छ्या स्‍ये च्‍युताते बात 21:9 - जिरेल

⁹ थेमे दि तिरी परमेश्‍वर दूतज्‍यीगी ङाला “देपा स्‍योक, खोल्‍ला ङा थे बेउली तेन्‍ला तेरग्‍यो। लुई रीउ फेम्‍मे थेराङ ईन,” सिन सिदुक। थे दूतचेन आउदी मेलेबा मेलेबा रोगताङ अनिकाल लाङ ज्‍युत्‍च्‍येते थेमे ज्‍यीबा लाङच्‍या दुक्‍पा ओङ ज्‍युत्‍च्‍येते जिम्‍मा खुराते कचौरा दुईनबो खुरकान्‍ते परमेश्‍वर दूत दुईनबो नाङ दोक्‍पोई ओतान।

छ्या स्‍ये च्‍युताते बात 21:9 Iomraidhean Croise

छ्या स्‍ये च्‍युताते बात 1:1

दि किताबला ओताते बातओनचेन परमेश्‍वरगी येशू ख्रीष्‍टला तेन्‍गीन बिन्‍दाते बात ईन। था होत्ता ओङगीन ओताते दि बातओन थे खोरोङ काम खित्‍कान्‍ते मिओनला छ्या स्‍ये ज्‍युताला परमेश्‍वरगी येशू ख्रीष्‍टला तेन्‍गीन बिन्‍दा ओतान। थेमे दि बातओन लाःपाला येशू ख्रीष्‍टकी थे खोरोङ दूतज्‍यीकला थे खोरोङ काम खित्‍कान्‍ते यूहन्‍ना ओत्‍सादु ताङा ओतान।

छ्या स्‍ये च्‍युताते बात 17:1

थेमे दि तिरी थोङला थे कचौरा दुईन खुरा ओताते परमेश्‍वर दूत दुईनबो नाङ दोक्‍पोईकी छेउदु वाकीन ङाला “खो देपा तार स्‍योक, छ्याःङ ङोचा मेताते रन्‍डीकी चुक खाला सजाय ङेत्‍कीते सिन ङा खोल्‍ला तेन्‍ला तेरग्‍यो। थे रन्‍डीचेन चाङबो काल्‍बेई छेउदु जोबाते छ्येते सार ईन।

छ्या स्‍ये च्‍युताते बात 19:7

ङुरूङ गाङेराङ गा खिइ। आउदी गा खिनकामा थेला छ्ये जोइ। था लुई रीउते फाङमा ओङा खाईन सिन्‍सुङ। थे बेउलीचेन थे मोरोङराङ ठीक ओङगीन देत्‍ला दुक।

छ्या स्‍ये च्‍युताते बात 21:17

थेमे थे दूतकी सारगी गारोङ थाप्‍सुङ। मिओनगी थापा च्‍योकराङ खाला थाप्‍जीन थे गारो ठु खाल दुईनताङ स्‍यी थोम्‍बो ओतान।

छ्या स्‍ये च्‍युताते बात 21:2

थेमे परमेश्‍वर सार सिरच्‍येते साम्‍बाते यरूशलेम परमेश्‍वर देत्‍सादुई स्‍वर्गनेकी थुल्‍लाला फाप्‍कीन ओताते ङे थोङसुङ। थे सारचेन लेमु लेमु खोलाकताङ गहनातेबा कोन्‍गीन बेउले लाईदु ठीक खाईन ज्‍याक्‍पाते बेउली च्‍योकराङ थोङगीन ओतान।

छ्या स्‍ये च्‍युताते बात 22:1

थेमे दि तिरी थे दूतकी ङाला चाङबोज्‍यीक तेन्‍सुङ। थे चाङबो बिल्‍लौर सिराते यु च्‍योकराङ साङलोई ओतान। थे चाङबो छ्यु थुङकान्‍ते मिओनगी नोमुङ मिसिन्‍च्‍येते जुनी ङेत्‍क्‍यो। थे चाङबोचेन परमेश्‍वरताङ लुई रीउ देत्‍च्‍येते सिंहासनदुकी थेन्‍गीन

छ्या स्‍ये च्‍युताते बात 22:17

थेमे परमेश्‍वर आत्‍माताङ लुई रीउ बेउलीकीचेन “लो स्‍योक, होत्ता स्‍योक,” सिन सिदुक। दि बात थोकान्‍ते मिबरी गाङेकी “लो होत्ता स्‍योक,” सिन सि। सुइँदाला कोम्‍बा लाबा ओत्‍सीन परमेश्‍वर दोन्‍दु स्‍योक। दोक खाला परमेश्‍वरगी तेरच्‍येते छ्यु थुङा सेम खाला थे दोन्‍दु ओङकान गाङेकी छ्याःङ मेज्‍येला खाला नोमुङ मिसिन्‍च्‍येते जुनी ङेत्‍च्‍येते छ्यु थुङा ङेत्‍क्‍यो।

छ्या स्‍ये च्‍युताते बात 22:6

थेमे याङराङ थे दूतकी ङाला “थाल्‍लासाक खुई थोङातेताङ थोबाते दि गाङे बात साबाते भन्‍दा नोमुङ खुदुक मोन्‍डोच्‍येते साबा च्‍योकराङ ओङच्‍येते बात ईन। था होत्ता ओङगीन ओताते दि बातओन थे खोरोङ काम खित्‍कान्‍ते मिओनला छ्या स्‍ये ज्‍युताला प्रभु परमेश्‍वरगी थे खोरोङ दूत ताङा ओतान। परमेश्‍वर बात खित्‍कान्‍ते मिओनला थोक खिताला थे खोरोङ आत्‍मा तेरकान्‍ते प्रभु परमेश्‍वरराङ ईन,” सिन सिदुक।