छ्या स्‍ये च्‍युताते बात 22:9 - जिरेल

⁹ थोक खित्‍जीन थेकी ङाला “खुई ङाला दोक खाला परमेश्‍वरला च्‍योक खाला से माकेत। खो थेमे परमेश्‍वर बात खित्‍कान्‍ते खुई आज्‍यो न्‍वाओन थेमे दि किताब नाङ टिबाते बात ङेन्‍कान्‍ते मि गाङे च्‍योकराङ ङाङ परमेश्‍वर काम खित्‍कान्‍तेराङ ईन। थोगी परमेश्‍वरलाकामा छ्ये जो,” सिन सिदुक।

छ्या स्‍ये च्‍युताते बात 22:9 Iomraidhean Croise

मत्ती 4:9

थेमे “लो खुई ङाला माने खिओ सिन से खासीन थाल्‍ला ङे तेन्‍दाते जति लुङबे गेल्‍बो जोला खुई थाल्‍ला थोङाते जेसुकै सम्‍पत्तिओनोङ तेरग्‍यो,” सिन सिरजीन

लूका 4:7

थोगी खुई ङाला माने खिओ सिन से खासीन खुई थाल्‍ला थोङाते जति गाङे खुईतेराङ ओङगो,” सिन सिदुक।

१ यूहन्‍ना 5:20

ङुरूङला ज्‍येनोङ बात च्‍यि छ्या ओते सासीन परमेश्‍वर फुज्‍युङगी दुरू वाकीन परमेश्‍वर सु ईन्‍दे, चुक्‍ते ईन्‍दे सिन ङुरूङला छ्या स्‍ये च्‍युत्‍सुङ। थेकी दोक खानामेई ङुरूङ सत्‍यते परमेश्‍वरताङ डिक्‍पा थुप्‍सुङ थेमे परमेश्‍वर फुज्‍युङ येशू ख्रीष्‍टताङ डिक्‍पा थुप्‍सुङ। येशू ख्रीष्‍टचेन सत्‍यते परमेश्‍वर ईन, नोमुङ मिसिन्‍च्‍येते जुनी तेरकान्‍तेङ थेराङ ईन।

छ्या स्‍ये च्‍युताते बात 1:1

दि किताबला ओताते बातओनचेन परमेश्‍वरगी येशू ख्रीष्‍टला तेन्‍गीन बिन्‍दाते बात ईन। था होत्ता ओङगीन ओताते दि बातओन थे खोरोङ काम खित्‍कान्‍ते मिओनला छ्या स्‍ये ज्‍युताला परमेश्‍वरगी येशू ख्रीष्‍टला तेन्‍गीन बिन्‍दा ओतान। थेमे दि बातओन लाःपाला येशू ख्रीष्‍टकी थे खोरोङ दूतज्‍यीकला थे खोरोङ काम खित्‍कान्‍ते यूहन्‍ना ओत्‍सादु ताङा ओतान।

छ्या स्‍ये च्‍युताते बात 1:11

थेकीचेन “खुई च्‍यि च्‍यि थोङगीका थे गाङे बात स्‍यिउला टिला च्‍याला एफिसस, स्‍मर्ना, पर्गामम, थिआटीरा, सार्डिस, फिलाडेल्‍फियाताङ लाओडिसिया होदि सार दुईनकारदु जम्‍मा ओङकान्‍ते येशू ख्रीष्‍ट मिओनला थोङ,” सिन सिदुक।

छ्या स्‍ये च्‍युताते बात 14:7

थेमे थे दूतकी कस्‍स्‍ये खाला छेरा खिन “परमेश्‍वरताङ ज्‍यीबा खि। थेला मान खाला छ्ये जो। था थेकी मि गाङेते न्‍याय खित्‍च्‍येते समय ख्‍योल्‍गीन सिन्‍सुङ। दि सा नाम, समुन्‍द्र थेमे छ्युई मोनतेबा गाङे जोकान्‍ते परमेश्‍वरते जय जय ओङस्‍यीत सिन सि,” सिन सिदुक।

