छ्या स्‍ये च्‍युताते बात 3:19 - जिरेल

¹⁹ ङाराङगी ङिङज्‍ये खाबाते मिओनला ङा थाप्‍क्‍यो थेमे लेमु काम खित्‍स्‍यीत सिन आबेकी फुज्‍युङला च्‍योक ङा थेबाला तालाङ लुक्‍यो। ख्‍योकोनगी खिन ओताते मेलेबाते काम खिता ताङला ङे कोता कोताच्‍योक खि।

छ्या स्‍ये च्‍युताते बात 3:19 Iomraidhean Croise

मत्ती 25:7

थेमे थेबा गाङेराङ खागा खोगा लाकीन दाक्‍पोन दाक्‍पोन बत्ती छाँटे खिताला स्‍यूदुक्‍लो।

यूहन्‍ना 2:17

थेकी थोक खाबा थोङजीन थे चेलातेबाला परमेश्‍वर बातला दोक सिन टिबा ओताते बात ठेम्‍बा लासुङ। थेरूचेन “खोल्‍ला माने खित्‍च्‍येते खाम्‍बादु सुइँदेकी खइँदा मेलेबा काम खाबा थोङसीन ङाला स्‍येदाङगी मे बारगीदुक,” सिन टिबा ओत।

रोमी 12:11

प्रभु येशू ख्रीष्‍टकी खि साबाते काम खिताला नोमुङ अल्‍छी माकेत। ङा दोक माक्‍याबाला तोङराङ मोतोङो सिराच्‍योक खाला थेकी खेराङला खि साबाते काम खिनराङ देत।

१ कोरिन्‍थी 11:32

ङुरूङगी गल्‍ती खित्‍जीन प्रभु परमेश्‍वरगी ङुरूङला दुक्‍पा बिन्‍ला ताला लुच्‍येतेचेन था तिरी मि गाङे न्‍याय खिते छोमु ङुरूङगीङ दि सा लुङबे मिकी च्‍योक खाला सजाय मेङेत्‍स्‍यीत सिनराङ ईन।

२ कोरिन्‍थी 6:9

ङ्योकोन दोक्‍ते मि ईन सिन लेमु खाला छ्या ओत्‍सीनोङ मिकी ङ्योकोन चुक्‍ते मि ईन्‍दे सिन छ्या स्‍येबा मेता च्‍योकराङ खिदुक। पालोताङ पालो था नाम स्‍यिइताना सिराच्‍योक खाईन देता फाप्‍सीनोङ ङ्योकोन थोरूमसाक दि धर्ती लाक काम्‍बा चुला ख्‍याम्‍गीनराङ ओत। थेमे ङ्योकोन च्‍येते खाला ङेराङ काम खिता तोङस्‍यीत सिन ङ्योकोनला दुकीन सेता चाल्‍सीनोङ थोरूमसाक स्‍यापराङचेन मेत।

२ कोरिन्‍थी 7:11

लो विचार खि, परमेश्‍वरगी ख्‍योकोन सेमला फोक्‍च्‍येते थे काम खानामेई ख्‍योकोनला थोई लेमु ओङसुङा। च्‍यि सासीन था ख्‍योकोनगी ङेत गोमा च्‍योक खितराङ मिक्‍किओ सिन खालि लेमु खित्‍च्‍ये छ्य्‌वापाकामा स्‍येत खिताला स्‍यूसुङ, खेराङगी ङाला गोमाबा च्‍यिला थोक मेलेबा खाताका, थोक खाबाते लेमु मेन्‍दाक्‍वा सिन छ्या स्‍येबाला स्‍यूसुङ, था ङे ख्‍योकोनला च्‍यि खिताना चुक सिताना सिन ज्‍यीबा खिताला स्‍यूसुङ, ख्‍योकोन था ङात्ताङ ठेताला आउदी सेम खिताला स्‍यूसुङ थेमे खेराङ नाङ मेलेबा खित्‍कान्‍ते मिला सजाय तेराला टुङ्गो खासुङ। दोक दोक खाईन ख्‍योकोनगी था खेराङ दोषी मेन सिन तेन्‍दाला स्‍यूसुङ।

गलाती 4:18

ईन्‍दाका बात लेमु ईन्‍सीन ख्‍योकोनगी ज्‍येनगी बात ङेन्‍ला थेबालाङ ङा ख्‍योकोनताङ ङ्योम्‍बु ओत्‍जीन ङाला च्‍योकराङ खाला मान खिता लेमु ईन। ङा ङ्योम्‍बु ओत्‍सीनोङ मेत्‍सीनोङ दोक खिता जहिलेङ लेमु ईन।

तीतस 2:14

ङुरूङ पापकी सजाय थे खोरोङगीराङ भोगे खाईन थे ङुरूङ लाईदु ज्‍यान बिन्‍गीन स्‍यिसुङ। ङुरूङला पाप खित्‍च्‍येते बानीदुकी पूरो खाला टाल्‍ला सेम लेमु जोला काम बात लेमुकामा खिता छोल्‍कान्‍ते थे खोरोङ मि सिरा थुप्‍स्‍यीत सिन थे थोक खाईन स्‍या ओतान।

याकूब 1:12

थेमे दुक्‍पा ओङजीन खपे खिन देत्‍कान्‍ते मि भाग्‍यमानी ईन। च्‍यिला सासीन थोक्‍ते दुक्‍पा खपे खाईन सिन्‍नामेकी थोक्‍ते मिला परमेश्‍वरगी थे खोरोङला ङिङज्‍ये खित्‍कान्‍ते मिओनला तेरग्‍यो साबाते इनाम तेरग्‍यो। थे इनामचेन नोमुङ मिसिन्‍च्‍येते जुनी ईन।

छ्या स्‍ये च्‍युताते बात 2:5

ख्‍योकोनगी नामनामेई ङाला थोक खिता ताङाते ईन्‍दे सिन ठेम्‍बा खि। थेमे थोक खिता ताङाते लेमु मेन्‍दाक्‍वा सिन छ्या स्‍येला लोक्‍ला गोमा च्‍योकराङ खि। दोक माक्‍यासुङ सासीन ङा थेपा वाला च्‍याला थे बत्ती पारला ज्‍य्‌वाच्‍येते सामदानला थेरू मोज्‍योओ, ङा थे सामदान थेरूकी थेन्‍ग्‍यो।