छ्या स्‍ये च्‍युताते बात 22:10 - जिरेल

¹⁰ थेमे याङराङ थेकी ङाला “था तिरी ओङच्‍येते परमेश्‍वरगी छ्या स्‍ये च्‍युताते दि किताब नाङ टिबाते बातओन छ्याःङ इप्‍ला ब्‍वाला माज्‍यो। च्‍यिला सासीन दुरू साबाच्‍योक गाङे था होत्ताराङ ओङगीन ओत।

छ्या स्‍ये च्‍युताते बात 22:10 Iomraidhean Croise

मत्ती 10:27

थेमे ङे नुप्‍ला खेराङकामा ओत्‍जीन लोप्‍कीन ओताते बात ज्‍येनलाङ लाप्‍ला बिन। थोकराङ खाला ङे खेराङलाकामा साबाते बातओन गाङेकी छ्या स्‍येस्‍यीत सिन थोच्‍या खाला लोप।

रोमी 13:11

थेमे ज्‍येनोङ बात च्‍यि सासीन था गोमा च्‍योकराङ मेन सिन ख्‍योकोनगी विचार खि। काम खिता फाप्‍च्‍या ओत सिन ङिक गाल्‍सादुकी ङिक छेत्‍ला लाङाच्‍योक खाला था ख्‍योकोनगी झन लेमु खाला काम खि। च्‍यिला सासीन ङुरूङगी गोमा येशू ख्रीष्‍टला विश्‍वास खिताला स्‍यूक्‍पे बेलाला परमेश्‍वरगी ङुरूङला पूरो खाला पापदुकी टाल्‍ला स्‍वर्गने देताला खेरच्‍येते समय आदोराङ बाँकी ओतान। थेकी थोक खित्‍च्‍येते समय था काल्‍बा बाँकी मेत।

रोमी 13:12

था नुप गाल्‍गीन नाम लाङा खाबा ओत। थोगी ङुरूङगी ज्‍येनगी थाहा मेछ्येत्‍स्‍यीत सिन मुन्‍दाकला खित्‍च्‍येते च्‍योक्‍ते मेलेबाते काम खित्‍च्‍येते गाङे तोङा फाप्‍क्‍यो। बरू गाङे ङोन्‍दु ङीमे कार्बोलाराङ खिता ओङच्‍येते च्‍योक्‍ते काम खिताला परमेश्‍वरगी तेरच्‍येते हात हतियार चले खिता फाप्‍क्‍यो। दोकचेन ङुरूङगी परमेश्‍वर शक्ति छ्य्‌वापेकी लेमुते कामकामा खिता फाप्‍क्‍यो साबाते ईन।

२ थिस्‍सलोनिकी 2:3

होथोक्‍ते बात ङेन्‍ला ख्‍योकोन सुङ छक्‍के माकेत। च्‍यिला सासीन मि काल्‍बेईकी परमेश्‍वरगी खि साबाते ङेन्‍दा ताङगीन थे विरोध माक्‍याथुप थेमे आउदी पाप खित्‍कान्‍ते मि मावाथुपनी प्रभु येशू ग्‍युरला ओङच्‍येते दिन ओङराङ मेङगो। थे आउदी पाप खित्‍कान्‍ते मिकी छ्येज्‍यीक सजाय ङेत्‍ला नरककुण्‍डमा ड्वा फाप्‍क्‍यो।

१ पत्रुस 4:7

थेमे था दि जुग सिन्‍च्‍ये बेला लेपा खाबा ओत। दाक्‍पोन सेम काबूला ज्‍याक्‍ला ख्‍योकोन च्‍याङबो खाला देत। दोक खासीन ख्‍योकोन परमेश्‍वरताङ प्रार्थना खिन देता थुप्‍क्‍यो।

छ्या स्‍ये च्‍युताते बात 1:11

थेकीचेन “खुई च्‍यि च्‍यि थोङगीका थे गाङे बात स्‍यिउला टिला च्‍याला एफिसस, स्‍मर्ना, पर्गामम, थिआटीरा, सार्डिस, फिलाडेल्‍फियाताङ लाओडिसिया होदि सार दुईनकारदु जम्‍मा ओङकान्‍ते येशू ख्रीष्‍ट मिओनला थोङ,” सिन सिदुक।

