छ्या स्‍ये च्‍युताते बात 20:3 - जिरेल

³ ठाकीन सिन्‍नामेई थे दूतकी लो हजारज्‍यीक माछाङथुप याङराङ थेकी लुङबा लुङबे मिला छक्‍के मिक्‍किस्‍यीत सिन थे डुकला खापान खापान तीङ ओताते डालुम नाङमा युकीन क्‍युरसुङ। थेमे थे डालुम गो च्‍येत्‍कीन सुङगीङ बेता मुथुप्‍स्‍यीत सिन थे गोला छाप ग्‍याप्‍सुङ। लो हजारज्‍यीक छाङनामेईचेन टिक्‍पी दिनगी लाईदुकामा ईन्‍सीनोङ थेला थेरूई थेन्‍ला डोला फाप्‍क्‍यो।

छ्या स्‍ये च्‍युताते बात 20:3 Iomraidhean Croise

मत्ती 24:24

थेजीन मिओनला छक्‍के खित्‍कान्‍ते मि काल्‍बेई ओङगो। थेबा कोईकी खोपरोङला ख्रीष्‍ट ईन सिओ। थेमे कोईकी परमेश्‍वर बात खित्‍कान्‍ते मि ईन साला मेन्‍दे बात लोप्‍क्‍यो। थेबेकी अचम्‍ब लाङच्‍येतेन्‍दे छ्ये छ्ये काम खाला थुपासम्‍म परमेश्‍वरगी छाने खाबाते मिओनलाङ छक्‍के खिता छोल्‍ग्‍यो।

मत्ती 27:66

थोगी थेबेकी मिल्‍टेरीओन खेरगीन फुगी गोनापा ज्‍याक्‍पाते दो सुइँदेकी थेन्‍सीन थाहा छ्येत्‍स्‍यीत सिन थेरू छाप ग्‍याप्‍कीन च्‍याकीन थेबाला स्‍युङ च्‍युत्‍कीन ज्‍याक्‍सुङ।

मर्कूस 4:15

सोन देप्‍जीन कोई सोन लामला फाप्‍क्‍यो। लामला फाप्‍कीन छ्योज्‍युङमेकी तुकीन सोबाते सोन साबातेचेन परमेश्‍वर बात थोकान्‍तेबे नाङ थरीज्‍यीक मिला साबाते ईन। थोक्‍ते मिओनतेचेन परमेश्‍वर बात ङेन्‍च्‍येते सेमराङ मेतेकी थे बात थोसीनोङ थोबासात्तु शैतानगी थेबेकी थोबाते बात होत्ता टोक ज्‍येत ज्‍युत्‍क्‍यो।

लूका 8:31

थेमे थे ल्‍हन्‍डीकओनगी येशूला “ङ्योकोनला थरिङराङ नरककुण्‍डमा मातोङ,” सिन बिन्‍ती खासुङ।

२ कोरिन्‍थी 11:3

थाङबो रूलगी हव्‍वाला आउदी च्‍याङबो खाईन छक्‍के खाबा च्‍योकराङ खाला सुइँदेकी ख्‍योकोनलाङ छक्‍के खाला ख्रीष्‍टकी साबाते ङेन्‍ला थेत्ताङकामा डिक्‍ला देत्‍से छ्य्‌वापेकी डेल्‍गीता सिन ङाला आउदी ज्‍यीबाङ लाङगीदुक।

२ पत्रुस 3:8

ङिङज्‍येते आज्‍यो न्‍वावे, दि बादोङ ख्‍योकोनगी टोक माज्‍येत। च्‍यि सासीन प्रभु परमेश्‍वर लाईदुनी ङीमाई सिराताङ लो हजारज्‍यीक सिरा दोक्‍पोईराङ ईन, छ्याःङ खुदुक मेन।

छ्या स्‍ये च्‍युताते बात 12:9

दोक खाईन थे जोदाते डुकला स्‍वर्गनेकी पृथ्‍वीमा ङिल्‍गीन ताङसुङ। थेचेन गोमामेई ओताते रूल ईन। थे मिन शैतान दैंता ईन। खालि मेलेबा कामकामा खाला सा लुङबा खाङगी मिला छक्‍के खित्‍कान्‍ते थेराङ ईन। थेत्ताङ थे दूत गाङेला स्‍वर्गनेकी पृथ्‍वीमा युकीन क्‍युरसुङ।

छ्या स्‍ये च्‍युताते बात 13:14

थे गोमे जन्‍तुला छ्ये ज्‍वाप्‍ला दोक्‍ते अचम्‍बते काम खाला तेन्‍च्‍येते शक्ति बिन्‍दा ओतेकी दि सादुकी थेन्‍दाते जन्‍तुकी होथोक्‍ते काम खाईन सा लुङबे मि गाङेला छक्‍के खासुङ। थेकी मि गाङेला होथे गोमे जन्‍तुला मान खिता फाप्‍क्‍यो सिन थे जन्‍तु मूर्ति जोर च्‍युत्‍सुङ। थे जन्‍तुचेन स्‍यिच्‍या खाईन तरवारगी तुप्‍कीन मा थोता ओत्‍सीनोङ सोन्‍दा ओतान।

छ्या स्‍ये च्‍युताते बात 17:2

दि सा लुङबे गेल्‍बोओनगी थेत्ताङ डिगीन थेकी खिन ओता च्‍योकराङ ङोचा लाङच्‍येते काम खाबा ओतान। थेमे लुङबा लुङबे मिकीङ थे रन्‍डीकी खि साबा च्‍योकराङ खिता मेङच्‍येते ङोचा लाङच्‍येते काम खाईन छ्याङगी जाप च्‍योकराङ गाला ओतान,” सिन सिदुक।

छ्या स्‍ये च्‍युताते बात 17:8

खुई थोङाते दि जन्‍तु गोमा पालोई ओतान, थाल्‍ला मेत। थे था तिरी खापान खापान तीङ ओताते डालुममेकी थेन्‍ला ओङगो। तर थेन्‍गीन वानामेकी थे सजाय ङेत्‍ला नरककुण्‍डमा ड्वा फाप्‍क्‍यो। दि सा नाम ज्‍वा भन्‍दा गोमामेकीराङ नोमुङ मिसिन्‍च्‍येते जुनी ङेत्‍कान्‍ते मिओन मिन टिबा ओताते किताबला खोपरोङ मिन टिबा मेताते मिबरीचेन थे जन्‍तुला थोङजीन छक्‍क परे खिओ। च्‍यिला सासीन थे जन्‍तु गोमा ओतान, थाल्‍ला मेत थेमे था ङीमाई याङराङ थे दुरू ओङगो।

छ्या स्‍ये च्‍युताते बात 20:1

थेरूई ङे स्‍वर्गनेकी ओङगीन ओताते परमेश्‍वर दूतज्‍यीकला थोङसुङ। थेकी लाःक्‍तु खापान खापान तीङ ओताते डालुम गोई साँचोताङ आउदी रोम्‍बोज्‍यीक साङलो खुरा ओतान।