छ्या स्‍ये च्‍युताते बात 21:24 - जिरेल

²⁴ लुङबा लुङबे मि थे नाम्‍दाकलाराङ ख्‍याम्‍ग्‍यो। थेमे सा लुङबा खाङगी गेल्‍बोओनगीङ खोपरोङ सम्‍पत्तितेबा थे सारगी नाङ खुलाङगो।

छ्या स्‍ये च्‍युताते बात 21:24 Iomraidhean Croise

रोमी 15:16

ज्‍येन ज्‍येन जातकी मि नाङ काम खिताला थेकीराङ ङाला येशू ख्रीष्‍ट काम खित्‍कान्‍ते मि सिन खटे खाबाते ईन। थोगी ङा ज्‍येन ज्‍येन जातकी मिला परमेश्‍वर गा लाङच्‍येते बात लोप्‍क्‍यो। परमेश्‍वर आत्‍मेकी थेबे सेम खुदुक जोला थेबा परमेश्‍वरला चढे खाबाते थेला मन परे खित्‍च्‍येते भोग च्‍योकराङ ओङस्‍यीत सिन ङा दोक खाला लोप्‍च्‍येते काम खिओ।

रोमी 15:26

बात चुक ओङसुङा सासीन म्‍यासिडोनियाताङ अखैये लुङबादु ओताते परमेश्‍वर सन्‍तानओनगी यरूशलेमदु ओताते दुक्‍पा ङेता ओताते परमेश्‍वर सन्‍तानओनला मद्धत तेरा फाप्‍क्‍यो सिन ठो खाईन थेबे लाईदु पैसा जम्‍मा खाबा ओतान।

छ्या स्‍ये च्‍युताते बात 21:26

लुङबा लुङबे मिकी खोपरोङ सम्‍पत्ति थेमे खोपरोङताङ ओताते जति गाङे थे सारगी नाङ खुलाङगो।

छ्या स्‍ये च्‍युताते बात 22:2

थे सारगी मूल लामदुई ख्‍याम्‍गीन ओतान। थे चाङबो फारकेनताङ छुरकेन छेउ ङिकारपा नोमुङ मिसिन्‍च्‍येते जुनी ङेत्‍च्‍येते फलफूल दोङबो ओतान। थे दोङबोला दावाईओङ खाली मेदेता खाला दावे ठाङमा थरी रेरे फलफूल गोन्‍गीनराङ देत्‍च्‍याक्‍वा। थे दोङबो दाम्‍मातेबाचेन लुङबा लुङबे मिला ठाक्‍पा खित्‍च्‍येते मेन दुका।