छ्या स्‍ये च्‍युताते बात 22:11 - जिरेल

¹¹ मेलेबा काम खित्‍कान्‍ते मि मेलेबाराङ खिन देत्‍स्‍यीत। खिता मेङच्‍येते ङोचा लाङच्‍येते काम खित्‍कान्‍ते मिङ थोकराङ खिन देत्‍स्‍यीत। थोकराङ खाला परमेश्‍वरगी खि साबाच्‍योक खित्‍कान्‍ते मि थोकराङ खिन देत्‍स्‍यीत। थेमे सेम खुदुक गाल्‍गीन परमेश्‍वरला मन परे खित्‍च्‍येते काम खित्‍कान्‍ते मिङ खिन ओता च्‍योकराङ खिन देत्‍स्‍यीत,” सिन सिदुक।

छ्या स्‍ये च्‍युताते बात 22:11 Iomraidhean Croise

मत्ती 15:14

दोक ईन्‍देकी थेबा जेसुकै खित्‍स्‍यीत। खेराङ खाराक्‍पा देत। थेबेकी खोपरोङला परमेश्‍वर नियम छ्या मेस्‍येकान अन्‍ध च्‍योक्‍ते मिओनला थे नियम लोप्‍कान्‍ते मि ईन खिदुक। ईन्‍दालाचेन थेबा खोपरोङका होथोक्‍ते अन्‍ध च्‍योक्‍ते ईन। च्‍यि अन्‍धेकी ज्‍येनज्‍यीक अन्‍धला खइँसाला टीला खेरा चाल्‍सीन ङिकाराङ गाराम गुरूम मिरिलोतरो?” सिन सिदुक।

मत्ती 21:19

थेरू लामगी खादु नेभारे दोङबोज्‍यीक ओतान। थेरू नेभारा गोन्‍दा ओता सिन येशू थेपा तार गाल्‍सुङ। तर थेकी थे दोङबोला नेभारे गेडाज्‍यीगोङ माथेप्‍सुङ। थे दोङबोला खालि दाम्‍माकामा ओतान। दाम्‍माकामा ओता थोङनामेई थेकी थे दोङबोला “थानामेई खोल्‍ला नोमुङ फलफूल गेडाईओङ मोगोन्‍स्‍यीत,” सिन सिदुक। थोक सिराईताङ थे नेभारे दोङबो कोम्‍बो सिली गाल्‍गीन काम्‍सुङ।

मत्ती 25:10

थेमे थेबा ङाबो मोर्गु ङ्योर गाले बेलालाराङ बेउलाङ लेपाक्‍वालो। थेमे दाङच्‍या खाईन मोर्गु खेरा ओताते फेम्‍मे फिजाओनचेन बेउलाताङ ङ्योम्‍बुराङ फाङमे भोज सासे खाम्‍बे नाङ लोक स्‍यूदुक्‍लो। थेबा नाङने स्‍यूनामेई खाम्‍बे गोङ डेप च्‍येत्‍तुक्‍लो।

मत्ती 5:45

थोक खासीन ख्‍योकोनला स्‍वर्गने देत्‍कान्‍ते ख्‍योकोन आबा परमेश्‍वर फुज्‍युङ फुमु ईन सिरा सोई खिओ। च्‍यिला सासीन परमेश्‍वरगी लेमु काम खित्‍कान्‍ते ईन्‍सीनोङ मेलेबा काम खित्‍कान्‍ते ईन्‍सीनोङ, थेकी साबा साबाच्‍योक खित्‍कान्‍ते ईन्‍सीनोङ थोक मिक्‍किकान्‍ते ईन्‍सीनोङ मि गाङे लाईदु ङीमा स्‍यार च्‍युत्‍ला थेमे छ्यार्बा देक च्‍युत्‍ला गाङेला ङिङज्‍ये खिओ।

मत्ती 5:6

परमेश्‍वरगी खि साबा साबाच्‍योक खिता आउदी सेम खित्‍कान्‍ते मिओन भाग्‍यमानी ईन। च्‍यिला सासीन परमेश्‍वरगी थेबेकी सेम खाबा च्‍योकराङ ओङ ज्‍युत्‍क्‍यो।