छ्या स्‍ये च्‍युताते बात 15:4

प्रभु, खोत्ताङ ज्‍यीबा मिक्‍किकान्‍तेताङ खोल्‍ला छ्ये मोजोकान्‍ते सु ओतेरो? सेमला पाप सिराते छ्याःङ मेताते खोकामा ईन। लुङबा लुङबे मि गाङेकी खुई दोन्‍दु वाला गुर्बु खाला से खिनकामा खोल्‍ला छ्ये जोइओ। च्‍यिला सासीन खुई खाबाते गाङे लेमुते कामतेबा गाङेकी थोङा ओत,” सिन ओतान।

छ्या स्‍ये च्‍युताते बात 19:10

थेकी थोक सानामेई से खिताप सिन ङा थे दूतकी काम्‍बादु गुर्बु खिता खाबा ओतान। तर थेकी ङाला “खुई ङाला दोक खाला परमेश्‍वरला च्‍योक खाला से माकेत। येशू सु ईन्‍दे, थेकी च्‍यि खिते सिन लोप्‍कान्‍ते खोत्ताङ खुई आज्‍यो न्‍वाओन च्‍योकराङ ङाङ परमेश्‍वर काम खित्‍कान्‍तेकामा ईन। थोगी परमेश्‍वरलाकामा छ्ये जो। येशू सु ईन्‍दे, थेकी च्‍यि खिते सिन लोप्‍च्‍येतेचेन परमेश्‍वर आत्‍मे छ्य्‌वापेई खित्‍च्‍येते ईन,” सिन सिदुक।

छ्या स्‍ये च्‍युताते बात 22:10

थेमे याङराङ थेकी ङाला “था तिरी ओङच्‍येते परमेश्‍वरगी छ्या स्‍ये च्‍युताते दि किताब नाङ टिबाते बातओन छ्याःङ इप्‍ला ब्‍वाला माज्‍यो। च्‍यिला सासीन दुरू साबाच्‍योक गाङे था होत्ताराङ ओङगीन ओत।

छ्या स्‍ये च्‍युताते बात 22:18

था तिरी ओङच्‍येते परमेश्‍वरगी छ्या स्‍ये च्‍युताते दि किताब नाङ टिबाते बातओन ङेन्‍कान गाङेला ङा यूहन्‍ना दि बातला च्‍याङबो खि सिन सिओ। चुक सासीन दि किताब नाङ टिबाते दि बातओन नाङ सुइँदेकी खइँदा ल्‍हाक्‍पा बात थपे खासीन परमेश्‍वरगी थोक्‍ते मिला दि किताबला साबा ओताते आउदी मेलेबा मेलेबा रोग लै खित ज्‍युत्‍क्‍यो थेमे ज्‍यीबा लाङच्‍या दुक्‍पातेबाङ थेलाराङ ओङ ज्‍युत्‍क्‍यो।

छ्या स्‍ये च्‍युताते बात 22:7

थेमे प्रभु येशूकी “था ङा होत्ताराङ ओङगीन ओत। था तिरी ओङच्‍येते परमेश्‍वरगी छ्या स्‍ये च्‍युताते दि किताब नाङ टिबाते बातओन ङेन्‍कान्‍ते मि भाग्‍यमानी ईन,” सिन सिदुक।

छ्या स्‍ये च्‍युताते बात 4:10

थे ङेपाक ओताते थरी स्‍यीबोकी सधैँभरि सोन्‍ला थे सिंहासन लाक देत्‍कान्‍तेते थोक खाला जय जय खित्‍जीन थे मेरा खालज्‍यीकताङ स्‍यीबो छ्ये छ्येतेबेकीचेन गुर्बु खाला थेला से खिन ओतान। थेमे थे खेराङगी खोन्‍दाते श्रीपेज थेन्‍ला च्‍याला थे सिंहासन खादु ज्‍याक्‍ला

छ्या स्‍ये च्‍युताते बात 9:20

दि दुक्‍पादुकीङ थाराते मिओनगी थोरूमोङ थे खेराङगी खिन ओताते काम खिता माताङसुङ। च्‍यि सासीन थेबेकी ल्‍हा ल्‍हन्‍डीक माने खिता माताङसुङ। थोकराङ खाईन थेबेकी सेर, चाँदी, पित्तल, दोताङ स्‍यिङगी मूर्तिला ल्‍हा सिन माने खिताङ माताङसुङ। थे मूर्तिओनगी थोङाङ मुथुबो, थोबाङ मुथुबो थेमे थेबा ख्‍याम्‍बाङ मुथुबो।