छ्या स्‍ये च्‍युताते बात 3:7 - जिरेल

⁷ फिलाडेल्‍फिया सारदु जम्‍मा ओङकान्‍ते येशू ख्रीष्‍ट मिओनला ताकोरा खित्‍कान्‍ते परमेश्‍वर दूतला दोक सिन टि। दि बातचेन सेमला पाप सिराते छ्याःङ मेताते, खिओ साबा च्‍योकराङ खित्‍कान्‍ते ङा सिन ओत। ङात्ताङ गेल्‍बो दाऊद सारगी गो बेत्‍च्‍येते साँचो ओत। ङे पेताते गो सुङगीङ च्‍येता मुथुबो थेमे ङे च्‍येताते सुङगीङ बेताङ मुथुबो।

छ्या स्‍ये च्‍युताते बात 3:7 Iomraidhean Croise

मत्ती 16:19

थेमे गोला साँचो देक्‍पाताङ बेताच्‍योक खाला ङा खोल्‍ला स्‍वर्गे राज्‍यदु चुक बेलाला च्‍यि खित्‍च्‍ये, च्‍यि मिक्‍किच्‍ये सिरच्‍येते अधिकार तेरग्‍यो। खुई दुरू मेङगो साबाते बातला परमेश्‍वरगीङ स्‍वर्गने मेङगोतराङ सिन सिओ। थेमे खुई दुरू ओङगो साबाते बातलाचेन थेकीङ ओङगोतराङ सिन सिओ,” सिन सिदुक।

मत्ती 24:35

दि साताङ नाम नाश गाल्‍ला तोरला डुइओ। तर ङे साबाते बातचेन फरकराङ परे मिक्‍किओ।

मर्कूस 1:24

“ए नासरतपे येशू, खुई सेमला पाप सिराते छ्याःङ मेत, खोल्‍ला परमेश्‍वरगी ताङाते ईन सिन ङाला छ्या ओत। खो ङ्योकोनला दुक्‍पा तेराला च्‍यिला वाबे? ङ्योकोनला था नरककुण्‍डमा तोङच्‍या ईनज्‍योक मेन?” सिन सासुङ।

लूका 1:32

थे आउदी छ्येज्‍यीक मि ओङगो। थेला गाङे भन्‍दा छ्येते परमेश्‍वरगी थे खोरोङ फुज्‍युङ ईन सिओ। प्रभु परमेश्‍वरगी थेला थे खोरोङ ज्‍युज्‍यु दाऊद गेल्‍बो राज्‍य बिन्‍ला च्‍याला छ्येज्‍यीक गेल्‍बो जोइओ।

लूका 4:34

“ए नासरतपे येशू, खुई सेमला पाप सिराते छ्याःङ मेत, खोल्‍ला परमेश्‍वरगी ताङाते ईन सिन ङाला छ्या ओत। खो ङ्योकोनला दुक्‍पा तेराला दुरू च्‍यिला वाबे? ङ्योकोनला था नरककुण्‍डमा तोङच्‍या ईनज्‍योक मेन?” सिन सासुङ।

यूहन्‍ना 14:6

थोक सिरजीन येशूकी “आबा ओत्‍साने डोच्‍येते लाम ङाराङ ईन। सत्‍यते परमेश्‍वरला छ्या स्‍ये ज्‍युत्‍कान्‍तेङ ङाराङ ईन। थेमे मिओनला नोमुङ मिसिन्‍च्‍येते जुनी तेरकान्‍तेङ ङाराङ ईन। ङे छ्य्‌वापेई मेन्‍दाला सुङ आबा ओत्‍साने ड्वा मुथुबो।

शक्ति काम 3:14

थे साटोला ज्‍यानमाराज्‍यीकलाका थोङ सिन साबा ओतान। थोक खाईन ख्‍योकोनगीनी सेमला पाप सिराते छ्याःङ मेताते खालि परमेश्‍वरगी खि साबा साबा च्‍योककामा खित्‍कान्‍ते येशूला दिङ सु ईन्‍देरो सिराच्‍योकका खासुङ।

