छ्या स्‍ये च्‍युताते बात 21:3 - जिरेल

³ थेमे सिंहासनदुकी आउदी कस्‍स्‍ये खाईन “थानामेईचेन सधैँ लाईदु परमेश्‍वर थे खोरोङ मिओनताङ देत्‍क्‍यो। थेमे थेबा परमेश्‍वर मि ओङगो। परमेश्‍वर थेबाताङ ङ्योम्‍बु देत्‍ला थेचेन थेबे परमेश्‍वर ओङगो।

छ्या स्‍ये च्‍युताते बात 21:3 Iomraidhean Croise

यूहन्‍ना 1:14

थे बात सिरातेचेन मि जुनी लाकीन केकीन ङ्योकोनताङराङ देता ओतान। थोक खाला ङ्योम्‍बुराङ देत्‍जीन परमेश्‍वर आउदी खाला दया खित्‍कान्‍ते ईन, थे सत्‍यते ईन सिन थेकी ङ्योकोनला लेमु खाईन तेन्‍गीन बिन्‍दा ओतान। थेला आबातेकी देमा ताङा ओतान। थेते दोक्‍पोईकामा ओताते फुज्‍युङ ईन्‍देकी थेत्ताङ छ्येज्‍यीक शक्ति ओताते ङ्योकोनगी थोङा ङेत्‍सुङ।

यूहन्‍ना 14:23

थोक सिरजीन थेकी “ङाला ङिङज्‍ये खित्‍कान्‍ते मिकी ङे लापाते बात ङेन्‍ग्‍यो। थोक्‍ते मिला आबेकी ङिङज्‍ये खिओ। थेमे आबाताङ ङा वाला थोक्‍ते मि सेमदुराङ देत्‍क्‍यो।

२ कोरिन्‍थी 6:16

परमेश्‍वर मन्‍दिर ओङगीन सिन्‍दाते मिओन ल्‍हा ल्‍हन्‍डीकताङ चुक खाला डिक्‍पा ओङगीते? ङुरूङनी सोम्‍बोते परमेश्‍वर मन्‍दिर ईन। ङुरूङ थोक्‍ते मि ईन सिन परमेश्‍वरगी थे खोरोङ बातला “ङा थेबाताङ ङ्योम्‍बुराङ देत्‍क्‍यो। दोक खाला ङा थेबे परमेश्‍वर ओङला थेबाला ङाराङ मि ईन सिओ,” साबा ओत।

२ कोरिन्‍थी 6:18

दोक खाला ङा ख्‍योकोन आबा ओङगो। थेमे ख्‍योकोनला ङाराङ फुज्‍युङ फुमु ईन सिन सिओ। दि बात गाङे भन्‍दा छ्येज्‍यीक शक्ति ओताते प्रभु परमेश्‍वरगी साबाते ईन,” सिन साबा ओत।

१ थिस्‍सलोनिकी 3:11

था ङुरूङ आबा परमेश्‍वर थे खोरोङगी थेमे ङुरूङ प्रभु येशूकी ङ्योकोनला ख्‍योकोन ओत्‍सापा डोच्‍येते मौका तेरस्‍यीत।

हिब्रू 11:16

तर था थेबा देताला डुइन ओताते लुङबानी खोपरोङगी ताङगीन वाबाते लुङबा भन्‍दाङ खापान खापान लेमुते ईन। थेचेन स्‍वर्गने ओत। थोगीराङ खोचेन अब्राहाम, इसहाक थेमे याकूबकी माने खाबाते परमेश्‍वर ईन सिरजीन थेला छ्याःङ ङोचा मालाङो। थेबे परमेश्‍वर ईन्‍देकीराङ थेकी स्‍वर्गने थेबा देत्‍च्‍येते सारोङ जोबा ओत।

हिब्रू 8:10

था ङे इस्राएलीओनताङ खित्‍च्‍येते जमान दिराङ ईन। च्‍यि सासीन थेबेकी चुक खिता फाप्‍कीते, च्‍यि खित्‍च्‍ये सिन ङा थेबाला लेमु खाला खो ज्‍युत्‍क्‍यो। थेबेकी ङेन्‍दा फाप्‍च्‍येते ङे नियम ङा थेबे सेमगी नाङ टिबा ओता च्‍योकराङ खाला ज्‍य्‌वाक्‍यो। थोक खानामेई थेबेकी ङाला खोपरोङ परमेश्‍वर ईन सिन माने खिओ। थेमे ङा थेबाला ङाराङ मिओन ईन सिन सिओ।