यूहन्‍ना 8:21

येशूकी लोईन थेबाला “था तिरी ङा दुरूकी डुइओ। थेमे ख्‍योकोनगी ङाला छोल्‍ग्‍यो। पाप खाबेकी खित्‍सादु ख्‍योकोन पापकी सजाय ङेत्‍ला स्‍यिइओ। ङा डोसादु ख्‍योकोन ओङा मुथुबो,” सिन सिदुक।

एफिसी 5:27

दोस्‍यिककामा मेन, थेकी थोक खाबातेचेन ङेर्मा माच्‍युम्‍बाते, छ्याःङ खुना खोटी मेताते, ताजीनोङ आउदी लेमु थोङच्‍येते बेउली च्‍योकराङ थेबाला सेम खुदुक गालाते थेमे छ्याःङ गल्‍ती मेताते मि जोला थे खोरोङ दोन्‍दु देत ज्‍युता थुप्‍स्‍यीत सिनोङ ईन।

कलस्‍सी 1:22

ख्‍योकोन गोमा थोक ओता ईन्‍सीनोङ ख्रीष्‍ट मि जुनी लाकीन स्‍याप्‍की खित्‍सादु थाचेन परमेश्‍वरगी ख्‍योकोनला थे खोरोङताङ डिक च्‍युता ओत। ख्‍योकोन थे खोरोङ दोन्‍दु सेम खुदुक गालाते, छ्याःङ गल्‍ती मेताते थेमे सुङगीङ दिबा दोक दोक गल्‍ती खित्‍कान्‍ते मि ईन सिरा मुथुप्‍च्‍या गालाते मि ओङस्‍यीत सिन थेकी ख्‍योकोनला दोक खाईन थे खोरोङताङ डिक च्‍युता ओत।

२ तिमोथी 3:13

थेमे मेलेबा काम खित्‍कानताङ ज्‍येनला छक्‍के खित्‍कान्‍ते मिओनचेन होथोक्‍ते कामकामा खिन देत्‍ला झन झन ङ्येकीन डुइओ। थोक खित्‍जीन थेबेकी ज्‍येनलाङ ङ्ये ज्‍युत्‍क्‍यो, खोपरोङोङ ङ्येक्‍यो।

यहूदा 1:24

ख्‍योकोन होथोक्‍ते मिओन नाङराङ देता ओत्‍सीनोङ परमेश्‍वरगी ख्‍योकोनला मेलेबा काम खित्‍सादुई जोए खिओ, थेकी ख्‍योकोनला छ्याःङ गल्‍ती मेताते मि ईन सिओ थेमे ख्‍योकोनला आउदी खाला गा खिन झिलिमिली नाम्‍दाकला थे खोरोङ दोन्‍दु देत ज्‍युत्‍क्‍यो।

छ्या स्‍ये च्‍युताते बात 16:21

थेमे घट्टे लाकोर छेतराङ जोदातेताङ ज्‍यीबा लाङच्‍येतेन्‍दे सरे नामनेकी मिओन लाकनामा ङीम्‍बाला स्‍यूसुङ। थोक ज्‍यीबा लाङच्‍येतेन्‍दे सरे ग्‍यापेकी खित्‍सादु मिओनगी परमेश्‍वरला मोता खिताला स्‍यूसुङ। साँच्‍चीराङ थे सरे आउदी ज्‍यीबा लाङच्‍येतेन्‍दे ओतान।

छ्या स्‍ये च्‍युताते बात 22:3

थे सारगी नाङ परमेश्‍वर सराप फापाते मेलेबा सिराते था छ्याःङ मेङगो, सुङ मेङगो। परमेश्‍वरताङ लुई रीउ देत्‍च्‍येते सिंहासन थे सारगी नाङराङ ओङगो। थेमे परमेश्‍वर काम खित्‍कान गाङेकी परमेश्‍वरला छ्ये जोइनराङ देत्‍क्‍यो।