छ्या स्‍ये च्‍युताते बात 4:1 - जिरेल

¹ थेमे दि तिरी ताजीन ङे स्‍वर्गे गो फेता ओताते थोङसुङ। थेमे गोमा ङाराङताङ बात खित्‍कान्‍तेकी बिकुल ङोरो च्‍योकराङ खाईन याङराङ ङाला दोक सिन बात खाबाते ङे थोसुङ। थेकी ङाला “लो देने स्‍योक। था ङा खोल्‍ला दि तिरी ओङा फाप्‍च्‍येते बातओन तेन्‍दामीन,” सिन सिदुक।

छ्या स्‍ये च्‍युताते बात 4:1 Iomraidhean Croise

मत्ती 3:16

थोक खाईन सिन्‍दाईताङ येशू छ्युदुई पाङला थेन्‍सुङ। थेमे चुक ओङसुङा सासीन स्‍वर्गे गो फेत्‍कीन थेनेकी परमेश्‍वर आत्‍मा गन्‍दीमा च्‍य्‌वाबेई गाल्‍गीन थे ओत्‍सामा वाकीन थे खोरोङ लाक देताते येशूकी थोङसुङ।

मर्कूस 1:10

थोक खानामेई छ्युदुकी पाङला थेन्‍दासात्तु च्‍यि ओङसुङा सासीन स्‍वर्गे गो फेत्‍कीन थेनेकी परमेश्‍वर आत्‍मा गन्‍दीमा च्‍य्‌वाबेई गाल्‍गीन थे ओत्‍सामा वाकीन थे खोरोङ लाक फापाते येशूकी थोङसुङ।

लूका 3:21

थे खोरोङला जेलला लुबा भन्‍दा गोमा बप्‍तिस्‍मा नाङ सिन ओङकान्‍ते मि गाङेला यूहन्‍नेकी छ्युला लुगीन बप्‍तिस्‍मा बिन्‍सुङ। थेमे येशूङ बप्‍तिस्‍मा लिन्‍दाला वानामेई थेकी थेलाङ बप्‍तिस्‍मा बिन्‍सुङ।

यूहन्‍ना 16:13

दोक ईन्‍सीनोङ ख्‍योकोनला सल्‍लाह तेरकान्‍ते परमेश्‍वर आत्‍मा दुरू वानामेकी थेकीराङ ख्‍योकोनला सत्‍यते बात गाङे खो ज्‍युत्‍क्‍यो। थेकी खित्‍च्‍येते बात थे खोरोङगी जोला खित्‍च्‍येते मेन। थेकीनी थे खोरोङगी थोबाते बातकामा खिओ। थेमे था थोरूमोङ च्‍यि च्‍यि ओङगीते सिन लाप्‍ला तेरग्‍यो।

शक्ति काम 10:11

च्‍यि सासीन थेकी स्‍वर्गे गो फेताते थेमे थेनेकी गा च्‍योकस्‍यिक जोदाई छेउ छेउला सुइँदेकी जुम्‍बाच्‍योक खाईन थे ओत्‍सामा फाप्‍कीन ओङा थोङसुङ।

शक्ति काम 7:56

थोक थोङगीन थेकी याङराङ थेबाला “लो तो, ङेनी थाल्‍ला स्‍वर्गे गो फेत्‍कीन परमेश्‍वर ओत्‍सादुई वाबाते मि थे सामे छ्य्‌वापा लाकीन देताते थोङगीदुक,” सिन सिदुक।

छ्या स्‍ये च्‍युताते बात 1:10

थेमे थेरू ङीमाई आदेरी छोमु च्‍यि ओङसुङा सासीन परमेश्‍वर आत्‍मेकी ङाला जुम्‍सुङ। थेमे ङे ङाराङ ल्‍हाकनापा सुइँदेकी ङाराङताङ बात खिन ओताते थोसुङ। थे ङोरो आउदी कस्‍स्‍ये खाईन फुबाते बिकुल ङोरो च्‍योक ओतान।

