छ्या स्‍ये च्‍युताते बात 20:2 - जिरेल

² थेमे थेकी थे डुकला जुम्‍गीन च्‍याकीन लो हजारज्‍यीकसाक छ्याःङ खिता मुथुप्‍स्‍यीत सिन साङलोकी ठासुङ। थे डुकचेन गोमामेई मिओनला छक्‍के खित्‍कान्‍ते रूल ईन। थे शैतान दैंता ईन।

छ्या स्‍ये च्‍युताते बात 20:2 Iomraidhean Croise

मत्ती 19:29

ङे बात ङेन्‍ला ङात्ताङ ख्‍याम्‍बे लाईदु खाम्‍बा कि आबा आमा कि आज्‍यो न्‍वा आज्‍यी नुमु कि फुज्‍युङ फुमु कि जग्‍गा जिमीन तोङकान्‍तेबाला परमेश्‍वरगी आबा आमा, आज्‍यो न्‍वा आज्‍यी नुमु, फुज्‍युङ फुमु च्‍योक्‍तेताङ खाम्‍बा थेमे जग्‍गा जिमीन ज्‍येनोङ झन काल्‍बेई तेरग्‍यो। थेमे थेबेकी नोमुङ मिसिन्‍च्‍येते जुनीङ ङेत्‍क्‍यो।

मत्ती 8:29

थेला ठेतासात्तु थेबेकी ल्‍हन्‍डीक खानापेई “हजूर, खो परमेश्‍वर फुज्‍युङ ईन सिन ङ्योकोनला छ्या ओत। च्‍यि परमेश्‍वरगी सजाय तेरच्‍येते दिन मालेपालाराङ खो दुरू ङ्योकोनला सजाय तेराला वाबाप, ना चुक?” सिन छेरा खासुङ।

मर्कूस 4:15

सोन देप्‍जीन कोई सोन लामला फाप्‍क्‍यो। लामला फाप्‍कीन छ्योज्‍युङमेकी तुकीन सोबाते सोन साबातेचेन परमेश्‍वर बात थोकान्‍तेबे नाङ थरीज्‍यीक मिला साबाते ईन। थोक्‍ते मिओनतेचेन परमेश्‍वर बात ङेन्‍च्‍येते सेमराङ मेतेकी थे बात थोसीनोङ थोबासात्तु शैतानगी थेबेकी थोबाते बात होत्ता टोक ज्‍येत ज्‍युत्‍क्‍यो।

मर्कूस 5:7

ल्‍हन्‍डीक खानापेई थेकी कस्‍स्‍ये खाला छेरा खिनकामा “ए येशू, खो गाङे भन्‍दा छ्येते परमेश्‍वर फुज्‍युङ ईन सिन ङाला छ्या ओत। खो ङाला दुक्‍पा तेराला दुरू च्‍यिला वाबे? ङाला दुक्‍पा मातेर ओर्च्‍ये। दोक मिक्‍किओ सिन हजूर खो परमेश्‍वर साक्षी ज्‍याक्‍ला ना क्‍योल,” सिन सिदुक।

यूहन्‍ना 12:31

था परमेश्‍वरगी दि सा लुङबे मि न्‍याय खित्‍च्‍ये बेला लेप्‍सुङ। था थेकी दि सा लुङबे गेल्‍बो शैतान शक्ति ठ्वाला दुरूकी तेन्‍ला तोङगो।

यूहन्‍ना 16:11

थोकराङ खाला थेकी परमेश्‍वरगी ङीमाई गाङेते न्‍याय खिओ सिनोङ छ्या स्‍ये ज्‍युत्‍क्‍यो। च्‍यिला सासीन दि सा लुङबे गेल्‍बो शैतानला सजाय तेराला फैसला ओङगीन सिन्‍दा ओत।

रोमी 16:20

ङुरूङला डिक्‍ला थुन्‍ला देत ज्‍युत्‍कान्‍ते परमेश्‍वरगी था होत्ताराङ शैतानला नोमुङ लाङा मुथुप्‍च्‍या खाला ख्‍योकोन तिङबे ओक्‍तु ज्‍य्‌वाक्‍यो। प्रभु येशूकी ख्‍योकोनला दया खिनराङ देत्‍स्‍यीत।

