छ्या स्‍ये च्‍युताते बात 3:10 - जिरेल

¹⁰ थेमे ङे खि साबा च्‍योकराङ खाईन जस्‍तो पीरताङ दुक्‍पालाङ ख्‍योकोन सेम मेसेता खाईन देत्‍सुङ। थोगी था तिरी ना थेबेकी पाप खिता तोङगीता सिन ताप्‍ला दि सा लुङबे मिओनला आइ परे खित्‍च्‍येते मेलेबाते दुक्‍पे बेलाला ङा ख्‍योकोनला जोए खाला ज्‍य्‌वाक्‍यो।

छ्या स्‍ये च्‍युताते बात 3:10 Iomraidhean Croise

मत्ती 24:14

दि जुग सिन्‍दा गोमा मि गाङेकी छ्या स्‍येस्‍यीत सिन स्‍वर्गे राज्‍य गा लाङच्‍येते बात सा लुङबा खाङ गाङेपा लाप्‍ला तेरग्‍यो। थोक खानामेईचेन दि जुग सिन्‍ग्‍यो।

मत्ती 26:41

ख्‍योकोन च्‍याङबो खाला देत। था दि दुक्‍पे बेलाला खेराङगी ङाला विश्‍वास खिनराङ देता थुप्‍स्‍यीत सिन परमेश्‍वरला प्रार्थना खि। ख्‍योकोन लेमु खिता छोल्‍गीदुक तर खेराङगी खिता चालाच्‍योक खिता मुथुप्‍तुक,” सिन सिदुक।

मत्ती 6:13

थेमे मेलेबा काम खित्‍से छ्य्‌वापेई ङ्योकोनला जोए खाला नाङ। मिला मेलेबा खित्‍कान्‍ते शैतान लाःक्‍तुकीङ खुईराङ जोए खाला नाङ। गाङेपा गाङेला राज्‍य खित्‍कान्‍ते खोराङ ईन। खोत्ताङ छ्येज्‍यीक शक्ति ओत। खुईते सधैँभरि जय जय ओङस्‍यीत। आमेन,’ सिन सि।

मर्कूस 14:9

ङा ख्‍योकोनला च्‍यि सिते सासीन था दि सा लुङबा खाङ मिओनला गा लाङच्‍येते बात लोप्‍जीन दि फेम्‍मे मिलाङ सम्‍झे खिन दिकी थरिङ खाबाते काम लेमुते काम ईन सिनोङ गाङेपा लोप्‍क्‍यो,” सिन सिदुक।

लूका 2:1

दोक दोक ओङे बेले नाङपाराङ रोमी गेल्‍बो अगस्‍टसकी थे खोरोङ लुङबा गाङेते जनसंख्‍या लिन च्‍युत्‍सुङ।

यूहन्‍ना 17:6

दि सा लुङबे मिओन नाङदुई खुई ङाराङ लाःक्‍तु जिम्‍मा बिन्‍दाते मिओनला आबा खो सु ईन्‍दे, चुक्‍ते ईन्‍दे सिन ङे छ्या स्‍ये च्‍युत्‍कीन बिन्‍दाप। ईन्‍दानी थेबा गोमामेईराङ खुई मिराङ ओतान। थेबाला खुई ङे लाःक्‍तु जिम्‍मा बिन्‍सुङ। थेमे थेबेकी खुई बात ङेन्‍सुङ।

रोमी 1:8

गोमाचेन ङा येशू ख्रीष्‍ट छ्य्‌वापेकी ख्‍योकोन गाङे लाईदु परमेश्‍वरला धन्‍यवाद सिओ। च्‍यिला सासीन ख्‍योकोन येशूला विश्‍वास खित्‍कान्‍ते मि ईन सिन गाङेपे मिला छ्या दुक।

