छ्या स्‍ये च्‍युताते बात 20:6 - जिरेल

⁶ स्‍याप्‍तेबे नाङ दि गोमे बाजिला परमेश्‍वरगी सोम्‍बो लोक्‍पाते मिओन भाग्‍यमानी ईन। थेबाचेन सेम खुदुक गाल्‍गीन लेमु काम खित्‍कान्‍ते मिओन ईन। थाचेन दिबेकी ज्‍यीबा लाङच्‍याज्‍यीक मे धुनी नाङ स्‍यूक्‍पा फाप्‍च्‍येते बातकीते छ्याःङ ज्‍यीबा खिता माफाबो। दिबा था परमेश्‍वरताङ ख्रीष्‍टकी दोन्‍दु पूजारी ओङला देता ङेत्‍क्‍यो। दिबेकी लो हजारज्‍यीकसाक ख्रीष्‍टताङराङ राज्‍य खिओ।

छ्या स्‍ये च्‍युताते बात 20:6 Iomraidhean Croise

लूका 14:15

येशूकी थोक सिरा थोनामेई थेरू साप सेइन ओताते मिज्‍यीगी “था तिरी परमेश्‍वर राज्‍यदु भोज सा ङेत्‍कान्‍ते मि आउदी भाग्‍यमानी ईन,” सिन सिदुक।

रोमी 12:1

थेमे था आज्‍यो न्‍वावे, परमेश्‍वरगी ङुरूङला थोक आउदी खाईन ङिङज्‍ये खाबा ओतेकी ङा ख्‍योकोनला दोक खि सिन सिओ। ओर्च्‍ये ख्‍योकोनगी खेराङ जीउ परमेश्‍वरतेराङ ईन सिन साला थेकी साबा साबा च्‍योकराङ खिओ सिन थेलाराङ सोम्‍पे खि। थेला मन परे खित्‍च्‍येते भोग बिन्‍दाच्‍योक ओङस्‍यीत सिन ख्‍योकोनगी होदोक खाला खेराङ जीउ थेला सोम्‍पे खि। थे खोरोङगी साबाच्‍योक खाला थेला माने खित्‍च्‍येतेङ होदोकराङ खाला ईन।

रोमी 8:17

थे फुज्‍युङ फुमु ओङनामेई थे खोरोङ फुज्‍युङ फुमुला तेरग्‍यो साबाते जेसुकै परमेश्‍वरगी ङुरूङला तेरग्‍यो। थोक खाला येशू ख्रीष्‍टकी ङेत्‍च्‍येते ङुरूङगीङ ङेत्‍क्‍यो। ईन्‍दालाचेन येशू ख्रीष्‍टकी खाबा च्‍योकराङ ङुरूङगीङ थरिङोला दुक्‍पा भोगे खिता फाप्‍क्‍यो। थेमे थेला छ्येज्‍यीक मान बिन्‍दा च्‍योकराङ परमेश्‍वरगी ङुरूङलाङ मान बिन्‍ला थे खोरोङगी ज्‍वा चाला च्‍योकराङ लेमु जोइओ।

२ तिमोथी 2:12

थेमे जस्‍तो ओङजीनोङ सेम मेसेता खाईन दुक्‍पा भोगे खिन देत्‍सीन ङुरूङगीङ थेत्ताङराङ राज्‍य खिता ङेत्‍क्‍यो। ङुरूङगी थे मि मेन सिन थेला विश्‍वास खिता ताङसीन थेकीङ तिरी ङुरूङला थे खोरोङ मि मेन सिन सिओ।

१ पत्रुस 2:5

परमेश्‍वरगी जुनी बिन्‍दाते ख्‍योकोनोङ दो च्‍योक्‍तेराङ ईन। दोक्‍ते दोई छ्य्‌वापेई परमेश्‍वरगी थे खोरोङ आत्‍मा देत्‍च्‍येते मन्‍दिर जोच्‍येते ईन्‍देकी ख्‍योकोनगी थेला मेङगो मिसिरा खाला थोक खित छ्युत। दोक ओङनामेई ख्‍योकोनगी परमेश्‍वरला मन परे खित्‍च्‍येतेबा चढे खित्‍कान्‍ते पूजारी ओङला थेला मन परे खित्‍च्‍येते काम खिता थुप्‍क्‍यो। दोकचेन ख्‍योकोनगी येशू ख्रीष्‍टकी खाबाते कामगी खित्‍सादु खिता थुप्‍क्‍यो।

१ पत्रुस 2:9

बात दोक ईन्‍सीनोङ ख्‍योकोनलाचेन परमेश्‍वरगी थे खोरोङ मि ईन सिन छाने खाबा ओत। ख्‍योकोनचेन परमेश्‍वर पूजारी ईन, थेचेन गेल्‍बो ईन। ख्‍योकोन परमेश्‍वरला माने खित्‍कान्‍ते मि ईन। ख्‍योकोन परमेश्‍वर मिराङ ईन। थेकी ख्‍योकोनला पापताङ लोभदुकी टाल्‍ला थे खोरोङ नाम्‍दाकला देताला थे खोरोङ दोन्‍दु स्‍योक सिन काताङा ओत। थेकी खाबाते अचम्‍ब अचम्‍बतेन्‍दे कामगी बात ख्‍योकोनगी ज्‍येनलाङ सिरस्‍यीत सिन थेकी ख्‍योकोनला दोक खाबाते ईन।

