छ्या स्‍ये च्‍युताते बात 22:20 - जिरेल

²⁰ दि गाङे बात दुरू साबा च्‍योकराङ ईन, ईन्‍दातेराङ ईन सिन सिरकान्‍तेकी “था ङा होत्ताराङ ओङगीन ओत,” सिन सिओ। आमेन, लो स्‍योक स्‍योक प्रभु येशू।

छ्या स्‍ये च्‍युताते बात 22:20 Iomraidhean Croise

यूहन्‍ना 21:25

येशूकी खाबाते काम थोरूम ज्‍येन ज्‍येनोङ काल्‍बेई ओत। ङालानी थेकी खाबाते काम रेरेते किताब टिसीन ज्‍य्‌वाबाला दि सा लुङबादु ठाउँराङ ओङच्‍या मेतान सिराच्‍योक लाङगीदुक।

१ कोरिन्‍थी 16:22

सुइँदेकी प्रभु येशूला ङिङज्‍ये मिक्‍किदुक सासीन थोक्‍ते मिला परमेश्‍वरगी सराप तेरस्‍यीत। स्‍योक स्‍योक प्रभु येशू, खो होत्ता स्‍योक।

२ तिमोथी 4:8

थोगी ङा परमेश्‍वरगी खि साबा साबा च्‍योकराङ खित्‍कान्‍ते मि ईन सिन था ङे इनाम ङेत्‍क्‍यो। थे इनामचेन सुङलाङ काका पाका मिक्‍किता खाला न्‍याय खित्‍कान्‍ते प्रभु येशू ख्रीष्‍टकी थे खोरोङ ग्‍युरला ओङे छोमु ङाला तेरग्‍यो। थे इनाम थेकी ङालाकामा मेन, थे स्‍वर्गनेकी ग्‍युरला ओङगो सिन गा खिन गुला देत्‍कान्‍तेबा गाङेला तेरग्‍यो।

हिब्रू 10:37

परमेश्‍वर बातला “था थेमा ग्‍युरला ओङकान्‍ते ओङा खाईन सिन्‍सुङ। रकस्‍यिकोङ अलमल मिक्‍किता खाला था थे दाक ओङगो।

हिब्रू 9:28

थोक ईन्‍देकी मि काल्‍बेईला थेबेकी खाबाते गाङे पापदुकी डेलाला ख्रीष्‍टोङ बाजिईकामा थे खोरोङ ज्‍यान बिन्‍गीन स्‍याप्‍ते ईन। था थे लोक्‍ला देमा ग्‍युरला ओङगो। थोक खाला ओङच्‍येते लोक्‍ला गोमा च्‍योकराङ मि पापकी सजाय भोगे खाला स्‍याप्‍ला मेन। थानी ङीमाई थे ग्‍युरला ओङगो सिन गुकीन देताते मिओनला पूरो खाला पापदुकी टाल्‍ला स्‍वर्गने देत खेराला लिन्‍दालाका ओङच्‍येते ईन।

छ्या स्‍ये च्‍युताते बात 1:18

ङा सोन्‍लाराङ देत्‍क्‍यो। ङा पालोई स्‍यापनी ओतान, थाचेन ङा याङराङ नोमुङ मिस्‍यिओ। स्‍यिच्‍येते कालला ङे ग्‍याला ओत। थेमे सुइँदाला सजाय बिन्‍ला नरककुण्‍डमा लुबा फाप्‍सीन थोक खित्‍च्‍येते अधिकारोङ ङात्ताङ ओत।

छ्या स्‍ये च्‍युताते बात 1:2

थेमे यूहन्‍नेकीचेन थे खोरोङगी थोङातेताङ थोबाते परमेश्‍वर बात थेमे येशू ख्रीष्‍टकी छ्या स्‍ये च्‍युत्‍कीन बिन्‍दाते गाङे बात ईन्‍दातेराङ ईन सिन साबा ओत।

छ्या स्‍ये च्‍युताते बात 2:16

बालाम बात थेमे निकोलाइटन सिराते पाटी मिओनगी लोप्‍च्‍येते बात ङेन्‍ला थेबेकी खि साबा च्‍योकराङ खित्‍कान्‍तेबा ख्‍योकोनगी थोक खिता थोङ। थोक माक्‍यासुङ तोबो सासीन ङा थेपा वाला ङे खानामेकी थेन्‍दा ओताते तरवार खुरला थे मिओनताङ जीङगो।

छ्या स्‍ये च्‍युताते बात 22:10

थेमे याङराङ थेकी ङाला “था तिरी ओङच्‍येते परमेश्‍वरगी छ्या स्‍ये च्‍युताते दि किताब नाङ टिबाते बातओन छ्याःङ इप्‍ला ब्‍वाला माज्‍यो। च्‍यिला सासीन दुरू साबाच्‍योक गाङे था होत्ताराङ ओङगीन ओत।

छ्या स्‍ये च्‍युताते बात 22:12

थेमे याङराङ प्रभु येशूकी “था ङा होत्ताराङ ओङगीन ओत। थेबेकी खाबाते लेमु मेलेबा कामताङ बात ताला मि गाङेला सु सुला च्‍यि तेरा फाप्‍कीका थे थेराङ ङा तेरग्‍यो।

छ्या स्‍ये च्‍युताते बात 22:18

था तिरी ओङच्‍येते परमेश्‍वरगी छ्या स्‍ये च्‍युताते दि किताब नाङ टिबाते बातओन ङेन्‍कान गाङेला ङा यूहन्‍ना दि बातला च्‍याङबो खि सिन सिओ। चुक सासीन दि किताब नाङ टिबाते दि बातओन नाङ सुइँदेकी खइँदा ल्‍हाक्‍पा बात थपे खासीन परमेश्‍वरगी थोक्‍ते मिला दि किताबला साबा ओताते आउदी मेलेबा मेलेबा रोग लै खित ज्‍युत्‍क्‍यो थेमे ज्‍यीबा लाङच्‍या दुक्‍पातेबाङ थेलाराङ ओङ ज्‍युत्‍क्‍यो।

छ्या स्‍ये च्‍युताते बात 22:7

थेमे प्रभु येशूकी “था ङा होत्ताराङ ओङगीन ओत। था तिरी ओङच्‍येते परमेश्‍वरगी छ्या स्‍ये च्‍युताते दि किताब नाङ टिबाते बातओन ङेन्‍कान्‍ते मि भाग्‍यमानी ईन,” सिन सिदुक।