१ कोरिन्‍थी 10:13

थेमे दुक्‍पेकी कि खइँदा कारणगी खित्‍सादु मिला खइँदा दोक खिइ खिइ सिराच्‍योक लाङच्‍येते ख्‍योकोनलाकामा ओङच्‍येते मेन। परमेश्‍वर थे खोरोङगी खिओ साबा च्‍योकराङ खित्‍कान्‍ते ईन्‍देकी होथोक खाला खेराङला खिइ खिइ सिराच्‍योक लाबाते माक्‍याबाला ओङराङ मेङगो सिराच्‍योक ओङे बेलाला थेकी ख्‍योकोनला पाप खित्‍सादुकी रोके खिओ। दोक्‍ते बेलाला थेकी ख्‍योकोनला पाप खिता माफाप्‍च्‍येते शक्ति बिन्‍ला थार ज्‍युत्‍क्‍यो।

एफिसी 6:13

थोगी होदिबेकी जुन दिनगी छोमु मेलेबा खित वासीनोङ थेबाताङ फाम्‍ला छ्योङा माफाप्‍स्‍यीत सिन परमेश्‍वरगी तेरच्‍येते हात हतियार जति गाङे खुरला खोन्‍ला ख्‍योकोन ठीक ओङला देत। दोक खाईन देत्‍नामेई थेबेकी ख्‍योकोनला हारे खिताराङ मुथुबो।

२ तिमोथी 2:12

थेमे जस्‍तो ओङजीनोङ सेम मेसेता खाईन दुक्‍पा भोगे खिन देत्‍सीन ङुरूङगीङ थेत्ताङराङ राज्‍य खिता ङेत्‍क्‍यो। ङुरूङगी थे मि मेन सिन थेला विश्‍वास खिता ताङसीन थेकीङ तिरी ङुरूङला थे खोरोङ मि मेन सिन सिओ।

याकूब 3:12

आज्‍यो न्‍वावे, च्‍यि नेभारे दोङबोला जैतुन फल थेमे अंगूर दोङबोला नेभारे फल गोन्‍ग्‍योतरो? थोकराङ खाला छाप्‍टोते छ्युई मोनदुकीङ मिकी थुङा थुप्‍च्‍येते छ्यु दोलराङ मोदोलो।

१ पत्रुस 4:12

ङिङज्‍येते आज्‍यो न्‍वावे, ख्‍योकोनगी खपेराङ खिता मुथुप्‍ता सिराच्‍योक लाङच्‍येते दुक्‍पा भोगे खिता फाप्‍जीन च्‍यिला दोक ओङसुङा सिराच्‍योक खाला छक्‍क परे माकेत।

२ पत्रुस 2:9

प्रभु परमेश्‍वरगी गोमा दोक दोक खाबाते बात विचार खित्‍जीन थे खोरोङगी खि साबा साबाच्‍योक खित्‍कानला मेलेबा लाङजीन, दुक्‍पा ओङजीन थेबाला चुक खाला थे छ्य्‌वापेई डेला फाप्‍कीते थेमे मेलेबा काम खित्‍कानलाचेन चुक खाला सजाय तेरा फाप्‍कीते सिन थेला छ्या ओत सिरच्‍येते बात लेमु खाला छ्या स्‍येबा थुप्‍कीदुक।

छ्या स्‍ये च्‍युताते बात 1:9

ङा ख्‍योकोन आज्‍यो यूहन्‍नाङ ख्‍योकोन च्‍योकराङ येशूताङ जीउज्‍यीकराङ ओङाते मि ईन। थोगी ङेङ ख्‍योकोनगी च्‍योकराङ खाईन दुक्‍पा ङेता ओत। थेमे ङाङ परमेश्‍वर राज्‍यदु ख्‍योकोनताङ ङ्योम्‍बुराङ देता ङेत्‍क्‍यो। जस्‍तो दुक्‍पा ङेत्‍सीनोङ ङाङ ख्‍योकोन च्‍योकराङ खपे खाईन देता ओत। ज्‍येनला परमेश्‍वर बात लापेकी थेमे येशू ख्रीष्‍ट सु ईन्‍दे, थेकी च्‍यि खिते सिन लापेकी खित्‍सादु ङाला समुन्‍द्रे किल्‍दु ओताते पत्‍मोस लुङबापा उरगीन ताङा ओतान।

