेला खोन्‍दाला कार्मुते खोलाक रेरे तेरगीनकामा “खेराङ च्‍योकराङ परमेश्‍वर काम खित्‍कान्‍ते थोरूम सेता बाँकी ओताते खेराङ आज्‍यो न्‍वालाङ ख्‍योकोनला च्‍योकराङ खाईन सेत्‍कीन मासिनथुप टिक्‍पी दिन गुकीन खि,” सिन सिदुक।

छ्या स्‍ये च्‍युताते बात 7:11

थे सिंहासन, थे मेरा खालज्‍यीकताङ स्‍यीबो छ्ये छ्येतेबा थेमे थे ङेपाक ओताते थरी स्‍यीबो फेरोला परमेश्‍वर दूतओन गाङे लाकीन देता ओतान। थेमे थे दूतओनगी सिंहासन दोन्‍दु खोबुकला देत्‍कीन दोक सिन परमेश्‍वरते जय जय खासुङ।

छ्या स्‍ये च्‍युताते बात 7:9

थेमे दि तिरी ताजीन ङे थे सिंहासनताङ थे लुई रीउ दोन्‍दु ङोला ङ्वा मुथुप्‍च्‍या मुन्‍तीसरी मि थोङसुङ। थेबेकी खोलाक कार्मुतेन्‍दे खोन्‍दा ओतान। थेमे लाःक्‍तु खजूर दोङबो हाँगा खुरा ओतान। दिबाचेन लुङबा लुङबेते, थर थरगीते, जात जातकीते थेमे खुदुक खुदुक भाषे मि ओतान।

छ्या स्‍ये च्‍युताते बात 9:7

थे छ्युच्‍युपेओन दोक ताजीन लडाइँला खेराला ठीक खाबाते घोडाओन च्‍योक थोङगीन ओतान। थेबेकी गोःला सेरगी श्रीपेज च्‍योक्‍तेन्‍दे खोन्‍दा ओतान। थेमे थेबे छ्येतचेन मिते च्‍योकराङ ओतान।