छ्या स्ये च्युताते बात 21:2 - जिरेल2 थेमे परमेश्वर सार सिरच्येते साम्बाते यरूशलेम परमेश्वर देत्सादुई स्वर्गनेकी थुल्लाला फाप्कीन ओताते ङे थोङसुङ। थे सारचेन लेमु लेमु खोलाकताङ गहनातेबा कोन्गीन बेउले लाईदु ठीक खाईन ज्याक्पाते बेउली च्योकराङ थोङगीन ओतान। Faic an caibideil |
छ्या स्ये च्युताते बात 21:2
28 Iomraidhean Croise
ख्योकोनला लेमु ओङस्यीत सिन परमेश्वरगी सधैँ तेइन देता च्योकराङ ङाङ ख्योकोनला चुक खासीन लेमु ओङगीका सिरच्ये छ्य्वापाकामा सेम खिओ। चुक सासीन थे मोरोङगी ङा खोत्ताङ फाङमा खिओ सिन साबाते मित्ताङ फाङमा खिता छोमुसाक थे फेम्मे फिजा कर्ने देताच्योक खाला ख्योकोनोङ ख्रीष्टताङकामा डिक्ला देत्स्यीत सिरच्येते ङेते आउदी सेम ओत।
दि किताबला ओताते बातओनचेन परमेश्वरगी येशू ख्रीष्टला तेन्गीन बिन्दाते बात ईन। था होत्ता ओङगीन ओताते दि बातओन थे खोरोङ काम खित्कान्ते मिओनला छ्या स्ये ज्युताला परमेश्वरगी येशू ख्रीष्टला तेन्गीन बिन्दा ओतान। थेमे दि बातओन लाःपाला येशू ख्रीष्टकी थे खोरोङ दूतज्यीकला थे खोरोङ काम खित्कान्ते यूहन्ना ओत्सादु ताङा ओतान।
एशिये अञ्चलदु फाप्च्येते सार दुईनकारदु जम्मा ओङकान्ते येशू ख्रीष्ट मिओन ख्योकोन गाङेला ङा यूहन्ना दि बातओन टिगीन ओत। परमेश्वर थेमे थे खोरोङ सिंहासन दोन्दु ओताते परमेश्वर आत्मा दुईनबोताङ येशू ख्रीष्टकी ख्योकोनला दया खाला लेमु खिनराङ देत्स्यीत। परमेश्वर थरिङोलाङ ओत, गोमामेकीराङ ओतान थेमे सधैँभरि देत्कान्तेङ थेराङ ईन। परमेश्वर सु ईन्दे सिन थेमे थेकी खित्च्येते कामगी बात लेमु खाला लाप्ला तेरकान्ते येशू ख्रीष्ट ईन। स्याप्ते मिओन नाङ गाङे भन्दा गोमा नोमुङ मिस्यिच्या खाला सोम्बो लोक्कान्तेचेन थेराङ ईन। थेचेन दि लुङबा मुलुक गेल्बोओनतेङ गेल्बो ईन। येशूचेन ङुरूङला आउदी ङिङज्ये खित्कान्ते ईन। ङुरूङ लाईदु स्यिजीन थे खोरोङ जीउदुकी थेन्दाते ठागी खित्सादु थेकी ङुरूङला पापदुकी टाल्सुङ,
ङा ख्योकोन आज्यो यूहन्नाङ ख्योकोन च्योकराङ येशूताङ जीउज्यीकराङ ओङाते मि ईन। थोगी ङेङ ख्योकोनगी च्योकराङ खाईन दुक्पा ङेता ओत। थेमे ङाङ परमेश्वर राज्यदु ख्योकोनताङ ङ्योम्बुराङ देता ङेत्क्यो। जस्तो दुक्पा ङेत्सीनोङ ङाङ ख्योकोन च्योकराङ खपे खाईन देता ओत। ज्येनला परमेश्वर बात लापेकी थेमे येशू ख्रीष्ट सु ईन्दे, थेकी च्यि खिते सिन लापेकी खित्सादु ङाला समुन्द्रे किल्दु ओताते पत्मोस लुङबापा उरगीन ताङा ओतान।
थेमे दि तिरी परमेश्वर दूतज्यीगी ङाला “देपा स्योक, खोल्ला ङा थे बेउली तेन्ला तेरग्यो। लुई रीउ फेम्मे थेराङ ईन,” सिन सिदुक। थे दूतचेन आउदी मेलेबा मेलेबा रोगताङ अनिकाल लाङ ज्युत्च्येते थेमे ज्यीबा लाङच्या दुक्पा ओङ ज्युत्च्येते जिम्मा खुराते कचौरा दुईनबो खुरकान्ते परमेश्वर दूत दुईनबो नाङ दोक्पोई ओतान।
थेमे परमेश्वर आत्माताङ लुई रीउ बेउलीकीचेन “लो स्योक, होत्ता स्योक,” सिन सिदुक। दि बात थोकान्ते मिबरी गाङेकी “लो होत्ता स्योक,” सिन सि। सुइँदाला कोम्बा लाबा ओत्सीन परमेश्वर दोन्दु स्योक। दोक खाला परमेश्वरगी तेरच्येते छ्यु थुङा सेम खाला थे दोन्दु ओङकान गाङेकी छ्याःङ मेज्येला खाला नोमुङ मिसिन्च्येते जुनी ङेत्च्येते छ्यु थुङा ङेत्क्यो।
थोकराङ खाईन सुइँदेकी दि किताब नाङदुकी खइँदा टेक्टेज्यीक बातकामा थेन्गीन क्युरसुङ सासीन थोक खित्कान्ते मिलाङ परमेश्वरगी नोमुङ मिसिन्च्येते जुनी ङेत्च्येते फलफूल सार मुज्युदो। थोक्ते मिला परमेश्वर सार सिरच्येते साम्बाते यरूशलेम नाङदुङ स्यूक मुज्युदो। दि दोङबोताङ सारगी बातचेन दि किताब नाङराङ टिबा ओत।
Sanasan