छ्या स्‍ये च्‍युताते बात 21:8 - जिरेल

⁸ तर ङे मि ईन सिरा ज्‍यीबा खित्‍कान्‍तेबा, ङाला विश्‍वास मिक्‍किकान्‍तेबा, मेलेबा मेलेबा काम खित्‍कान्‍तेबा, मि सेत्‍कान्‍तेबा, रन्‍डीबाजी थेमे होदि च्‍योक्‍ते खिता मेङच्‍येते काम खित्‍कान्‍तेबा, स्‍युत्‍च्‍या फुत्‍च्‍याताङ मन्‍तर तन्‍तर खित्‍कान्‍तेबा, ल्‍हा लुला माने खित्‍कान्‍तेबा थेमे ढाँर खित्‍कान्‍तेबाचेन गाङेराङ गन्‍धकताङ मे बाराते ज्‍यीबा लाङच्‍याज्‍यीक मे धुनीमा स्‍यूक्‍पा फाप्‍क्‍यो। था तिरी ज्‍यीबा लाङच्‍याज्‍यीक मे धुनीमा स्‍यूक्‍च्‍येते सिरातेचेन होदिराङ ईन,” सिन सिदुक।

छ्या स्‍ये च्‍युताते बात 21:8 Iomraidhean Croise

मत्ती 10:28

दोक खित्‍जीन ख्‍योकोनला सेता छोल्‍कान्‍ते मिओनताङ ज्‍यीबा माकेत। थेबेकीनी ख्‍योकोन ज्‍यानकामा लिन्‍दा थुप्‍क्‍यो, आत्‍मालाचेन छ्याःङ खिता मुथुबो। बरू परमेश्‍वरताङचेन ज्‍यीबा खि। च्‍यिला सासीन थेकीनी सेता थुप्‍च्‍येतेकामा मेन, सेत्‍ला मिला नरककुण्‍डमाङ लुबा थुप्‍क्‍यो।

मत्ती 25:25

थोगी ङाला ज्‍यीबा लाबेकी ङे हजूर खुईते पैसा से नाङ दिकीन ज्‍याक्‍पाप। लो या, था हजूर खोरोङते पैसा लोङ,’ सिन सादुक्‍लो।

मत्ती 8:26

थोक खित्‍जीन थेकी “ख्‍योकोनबरी च्‍यिला दोक खाला ज्‍यीबा खिते? ङे ख्‍योकोनला जोए खिता थुप्‍क्‍यो सिन ख्‍योकोनगी ङाला विश्‍वास खाबाते खोइ?” सिन सिदुक। थोक साकीन च्‍याकीन खोक लाकीन थेकी ल्‍हाबाताङ समुन्‍द्रे छालला “गोगे देत,” सिन सासुङ। थेकी थोक सानामेई ल्‍हाबा चले खिता ताङसुङ, समुन्‍द्रे छालोङ तोरसुङ।

मर्कूस 9:44

थेमा स्‍यूक्‍कान्‍ते मिला साकान्‍ते बु नोमुङ मिस्‍यिओ, थेमा बारगीन ओताते मेङ नोमुङ मिस्‍यिओ।

यूहन्‍ना 8:44

ख्‍योकोनचेन खेराङ आबा शैतानताङ डिक्‍कान्‍ते मि ईन। थेमे ख्‍योकोन खेराङ आबेकी खित्‍च्‍येते कामकामा खिता सेम खिदुक। थेकीनी च्‍याक दि जुग शुरू ओङजीनमेईराङ मि सेत्‍च्‍येतेकामा खिन ओत। ईन्‍दाते बातला थेकी बान्‍दा गा मिक्‍किओ। साँचोते बात सिरातेचेन थेकी नोमुङ मिक्‍किओ। ढाँर खित्‍च्‍येतेनी थेते बानीराङ ईन्‍देकी थेचेन ढाँर खित्‍कान्‍ते ईन। ढाँर खित्‍च्‍येते सिराते गाङे थे छ्य्‌वापेईराङ ओङच्‍येते ईन।

२ थिस्‍सलोनिकी 2:9

थे आउदी पाप खित्‍कान्‍ते मि दुरू वानामेई शैतानगी थेला छ्येज्‍यीक शक्ति तेरग्‍यो। थेमे थे मिकी छ्ये छ्येताङ अचम्‍बतेन्‍दे काम खाला तेन्‍ग्‍यो। थे काम थोङजीन मिओनला परमेश्‍वरगी खित च्‍युताते ईन्‍दासीन सिरा च्‍योकराङ लाङगो।

१ तिमोथी 4:2

ढाँर खित्‍कान्‍तेबेकी होथे ल्‍हन्‍डीक स्‍यिन्‍डीपकी जोबाते मेन्‍दा मेन्‍दे बात लेमु बात ईन सिन ज्‍येनला लोप्‍क्‍यो। थोक्‍ते मि सेमचेन स्‍यिङ दो च्‍योकराङ स्‍येन्‍दे गाला ओतेकी खोपरोङगी थोक मेलेबा बात लोप्‍जीनोङ छ्याःङ च्‍योक मालाङो।