हिब्रू 2:14

थे खोरोङगी परमेश्‍वर फुज्‍युङ फुमु साबाते मिओन च्‍योकराङ खाईन येशूङ मि स्‍या ठाक खुराते जुनी लाकीन केसुङ। मिला स्‍यिर ज्‍युत्‍कान्‍तेला ग्‍यालालाराङ थे दोक खाईन मि जुनी लाकीन केकीन स्‍या फापाते ईन। मिला स्‍यिर ज्‍युत्‍कान्‍तेचेन शैतान ईन।

१ पत्रुस 5:8

थेमे दाक्‍पोन सेम काबूला स्‍योक। खेराङला मेलेबा खिता छोल्‍कान्‍ते शैतानगी छ्याःङ मेलेबा खिता मुथुप्‍स्‍यीत सिन च्‍याङबो खाला देत। थेचेन जहिलेङ ख्‍योकोन सुला थेप्‍ला ङ्ये ज्‍युता ङेदोङा सिन जे थेप्‍कीदुक खाप खाप्‍ला साप सिन ङारगीन ख्‍याम्‍बाते सिंह च्‍योक खाला युगीनराङ देत्‍क्‍यो।

२ पत्रुस 2:4

दि बात ङुरूङला छ्याराङ ओत। च्‍यि सासीन परमेश्‍वरगी पाप खित्‍कान्‍ते परमेश्‍वर दूतओनला समेदोङ थाराङ मोतोङा खाईन सजाय बिन्‍गीन नरककुण्‍डमा गाङे भन्‍दा मुन्‍दाकते ठाउँनामा लुक्‍पा ओत। परमेश्‍वरगी मि गाङे न्‍याय खित्‍च्‍येते दिन मालेपथुप थेबाला ठाठाबाराङ थे मुन्‍दाकते ठाउँदुराङ किल्‍ला ज्‍य्‌वाक्‍यो।

यहूदा 1:6

थेमे परमेश्‍वरगी मान बिन्‍गीन ज्‍याक्‍पाते ठाउँदु मेदेता खाला दाक्‍पोन खुशीला ख्‍याम्‍कान्‍ते थे खोरोङ दूतओनलाङ थेकी नोमुङ ठोला मुथुप्‍च्‍या खाईन साङलोकी ठाकीन मि गाङे न्‍याय खित्‍च्‍येते दिन मालेपथुप नरककुण्‍डमा गाङे भन्‍दा मुन्‍दाकते ठाउँनामा लुगीन ज्‍याक्‍पा ओत।

छ्या स्‍ये च्‍युताते बात 12:13

थेमे थे डुगी थे खोरोङला स्‍वर्गनेकी पृथ्‍वीमा युकीन क्‍युरसुङ सिन छ्या स्‍येकीन थे ख्‍योओ फिजा केकान्‍ते फिजे आमाला दुक्‍पा तेराप सिन उराला स्‍यूसुङ।

छ्या स्‍ये च्‍युताते बात 12:15

थेमे थे फेम्‍मे मिला उरला खेरस्‍यीत सिन थे रूलगी खानामेकी ज्‍यीबा लाङच्‍याई छ्युई भल तेन्‍सुङ।

छ्या स्‍ये च्‍युताते बात 12:17

थोक ओङनामेईनी थे डुक थे फेम्‍मे मित्ताङ झन आउदी खाईन स्‍येदाङ खासुङ। थेमे थे डुक थे फेम्‍मे मि सन्‍तानताङ जीला थेबाला दुक्‍पा तेराला गाल्‍सुङ। थे फेम्‍मे मि सन्‍तानचेन परमेश्‍वरगी कोताते खिन येशू सु ईन्‍दे, थेकी च्‍यि खिते सिन लोप्‍कीनराङ देत्‍कान्‍ते मिओन ईन।

