छ्या स्‍ये च्‍युताते बात 22:3 - जिरेल

³ थे सारगी नाङ परमेश्‍वर सराप फापाते मेलेबा सिराते था छ्याःङ मेङगो, सुङ मेङगो। परमेश्‍वरताङ लुई रीउ देत्‍च्‍येते सिंहासन थे सारगी नाङराङ ओङगो। थेमे परमेश्‍वर काम खित्‍कान गाङेकी परमेश्‍वरला छ्ये जोइनराङ देत्‍क्‍यो।

छ्या स्‍ये च्‍युताते बात 22:3 Iomraidhean Croise

मत्ती 25:21

थोक सिरजीन मालिकतेकी थेला ‘खुई आउदी लेमु खाईन काम खादुक। खो मालिककी साबा च्‍योकराङ खित्‍कान्‍ते मि दुका। ङे खोल्‍ला चाँदी डबल थोस्‍यिककामा बिन्‍गीन ज्‍याक्‍सीनोङ खुई थे लेमु खाईन चले खाबेकी था ङा खोल्‍ला झन थे भन्‍दाङ काल्‍बेई पैसे जिम्‍मा तेरग्‍यो। था खो ङा च्‍योकराङ गा खिन ङात्ताङ ङ्योम्‍बुराङ देता ङेत्‍क्‍यो,’ सिन सादुक्‍लो।

मत्ती 25:41

थोकराङ खाला थे खोरोङ देब्रे छ्य्‌वापा ज्‍याक्‍पा ओताते मिओनलाचेन थेकी ‘ख्‍योकोनचेन सराप लै खाबाते मि ईन। ख्‍योकोन ङे मिगी दोन्‍दु मादेत। ख्‍योकोनगीचेन था शैतानताङ थे दूतओनला सिन ठीक खाबा ओताते सधैँ बारगीन देत्‍च्‍येते मे नाङमा स्‍यूक्‍पा फाप्‍क्‍यो।

यूहन्‍ना 12:26

ङाला थे खोरोङ मालिक ईन सिरकान्‍ते मिकीचेन ङे खाबा च्‍योकराङ खिता फाप्‍क्‍यो। थोक खानामेई ङा जहाँ देत्‍कीदुक थेङ ङात्ताङराङ देत्‍क्‍यो। ङे खि साबाच्‍योक खित्‍कान्‍ते मिलाचेन ङे आबेकी मान तेरग्‍यो।

यूहन्‍ना 13:32

ङे परमेश्‍वर चुक छ्ये ईन्‍दे सिन छ्या स्‍ये च्‍युत्‍नामेई परमेश्‍वरगीङ थे खोरोङ फुज्‍युङला चुक छ्येज्‍यीक मान बिन्‍दा ओते सिन तेन्‍ला तेरग्‍यो। दि काम परमेश्‍वरगी था होत्ता खिओ।

यूहन्‍ना 14:3

ठाउँ ठीक खाला ङा ख्‍योकोनला लिन्‍दाला लोक्‍ला ओङगो। थेमे ख्‍योकोनोङ ङात्ताङ ङ्योम्‍बुराङ देता ङेत्‍स्‍यीत सिन ङा ख्‍योकोनलाङ ङाराङ देत्‍सादुराङ देताला खेरग्‍यो।

यूहन्‍ना 17:24

आबा, खुई ङाला ङिङज्‍ये खित्‍च्‍येते ईन्‍देकी दि सा नाम ज्‍वा भन्‍दा गोमामेईराङ खुई ङाला छ्येज्‍यीक मान बिन्‍दा ओतान। था खुई ङे लाःक्‍तु जिम्‍मा बिन्‍दाते मि जतिङ ङा जहाँ देत्‍कीदुक, थेरूराङ देता ङेत्‍ला दिबाबरीकी ङा होथोक खाईन मान ङेत्‍कीन देताते थोङा ङेत्‍स्‍यीत सिरच्‍येते ङे सेम ओत।

छ्या स्‍ये च्‍युताते बात 7:10

थेमे थेबा आउदी छेरा खाला खाला “मिला पापकी सजायदुकी डेल्‍कान्‍तेचेन सिंहासन लाक देत्‍कान्‍ते ङुरूङ परमेश्‍वर थेमे लुई रीउ ईन,” सिन ओतान।

छ्या स्‍ये च्‍युताते बात 7:9

थेमे दि तिरी ताजीन ङे थे सिंहासनताङ थे लुई रीउ दोन्‍दु ङोला ङ्वा मुथुप्‍च्‍या मुन्‍तीसरी मि थोङसुङ। थेबेकी खोलाक कार्मुतेन्‍दे खोन्‍दा ओतान। थेमे लाःक्‍तु खजूर दोङबो हाँगा खुरा ओतान। दिबाचेन लुङबा लुङबेते, थर थरगीते, जात जातकीते थेमे खुदुक खुदुक भाषे मि ओतान।