छ्या स्‍ये च्‍युताते बात 22:15 - जिरेल

¹⁵ थे सारगी फिनामाचेन फेत्‍कान्‍ते कि च्‍योकराङ मेलेबा खित्‍कान्‍ते मिओन, स्‍युत्‍च्‍या फुत्‍च्‍याताङ मन्‍तर तन्‍तर खित्‍कान्‍ते मिओन, रन्‍डीबाजी थेमे होदि च्‍योक्‍ते खिता मेङच्‍येते काम खित्‍कान्‍ते मिओन, मि सेत्‍कान्‍तेबा, ल्‍हा लुला माने खित्‍कान्‍तेबा थेमे ढाँर खिताला छ्याःङ च्‍योक मिक्‍किकान्‍ते मिओनकामा देत्‍क्‍यो।

छ्या स्‍ये च्‍युताते बात 22:15 Iomraidhean Croise

मत्ती 7:6

थेमे परमेश्‍वरते सिराते छ्याःङ किला मातेर। थोक खासीन थेबेकी खेराङलाराङ खाप खाप्‍ला छिङछिङ खाला खाला मुरग्‍यो। थोकराङ खाला खेराङ हीरा मोती फाक्‍पाला पुला मातेर। थोक खासीन थेबेकी ठेक्‍पेकी ङेन्‍ला हिलोताङ सराबरी जोइओ।

मत्ती 8:12

तर परमेश्‍वर राज्‍यदु देता ङेत्‍च्‍येते हक ओताते ख्‍योकोनलाचेन मुन्‍दाकला देताला नरककुण्‍डमाका क्‍युरग्‍यो। थेमाचेन गाङेराङ स्‍येदाङगी सा थागीन खोक्‍पो खाला ङुइन देत्‍क्‍यो,” सिन सिदुक।

यूहन्‍ना 8:46

ख्‍योकोन नाङ खाङगीचेन ङाला खुई दि दि पाप खासुङ सिन सिरा थुप्‍कीते? थोक मेन सासीन ङे साँचोते बात खित्‍जीन ख्‍योकोन च्‍यिला ङे बात पत्ते मिक्‍किते?

शक्ति काम 8:11

थोङलामेई थेकी जादू तेन्‍दाते थोङकान्‍ते मि गाङेराङ छक्‍के खाबा ओतेकी थे छ्य्‌वापाराङ लै खाबा ओतान।

फिलिप्‍पी 3:2

चुक सासीन मेन्‍दे बात लाप्‍ला खेराङला ङ्ये ज्‍युता छोल्‍कान्‍ते मिओनताङ च्‍याङबो खाला देत। थेबानी मिला फेत्‍कान्‍ते कि च्‍योकराङ मेलेबा ईन। जीउला खतकी चिनु जोला थेबेकी खोपरोङला परमेश्‍वरगी छाने खाबाते मि ईन सासीनोङ थेबा थोक्‍ते मि मेन।

कलस्‍सी 3:6

परमेश्‍वरगी खि साबाते माङेन्‍ला होदोक दोक्‍ते काम खित्‍कान्‍ते मिओनला था थेकी स्‍येदाङगी चूर गाल्‍ला सजाय तेरग्‍यो।

१ तिमोथी 1:10

रन्‍डीबाजी थेमे होदि च्‍योक्‍ते खिता मेङच्‍येते ङोचा लाङच्‍येते काम खित्‍कान्‍ते मिओन, मि छोङकान्‍तेबा, ढाँर खित्‍कान्‍तेबा थेमे मेन्‍दे बातलाङ ईन सिन ना केल्‍कान्‍ते मिओन लाईदुङ ईन। परमेश्‍वर नियमचेन होदोक दोक काम खित्‍कान्‍ते मिओन लाईदुकामा मेन। येशू ख्रीष्‍टला विश्‍वास खित्‍कान्‍ते मिओनगी ङेन्‍दा फाप्‍च्‍येते बातताङ डिकराङ मिडिक्‍च्‍येते कामताङ बात खित्‍कान्‍ते मिओन लाईदु जोबाते ईन।

छ्या स्‍ये च्‍युताते बात 18:23

थोकराङ खाला था थेरू बत्ती नाम्‍दाकोङ नोमुङ मोथोङो। थेमे फाङमा खित्‍च्‍येते सिरातेङ था थेरू नोमुङ मेङगो। थेरू जोबाते चीजओन छोङकान्‍ते बेपारीओनला लुङबा लुङबे मिकीराङ छ्या स्‍येबा ओतान। थेबाचेन दि पृथ्‍वीते छ्ये छ्ये मि ओतान। थे सारगी झिलिमिली थोङगीन गाङे सा लुङबे मि छक्‍के खाबा ओतान।

छ्या स्‍ये च्‍युताते बात 21:27

परमेश्‍वरला मन परे मिक्‍किच्‍येते सिराते थे सारगी नाङ छ्याःङ मेङगो। खिता मेङच्‍येते ङोचा लाङच्‍येते काम खित्‍कान्‍ते थेमे ढाँर खित्‍कान्‍तेबाचेन बान्‍दा थे सारगी नाङ स्‍यूक्‍पा मेङेदो। खालि नोमुङ मिसिन्‍च्‍येते जुनी ङेत्‍कान्‍ते मिओन मिन टिबा ओताते किताब नाङ खोपरोङ मिन ओताते मिओनकामा थे सारगी नाङ स्‍यूक्‍पा ङेत्‍क्‍यो। थे मिन टिबाते किताबचेन लुई रीउते ईन।

छ्या स्‍ये च्‍युताते बात 21:8

तर ङे मि ईन सिरा ज्‍यीबा खित्‍कान्‍तेबा, ङाला विश्‍वास मिक्‍किकान्‍तेबा, मेलेबा मेलेबा काम खित्‍कान्‍तेबा, मि सेत्‍कान्‍तेबा, रन्‍डीबाजी थेमे होदि च्‍योक्‍ते खिता मेङच्‍येते काम खित्‍कान्‍तेबा, स्‍युत्‍च्‍या फुत्‍च्‍याताङ मन्‍तर तन्‍तर खित्‍कान्‍तेबा, ल्‍हा लुला माने खित्‍कान्‍तेबा थेमे ढाँर खित्‍कान्‍तेबाचेन गाङेराङ गन्‍धकताङ मे बाराते ज्‍यीबा लाङच्‍याज्‍यीक मे धुनीमा स्‍यूक्‍पा फाप्‍क्‍यो। था तिरी ज्‍यीबा लाङच्‍याज्‍यीक मे धुनीमा स्‍यूक्‍च्‍येते सिरातेचेन होदिराङ ईन,” सिन सिदुक।