छ्या स्‍ये च्‍युताते बात 1:3

परमेश्‍वरगी छ्या स्‍ये च्‍युताते दि किताब नाङ टिबाते था तिरी ओङच्‍येते बातओन पढे खित्‍कान्‍ते थेमे थोला दुरू खि साबा च्‍योकराङ खित्‍कान्‍ते मि भाग्‍यमानी ईन। च्‍यिला सासीन दुरू साबाते दि गाङे बात था होत्ता साबा च्‍योकराङ ओङगीन ओत।

छ्या स्‍ये च्‍युताते बात 10:4

थे ङोरो दुईनगी थोक खाईन गाराङताङ गुरूङ खानामेई ङे टिक्‍पाला ठीक खाबाप। तर ङे स्‍वर्गनेकी “थे ङोरो दुईनबोकी खाबाते बात माटिक, दि बातचेन खाराक्‍पा सेमगी नाङकामा स्‍योक,” सिरा थोसुङ।

छ्या स्‍ये च्‍युताते बात 22:16

“थाल्‍लासाक तेन्‍गीन बिन्‍दाते बाततेबा ठाउँ ठाउँला जम्‍मा ओङकान्‍ते ङे मिओनला छ्या स्‍ये ज्‍युताला ङा येशूकीराङ ङाराङ दूतला खो ओत्‍सादु ताङाते ईन। ङा दाऊद गेल्‍बो थरगीते थे सन्‍तानराङ ईन। ङोमु पाखाला स्‍यारच्‍येते आउदी खाला टल्‍के खित्‍च्‍येते कार्मा ङाराङ ईन,” सिन सिदुक।

छ्या स्‍ये च्‍युताते बात 22:18

था तिरी ओङच्‍येते परमेश्‍वरगी छ्या स्‍ये च्‍युताते दि किताब नाङ टिबाते बातओन ङेन्‍कान गाङेला ङा यूहन्‍ना दि बातला च्‍याङबो खि सिन सिओ। चुक सासीन दि किताब नाङ टिबाते दि बातओन नाङ सुइँदेकी खइँदा ल्‍हाक्‍पा बात थपे खासीन परमेश्‍वरगी थोक्‍ते मिला दि किताबला साबा ओताते आउदी मेलेबा मेलेबा रोग लै खित ज्‍युत्‍क्‍यो थेमे ज्‍यीबा लाङच्‍या दुक्‍पातेबाङ थेलाराङ ओङ ज्‍युत्‍क्‍यो।

छ्या स्‍ये च्‍युताते बात 22:20

दि गाङे बात दुरू साबा च्‍योकराङ ईन, ईन्‍दातेराङ ईन सिन सिरकान्‍तेकी “था ङा होत्ताराङ ओङगीन ओत,” सिन सिओ। आमेन, लो स्‍योक स्‍योक प्रभु येशू।

छ्या स्‍ये च्‍युताते बात 22:7

थेमे प्रभु येशूकी “था ङा होत्ताराङ ओङगीन ओत। था तिरी ओङच्‍येते परमेश्‍वरगी छ्या स्‍ये च्‍युताते दि किताब नाङ टिबाते बातओन ङेन्‍कान्‍ते मि भाग्‍यमानी ईन,” सिन सिदुक।

छ्या स्‍ये च्‍युताते बात 22:9

थोक खित्‍जीन थेकी ङाला “खुई ङाला दोक खाला परमेश्‍वरला च्‍योक खाला से माकेत। खो थेमे परमेश्‍वर बात खित्‍कान्‍ते खुई आज्‍यो न्‍वाओन थेमे दि किताब नाङ टिबाते बात ङेन्‍कान्‍ते मि गाङे च्‍योकराङ ङाङ परमेश्‍वर काम खित्‍कान्‍तेराङ ईन। थोगी परमेश्‍वरलाकामा छ्ये जो,” सिन सिदुक।

छ्या स्‍ये च्‍युताते बात 5:1

थेमे ङे थे सिंहासन लाक देता ओत्‍कान्‍तेकी ठीलाते स्‍यिउज्‍यीक सामे लाःक्‍तु खुरा ओता थोङसुङ। थे स्‍यिउला लाक नाङ पट्टि ङिकारपा टिबा ओतान। थेमे थे स्‍यिउला छाप दुईन ग्‍यापा ओतान।