छ्या स्‍ये च्‍युताते बात 1:6

थेकी ङुरूङला थे खोरोङताङराङ राज्‍य खित्‍कान्‍ते मि जोसुङ थेमे ङुरूङगी थे खोरोङ आबा परमेश्‍वरला माने खित्‍स्‍यीत सिन थेकी ङुरूङला परमेश्‍वर पूजारी जोसुङ। थेते सधैँभरि जय जय ओङस्‍यीत, थेकी राज्‍य खिनराङ देत्‍स्‍यीत। आमेन।

छ्या स्‍ये च्‍युताते बात 14:13

थेमे दि तिरी स्‍वर्गनेकी “लो दि बात टि। थानामेकी उसो प्रभु येशूला विश्‍वास खिन खिनला स्‍यिकान्‍ते मिओन भाग्‍यमानी ईन,” सिन सिरा ङे थोसुङ। थेमे परमेश्‍वर आत्‍मेकी “ईन, साँच्‍चीराङ दोकराङ ईन। था थेबेकी पीरताङ दुक्‍पे छ्य्‌वापेई ठाल्‍ला ढुक्‍क खाला देता ङेत्‍क्‍यो। पीरताङ दुक्‍पालाङ लेमु काम खिनराङ देतेकी था थेबाला लेमु ओङगो,” सिन सिदुक।

छ्या स्‍ये च्‍युताते बात 2:11

ङेन्‍दा सेम ओत्‍कान्‍ते मिकी ठाउँ ठाउँला जम्‍मा ओङकान्‍ते येशू ख्रीष्‍ट मिओनला परमेश्‍वर आत्‍मेकी च्‍यि सिन दुका सिन लेमु खाला ङेन। शैतान शक्तिला ग्‍याल्‍कान्‍ते मिकी था तिरी ज्‍यीबा लाङच्‍याज्‍यीक मे धुनी नाङ स्‍यूक्‍च्‍येते बातकीते छ्याःङ ज्‍यीबा खिता माफाबो।

छ्या स्‍ये च्‍युताते बात 20:14

दि तिरीचेन काल थेमे स्‍याप्‍ते मिओन देत्‍च्‍येते ठाउँला ज्‍यीबा लाङच्‍याज्‍यीक मे धुनीमा क्‍युरसुङ। था तिरी ज्‍यीबा लाङच्‍याज्‍यीक मे धुनीमा स्‍यूक्‍च्‍येते सिरातेचेन होदिराङ ईन।

छ्या स्‍ये च्‍युताते बात 21:8

तर ङे मि ईन सिरा ज्‍यीबा खित्‍कान्‍तेबा, ङाला विश्‍वास मिक्‍किकान्‍तेबा, मेलेबा मेलेबा काम खित्‍कान्‍तेबा, मि सेत्‍कान्‍तेबा, रन्‍डीबाजी थेमे होदि च्‍योक्‍ते खिता मेङच्‍येते काम खित्‍कान्‍तेबा, स्‍युत्‍च्‍या फुत्‍च्‍याताङ मन्‍तर तन्‍तर खित्‍कान्‍तेबा, ल्‍हा लुला माने खित्‍कान्‍तेबा थेमे ढाँर खित्‍कान्‍तेबाचेन गाङेराङ गन्‍धकताङ मे बाराते ज्‍यीबा लाङच्‍याज्‍यीक मे धुनीमा स्‍यूक्‍पा फाप्‍क्‍यो। था तिरी ज्‍यीबा लाङच्‍याज्‍यीक मे धुनीमा स्‍यूक्‍च्‍येते सिरातेचेन होदिराङ ईन,” सिन सिदुक।

छ्या स्‍ये च्‍युताते बात 22:5

थेरू था नुप सिराते नोमुङ मेङगो। नाम्‍दाक ओङे लाईदु थेरू बत्तीङ पोरा माफाबो, ङीमे नाम्‍दाकोङ मोगोओ। प्रभु परमेश्‍वरराङ थेबाताङ देतेकी थेराङ थेबे नाम्‍दाक ईन। था थेबेकी सधैँभरि राज्‍य खिनराङ देत्‍क्‍यो।

छ्या स्‍ये च्‍युताते बात 22:7

थेमे प्रभु येशूकी “था ङा होत्ताराङ ओङगीन ओत। था तिरी ओङच्‍येते परमेश्‍वरगी छ्या स्‍ये च्‍युताते दि किताब नाङ टिबाते बातओन ङेन्‍कान्‍ते मि भाग्‍यमानी ईन,” सिन सिदुक।

छ्या स्‍ये च्‍युताते बात 3:21

शैतान शक्तिला ग्‍याल्‍कान्‍ते मिला ङा ङाराङ सिंहासनदु ङाराङताङ देत ज्‍युत्‍क्‍यो। शैतानला ग्‍याल्‍गीन ङाङ ङे आबे सिंहासनदु थेत्ताङराङ देता ओत।

छ्या स्‍ये च्‍युताते बात 5:10

खुई थेबाला खोरोङताङराङ राज्‍य खित्‍कान्‍ते मि जोसुङ थेमे ङुरूङ परमेश्‍वरला माने खित्‍स्‍यीत सिन परमेश्‍वर पूजारी जोसुङ। था थेबेकी दि सा लुङबा खाङ राज्‍य खिओ,” सिन साम्‍बाते लुज्‍यीक लासुङ।