१ यूहन्‍ना 5:20

ङुरूङला ज्‍येनोङ बात च्‍यि छ्या ओते सासीन परमेश्‍वर फुज्‍युङगी दुरू वाकीन परमेश्‍वर सु ईन्‍दे, चुक्‍ते ईन्‍दे सिन ङुरूङला छ्या स्‍ये च्‍युत्‍सुङ। थेकी दोक खानामेई ङुरूङ सत्‍यते परमेश्‍वरताङ डिक्‍पा थुप्‍सुङ थेमे परमेश्‍वर फुज्‍युङ येशू ख्रीष्‍टताङ डिक्‍पा थुप्‍सुङ। येशू ख्रीष्‍टचेन सत्‍यते परमेश्‍वर ईन, नोमुङ मिसिन्‍च्‍येते जुनी तेरकान्‍तेङ थेराङ ईन।

छ्या स्‍ये च्‍युताते बात 1:11

थेकीचेन “खुई च्‍यि च्‍यि थोङगीका थे गाङे बात स्‍यिउला टिला च्‍याला एफिसस, स्‍मर्ना, पर्गामम, थिआटीरा, सार्डिस, फिलाडेल्‍फियाताङ लाओडिसिया होदि सार दुईनकारदु जम्‍मा ओङकान्‍ते येशू ख्रीष्‍ट मिओनला थोङ,” सिन सिदुक।

छ्या स्‍ये च्‍युताते बात 1:18

ङा सोन्‍लाराङ देत्‍क्‍यो। ङा पालोई स्‍यापनी ओतान, थाचेन ङा याङराङ नोमुङ मिस्‍यिओ। स्‍यिच्‍येते कालला ङे ग्‍याला ओत। थेमे सुइँदाला सजाय बिन्‍ला नरककुण्‍डमा लुबा फाप्‍सीन थोक खित्‍च्‍येते अधिकारोङ ङात्ताङ ओत।

छ्या स्‍ये च्‍युताते बात 15:3

थेमे थेबाचेन परमेश्‍वर काम खित्‍कान्‍ते मोशेकी थे खोरोङ पालोला परमेश्‍वरते जय जय खिन लाबाते लु लिन्‍गीन ओतान। थेमे दोक सिन लुई रीउला छ्ये जोच्‍येते लुङ लिन्‍गीन ओतान। चुक सासीन “गाङे भन्‍दा छ्येज्‍यीक शक्ति ओताते प्रभु परमेश्‍वर, खुई खाबाते कामओन चुक छ्ये छ्येताङ अचम्‍ब लाङच्‍या ईन्‍दाका। खो सधैँभरि सोन्‍ला राज्‍य खिन देत्‍कान्‍ते गेल्‍बो ईन। खुई खित्‍च्‍येते काम गाङे लेमुतेकामा ईन।

छ्या स्‍ये च्‍युताते बात 16:7

थोक साकीन सिन्‍नामेकी “ईन ईन, गाङे भन्‍दा छ्येज्‍यीक शक्ति ओताते प्रभु परमेश्‍वर, खोचेन सुङलाङ काका पाका मिक्‍किता खाला सु सुला च्‍यि सजाय तेरा फाप्‍च्‍येते ईन्‍दे थे सजायराङ बिन्‍ला न्‍याय खित्‍कान्‍ते ईन,” सिन साबातेङ थोसुङ। दि ङोरोचेन थे थानदुकी थेन्‍दा ओतान।

छ्या स्‍ये च्‍युताते बात 19:11

थोक थोक ओङगीन सिन्‍नामेकी ङे स्‍वर्ग गाङे ओङे फेता ओता थोङसुङ। थेरू घोडा कार्मुज्‍यीक ओतान। थेमे थे घोडे लाक जेक्‍कान्‍ते मिनचेन खिओ साबा च्‍योकराङ खित्‍कान्‍तेताङ नोमुङ ढाँर मिक्‍किकान्‍ते ईन। थेकी सुङलाङ काका पाका मिक्‍किता खाला न्‍याय खित्‍च्‍येते थेमे लडाइँ खित्‍च्‍येते खित्‍च्‍याक्‍वा।

