छ्या स्‍ये च्‍युताते बात 20:10 - जिरेल

¹⁰ थेमे ईन्‍सीन थोक खाला मिओनला छक्‍के खित्‍कान्‍ते शैतानला गन्‍धकताङ मे बाराते ज्‍यीबा लाङच्‍याज्‍यीक मे धुनीमा क्‍युरसुङ। थे जन्‍तु थेमे डुगी सिर च्‍युताते बात खित्‍कान्‍ते जन्‍तुलाङ गोमाका थेमाराङ क्‍युरा ओतान। था थेबा सुमबोकी ङीन नुप नोमुङ ङा स्‍वा मेङेता खाला खपेराङ खिता मुथुप्‍च्‍येते दुक्‍पा भोगे खिनराङ देता फाप्‍क्‍यो।

छ्या स्‍ये च्‍युताते बात 20:10 Iomraidhean Croise

मत्ती 25:41

थोकराङ खाला थे खोरोङ देब्रे छ्य्‌वापा ज्‍याक्‍पा ओताते मिओनलाचेन थेकी ‘ख्‍योकोनचेन सराप लै खाबाते मि ईन। ख्‍योकोन ङे मिगी दोन्‍दु मादेत। ख्‍योकोनगीचेन था शैतानताङ थे दूतओनला सिन ठीक खाबा ओताते सधैँ बारगीन देत्‍च्‍येते मे नाङमा स्‍यूक्‍पा फाप्‍क्‍यो।

मत्ती 25:46

थेमे थे तिरी थेबाचेन नरककुण्‍डमा स्‍यूला सधैँभरि सजाय भोगे खिन देता फाप्‍क्‍यो। परमेश्‍वरगी खि साबा साबा खित्‍कान्‍तेबाचेन नोमुङ मिसिन्‍च्‍येते जुनी ङेत्‍ला स्‍वर्गने देता ङेत्‍क्‍यो,” सिन सिदुक।

मत्ती 7:15

थेमे परमेश्‍वर बात खित्‍कान्‍ते मि ईन साला मेन्‍दे बात लोप्‍कान्‍ते मिओनताङ च्‍याङबो खाला देत। थेबाचेन सुङलाङ छ्याःङ मेलेबा मिक्‍किकान्‍ते लुक च्‍योकराङ थोङगो। ईन्‍सीनोङ थेबानी फारा च्‍योकराङ मेलेबा ईन।

मर्कूस 9:44

थेमा स्‍यूक्‍कान्‍ते मिला साकान्‍ते बु नोमुङ मिस्‍यिओ, थेमा बारगीन ओताते मेङ नोमुङ मिस्‍यिओ।

छ्या स्‍ये च्‍युताते बात 16:13

थेमे ङे बाल्‍बाक च्‍योक्‍तेन्‍दे ल्‍हन्‍डीक सुम फुत्त फुत्त थेन्‍दाते थोङसुङ। थेबाचेन थे डुक थेमे थे जन्‍तु थेमे थे डुगी सिर च्‍युताते बात खित्‍कान्‍ते सादुकी थेन्‍दाते जन्‍तु खानामेकी थेन्‍दा ओतान।

छ्या स्‍ये च्‍युताते बात 19:20

तर थे जन्‍तुताङ थे छ्य्‌वापेकी आउदी अचम्‍बतेन्‍दे काम खाला तेन्‍कान्‍ते जन्‍तु ङिकारला जुम्‍गीन ठासुङ। थे ज्‍येनते जन्‍तुचेन डुगी सिर च्‍युताते बात खित्‍कान्‍ते ईन। अचम्‍बतेन्‍दे काम खाईनराङ थे जन्‍तुकी थे गोमे जन्‍तु मिनगी छाप देक ज्‍युत्‍कान्‍ते मिओनताङ थे मूर्तिला माने खित्‍कान्‍तेबाला छक्‍के खाबा ओतान। जुम्‍गीन ठानामेई थेबा ङिकारला सोम्‍बोराङ गन्‍धकताङ मे बाराते ज्‍यीबा लाङच्‍याज्‍यीक मे धुनीमा क्‍युरसुङ।

छ्या स्‍ये च्‍युताते बात 20:8

ताङनामेकी थे लुङबा लुङबे मिला छक्‍के खिताला दि पृथ्‍वी सुर स्‍यीकारपा डुइओ। लुङबा लुङबे मि साबातेचेन गोगताङ मागोग ईन। गाल्‍ला थेकी मिओनला लडाइँ खिताला रूला खुलाङगो। थोक खाईन खुलाबाते मि ङोला ङ्वा मुथुप्‍च्‍या मुन्‍तीसरी ओङगो।

छ्या स्‍ये च्‍युताते बात 9:17

ङे थे घोडाओनताङ थे लाक्‍तु जेबा ओताते फौजला थोङसुङ। थे घोडाओनताङ थे लाक जेबा ओताते फौजकी ठाङनापा खोन्‍दाते च्‍याकी पाताचेन मे च्‍योकराङ मोर्मु, नीर च्‍योकराङ नीलो थेमे गन्‍धक च्‍योकराङ सेर्मु रंगीते थोङगीन ओतान। थे घोडाओन गोःचेन सिंहेते च्‍योकराङ ओतान। थेमे थे घोडाओन खानामेई मे ज्‍वाला, थुता थेमे गन्‍धक बारला थेन्‍गीन ओतान।