छ्या स्‍ये च्‍युताते बात 11:10

थेबा ङिबो स्‍यिदुक सिन दि सा लुङबे मि गाङेराङ गा खिओ। थेमे दाक्‍पोन दाक्‍पोन नाङ भोज सोला केका तेररीङ खाला आउदी खुशी माने खिओ। च्‍यिला सासीन परमेश्‍वरगी सिर च्‍युताते बात खित्‍कान्‍ते थेबा ङिबोकी दि सा लुङबे मिओनला तेरासम्‍म दुक्‍पा बिन्‍दा ओतान।

छ्या स्‍ये च्‍युताते बात 13:10

चुक सासीन परमेश्‍वर सन्‍तान नाङ सुइँदा जेलला ड्वा फाप्‍च्‍या ओत्‍सीन थे पक्‍काराङ जेलला डुइओ। थेमे तरवारगी तुप्‍ला सेत्‍च्‍या दुक सासीन थेला तरवारगीराङ तुप्‍ला सेत्‍क्‍यो। दोक ओङसीनोङ परमेश्‍वर सन्‍तानओनगी सेम मेसेता खाला दुक्‍पा खपे खिन देता फाप्‍क्‍यो, येशूला विश्‍वास खिन देता तोङा मेङगो।

छ्या स्‍ये च्‍युताते बात 13:14

थे गोमे जन्‍तुला छ्ये ज्‍वाप्‍ला दोक्‍ते अचम्‍बते काम खाला तेन्‍च्‍येते शक्ति बिन्‍दा ओतेकी दि सादुकी थेन्‍दाते जन्‍तुकी होथोक्‍ते काम खाईन सा लुङबे मि गाङेला छक्‍के खासुङ। थेकी मि गाङेला होथे गोमे जन्‍तुला मान खिता फाप्‍क्‍यो सिन थे जन्‍तु मूर्ति जोर च्‍युत्‍सुङ। थे जन्‍तुचेन स्‍यिच्‍या खाईन तरवारगी तुप्‍कीन मा थोता ओत्‍सीनोङ सोन्‍दा ओतान।

छ्या स्‍ये च्‍युताते बात 13:8

थेमे दि सा लुङबे मि गाङेकी थे जन्‍तुला मान खाला छ्ये जोइओ। खालि दि सा नाम ज्‍वा भन्‍दा गोमाराङ नोमुङ मिसिन्‍च्‍येते जुनी ङेत्‍कान्‍ते मिओन मिन टिबाते किताब नाङ खोपरोङ मिन ओताते मिओनगीकामा थे जन्‍तुला मान खाला छ्ये मोजोओ। थे मिन टिबाते किताबचेन लुई रीउते ईन।

छ्या स्‍ये च्‍युताते बात 14:12

परमेश्‍वरगी कोताते खिन येशूला विश्‍वास खिन देत्‍कान्‍ते परमेश्‍वर सन्‍तानओनगी जस्‍तो दुक्‍पा ओङसीनोङ सेम मेसेता खाला थोक्‍ते दुक्‍पा खपे खिन देता फाप्‍क्‍यो।

छ्या स्‍ये च्‍युताते बात 14:6

थेरूई याङराङ ङे नामगी चेनापा फुरगीन ओताते परमेश्‍वर दूतज्‍यीकला थोङसुङ। थेचेन दि सा लुङबा खाङ ओताते लुङबा लुङबेते, थर थरगीते, खुदुक खुदुक भाषेते थेमे जात जातकी मिला गा लाङच्‍येते बात सिराला ओङगीन ओतान। दि गा लाङच्‍येते बातचेन नोमुङ खुदुक मोन्‍डोओ, सधैँभरि थोकराङ देत्‍क्‍यो।

छ्या स्‍ये च्‍युताते बात 16:14

थे ल्‍हन्‍डीक सुमबोचेन शैतान छ्य्‌वापेकी अचम्‍ब अचम्‍बते काम खाला तेन्‍कान्‍ते ल्‍हन्‍डीक ईन। थेबा सुमबोकी गाङे भन्‍दा छ्येज्‍यीक शक्ति ओताते परमेश्‍वरगी तोके खाबाते छ्येते दिनगी छोमु परमेश्‍वरताङ लडाइँ खिताला सा लुङबा खाङ ओताते गेल्‍बोओनला ठाउँज्‍यीकराङ जम्‍मा खित्‍च्‍येते कामोङ खिओ।