छ्या स्‍ये च्‍युताते बात 1:12

दोक खाला ङाराङताङ बात खित्‍कान्‍ते सु ईन्‍दाका सिन ल्‍हाकनापा ग्‍युरला ताजीन ङे बत्ती पारला ज्‍य्‌वाच्‍येते सामदान सिराते दुईन थोङसुङ। थे सामदानतेबा सेरगीते ओतान।

छ्या स्‍ये च्‍युताते बात 1:19

लो था खुई खोरोङगी थोङगीन सिन्‍दाते, थाल्‍ला थोङगीन ओताते थेमे था तिरी ओङच्‍येते बातओन गाङे टि।

छ्या स्‍ये च्‍युताते बात 11:12

थेमे स्‍वर्गनेई आउदी कस्‍स्‍ये खाईन “देने स्‍योक,” सिन साबाते थेबा ङिबोकी थोसुङ। थेमे थेबा ङिकाराङ मुक्‍पे नाङ खाईन दाक स्‍वर्गने गाल्‍सुङ। थोक ओङाते थेबे शत्रु गाङेकी थोङसुङ।

छ्या स्‍ये च्‍युताते बात 11:19

थेरूई स्‍वर्गने ओताते परमेश्‍वर मन्‍दिर गो फेत्‍सुङ। थेमे गोमा परमेश्‍वर इस्राएलीओनताङ ङ्योम्‍बु ओत सिन सम्‍झे खिताला जोबाते जमान बाकसोङ थे नाङ थोङसुङ। थेमे थेरू चिलाम खासुङ, नामज्‍योक बुराङ साच्‍याज्‍यीक ङोरो थोसुङ, नाम गाराङताङ गुरूङ खासुङ, ज्‍यीबा लाङच्‍याई सेदेर्मु गाल्‍सुङ थेमे जोदा जोदातेन्‍दे सरेङ ग्‍याप्‍सुङ।

छ्या स्‍ये च्‍युताते बात 16:17

पालो दुईनगी बाजि दूतकीचेन थे खोरोङगी खुराते कचौरा नामदुराङ पुसुङ। थोक खिताईताङ परमेश्‍वर मन्‍दिर सिंहासनदुकी आउदी कस्‍स्‍ये खाईन “जे ओङा फाप्‍च्‍या ओतान था थे ओङगीन सिन्‍सुङ,” सिन सिरा ङे थोसुङ।

छ्या स्‍ये च्‍युताते बात 19:11

थोक थोक ओङगीन सिन्‍नामेकी ङे स्‍वर्ग गाङे ओङे फेता ओता थोङसुङ। थेरू घोडा कार्मुज्‍यीक ओतान। थेमे थे घोडे लाक जेक्‍कान्‍ते मिनचेन खिओ साबा च्‍योकराङ खित्‍कान्‍तेताङ नोमुङ ढाँर मिक्‍किकान्‍ते ईन। थेकी सुङलाङ काका पाका मिक्‍किता खाला न्‍याय खित्‍च्‍येते थेमे लडाइँ खित्‍च्‍येते खित्‍च्‍याक्‍वा।

छ्या स्‍ये च्‍युताते बात 22:6

थेमे याङराङ थे दूतकी ङाला “थाल्‍लासाक खुई थोङातेताङ थोबाते दि गाङे बात साबाते भन्‍दा नोमुङ खुदुक मोन्‍डोच्‍येते साबा च्‍योकराङ ओङच्‍येते बात ईन। था होत्ता ओङगीन ओताते दि बातओन थे खोरोङ काम खित्‍कान्‍ते मिओनला छ्या स्‍ये ज्‍युताला प्रभु परमेश्‍वरगी थे खोरोङ दूत ताङा ओतान। परमेश्‍वर बात खित्‍कान्‍ते मिओनला थोक खिताला थे खोरोङ आत्‍मा तेरकान्‍ते प्रभु परमेश्‍वरराङ ईन,” सिन सिदुक।