छ्या स्‍ये च्‍युताते बात 21:6 - जिरेल

⁶ लोईन थेकी “जे ओङा फाप्‍च्‍या ओतान थे था गाङे ओङगीन सिन्‍सुङ। ङा अल्‍फा थेमे ओमेगा शुरूलाराङ ओताते थेमे तिरी तिरीसाकराङ देत्‍कान्‍ते ईन। कोम्‍बा खाला ओङकान्‍ते मिला ङा छ्याःङ मिलिन्‍दा खाला छ्यु थुङा तेरग्‍यो। दि मोनगी छ्यु थुङकान्‍ते मिकी नोमुङ मिसिन्‍च्‍येते जुनी ङेत्‍क्‍यो।

छ्या स्‍ये च्‍युताते बात 21:6 Iomraidhean Croise

यूहन्‍ना 4:10

थे फेम्‍मे मिकी थोक सानामेई थेकी “परमेश्‍वरगी च्‍यि तेरगीते सिन खुई छ्या स्‍येबा ईन्‍सीन थेमे थाल्‍ला खोल्‍ला छ्यु नाङ सिरकान्‍ते सु ईन्‍दे सिन छ्या स्‍येबा ईन्‍सीन खुईका ङाला छ्यु थुङा नाङ सिरच्‍या ओतान। थेमे ङा खोल्‍ला जुनी ङेत्‍च्‍येते छ्यु थुङा तेरच्‍या ओतान,” सिन सिदुक।

यूहन्‍ना 4:11

थोक सिरजीन थे फेम्‍मे मिकी “हजूर, खुई लाःक्‍तु छ्यु थेन्‍च्‍येते नोदोङ मिन्‍दुक। लोक्‍ला छ्युङ आउदी तीङला इनार स्‍यामनामा दुक। थेमे खो थे जुनी ङेत्‍च्‍येते छ्यु खापेकी खुलाङा सिते?

यूहन्‍ना 4:14

ङे तेरच्‍येते छ्यु थुङकान्‍ते मिलाचेन नोमुङ कोम्‍बा मालाङो। ङे तेरच्‍येते छ्यु थुङकान्‍ते मि नाङ थे छ्युराङ जहिलेङ बुलुङलुङ दोल्‍गीन देत्‍च्‍येते छ्युई मोन च्‍योक ओङगो। थेमे थे मिकी नोमुङ मिसिन्‍च्‍येते जुनी ङेत्‍क्‍यो,” सिन सिदुक।

रोमी 3:24

ज्‍येन छ्याःङ मेन्‍देकी थे खोरोङ दयेकीकामा परमेश्‍वरगी मिओनला दोषी मेन सिओ। येशू ख्रीष्‍टकी खाबाते कामगी खित्‍सादु थेकी मिओनला पापदुकी टाल्‍ला दोक खाला दोषी मेन सिओ।

रोमी 8:32

परमेश्‍वरगी थे खोरोङ फुज्‍युङला चुक दुक्‍पा ओङगीते सिन छ्या स्‍येकीन स्‍येकीनोङ ङुरूङ गाङे पापकी सजाय भोगे खाला स्‍याप्‍ला थेला देमा ताङा ओतान। थेकी थोक खाईन थे खोरोङ फुज्‍युङ समेतनी ताङा ओतान सासीन च्‍यि ङुरूङला ज्‍येनतोकोङ जेसुकै मेतेरोतरो?

१ कोरिन्‍थी 2:12

ङुरूङगी ङेताते परमेश्‍वर आत्‍माताङ दि सा लुङबे मिओनगी खित्‍च्‍येते बुद्धि बात दोक्‍पोईराङ मेन। परमेश्‍वर आत्‍मे छ्य्‌वापेईराङ ङुरूङगी परमेश्‍वरगी ङुरूङला च्‍यि बिन्‍दा ओते, चुक खाबा ओते सिन छ्या स्‍येक्‍यो।

१ कोरिन्‍थी 3:12

दि जगी लाकराङ कोईकी सेरगी खाम्‍बा जोओङ। कोईकी चाँदी खाम्‍बा जोओङ। थोकराङ खाला कोईकी आउदी महँगो महँगोते युईते, कोईकी स्‍यिङगीते, कोईकी काम्‍बाते चेते थेमे कोईकीचेन पराल खाम्‍बा जोओङ।

१ कोरिन्‍थी 3:21

बात दोक ईन्‍देकी ख्‍योकोनगी सुइँदे काम ताला फलाना चुक लेमु खित्‍कान्‍ते ईन्‍दे सिन थेला छ्ये माजो। ईन्‍दालाचेन जसकी जे काम खासीनोङ, जे ओङसीनोङ गाङे ख्‍योकोनला लेमु ओङालाराङ ईन।

१ कोरिन्‍थी 3:5

अपोल्‍लोस सु ईन्‍देरो? थेमे पावलका च्‍यि ईन्‍दे? ङ्योकोन ङिबोनी खालि प्रभु परमेश्‍वर काम खित्‍कान्‍ते मिकामा ईन। थेकी ङेराङ दाक्‍पोन दाक्‍पोनला जिम्‍मा बिन्‍दा च्‍योकराङ खाईन ङ्योकोनगी लापाते बात ङेन्‍गीन ख्‍योकोनगी येशूला विश्‍वास खासुङ।