छ्या स्‍ये च्‍युताते बात 17:2

दि सा लुङबे गेल्‍बोओनगी थेत्ताङ डिगीन थेकी खिन ओता च्‍योकराङ ङोचा लाङच्‍येते काम खाबा ओतान। थेमे लुङबा लुङबे मिकीङ थे रन्‍डीकी खि साबा च्‍योकराङ खिता मेङच्‍येते ङोचा लाङच्‍येते काम खाईन छ्याङगी जाप च्‍योकराङ गाला ओतान,” सिन सिदुक।

छ्या स्‍ये च्‍युताते बात 17:8

खुई थोङाते दि जन्‍तु गोमा पालोई ओतान, थाल्‍ला मेत। थे था तिरी खापान खापान तीङ ओताते डालुममेकी थेन्‍ला ओङगो। तर थेन्‍गीन वानामेकी थे सजाय ङेत्‍ला नरककुण्‍डमा ड्वा फाप्‍क्‍यो। दि सा नाम ज्‍वा भन्‍दा गोमामेकीराङ नोमुङ मिसिन्‍च्‍येते जुनी ङेत्‍कान्‍ते मिओन मिन टिबा ओताते किताबला खोपरोङ मिन टिबा मेताते मिबरीचेन थे जन्‍तुला थोङजीन छक्‍क परे खिओ। च्‍यिला सासीन थे जन्‍तु गोमा ओतान, थाल्‍ला मेत थेमे था ङीमाई याङराङ थे दुरू ओङगो।

छ्या स्‍ये च्‍युताते बात 2:10

ख्‍योकोनला आइ परे खिता खाबाते दुक्‍पा थोङला ख्‍योकोन ज्‍यीबा माकेत। ना ख्‍योकोनगी ङाला विश्‍वास खिता तोङगीता सिन ताप्‍ला शैतानगी ख्‍योकोन नाङ दोक्‍पोई ङिला जेलला लु ज्‍युत्‍क्‍यो। थोक खासीनोङ ङीमा च्‍युताम्‍बाकामा ख्‍योकोनला दुक्‍पा ओङगो। स्‍यापराङ फाप्‍सीनोङ ख्‍योकोनगी ङाला विश्‍वास खिता मातोङ। थेमे ङा ख्‍योकोनला इनाम तेरग्‍यो, थेचेन नोमुङ मिसिन्‍च्‍येते जुनी ईन।

छ्या स्‍ये च्‍युताते बात 3:8

ख्‍योकोनगी खिन ओताते गाङे काम ङाला छ्या ओत। खेराङगी छ्ये छ्ये काम खिता माथुप्‍सीनोङ ख्‍योकोनगी ङे साबा च्‍योकराङ खिन देत्‍सुङ। खेराङ ङे मि मेन सिन ख्‍योकोनगी नोमुङ मासासुङ। ङे ख्‍योकोन दोन्‍दु गोज्‍यीक पेत्‍कीन ज्‍याक्‍पा ओत। दि गो सुङगीङ च्‍येता मुथुबो।

छ्या स्‍ये च्‍युताते बात 6:10

थेबाचेन छेरा खिनकामा “प्रभु परमेश्‍वर, खो सेमला पाप सिराते छ्याःङ मेताते थेमे खिओ साबा च्‍योकराङ खित्‍कान्‍ते ईन। थोरूमोङ खो नामसाक सा लुङबे मिओन न्‍याय मिक्‍किते? ङ्योकोनला सेताते सजाय थेबाला नाम तेरच्‍ये?” सिन ओतान।

छ्या स्‍ये च्‍युताते बात 8:13

थे तिरी ताजीन ङे नामगी चेनापा खोकालीङज्‍यीक फुरगीन ओताते थोङसुङ। थेकी आउदी छेरा खाला “आबिई, आबिई, च्‍यि ज्‍यीबा लाङच्‍ये बात ईन्‍दाका आबिई। था दि तिरी बाँकी ओताते दूत सुमबोकी बिकुल फुत्‍जीन सा लुङबादु ओत्‍कान्‍ते मिओनला चुक ज्‍यीबा लाङच्‍या मेलेबा ओङोङा,” सिन ओतान।