छ्या स्‍ये च्‍युताते बात 21:1 - जिरेल

¹ थेमे ङे साम्‍बाते नामताङ पृथ्‍वी थोङसुङ। थे थोङगी नामताङ पृथ्‍वीचेन तोरगीन सिन्‍दा ओतान। थाचेन थेरू समुन्‍द्रङ मेतान।

छ्या स्‍ये च्‍युताते बात 21:1 Iomraidhean Croise

रोमी 8:21

चुक सासीन थे छोमु परमेश्‍वरगी थे खोरोङ फुज्‍युङ फुमुला पीरताङ दुक्‍पा थेमे स्‍यिच्‍येते कालदुकी टाल्‍ला थे खोरोङगी ज्‍वा चाला च्‍योकराङ लेमु जोइओ। दोक खाला थे खोरोङगी जोबाते जति गाङेला थेकी सजायदुकी डेल्‍ग्‍यो। थेमे थेरू स्‍यिच्‍येते, नाश डोच्‍येते सिराते छ्याःङ मेङगो।

२ पत्रुस 3:10

चोर दि छोमुराङ ओङगो सिन सुङलाङ छ्या मेता च्‍योकराङ प्रभु येशू दि छोमु ग्‍युरला ओङगो सिनोङ सुङगीङ सिरा मुथुबो। थे ग्‍युरला ओङे छोमु नामचेन नामज्‍योक बु साच्‍याज्‍यीक ङोरो देन्‍गीन तोक तोरला डुइओ। दागार, ङीमाताङ कार्मातेबाङ मेकी छिक्‍ला सोला डुइओ। थोकराङ खाला दि सा लुङबाताङ दुरू ओताते जतिङ जेसुकै थाला डुइओ।

२ पत्रुस 3:13

दिबा जेसुकै दोक खाईन नाश गाल्‍सीनोङ ङुरूङचेन परमेश्‍वरगी जोइओ साबा ओताते साम्‍बाते साताङ नाम था होत्ता थोङा ङेत्‍च्‍या ओङसुङ सिन गुलाराङ देत्‍क्‍यो। दोक खाईन थेकी साम्‍बाते सा नाम जोनामेई थेरूचेन थेकी खि साबा साबाच्‍योक खित्‍कान्‍तेबा देत्‍क्‍यो।

छ्या स्‍ये च्‍युताते बात 13:1

थेरूई थे डुक समुन्‍द्रे छेउदु गाल्‍गीन लाकीन देत्‍सुङ। थेमे दि तिरी ङे समुन्‍द्रे नाङदुकी जन्‍तुज्‍यीक थेन्‍गीन वाबा थोङसुङ। थेते रोज्‍यो च्‍युताम्‍बाताङ गोः दुईन ओतान। थे जन्‍तुकी रोज्‍यो रेरेला श्रीपेज रेरे खोन्‍दा ओतान। थे गोःओनलाचेन गोः रेरेला परमेश्‍वर विरोध खित्‍च्‍येते मिन टिबा ओतान।

छ्या स्‍ये च्‍युताते बात 20:11

थेरूई तिरी ङे कार्मुज्‍यीक जोदाई सिंहासनताङ थे लाक देत्‍कान्‍तेला थोङसुङ। थे मिगी दोन्‍दुकी साताङ नाम दाक तोरसुङ। थेमे साताङ नाम याङराङ खापाङ माथोङसुङ।

छ्या स्‍ये च्‍युताते बात 21:5

थेरूई थे सिंहासन लाक्‍तु देत्‍कान्‍तेकी “था ङा ओताते जति गाङे साम्‍बा जोइओ,” सिन सिदुक। थेमे थेकी ङाला “दि बातओन टि। दिबा गाङे साबाते भन्‍दा नोमुङ खुदुक मोन्‍डोच्‍येते साबा च्‍योकराङ ओङच्‍येते बात ईन,” सिदुक।

छ्या स्‍ये च्‍युताते बात 6:14

थेमे नामचेन स्‍यिउ ठीला च्‍योकराङ खाईन सरे खिन खिन गाल्‍सुङ। थोकराङ खाईन बोमतेबा थेमे समुन्‍द्रे किल्‍दु ओताते लुङबातेबाङ दाक्‍पोन दाक्‍पोन ठाउँलेकी तोक तोक तोरगीन गाल्‍सुङ।