छ्या स्‍ये च्‍युताते बात 3:3 - जिरेल

³ ख्‍योकोनला गोमाका च्‍यि सिन लापा ओताने थेमे खेराङगी चुक लेमु खाईन ङेन्‍दा ओताने थे बात सम्‍झे खि। थेमे लोक्‍ला गोमा च्‍योकराङ खि। दोक माक्‍यासीन ङा ख्‍योकोन ओत्‍सादु चोर च्‍योक थाहाराङ मेङेता खाला ओङगो। ङा नाम ओङगीते सिन ख्‍योकोनगी छ्याःङ छ्या मेस्‍येओ।

छ्या स्‍ये च्‍युताते बात 3:3 Iomraidhean Croise

मत्ती 25:13

थोगी दि कथे बात सेमगी नाङ गुने खिन च्‍याङबो खाला देत। च्‍यिला सासीन दि कथाला साबा च्‍योकराङ परमेश्‍वर ओत्‍सादुई वाबाते मिङ दि छोमु, दि बेलाला ओङगो सिन ख्‍योकोन सुङलाङ छ्याःङ छ्या मेङगो।

मर्कूस 13:33

ङे ओङगो साबाच्‍योक नाम, च्‍यि बेलाला ओङगीते सिन छ्या मेत्‍सीनोङ ङीमा लेनज्‍यीक थे बेला दाक ओङगो सिन टोक मेज्‍येता खाला ख्‍योकोन च्‍याङबो खाला देत। परमेश्‍वरला प्रार्थना खिन देता मातोङ।

मर्कूस 13:36

थानी मालिक मेङतासीन सिन ङ्याला मेङगो। थे ग्‍युरला ओङजीन थेकी ख्‍योकोनला ङिक गाल्‍गीन देता थेप्‍सीन चुक सारोङा।

१ थिस्‍सलोनिकी 5:2

चोर दि छोमुराङ ओङगो सिरा माथुपा च्‍योकराङ प्रभु येशू ग्‍युरला ओङच्‍येते दिनोङ दिराङ ईन सिन सुङगीङ सिरा मुथुबो सिन ख्‍योकोनला लेमु खाला छ्याराङ ओत।

१ तिमोथी 6:20

लो तिमोथी, परमेश्‍वरगी खोरोङला जिम्‍मा बिन्‍दाते काम खि साबा च्‍योकराङ खाला खिन देत। परमेश्‍वर बातताङ डिकराङ मिडिक्‍च्‍येते कामराङ लै मिक्‍किच्‍येते बातला नामज्‍योक मासेत। च्‍यि बात चुक ईन्‍दे सिन लेमु खाईन छ्या स्‍येबा ओताच्‍योक खाला सत्‍यते बात ईन सिन मेन्‍दे बात लोप्‍कान्‍ते मि बात नोमुङ माङेन।

२ तिमोथी 1:13

थेमे था ङा खोल्‍ला चुक खि सिते सासीन ङे खोल्‍ला च्‍यि बात चुक सिन लाप्‍कीन बिन्‍दा ओताने थे थेराङ ङेन्‍दा फाप्‍च्‍येते बात ईन सिन टोक मेज्‍येता खाला ज्‍येनतेबाला होथे बातराङ लोप्‍कीन देत। थोक खाला लोप्‍जीन येशू ख्रीष्‍टताङ जीउज्‍यीकराङ ओङाते खुई थेला विश्‍वास खिन देता मातोङ थेमे ज्‍येनला ङिङज्‍ये खिन देताङ मातोङ।

हिब्रू 2:1

बात दोक दोक ईन्‍देकी ङुरूङगी दाक्‍पोनगी थोबाते बातओन लेमु खाला ङेन्‍गीन देता फाप्‍क्‍यो। दोक खिन मादेत्‍सीन ङुरूङ दाक्‍पोनगी थोबाते बातला खि साबा च्‍योकराङ खिन देता मुथुबो।

२ पत्रुस 1:13

ङा ङाराङ सोन्‍ला देत देतसाकराङ दि बातओन याङ याङ साला ख्‍योकोनला सम्‍झे खित ज्‍युता लेमु ईन सिराच्‍योक लाङगीदुक।

