छ्या स्‍ये च्‍युताते बात 3:18 - जिरेल

¹⁸ थोगी ङा ख्‍योकोनला च्‍यि खि सिते सासीन खेराङला जेसुकै दाङस्‍यीत ख्‍योप्‍स्‍यीत सिन मेला लुगीन ताकीन सक्‍कली दुका सिन छ्या स्‍येबाते सेर ङात्ताङ ङ्यो, ङोचा लाङच्‍या पेर्दुङबाराङ ओतेकी खोन्‍दाला ख्‍योकोनगी ङात्ताङ ओताते खापाङ छ्याःङ दाग माखोबाते खोलाक कार्मुते ङ्योला खोन थेमे खेराङ मिगी थोङस्‍यीत सिन ङात्ताङ ओताते मलम ङ्योला कु।

छ्या स्‍ये च्‍युताते बात 3:18 Iomraidhean Croise

मत्ती 13:44

थोरूमोङ ज्‍येन बात च्‍यि सासीन पालोई मिज्‍यीगी स्‍यीङज्‍यीक्‍तु सुइँदेकी ब्‍वाकीन ज्‍याक्‍पाते सम्‍पत्ति थेप्‍तुक्‍लो। थोक ओङनामेई थेकी गा खिनकामा थे सम्‍पत्ति याङराङ थे स्‍यीङदुराङ ब्‍वादुक्‍लो। थेमे थेकी च्‍यि खाकालो सासीन थे खोरोङताङ ओताते जति जेसुकै च्‍वाकीन थे स्‍यीङ ङ्योदुक्‍लो। स्‍वर्गे राज्‍य सिरातेङ सुइँदेकी स्‍यीङज्‍यीक्‍तु ब्‍वाकीन ज्‍याक्‍पाते मिज्‍यीगी थेपाते सम्‍पत्ति च्‍योकराङ ईन।

मत्ती 25:9

थोक सिरजीन ज्‍येनतेबेकीचेन ‘ङ्योकोनताङ दुरू ङुरूङ गाङेला दाङच्‍याई मोर्गु मेत। बरू ख्‍योकोन पसलला गाल्‍ला ङ्यो,’ सिन सादुक्‍लो।

लूका 12:21

थोगी बुद्धि मेताते मि सिरातेचेन होथोक्‍ते मि ईन। तिरी बो माताबा खाला थोक्‍तेकीचेन सम्‍पत्ति लाक सम्‍पत्ति साला छ्युक्‍पु डुइओ। परमेश्‍वर दोन्‍दु धनी ओङच्‍येतेचेन दोक खाला मेन। दोक्‍ते सम्‍पत्ति ओत्‍ला तिरी छ्याःङ फाइदा मेङगो,” सिन सिदुक।

२ कोरिन्‍थी 5:3

दोक खाला ङुरूङगी था तिरी स्‍वर्गने देत्‍च्‍येते जीउओङ ङेत्‍क्‍यो, ङुरूङ जीउ मेता खाला देता माफाबो।

२ कोरिन्‍थी 8:9

ङुरूङ प्रभु येशू ख्रीष्‍टकी ङुरूङला चुक आउदी दया खासुङा सिरच्‍येते बातनी ख्‍योकोनला छ्याराङ ओत। ख्‍योकोनला थे खोरोङगी तेरच्‍येते आशी जति गाङे बिन्‍ला लेमु खितालाराङ थे स्‍वर्गनेकी थे खोरोङ मान थेमे अधिकार गाङे ताङगीन छ्याःङ मेताते च्‍योक खाईन देमा वाबाते ईन।

१ तिमोथी 6:18

थेबाला सम्‍पत्ति सोक्‍पा साटोला ज्‍येनलाङ ता फाप्‍क्‍यो सिन खोपरोङ सम्‍पत्ति ज्‍येनताङ गोला सो सि। दोक खिन लेमुते कामकामा खि सि।

याकूब 2:5

ङिङज्‍येते आज्‍यो न्‍वावे, दि बात लेमु खाला ङेन। येशू ख्रीष्‍टला विश्‍वास खित्‍कान्‍ते मि ओङला थे खोरोङ राज्‍यदु देताला च्‍यि परमेश्‍वरगी ज्‍येनगी छ्याःङज्‍यीक खाङज्‍यीक मेताते मि ईन सिरच्‍येते मिओनलाराङ छाने खाबाते मेनरो? था थेबा परमेश्‍वरगी थे खोरोङला ङिङज्‍ये खित्‍कान्‍ते मिओनला तेरग्‍यो साबाते राज्‍यदु देता ङेत्‍क्‍यो।