तीतस 1:16

खोपरोङ होथोक्‍ते मि ईन्‍सीनोङ थेबेकीचेन परमेश्‍वर सु ईन्‍दे, चुक्‍ते ईन्‍दे सिन ङ्योकोनला लेमु खाला छ्या ओत सिन सिओ। थेबे काम ताला थेबा परमेश्‍वरला माने खित्‍कान्‍ते मि मेन सिन दाक छ्या स्‍येक्‍यो। थेबाला थोङजीन परमेश्‍वरला गा मालाङो, थेबेकी परमेश्‍वरगी साबाते ङेनराङ मेङेनो थेमे लेमु काम सिराते छ्याःङ खिताराङ मुथुबो।

हिब्रू 12:24

येशू देत्‍सादुराङ ख्‍योकोन ख्‍योलाते ईन। थेकी खित्‍सादुराङ परमेश्‍वरगी मिओनताङ तिरी खिओ साबाते जमान पूरो ओङाते ईन। येशू स्‍यिजीन थे जीउदुकी थेन्‍दाते ठागी खित्‍सादु परमेश्‍वरगी मि पाप माफ तेरच्‍या खाबाते ईन। थोगी येशू स्‍याप्‍तेचेन हाबिल स्‍याप्‍ते च्‍योक मेन, दिनी खापान खापान छ्येते बात ईन।

हिब्रू 13:4

ख्‍योकोन दाक्‍पोन ख्‍यावा फेम्‍मेताङकामा देत। सुङगीङ ज्‍येन मि ख्‍यावा फेम्‍मेताङ ङ्याल्‍ला रन्‍डीबाजी माकेत। फाङमा खाबातेबा ईन्‍स्‍यीत, माक्‍याबातेबा ईन्‍स्‍यीत रन्‍डीबाजी थेमे होदि च्‍योक्‍ते खिता मेङच्‍येते काम खित्‍कान्‍तेबाला जोराङ ईन्‍सीनोङ परमेश्‍वरगी न्‍याय खाला सजाय तेरग्‍यो।

१ यूहन्‍ना 2:22

थोक ईन्‍सीन था सुला ढाँर खित्‍कान्‍ते ईन सिन सिरच्‍ये? जसकी येशू परमेश्‍वरगी तोङगो साबाते ख्रीष्‍ट मेन खिदुक थेचेन ढाँर खित्‍कान्‍ते ईन। ख्रीष्‍टला विरोध खित्‍कान्‍ते मि होथेराङ ईन। थोक्‍ते मिकीचेन येशू परमेश्‍वर फुज्‍युङ मेन थेमे परमेश्‍वर थे आबा मेन सिन सिओ।

१ यूहन्‍ना 3:15

दाक्‍पोन आज्‍यो न्‍वाला मिगी थोङसार्मु खित्‍कान्‍ते मिचेन ज्‍यानमारा ईन। थोक्‍ते मि नोमुङ मिसिन्‍च्‍येते जुनी ङेताते मि मेन सिन ख्‍योकोनला छ्याराङ ओत।

१ यूहन्‍ना 5:10

थोगी येशू परमेश्‍वर फुज्‍युङ ईन सिन थेला विश्‍वास खित्‍कान्‍ते मिकी थे परमेश्‍वर फुज्‍युङ ईन सिरच्‍येते बातला छ्याःङ शंका मिक्‍किओ। थे परमेश्‍वर फुज्‍युङ मेन सिन सिरकान्‍ते मिकीचेन परमेश्‍वरनी ढाँर खित्‍कान्‍ते ईन साबाते ईन। च्‍यिला सासीन थोक्‍ते मिकी परमेश्‍वरगी थे खोरोङ फुज्‍युङ चुक्‍ते ईन्‍दे सिन साबाते बात पत्तेराङ खाबा मेङगो।

छ्या स्‍ये च्‍युताते बात 14:10

मिकीङ परमेश्‍वरगी कचौराला लुक्‍पा ओताते कन्‍देते अंगूर छ्याङ थुङा फाप्‍क्‍यो। थे कचौरे छ्याङ थुङच्‍या सिरातेचेन परमेश्‍वरगी स्‍येदाङगी चूर गाल्‍ला तेरच्‍येते सजाय ईन। थोक्‍ते मिकीचेन सधैँभरि परमेश्‍वर दूतओन थेमे लुई रीउ दोन्‍दु गन्‍धक बारसादु छिगीन देता फाप्‍क्‍यो।

छ्या स्‍ये च्‍युताते बात 19:20

तर थे जन्‍तुताङ थे छ्य्‌वापेकी आउदी अचम्‍बतेन्‍दे काम खाला तेन्‍कान्‍ते जन्‍तु ङिकारला जुम्‍गीन ठासुङ। थे ज्‍येनते जन्‍तुचेन डुगी सिर च्‍युताते बात खित्‍कान्‍ते ईन। अचम्‍बतेन्‍दे काम खाईनराङ थे जन्‍तुकी थे गोमे जन्‍तु मिनगी छाप देक ज्‍युत्‍कान्‍ते मिओनताङ थे मूर्तिला माने खित्‍कान्‍तेबाला छक्‍के खाबा ओतान। जुम्‍गीन ठानामेई थेबा ङिकारला सोम्‍बोराङ गन्‍धकताङ मे बाराते ज्‍यीबा लाङच्‍याज्‍यीक मे धुनीमा क्‍युरसुङ।