छ्या स्‍ये च्‍युताते बात 1:11

थेकीचेन “खुई च्‍यि च्‍यि थोङगीका थे गाङे बात स्‍यिउला टिला च्‍याला एफिसस, स्‍मर्ना, पर्गामम, थिआटीरा, सार्डिस, फिलाडेल्‍फियाताङ लाओडिसिया होदि सार दुईनकारदु जम्‍मा ओङकान्‍ते येशू ख्रीष्‍ट मिओनला थोङ,” सिन सिदुक।

छ्या स्‍ये च्‍युताते बात 1:17

थेला थोङासात्तु ङा स्‍याप च्‍योकराङ गाल्‍गीन थे काम्‍बे खानापा रिल्‍दुक। थेमे थेकी ङे लाक थे खोरोङ सामे लाक्‍पा ज्‍य्‌वाकीन “ज्‍यीबा माकेत, ङा गाङे भन्‍दा गोमामेई ओताते थेमे तिरी तिरीसाकराङ देत्‍कान्‍ते ईन।

छ्या स्‍ये च्‍युताते बात 1:8

गाङे भन्‍दा छ्येज्‍यीक शक्ति ओताते प्रभु परमेश्‍वरगी “अल्‍फा थेमे ओमेगा शुरूलाराङ ओताते थेमे तिरीसाकराङ देत्‍कान्‍ते ङाराङ ईन,” सिन साबा ओत। थेचेन थरिङोलाङ ओत, गोमामेकीराङ ओतान थेमे सधैँभरि देत्‍कान्‍तेङ थेराङ ईन।

छ्या स्‍ये च्‍युताते बात 10:6

थेमे थेकी स्‍वर्ग, पृथ्‍वी थेमे समुन्‍द्रताङ दिबे नाङ ओताते जति गाङे जोकान्‍ते सधैँभरि सोन्‍ला देत्‍कान्‍ते परमेश्‍वर मिन लाकीन दोक सिनकामा ना क्‍याल्‍सुङ। थेकी “था ईन्‍सीन समय छाङसुङ।

छ्या स्‍ये च्‍युताते बात 16:17

पालो दुईनगी बाजि दूतकीचेन थे खोरोङगी खुराते कचौरा नामदुराङ पुसुङ। थोक खिताईताङ परमेश्‍वर मन्‍दिर सिंहासनदुकी आउदी कस्‍स्‍ये खाईन “जे ओङा फाप्‍च्‍या ओतान था थे ओङगीन सिन्‍सुङ,” सिन सिरा ङे थोसुङ।

छ्या स्‍ये च्‍युताते बात 22:13

ङा अल्‍फा थेमे ओमेगा गाङे भन्‍दा गोमामेई ओताते थेमे तिरी तिरीसाकराङ देत्‍कान्‍ते, शुरूलाराङ ओताते थेमे तिरी तिरीसाकराङ देत्‍कान्‍ते ईन,” सिन सिदुक।

छ्या स्‍ये च्‍युताते बात 22:17

थेमे परमेश्‍वर आत्‍माताङ लुई रीउ बेउलीकीचेन “लो स्‍योक, होत्ता स्‍योक,” सिन सिदुक। दि बात थोकान्‍ते मिबरी गाङेकी “लो होत्ता स्‍योक,” सिन सि। सुइँदाला कोम्‍बा लाबा ओत्‍सीन परमेश्‍वर दोन्‍दु स्‍योक। दोक खाला परमेश्‍वरगी तेरच्‍येते छ्यु थुङा सेम खाला थे दोन्‍दु ओङकान गाङेकी छ्याःङ मेज्‍येला खाला नोमुङ मिसिन्‍च्‍येते जुनी ङेत्‍च्‍येते छ्यु थुङा ङेत्‍क्‍यो।

छ्या स्‍ये च्‍युताते बात 3:14

लाओडिसिया सारदु जम्‍मा ओङकान्‍ते येशू ख्रीष्‍ट मिओनला ताकोरा खित्‍कान्‍ते परमेश्‍वर दूतला दोक सिन टि। दि बातचेन साँचोते बातकामा खित्‍कान्‍ते थेमे परमेश्‍वर सु ईन्‍दे सिन थेमे थेकी खित्‍च्‍येते कामगी बात लेमु खाला लाप्‍ला तेरकान्‍ते आमेन सिराते ङा सिन ओत। परमेश्‍वरगी सा नाम थेमे ओताते जति गाङे ङे छ्य्‌वापेकीराङ जोबाते ईन।

छ्या स्‍ये च्‍युताते बात 7:17

च्‍यिला सासीन सिंहासन किल्‍दु ओताते लुई रीउकी थेबाला लेमु खाला गोठाला खिओ। थेकी थेबाला छ्युई मोनगी नाङला टीला खेरग्‍यो। थे मोनगी छ्यु थुङकान्‍ते मिओनगी नोमुङ मिसिन्‍च्‍येते जुनी ङेत्‍क्‍यो। थेमे परमेश्‍वरगी थेबे मिगी मिकच्‍युक पिला तेरग्‍यो,” सिन सिदुक।