१ पत्रुस 1:7

मेला लुगीन ताकीन सक्‍कली दुका सिन छ्या स्‍येबाते सेरोङ ङीमाई छ्याःङ काम लै मिक्‍किच्‍या डुइओ। सेर आउदी दामी चीज ईन्‍सीनोङ दि भन्‍दाङ ख्‍योकोनगी येशू ख्रीष्‍टला खिन ओताते विश्‍वास झन आउदी छ्ये ईन। दोक्‍ते परी परीतेन्‍दे दुक्‍पा ओङजीनराङ ख्‍योकोनगी थेला पक्‍काराङ खाईन विश्‍वास खाबाते ईन्‍दाकाना मेन्‍दाका सिन छ्या स्‍येक्‍यो। जति दुक्‍पा ओङजीनोङ सेम मेसेता खाईन थेला विश्‍वास खिनराङ देत्‍सीन था थे ग्‍युरला ओङे छोमु परमेश्‍वरगी ख्‍योकोनला आउदी लेमु खासुङ सिन साला थे खोरोङगी ज्‍वा चाला च्‍योकराङ लेमु जोला मान तेरग्‍यो।

छ्या स्‍ये च्‍युताते बात 16:15

“दि बात ङेन, ङा चोर च्‍योक थाहाराङ मेछ्येता खाला ओङगो। ङा ओङगो सिन च्‍याङबो खाला देत्‍ला खोपरोङ खोलाक खोन्‍ला सधैँ ठीक खाला देत्‍कान्‍ते मिओन भाग्‍यमानी ईन। थोक खासीन थेबेकी मि दोन्‍दु पेर्दुङबाराङ ख्‍याम्‍बा माफाबो, ङोचाङ खिता माफाबो।”

छ्या स्‍ये च्‍युताते बात 19:8

थेला खोन्‍दाला सिन टल्‍के खित्‍च्‍याज्‍यीक ओमे थोपो च्‍योकराङ कार्मुज्‍यीक आउदी लेमुते कार्मुते खोलाक बिन्‍दा ओतान,” सिन ओतान। कार्मुते खोलाक साबातेचेन परमेश्‍वर सन्‍तानओनगी परमेश्‍वरगी खि साबा साबाच्‍योक खाबाते लेमुते काम ईन।

छ्या स्‍ये च्‍युताते बात 2:9

च्‍यि सासीन ख्‍योकोनला ज्‍येनगी दुक्‍पा बिन्‍दाते बात ङाला छ्या ओत। थेमे ख्‍योकोनला दाङच्‍या ख्‍योप्‍च्‍या मेत सिनोङ ङाला छ्या ओत। ईन्‍सीनोङ ख्‍योकोन छ्याःङ मेताते मि मेन। खोपरोङ यहूदी ईन सिन सिरकान तर लेमुते काम मिक्‍किकान्‍ते मिओनगी ईन्‍दा मेन्‍दे दोष लै खाईन ख्‍योकोन विरोध खाबाते बात ङाला छ्या ओत। थेबाचेन शैतानताङ डिक्‍कान्‍ते मि ईन।

छ्या स्‍ये च्‍युताते बात 3:17

ख्‍योकोनचेन ङेल्‍ला जेसुकै दाङा ख्‍योपा ओत, ङेल्‍ला मादाङच्‍या मोख्‍योप्‍च्‍या सिराते छ्याःङ मेत। ङेल्‍लानी था छ्याःङ मोगोओ खिदुक। खेराङ दुक्‍पा ङेताते, थोङजीनोङ ङिङज्‍ये लाङच्‍या गालाते, छ्याःङ मेत्‍कान गालाते, अन्‍ध गालाते थेमे ताजीनोङ ङोचा लाङच्‍या पेर्दुङबाराङ गालातेनी ख्‍योकोनला छ्याराङ मिन्‍दुक।

छ्या स्‍ये च्‍युताते बात 4:4

थेमे थे सिंहासन फेरोला खालज्‍यीकताङ स्‍यी ज्‍येनोङ सिंहासन ओतान। थे ज्‍येन ज्‍येन सिंहासन लाक्‍तुचेन मेरा खालज्‍यीकताङ स्‍यी छ्ये छ्येतेबा देता ओतान। थेबेकी खोलाक कार्मुतेन्‍दे थेमे सेरगी श्रीपेज खोन्‍दा ओतान।

छ्या स्‍ये च्‍युताते बात 7:13

थेरूई थे मेरा खालज्‍यीकताङ स्‍यीबो छ्ये छ्येतेबे नाङ दोक्‍पोईकी ङाला “दि कार्मुते खोलाक खोन्‍कान्‍ते मिओन सु ईन्‍दे? थेमे दिबा खापेकी वाबाते ईन्‍दे?” सिन ठिसुङ।