थोक सिरजीन थेकी चेलातेबा गाङेला “ईन ईन, ख्योकोनगी च्यि खाबा ओते सिन ङाला गाङे छ्या ओत। ङा ख्योकोनला चुक सिते सासीन दि जुग सिन्गीन स्वर्गे राज्य पूरो खाईन वानामेई परमेश्वर ओत्सादुई वाबाते मि ङा गेल्बो देत्च्येते सिंहासनदु देत्ला राज्य खित्जीन ख्योकोनगीङ सिंहासन च्युन्ङी लाक्तु देत्ला ङात्ताङराङ राज्य खिता ङेत्क्यो। थेमे ख्योकोनगी इस्राएलीओन थर च्युन्ङीला राज्य खाला न्याय खिओ।
छ्या स्ये च्युताते बात 20:4 - जिरेल4 थेमे दि तिरी ङे सिंहासनतेबा थेमे थे लाक्तु देत्कान्तेबाला थोङसुङ। थेबालाचेन न्याय खित्च्येते अधिकार बिन्दा ओतान। लोक्ला ङे येशू सु ईन्दे, थेकी च्यि खिते सिन ज्येनला लापेकी थेमे ज्येनला परमेश्वर बात लापेकी खित्सादु गोः तुप्कीन सेताते मिओन आत्मा थोङसुङ। थेबेकी थे जन्तु थेमे थे मूर्तिला माने खाबा मेतान। थेमे खोपरोङ टालाला कि सामे लाक्पाला थे जन्तु मिनगी छाप देक च्युता मेतान। थेबा गाङेराङ दाक सोम्बो लोक्सुङ। थेमे लो हजारज्यीकसाक ख्रीष्टताङ ङ्योम्बुराङ राज्य खासुङ। Faic an caibideil |
छ्या स्ये च्युताते बात 20:4
40 Iomraidhean Croise
थे परमेश्वर बात खित्कान्ते एलिया च्योकराङ ओङगो। एलियाताङ चुक्ते शक्ति ओताने होथे शक्ति थेत्ताङ ओङगो। प्रभु परमेश्वर दुरू ओङा भन्दा गोमा वाला थेकी दाक्पोन फुज्युङ फुमुताङ डिक्पा माथुपाते आबातेबाला लोक्ला थेबाताङ डिक ज्युत्क्यो। परमेश्वरगी साबाते मेङेन्कान्ते मिओनलाङ थोक खिन देता लेमु मेन सिन छ्या स्ये च्युत्ला परमेश्वरगी खि साबा साबा च्योकराङ खित ज्युत्क्यो। थेकी थोक खानामेई तिरी प्रभु परमेश्वर ओङे बेलाला मि गाङेराङ था परमेश्वर ओङगो सिन गुला देत्क्यो,” सिन सिदुक।
थे फुज्युङ फुमु ओङनामेई थे खोरोङ फुज्युङ फुमुला तेरग्यो साबाते जेसुकै परमेश्वरगी ङुरूङला तेरग्यो। थोक खाला येशू ख्रीष्टकी ङेत्च्येते ङुरूङगीङ ङेत्क्यो। ईन्दालाचेन येशू ख्रीष्टकी खाबा च्योकराङ ङुरूङगीङ थरिङोला दुक्पा भोगे खिता फाप्क्यो। थेमे थेला छ्येज्यीक मान बिन्दा च्योकराङ परमेश्वरगी ङुरूङलाङ मान बिन्ला थे खोरोङगी ज्वा चाला च्योकराङ लेमु जोइओ।
ङा ख्योकोन आज्यो यूहन्नाङ ख्योकोन च्योकराङ येशूताङ जीउज्यीकराङ ओङाते मि ईन। थोगी ङेङ ख्योकोनगी च्योकराङ खाईन दुक्पा ङेता ओत। थेमे ङाङ परमेश्वर राज्यदु ख्योकोनताङ ङ्योम्बुराङ देता ङेत्क्यो। जस्तो दुक्पा ङेत्सीनोङ ङाङ ख्योकोन च्योकराङ खपे खाईन देता ओत। ज्येनला परमेश्वर बात लापेकी थेमे येशू ख्रीष्ट सु ईन्दे, थेकी च्यि खिते सिन लापेकी खित्सादु ङाला समुन्द्रे किल्दु ओताते पत्मोस लुङबापा उरगीन ताङा ओतान।
थे दूतओनला थोङनामेई लोक्ला ङे मे ज्वाला स्येबाज्यीक सिसा च्योकराङ टल्के खित्च्याज्यीक समुन्द्र च्योकस्यिक थोङसुङ। थेमे ङे थे समुन्द्रे छेउदुराङ लाकीन देताते मिओन थोङसुङ। थेबाचेन होथे जन्तुला ग्याल्गीन वाबा ओतान। थेबेई नोमुङ थे जन्तुताङ थे मूर्तिला माने माक्याकीन थेमे थे मि ईन सिन थे मिनगी नम्बर छाप देक माच्युत्कीन थे जन्तुताङ थे मूर्तिला ग्याला थुपा ओतान। थेबेकी परमेश्वरगी बिन्दाते वीणा सिराते बाजाओन लाःक्तु खुरा ओतान।
खुई थोङाते दि जन्तु गोमा पालोई ओतान, थाल्ला मेत। थे था तिरी खापान खापान तीङ ओताते डालुममेकी थेन्ला ओङगो। तर थेन्गीन वानामेकी थे सजाय ङेत्ला नरककुण्डमा ड्वा फाप्क्यो। दि सा नाम ज्वा भन्दा गोमामेकीराङ नोमुङ मिसिन्च्येते जुनी ङेत्कान्ते मिओन मिन टिबा ओताते किताबला खोपरोङ मिन टिबा मेताते मिबरीचेन थे जन्तुला थोङजीन छक्क परे खिओ। च्यिला सासीन थे जन्तु गोमा ओतान, थाल्ला मेत थेमे था ङीमाई याङराङ थे दुरू ओङगो।
तिरीसाक ङे साबाच्योक खिन देत्ला शैतान शक्तिला ग्याल्कान्ते मिला ङा लुङबा लुङबे मिला राज्य खित्च्येते अधिकार तेरग्यो। ङे आबेकी ङाला राज्य खित्च्येते अधिकार बिन्दा च्योकराङ खाला ङाङ थेला दोक खाला राज्य खित्च्येते अधिकार तेरग्यो। थेमे थेकी च्याकी डन्डीकी सबी गरी पुरा च्योकराङ खाला लुङबा लुङबे मिला आउदी कडा खाला राज्य खिओ।
स्याप्तेबे नाङ दि गोमे बाजिला परमेश्वरगी सोम्बो लोक्पाते मिओन भाग्यमानी ईन। थेबाचेन सेम खुदुक गाल्गीन लेमु काम खित्कान्ते मिओन ईन। थाचेन दिबेकी ज्यीबा लाङच्याज्यीक मे धुनी नाङ स्यूक्पा फाप्च्येते बातकीते छ्याःङ ज्यीबा खिता माफाबो। दिबा था परमेश्वरताङ ख्रीष्टकी दोन्दु पूजारी ओङला देता ङेत्क्यो। दिबेकी लो हजारज्यीकसाक ख्रीष्टताङराङ राज्य खिओ।
Sanasan