छ्या स्‍ये च्‍युताते बात 19:2

सुङलाङ काका पाका मिक्‍किता खाला सु सुला च्‍यि सजाय तेरा फाप्‍च्‍येते ईन्‍दे थे सजायराङ बिन्‍ला न्‍याय खित्‍कान्‍ते थेराङ ईन। थे मोरोङगी खिन ओताते खिता मेङच्‍येते ङोचा लाङच्‍येते काम खित च्‍युत्‍ला दि सा लुङबा खाङगी मिला ङ्ये ज्‍युत्‍कान्‍ते छ्याःङ ङोचा मेताते रन्‍डीला थेकी सोई खित्‍च्‍याज्‍यीकराङ सजाय बिन्‍दा ओत। थे खोरोङ काम खित्‍कान्‍ते मिओनला सेतेकी थेकी थेला सजाय बिन्‍दा ओत,” सिन ओतान।

छ्या स्‍ये च्‍युताते बात 2:1

एफिसस सारदु जम्‍मा ओङकान्‍ते येशू ख्रीष्‍ट मिओनला ताकोरा खित्‍कान्‍ते परमेश्‍वर दूतला दोक सिन टि। दि बातचेन सामे लाक्‍पे नाङ कार्मा दुईन ओताते थेमे बत्ती पारला ज्‍य्‌वाच्‍येते सेरगी सामदान दुईनगी किल्‍दु ख्‍याम्‍कान्‍ते ङा सिन ओत।

छ्या स्‍ये च्‍युताते बात 21:5

थेरूई थे सिंहासन लाक्‍तु देत्‍कान्‍तेकी “था ङा ओताते जति गाङे साम्‍बा जोइओ,” सिन सिदुक। थेमे थेकी ङाला “दि बातओन टि। दिबा गाङे साबाते भन्‍दा नोमुङ खुदुक मोन्‍डोच्‍येते साबा च्‍योकराङ ओङच्‍येते बात ईन,” सिदुक।

छ्या स्‍ये च्‍युताते बात 3:14

लाओडिसिया सारदु जम्‍मा ओङकान्‍ते येशू ख्रीष्‍ट मिओनला ताकोरा खित्‍कान्‍ते परमेश्‍वर दूतला दोक सिन टि। दि बातचेन साँचोते बातकामा खित्‍कान्‍ते थेमे परमेश्‍वर सु ईन्‍दे सिन थेमे थेकी खित्‍च्‍येते कामगी बात लेमु खाला लाप्‍ला तेरकान्‍ते आमेन सिराते ङा सिन ओत। परमेश्‍वरगी सा नाम थेमे ओताते जति गाङे ङे छ्य्‌वापेकीराङ जोबाते ईन।

छ्या स्‍ये च्‍युताते बात 4:8

थेबा स्‍यीकारते स्‍योक्‍पा ठुक ठुक ओतान। थेमे स्‍योक्‍पाओनलाङ लाक नाङ मिकराङ मिक ओतान। थेमे थेबाचेन ङीन नुप रकस्‍यिकोङ खाराक्‍पा मेदेता खाला “गाङे भन्‍दा छ्येज्‍यीक शक्ति ओताते प्रभु परमेश्‍वर, खो मेलेबा सिराते छ्याःङ मिक्‍किकान्‍ते ईन। सेमला पाप सिराते छ्याःङ मेताते खोकामा ईन। खो गोमा ओतान, थरिङोलाङ ओत थेमे तिरी तिरीसाकराङ देत्‍कान्‍तेङ खोराङ ईन,” सिनराङ देत्‍कीन ओतान।

छ्या स्‍ये च्‍युताते बात 5:9

थेमे थेबेकी “दि किताब लाला थे छापओन लोक्‍पा थुप्‍कान्‍ते खोकामा ईन। खोल्‍ला सेता ओतान। खोल्‍ला सेत्‍जीन खोरोङ जीउदुकी थेन्‍दाते ठागी खुई थर थरगीते, खुदुक खुदुक भाषेते, जात जातकीते थेमे लुङबा लुङबे मि नाङदुकी मिओनला परमेश्‍वर मि ओङाला ङ्योसुङ,

छ्या स्‍ये च्‍युताते बात 6:10

थेबाचेन छेरा खिनकामा “प्रभु परमेश्‍वर, खो सेमला पाप सिराते छ्याःङ मेताते थेमे खिओ साबा च्‍योकराङ खित्‍कान्‍ते ईन। थोरूमोङ खो नामसाक सा लुङबे मिओन न्‍याय मिक्‍किते? ङ्योकोनला सेताते सजाय थेबाला नाम तेरच्‍ये?” सिन ओतान।