छ्या स्‍ये च्‍युताते बात 12:3

लोईन नामने ज्‍येनज्‍यीक अचम्‍बे जाज्‍यीक थेन्‍सुङ। थेचेन आउदी जोदाई मोर्मुज्‍यीक डुक ओतान। थेते गोः दुईनताङ रोज्‍यो च्‍युताम्‍बा ओतान। थेकी गोः रेरेला श्रीपेज रेरे खोन्‍दा ओतान।

छ्या स्‍ये च्‍युताते बात 12:4

थे डुगी ङामा योम्‍गीन खण्‍ड सुमला खण्‍डज्‍यीक नामगी कार्मा नामनेकी ठुत्‍कीन पृथ्‍वीमा ङिम्‍गीन ताङसुङ। थे फेम्‍मे मिकी फिजा क्‍यापज्‍यीकताङ खामज्‍यीकला साप सिन थेचेन थे फेम्‍मे मि दोन्‍दुराङ गुकीन देता ओतान।

छ्या स्‍ये च्‍युताते बात 12:9

दोक खाईन थे जोदाते डुकला स्‍वर्गनेकी पृथ्‍वीमा ङिल्‍गीन ताङसुङ। थेचेन गोमामेई ओताते रूल ईन। थे मिन शैतान दैंता ईन। खालि मेलेबा कामकामा खाला सा लुङबा खाङगी मिला छक्‍के खित्‍कान्‍ते थेराङ ईन। थेत्ताङ थे दूत गाङेला स्‍वर्गनेकी पृथ्‍वीमा युकीन क्‍युरसुङ।

छ्या स्‍ये च्‍युताते बात 13:2

थे जन्‍तु दोक ताजीन चितुवा च्‍योकस्‍यिक ओतान। थेते ठेक्‍पा थोमगीते च्‍योक्‍तेन्‍दे थेमे खाचेन सिंहेते च्‍योक खाबाई ओतान। थे डुगी थे खोरोङ अधिकार जति थे जन्‍तुला बिन्‍गीन थे खोरोङ सिंहासन लाक्‍तु देत च्‍युत्‍सुङ। दोक खाईन थे डुगी थे जन्‍तुला राज्‍य खित च्‍युत्‍सुङ।

छ्या स्‍ये च्‍युताते बात 13:4

थे डुगी थे खोरोङ अधिकार जति गाङे थे जन्‍तुला बिन्‍गीन राज्‍य खित च्‍युतेकी खित्‍सादु मिओनगी थे डुकला मान खिन छ्ये जोसुङ। थे मिओनगी “दि छेत छ्येते सु ओते? थेमे सुई दिला जीला ग्‍याला थुप्‍कीते?” सिन थे जन्‍तुलाङ मान खाईन छ्ये जोसुङ।

छ्या स्‍ये च्‍युताते बात 20:10

थेमे ईन्‍सीन थोक खाला मिओनला छक्‍के खित्‍कान्‍ते शैतानला गन्‍धकताङ मे बाराते ज्‍यीबा लाङच्‍याज्‍यीक मे धुनीमा क्‍युरसुङ। थे जन्‍तु थेमे डुगी सिर च्‍युताते बात खित्‍कान्‍ते जन्‍तुलाङ गोमाका थेमाराङ क्‍युरा ओतान। था थेबा सुमबोकी ङीन नुप नोमुङ ङा स्‍वा मेङेता खाला खपेराङ खिता मुथुप्‍च्‍येते दुक्‍पा भोगे खिनराङ देता फाप्‍क्‍यो।

छ्या स्‍ये च्‍युताते बात 20:7

थे लो हजारज्‍यीक सिन्‍नामेकीचेन शैतानला ठाकीन किल्‍गीन ज्‍याक्‍सादुकी तोङगो।

छ्या स्‍ये च्‍युताते बात 9:11

थे खापान खापान तीङ ओताते डालुमदु ओताते दूतराङ थे छ्युच्‍युपेओन गेल्‍बो ओतान। थे डालुमदु ओताते दूतकी मिनचेन हिब्रू बातला एबाड्डोन थेमे ग्रीक बातला अपोल्‍लियोन ईन। दोक साबाते नाश जोकान्‍ते साबाते ईन।