छ्या स्‍ये च्‍युताते बात 4:10 - जिरेल

¹⁰ थे ङेपाक ओताते थरी स्‍यीबोकी सधैँभरि सोन्‍ला थे सिंहासन लाक देत्‍कान्‍तेते थोक खाला जय जय खित्‍जीन थे मेरा खालज्‍यीकताङ स्‍यीबो छ्ये छ्येतेबेकीचेन गुर्बु खाला थेला से खिन ओतान। थेमे थे खेराङगी खोन्‍दाते श्रीपेज थेन्‍ला च्‍याला थे सिंहासन खादु ज्‍याक्‍ला

छ्या स्‍ये च्‍युताते बात 4:10 Iomraidhean Croise

मत्ती 2:11

थेमे थे खाम्‍बादु लेप्‍ला नाङने स्‍यूला ताजीन थेबेकी थेरू थे फिजाताङ आमाते मरियमला थोङसुङ। थेरूई थेबेकी गुर्बु खाईन मान खिन थे फिजाला से खासुङ। से खाईन च्‍याकीन थे फिजाला सिन खुलाबाते सेर, धूप थेमे आउदी स्‍यीम्‍बुज्‍यीक बास्‍ना चले खित्‍च्‍येते मूर्र सिराते केकातेबा खुर्बुदुई थेन्‍गीन थेला बिन्‍सुङ।

लूका 24:52

थे थोक खाला स्‍वर्गने डोजीन थेबेकी थेते जय जय खासुङ। थे तिरी थेबा आउदी खाला गा खिन यरूशलेमपाराङ ग्‍युरगीन गाल्‍सुङ।

१ कोरिन्‍थी 15:10

ङे थोक मेलेबा खाबा ईन्‍सीनोङ परमेश्‍वरगी ङाला दया खाईन ज्‍येनला येशू ख्रीष्‍ट बात लोप्‍कान्‍ते मि जोसुङ। परमेश्‍वरगी ङाला दया खाबाते थाराङ खेरो मागाल्‍सुङ। ङेचेन ङाराङ च्‍योकराङ येशू ख्रीष्‍टकी खटे खाबाते मि गाङेकी भन्‍दा दुक्‍पा खाईन खाईन ल्‍हाक्‍पा काम खाबा ओत। ईन्‍सीनोङ ङे खाबाते काम ङाराङ स्‍येतताङ बुद्धिकी खाबाते मेन। दि गाङे परमेश्‍वर दयेकी खित्‍सादु खिता थुपाते ईन।

छ्या स्‍ये च्‍युताते बात 10:6

थेमे थेकी स्‍वर्ग, पृथ्‍वी थेमे समुन्‍द्रताङ दिबे नाङ ओताते जति गाङे जोकान्‍ते सधैँभरि सोन्‍ला देत्‍कान्‍ते परमेश्‍वर मिन लाकीन दोक सिनकामा ना क्‍याल्‍सुङ। थेकी “था ईन्‍सीन समय छाङसुङ।

छ्या स्‍ये च्‍युताते बात 11:16

थेमे परमेश्‍वर फेरोला दाक्‍पोन दाक्‍पोन सिंहासनदु देताते थे मेरा खालज्‍यीकताङ स्‍यीबो छ्ये छ्येतेबेकी खोबुकला देत्‍कीन दोक सिन परमेश्‍वरते जय जय खासुङ।

छ्या स्‍ये च्‍युताते बात 15:4

प्रभु, खोत्ताङ ज्‍यीबा मिक्‍किकान्‍तेताङ खोल्‍ला छ्ये मोजोकान्‍ते सु ओतेरो? सेमला पाप सिराते छ्याःङ मेताते खोकामा ईन। लुङबा लुङबे मि गाङेकी खुई दोन्‍दु वाला गुर्बु खाला से खिनकामा खोल्‍ला छ्ये जोइओ। च्‍यिला सासीन खुई खाबाते गाङे लेमुते कामतेबा गाङेकी थोङा ओत,” सिन ओतान।

छ्या स्‍ये च्‍युताते बात 15:7

थेमे थे ङेपाक ओताते थरी स्‍यीबो नाङ दोक्‍पोईकी सधैँभरि सोन्‍ला देत्‍कान्‍ते परमेश्‍वरगी स्‍येदाङगी चूर गाल्‍ला तेरच्‍येते सजायकी टाम टाम खाङाते सेरगी कचौरा रेरे थे परमेश्‍वर दूत दुईनबोला बिन्‍सुङ।

छ्या स्‍ये च्‍युताते बात 19:4

थेमे थे मेरा खालज्‍यीकताङ स्‍यीबो छ्ये छ्येतेबा थेमे थे ङेपाक ओताते थरी स्‍यीबोकी “आमेन, हल्‍लेलूयाह,” सिन थे सिंहासन लाक देत्‍कान्‍ते परमेश्‍वरला गुर्बु खाईन से खासुङ।

छ्या स्‍ये च्‍युताते बात 4:2

थेमे परमेश्‍वर आत्‍मेकी ङाला दाक जुम्‍सुङ। थेमे ङे स्‍वर्गने सिंहासनज्‍यीकताङ थे लाक्‍तु देत्‍कान्‍तेला थोङसुङ।

छ्या स्‍ये च्‍युताते बात 4:4

थेमे थे सिंहासन फेरोला खालज्‍यीकताङ स्‍यी ज्‍येनोङ सिंहासन ओतान। थे ज्‍येन ज्‍येन सिंहासन लाक्‍तुचेन मेरा खालज्‍यीकताङ स्‍यी छ्ये छ्येतेबा देता ओतान। थेबेकी खोलाक कार्मुतेन्‍दे थेमे सेरगी श्रीपेज खोन्‍दा ओतान।

छ्या स्‍ये च्‍युताते बात 4:9

थोक खाला थेबा स्‍यीकारगी थे सिंहासन लाक देत्‍कान्‍तेला थेते जय जय ओङस्‍यीत सिन ओतान। थेबेकी थेला मान खिन धन्‍यवाद तेरगीन ओतान। थे सिंहासन लाक देत्‍कान्‍तेचेन सधैँभरि देत्‍कान्‍ते ईन।

छ्या स्‍ये च्‍युताते बात 5:14

थेमे थे ङेपाक ओताते थरी स्‍यीबोकी आमेन सिन सिरजीन थे मेरा खालज्‍यीकताङ स्‍यीबो छ्ये छ्येतेबेकीचेन गुर्बु खाला से खिन थेबा ङिबोला छ्ये जोसुङ।

छ्या स्‍ये च्‍युताते बात 5:8

थेकी थे किताब लानामेई थे ङेपाक ओताते थरी स्‍यीकारताङ थे मेरा खालज्‍यीकताङ स्‍यीबो छ्ये छ्येतेबा गाङेकी थेला गुर्बु खाईन से खासुङ। थेबा गाङे लाःक्‍तु वीणा सिराते बाजा रेरेताङ धूपकी खाङाते सेरगी कचौरा रेरे ओतान। थे धूपचेन परमेश्‍वर सन्‍तानओनगी परमेश्‍वरला खाबाते प्रार्थना ओतान।

छ्या स्‍ये च्‍युताते बात 7:11

थे सिंहासन, थे मेरा खालज्‍यीकताङ स्‍यीबो छ्ये छ्येतेबा थेमे थे ङेपाक ओताते थरी स्‍यीबो फेरोला परमेश्‍वर दूतओन गाङे लाकीन देता ओतान। थेमे थे दूतओनगी सिंहासन दोन्‍दु खोबुकला देत्‍कीन दोक सिन परमेश्‍वरते जय जय खासुङ।