छ्या स्‍ये च्‍युताते बात 20:11 - जिरेल

¹¹ थेरूई तिरी ङे कार्मुज्‍यीक जोदाई सिंहासनताङ थे लाक देत्‍कान्‍तेला थोङसुङ। थे मिगी दोन्‍दुकी साताङ नाम दाक तोरसुङ। थेमे साताङ नाम याङराङ खापाङ माथोङसुङ।

छ्या स्‍ये च्‍युताते बात 20:11 Iomraidhean Croise

मत्ती 11:22

थोगी ङा ख्‍योकोनला च्‍यि सिते सासीन परमेश्‍वरगी न्‍याय खिते छोमु ख्‍योकोनला छेत सजायनी थेकी टायरताङ सीदोन सारगी मिलाङ मेतेरो।

मत्ती 24:35

दि साताङ नाम नाश गाल्‍ला तोरला डुइओ। तर ङे साबाते बातचेन फरकराङ परे मिक्‍किओ।

मत्ती 25:31

थेमे परमेश्‍वर ओत्‍सादुई वाबाते मि था तिरी छ्येज्‍यीक शक्ति ङेत्‍ला गेल्‍बो ओङला परमेश्‍वर दूत गाङेताङ दुरू ग्‍युरला वाला गेल्‍बो देत्‍च्‍येते सिंहासन लाक्‍तु देत्‍क्‍यो।

रोमी 2:5

परमेश्‍वरगी दोक दया खासीनोङ थेकी साबाते मेङेन्‍दा खाईन ख्‍योकोन डेब्रो खाईन देत्‍ला दुक। थेमे मेलेबाते काम खिताङ ताङा मिन्‍दुक। दोक खिन देता ओतेकी था तिरी परमेश्‍वरगी स्‍येदाङगी चूर गाल्‍ला सुङलाङ काका पाका मिक्‍किता खाला न्‍याय खिता छोमु ख्‍योकोनगी झन छ्येज्‍यीक सजाय ङेत्‍क्‍यो।

२ पत्रुस 3:7

थेकी दोक ओङस्‍यीत, थोक ओङस्‍यीत सानामेई गोमा गाङे ओङाच्‍योक खाला थरिङोला ओताते दि साताङ नामोङ परमेश्‍वरगी दि छोमुसाक लेमु ओङस्‍यीत साबा छोमुसाककामा देत्‍क्‍यो। थेमे थे खोरोङगी साबाते माङेन्‍ला मेलेबा काम खित्‍कान्‍ते मिओनला सजाय बिन्‍ला न्‍याय खिते छोमु थेकी दि सा नाम मेकी थाला जोइओ।

छ्या स्‍ये च्‍युताते बात 12:8

लडाइँला डुकताङ थे दूतओन हारे खासुङ। थेमे थेबा स्‍वर्गने देताराङ माङेत्‍सुङ।

छ्या स्‍ये च्‍युताते बात 16:20

थेमे समुन्‍द्रे किल्‍दु ओताते लुङबातेबा तोक तोक तोरसुङ। थोकराङ खाईन थोम्‍बो थोम्‍बोते बोमोङ गाङे तोरसुङ।

छ्या स्‍ये च्‍युताते बात 19:11

थोक थोक ओङगीन सिन्‍नामेकी ङे स्‍वर्ग गाङे ओङे फेता ओता थोङसुङ। थेरू घोडा कार्मुज्‍यीक ओतान। थेमे थे घोडे लाक जेक्‍कान्‍ते मिनचेन खिओ साबा च्‍योकराङ खित्‍कान्‍तेताङ नोमुङ ढाँर मिक्‍किकान्‍ते ईन। थेकी सुङलाङ काका पाका मिक्‍किता खाला न्‍याय खित्‍च्‍येते थेमे लडाइँ खित्‍च्‍येते खित्‍च्‍याक्‍वा।

छ्या स्‍ये च्‍युताते बात 20:2

थेमे थेकी थे डुकला जुम्‍गीन च्‍याकीन लो हजारज्‍यीकसाक छ्याःङ खिता मुथुप्‍स्‍यीत सिन साङलोकी ठासुङ। थे डुकचेन गोमामेई मिओनला छक्‍के खित्‍कान्‍ते रूल ईन। थे शैतान दैंता ईन।

छ्या स्‍ये च्‍युताते बात 21:1

थेमे ङे साम्‍बाते नामताङ पृथ्‍वी थोङसुङ। थे थोङगी नामताङ पृथ्‍वीचेन तोरगीन सिन्‍दा ओतान। थाचेन थेरू समुन्‍द्रङ मेतान।

छ्या स्‍ये च्‍युताते बात 21:5

थेरूई थे सिंहासन लाक्‍तु देत्‍कान्‍तेकी “था ङा ओताते जति गाङे साम्‍बा जोइओ,” सिन सिदुक। थेमे थेकी ङाला “दि बातओन टि। दिबा गाङे साबाते भन्‍दा नोमुङ खुदुक मोन्‍डोच्‍येते साबा च्‍योकराङ ओङच्‍येते बात ईन,” सिदुक।

छ्या स्‍ये च्‍युताते बात 4:2

थेमे परमेश्‍वर आत्‍मेकी ङाला दाक जुम्‍सुङ। थेमे ङे स्‍वर्गने सिंहासनज्‍यीकताङ थे लाक्‍तु देत्‍कान्‍तेला थोङसुङ।

छ्या स्‍ये च्‍युताते बात 6:14

थेमे नामचेन स्‍यिउ ठीला च्‍योकराङ खाईन सरे खिन खिन गाल्‍सुङ। थोकराङ खाईन बोमतेबा थेमे समुन्‍द्रे किल्‍दु ओताते लुङबातेबाङ दाक्‍पोन दाक्‍पोन ठाउँलेकी तोक तोक तोरगीन गाल्‍सुङ।