हिब्रू 8:2

थेमे थेकी थेरू गाङे भन्‍दा छ्येते पूजारी काम खिन ओत। थेकी काम खित्‍च्‍येते ठाउँचेन थाङबो मोशे पालोला परमेश्‍वरला देताला सिन जोबाते पाल च्‍योक्‍ते मेन। थे पालचेन मिओनगी जोबा ओतान। थाल्‍ला साबाते ठाउँचेन प्रभु परमेश्‍वर थे खोरोङगीराङ जोबाते ईन।

छ्या स्‍ये च्‍युताते बात 10:4

थे ङोरो दुईनगी थोक खाईन गाराङताङ गुरूङ खानामेई ङे टिक्‍पाला ठीक खाबाप। तर ङे स्‍वर्गनेकी “थे ङोरो दुईनबोकी खाबाते बात माटिक, दि बातचेन खाराक्‍पा सेमगी नाङकामा स्‍योक,” सिरा थोसुङ।

छ्या स्‍ये च्‍युताते बात 10:8

थेमे स्‍वर्गनेकी याङराङ थे ङोरो दुईनबोकी बात खाबाते माटिक सिरकान्‍तेकी ङाला “लो ग्‍युक, गाल्‍ला समुन्‍द्रताङ साला काम्‍बा जुकान्‍ते थे परमेश्‍वर दूतकी लाःक्‍तुकी खोले खाबा ओताते थे टेक्‍टेते किताब लोङ,” सिरा थोसुङ।

छ्या स्‍ये च्‍युताते बात 12:10

थेमे स्‍वर्गने कस्‍स्‍ये खाला दोक दोक सिन ओता ङे थोसुङ। च्‍यि सासीन “था ईन्‍सीन ङुरूङ परमेश्‍वरगी मिओनला पूरो खाला पापदुकी टाल्‍ला स्‍वर्गने देत ज्‍युत्‍च्‍येते काम खाईन सिन्‍दा खासुङ। थेकी थे खोरोङ छ्येज्‍यीक शक्तिकी गाङेपा गाङेला राज्‍य खिताला स्‍यूसुङ। थेकी छाने खाबाते ख्रीष्‍टकीते था गाङेपा गाङेला अधिकार लै खिओ। च्‍यिला सासीन ङीन नुप परमेश्‍वर खादु वाला ङुरूङ आज्‍यो न्‍वाला थेबानी दोक दोक गल्‍ती खित्‍कान्‍ते मिका ईन सिन सिरकान्‍ते शैतानला स्‍वर्गनेई युकीन क्‍युरा ओत।

छ्या स्‍ये च्‍युताते बात 21:7

शैतान शक्तिला ग्‍याल्‍कान्‍ते मिकी ङे तेरच्‍येते होदिबा गाङे ङेत्‍क्‍यो। ङा थे मि परमेश्‍वर ओङगो थेमे थेचेन ङे फुज्‍युङ ओङगो।

छ्या स्‍ये च्‍युताते बात 22:3

थे सारगी नाङ परमेश्‍वर सराप फापाते मेलेबा सिराते था छ्याःङ मेङगो, सुङ मेङगो। परमेश्‍वरताङ लुई रीउ देत्‍च्‍येते सिंहासन थे सारगी नाङराङ ओङगो। थेमे परमेश्‍वर काम खित्‍कान गाङेकी परमेश्‍वरला छ्ये जोइनराङ देत्‍क्‍यो।

छ्या स्‍ये च्‍युताते बात 7:15

थोगीराङ दिबा ङीन नुप परमेश्‍वर मन्‍दिर नाङ परमेश्‍वर सिंहासन दोन्‍दु देत्‍ला थेला छ्ये जोइनराङ देत्‍कीदुक। सिंहासन लाक देत्‍कान्‍ते थेबाताङ ङ्योम्‍बुराङ देत्‍ला थेकी थेबाला लेमु खाला तेइओ।