२ पत्रुस 3:1

ङिङज्‍येते आज्‍यो न्‍वावे, दित्ताङ ङे ख्‍योकोनला टिबाते चिट्ठी ङि छाङगो। गोमे चिट्ठी च्‍योकराङ ङे दि चिट्ठीङ खेराङगी छ्या स्‍येबाते बाततेबा टोक मेज्‍येता खाला देत सिराला टिबाते ईन।

२ पत्रुस 3:10

चोर दि छोमुराङ ओङगो सिन सुङलाङ छ्या मेता च्‍योकराङ प्रभु येशू दि छोमु ग्‍युरला ओङगो सिनोङ सुङगीङ सिरा मुथुबो। थे ग्‍युरला ओङे छोमु नामचेन नामज्‍योक बु साच्‍याज्‍यीक ङोरो देन्‍गीन तोक तोरला डुइओ। दागार, ङीमाताङ कार्मातेबाङ मेकी छिक्‍ला सोला डुइओ। थोकराङ खाला दि सा लुङबाताङ दुरू ओताते जतिङ जेसुकै थाला डुइओ।

छ्या स्‍ये च्‍युताते बात 16:15

“दि बात ङेन, ङा चोर च्‍योक थाहाराङ मेछ्येता खाला ओङगो। ङा ओङगो सिन च्‍याङबो खाला देत्‍ला खोपरोङ खोलाक खोन्‍ला सधैँ ठीक खाला देत्‍कान्‍ते मिओन भाग्‍यमानी ईन। थोक खासीन थेबेकी मि दोन्‍दु पेर्दुङबाराङ ख्‍याम्‍बा माफाबो, ङोचाङ खिता माफाबो।”

छ्या स्‍ये च्‍युताते बात 2:25

बातज्‍यीकचेन ङा ख्‍योकोनला सिओ। च्‍यि सासीन ङा ओङ ओङसाक ख्‍योकोनगी थोरूमसाक खिन ओता च्‍योकराङ खाला ङाला विश्‍वास खिन देत।

छ्या स्‍ये च्‍युताते बात 2:5

ख्‍योकोनगी नामनामेई ङाला थोक खिता ताङाते ईन्‍दे सिन ठेम्‍बा खि। थेमे थोक खिता ताङाते लेमु मेन्‍दाक्‍वा सिन छ्या स्‍येला लोक्‍ला गोमा च्‍योकराङ खि। दोक माक्‍यासुङ सासीन ङा थेपा वाला च्‍याला थे बत्ती पारला ज्‍य्‌वाच्‍येते सामदानला थेरू मोज्‍योओ, ङा थे सामदान थेरूकी थेन्‍ग्‍यो।

छ्या स्‍ये च्‍युताते बात 22:7

थेमे प्रभु येशूकी “था ङा होत्ताराङ ओङगीन ओत। था तिरी ओङच्‍येते परमेश्‍वरगी छ्या स्‍ये च्‍युताते दि किताब नाङ टिबाते बातओन ङेन्‍कान्‍ते मि भाग्‍यमानी ईन,” सिन सिदुक।

छ्या स्‍ये च्‍युताते बात 3:11

था ङा होत्ताराङ ओङगीन ओत। खेराङगी थोरूमसाक खिन ओताच्‍योक लेमु खिनराङ देत। दोक खिनराङ देत्‍सीन ख्‍योकोनला ङे तेरच्‍येते श्रीपेज सुङगीङ ठ्वाला खेरा मुथुबो।

छ्या स्‍ये च्‍युताते बात 3:19

ङाराङगी ङिङज्‍ये खाबाते मिओनला ङा थाप्‍क्‍यो थेमे लेमु काम खित्‍स्‍यीत सिन आबेकी फुज्‍युङला च्‍योक ङा थेबाला तालाङ लुक्‍यो। ख्‍योकोनगी खिन ओताते मेलेबाते काम खिता ताङला ङे कोता कोताच्‍योक खि।

छ्या स्‍ये च्‍युताते बात 3:2

स्‍याप खाबाते मे फुला जोदा ज्‍वापच्‍योक खाला खेराङगी खिता ताङगीन सिन्‍दा सिन्‍दा खाबाते काम याङराङ खि। परमेश्‍वर दोन्‍दु ख्‍योकोनगी थोरूमसाक छ्याःङ कामोङ खिता फापाच्‍योक खाईन खाबा मिन्‍दुक।