छ्या स्‍ये च्‍युताते बात 2:11

ङेन्‍दा सेम ओत्‍कान्‍ते मिकी ठाउँ ठाउँला जम्‍मा ओङकान्‍ते येशू ख्रीष्‍ट मिओनला परमेश्‍वर आत्‍मेकी च्‍यि सिन दुका सिन लेमु खाला ङेन। शैतान शक्तिला ग्‍याल्‍कान्‍ते मिकी था तिरी ज्‍यीबा लाङच्‍याज्‍यीक मे धुनी नाङ स्‍यूक्‍च्‍येते बातकीते छ्याःङ ज्‍यीबा खिता माफाबो।

छ्या स्‍ये च्‍युताते बात 2:2

च्‍यि सासीन ख्‍योकोनगी खिन ओताते गाङे काम ङाला छ्या ओत। ख्‍योकोनगी स्‍याप स्‍याप खाईन काम खाबाते थेमे दुक्‍पा ओङजीनोङ सेम मेसेता खाईन देताते ङाला छ्या ओत। थेमे थेरू मेलेबा काम खित्‍कान्‍ते मिओनला ख्‍योकोनगी मन परे माक्‍याबातेङ ङाला छ्या ओत। खोपरोङ येशू ख्रीष्‍टकी खटे खाबाते मि ईन सिन सिरकान्‍तेबाला ख्‍योकोनगी थेबा पक्‍काराङ थोक्‍ते मि ईन्‍दाकाना मेन्‍दाका सिन विचार खाईन ताकीन थेबा थोक्‍ते मि मेन सिन छ्या स्‍येला दुक। थेबानी खोपरोङगी ईन साबा च्‍योक्‍ते मि ईनराङ मेन।

छ्या स्‍ये च्‍युताते बात 21:27

परमेश्‍वरला मन परे मिक्‍किच्‍येते सिराते थे सारगी नाङ छ्याःङ मेङगो। खिता मेङच्‍येते ङोचा लाङच्‍येते काम खित्‍कान्‍ते थेमे ढाँर खित्‍कान्‍तेबाचेन बान्‍दा थे सारगी नाङ स्‍यूक्‍पा मेङेदो। खालि नोमुङ मिसिन्‍च्‍येते जुनी ङेत्‍कान्‍ते मिओन मिन टिबा ओताते किताब नाङ खोपरोङ मिन ओताते मिओनकामा थे सारगी नाङ स्‍यूक्‍पा ङेत्‍क्‍यो। थे मिन टिबाते किताबचेन लुई रीउते ईन।

छ्या स्‍ये च्‍युताते बात 22:15

थे सारगी फिनामाचेन फेत्‍कान्‍ते कि च्‍योकराङ मेलेबा खित्‍कान्‍ते मिओन, स्‍युत्‍च्‍या फुत्‍च्‍याताङ मन्‍तर तन्‍तर खित्‍कान्‍ते मिओन, रन्‍डीबाजी थेमे होदि च्‍योक्‍ते खिता मेङच्‍येते काम खित्‍कान्‍ते मिओन, मि सेत्‍कान्‍तेबा, ल्‍हा लुला माने खित्‍कान्‍तेबा थेमे ढाँर खिताला छ्याःङ च्‍योक मिक्‍किकान्‍ते मिओनकामा देत्‍क्‍यो।

छ्या स्‍ये च्‍युताते बात 9:17

ङे थे घोडाओनताङ थे लाक्‍तु जेबा ओताते फौजला थोङसुङ। थे घोडाओनताङ थे लाक जेबा ओताते फौजकी ठाङनापा खोन्‍दाते च्‍याकी पाताचेन मे च्‍योकराङ मोर्मु, नीर च्‍योकराङ नीलो थेमे गन्‍धक च्‍योकराङ सेर्मु रंगीते थोङगीन ओतान। थे घोडाओन गोःचेन सिंहेते च्‍योकराङ ओतान। थेमे थे घोडाओन खानामेई मे ज्‍वाला, थुता थेमे गन्‍धक बारला थेन्‍गीन ओतान।

छ्या स्‍ये च्‍युताते बात 9:21

दोस्‍यिककामा मेन, थे मिओनगी मि सेत्‍च्‍येते, स्‍युत्‍च्‍या फुत्‍च्‍याताङ मन्‍तर तन्‍तर खित्‍च्‍येते, रन्‍डीबाजी थेमे होदि च्‍योक्‍ते खिता मेङच्‍येते काम खित्‍च्‍येते थेमे कुच्‍येते लेमु मेन सिन मासासुङ, दि कामतेबा खिनराङ देत्‍सुङ।