छ्या स्‍ये च्‍युताते बात 3:21 - जिरेल

²¹ शैतान शक्तिला ग्‍याल्‍कान्‍ते मिला ङा ङाराङ सिंहासनदु ङाराङताङ देत ज्‍युत्‍क्‍यो। शैतानला ग्‍याल्‍गीन ङाङ ङे आबे सिंहासनदु थेत्ताङराङ देता ओत।

छ्या स्‍ये च्‍युताते बात 3:21 Iomraidhean Croise

मत्ती 19:28

थोक सिरजीन थेकी चेलातेबा गाङेला “ईन ईन, ख्‍योकोनगी च्‍यि खाबा ओते सिन ङाला गाङे छ्या ओत। ङा ख्‍योकोनला चुक सिते सासीन दि जुग सिन्‍गीन स्‍वर्गे राज्‍य पूरो खाईन वानामेई परमेश्‍वर ओत्‍सादुई वाबाते मि ङा गेल्‍बो देत्‍च्‍येते सिंहासनदु देत्‍ला राज्‍य खित्‍जीन ख्‍योकोनगीङ सिंहासन च्‍युन्‍ङी लाक्‍तु देत्‍ला ङात्ताङराङ राज्‍य खिता ङेत्‍क्‍यो। थेमे ख्‍योकोनगी इस्राएलीओन थर च्‍युन्‍ङीला राज्‍य खाला न्‍याय खिओ।

मत्ती 25:21

थोक सिरजीन मालिकतेकी थेला ‘खुई आउदी लेमु खाईन काम खादुक। खो मालिककी साबा च्‍योकराङ खित्‍कान्‍ते मि दुका। ङे खोल्‍ला चाँदी डबल थोस्‍यिककामा बिन्‍गीन ज्‍याक्‍सीनोङ खुई थे लेमु खाईन चले खाबेकी था ङा खोल्‍ला झन थे भन्‍दाङ काल्‍बेई पैसे जिम्‍मा तेरग्‍यो। था खो ङा च्‍योकराङ गा खिन ङात्ताङ ङ्योम्‍बुराङ देता ङेत्‍क्‍यो,’ सिन सादुक्‍लो।

मत्ती 28:18

थेमे थेबे दोन्‍दुराङ वाकीन थेकी “स्‍वर्गताङ पृथ्‍वीदु गाङेपा गाङेला राज्‍य खित्‍च्‍येते अधिकार परमेश्‍वरगी ङाला बिन्‍दा ओत।

लूका 22:30

थोगी ङा गेल्‍बो ओङगीन राज्‍य खिताला स्‍यूनामेई ख्‍योकोनचेन ङे राज्‍यदु देत्‍ला भोज सा ङेत्‍क्‍यो। थेमे गेल्‍बो देत्‍च्‍येते सिंहासन लाक्‍तु देत्‍ला ख्‍योकोनगी इस्राएलीओन थर च्‍युन्‍ङीला राज्‍य खाला न्‍याय खिओ,” सिन सिदुक।

यूहन्‍ना 13:32

ङे परमेश्‍वर चुक छ्ये ईन्‍दे सिन छ्या स्‍ये च्‍युत्‍नामेई परमेश्‍वरगीङ थे खोरोङ फुज्‍युङला चुक छ्येज्‍यीक मान बिन्‍दा ओते सिन तेन्‍ला तेरग्‍यो। दि काम परमेश्‍वरगी था होत्ता खिओ।

यूहन्‍ना 16:33

ङे खित्‍सादु ख्‍योकोन सेम ढुक्‍क खाला देता थुप्‍स्‍यीत सिनराङ ङे दि बाततेबा साबाते ईन। दि सा लुङबे मिओनगी ख्‍योकोनला तेरासम्‍म दुक्‍पा तेरग्‍यो। थोक ईन्‍सीनोङ ख्‍योकोन हरेस मासा। दि सा लुङबादु ओताते जे ईन्‍सीनोङ, जो ईन्‍सीनोङ गाङेला ङे ग्‍याल्‍गीन सिन्‍दा ओत,” सिन सिदुक।

२ तिमोथी 2:12

थेमे जस्‍तो ओङजीनोङ सेम मेसेता खाईन दुक्‍पा भोगे खिन देत्‍सीन ङुरूङगीङ थेत्ताङराङ राज्‍य खिता ङेत्‍क्‍यो। ङुरूङगी थे मि मेन सिन थेला विश्‍वास खिता ताङसीन थेकीङ तिरी ङुरूङला थे खोरोङ मि मेन सिन सिओ।

छ्या स्‍ये च्‍युताते बात 1:6

थेकी ङुरूङला थे खोरोङताङराङ राज्‍य खित्‍कान्‍ते मि जोसुङ थेमे ङुरूङगी थे खोरोङ आबा परमेश्‍वरला माने खित्‍स्‍यीत सिन थेकी ङुरूङला परमेश्‍वर पूजारी जोसुङ। थेते सधैँभरि जय जय ओङस्‍यीत, थेकी राज्‍य खिनराङ देत्‍स्‍यीत। आमेन।

छ्या स्‍ये च्‍युताते बात 12:11

ङुरूङ लाईदु स्‍यिजीन लुई रीउ जीउदुकी थेन्‍दाते ठागी खित्‍सादु थेमे थे लुई रीउ सु ईन्‍दे, थेकी च्‍यि खिते सिन थे बात ज्‍येनला लापेकी खित्‍सादु ङुरूङ आज्‍यो न्‍वाकी थोक खाला खोपरोङला दोष लै खित्‍कान्‍तेला ग्‍याल्‍सुङ। सेता छोल्‍जीन थेबेकी खोपरोङ ज्‍यानगी मायाङ खाबा मेतान।

छ्या स्‍ये च्‍युताते बात 17:14

थेबा गाङेराङ ङ्योम्‍बुराङ डिक्‍ला लुई रीउताङ लडाइँ खिओ। लडाइँ खित्‍जीन लुई रीउकी थेबाला ग्‍याल्‍ग्‍यो। च्‍यिला सासीन लुई रीउचेन गाङे छ्येतेबेतेङ छ्येते थेमे गेल्‍बोओनतेङ गेल्‍बो ईन। परमेश्‍वरगी थे खोरोङ दोन्‍दु स्‍योक सिन काताङाते मिओनचेन लुई रीउताङ ङ्योम्‍बु देत्‍क्‍यो। थेबाचेन परमेश्‍वरगी छाने खाबाते थेमे जस्‍तो ओङसीनोङ थेला विश्‍वास खिन देत्‍कान्‍ते मिओन ईन,” सिन सिदुक।

छ्या स्‍ये च्‍युताते बात 2:7

ङेन्‍दा सेम ओत्‍कान्‍ते मिकी ठाउँ ठाउँला जम्‍मा ओङकान्‍ते येशू ख्रीष्‍ट मिओनला परमेश्‍वर आत्‍मेकी च्‍यि सिन दुका सिन लेमु खाला ङेन। शैतान शक्तिला ग्‍याल्‍कान्‍ते मिलाचेन ङा स्‍वर्गने ओताते दोङबो फलफूल सार ज्‍युत्‍क्‍यो। थे दोङबो फलफूल साकान्‍ते मिकी नोमुङ मिसिन्‍च्‍येते जुनी ङेत्‍क्‍यो।

छ्या स्‍ये च्‍युताते बात 20:4

थेमे दि तिरी ङे सिंहासनतेबा थेमे थे लाक्‍तु देत्‍कान्‍तेबाला थोङसुङ। थेबालाचेन न्‍याय खित्‍च्‍येते अधिकार बिन्‍दा ओतान। लोक्‍ला ङे येशू सु ईन्‍दे, थेकी च्‍यि खिते सिन ज्‍येनला लापेकी थेमे ज्‍येनला परमेश्‍वर बात लापेकी खित्‍सादु गोः तुप्‍कीन सेताते मिओन आत्‍मा थोङसुङ। थेबेकी थे जन्‍तु थेमे थे मूर्तिला माने खाबा मेतान। थेमे खोपरोङ टालाला कि सामे लाक्‍पाला थे जन्‍तु मिनगी छाप देक च्‍युता मेतान। थेबा गाङेराङ दाक सोम्‍बो लोक्‍सुङ। थेमे लो हजारज्‍यीकसाक ख्रीष्‍टताङ ङ्योम्‍बुराङ राज्‍य खासुङ।

छ्या स्‍ये च्‍युताते बात 20:6

स्‍याप्‍तेबे नाङ दि गोमे बाजिला परमेश्‍वरगी सोम्‍बो लोक्‍पाते मिओन भाग्‍यमानी ईन। थेबाचेन सेम खुदुक गाल्‍गीन लेमु काम खित्‍कान्‍ते मिओन ईन। थाचेन दिबेकी ज्‍यीबा लाङच्‍याज्‍यीक मे धुनी नाङ स्‍यूक्‍पा फाप्‍च्‍येते बातकीते छ्याःङ ज्‍यीबा खिता माफाबो। दिबा था परमेश्‍वरताङ ख्रीष्‍टकी दोन्‍दु पूजारी ओङला देता ङेत्‍क्‍यो। दिबेकी लो हजारज्‍यीकसाक ख्रीष्‍टताङराङ राज्‍य खिओ।

छ्या स्‍ये च्‍युताते बात 5:10

खुई थेबाला खोरोङताङराङ राज्‍य खित्‍कान्‍ते मि जोसुङ थेमे ङुरूङ परमेश्‍वरला माने खित्‍स्‍यीत सिन परमेश्‍वर पूजारी जोसुङ। था थेबेकी दि सा लुङबा खाङ राज्‍य खिओ,” सिन साम्‍बाते लुज्‍यीक लासुङ।

छ्या स्‍ये च्‍युताते बात 6:2

थेमे ताजीन ङे घोडा कार्मुज्‍यीक थेरू ओङा थोङसुङ। थे घोडे लाक जेबा ओतातेकी लाःक्‍तु दा ज्‍यु खुरा ओतान। थेमे थेला श्रीपेजज्‍यीक बिन्‍सुङ। थे गाङेला ग्‍याल्‍कान्‍ते ईन्‍देकी थेकी गाङेपा गाङेला ग्‍याल्‍सुङ।

छ्या स्‍ये च्‍युताते बात 7:17

च्‍यिला सासीन सिंहासन किल्‍दु ओताते लुई रीउकी थेबाला लेमु खाला गोठाला खिओ। थेकी थेबाला छ्युई मोनगी नाङला टीला खेरग्‍यो। थे मोनगी छ्यु थुङकान्‍ते मिओनगी नोमुङ मिसिन्‍च्‍येते जुनी ङेत्‍क्‍यो। थेमे परमेश्‍वरगी थेबे मिगी मिकच्‍युक पिला तेरग्‍यो,” सिन सिदुक।