छ्या स्‍ये च्‍युताते बात 2:9 - जिरेल

⁹ च्‍यि सासीन ख्‍योकोनला ज्‍येनगी दुक्‍पा बिन्‍दाते बात ङाला छ्या ओत। थेमे ख्‍योकोनला दाङच्‍या ख्‍योप्‍च्‍या मेत सिनोङ ङाला छ्या ओत। ईन्‍सीनोङ ख्‍योकोन छ्याःङ मेताते मि मेन। खोपरोङ यहूदी ईन सिन सिरकान तर लेमुते काम मिक्‍किकान्‍ते मिओनगी ईन्‍दा मेन्‍दे दोष लै खाईन ख्‍योकोन विरोध खाबाते बात ङाला छ्या ओत। थेबाचेन शैतानताङ डिक्‍कान्‍ते मि ईन।

छ्या स्‍ये च्‍युताते बात 2:9 Iomraidhean Croise

मत्ती 4:10

येशूकी “खो दुरूकी ग्‍युक शैतान। परमेश्‍वर बातला ‘प्रभु परमेश्‍वरला माने खिओ सिन से खि। थेमे थेलाकामा माने खिता फाप्‍क्‍यो,’ सिन साबा ओत,” सिन ङारसुङ।

लूका 12:21

थोगी बुद्धि मेताते मि सिरातेचेन होथोक्‍ते मि ईन। तिरी बो माताबा खाला थोक्‍तेकीचेन सम्‍पत्ति लाक सम्‍पत्ति साला छ्युक्‍पु डुइओ। परमेश्‍वर दोन्‍दु धनी ओङच्‍येतेचेन दोक खाला मेन। दोक्‍ते सम्‍पत्ति ओत्‍ला तिरी छ्याःङ फाइदा मेङगो,” सिन सिदुक।

लूका 22:65

दोस्‍यिककामा मेन, थेबेकी थेला नाना-भाँती साकीन खितासम्‍म बेइज्‍जत खासुङ।

लूका 4:18

थेरू चुक सिन टिबा ओताने सासीन “प्रभु परमेश्‍वरगी ङाला थे खोरोङ आत्‍मा बिन्‍दा ओत। थेकी ङाला छ्याःङ मेताते मिओनला गा लाङच्‍येते बात लोपाला खटे खाबाते ईन। दोस्‍यिककामा मेन, थेकी ङाला जेलदु देता ओत्‍कानला था थेरूकी थेन्‍दा ङेत्‍क्‍यो सिन सि, अन्‍धओनला थोङा थुप्‍च्‍या जो, ज्‍येनगी अन्‍याय खाईन दुक्‍पा ङेताते मिओनला दुक्‍पादुकी ठोल

लूका 6:20

थेरूई येशूकी थेरू ओताते गाङे चेलातेबा ओत्‍सापाला ताकीन दोक सिन बात खिताला स्‍यूसुङ। थेकी थेबाला “ख्‍योकोन दुक्‍पा ङेताते मिओन भाग्‍यमानी ईन। च्‍यिला सासीन ख्‍योकोन परमेश्‍वर राज्‍यदु स्‍यूला थेरू देता ङेत्‍क्‍यो।

यूहन्‍ना 16:33

ङे खित्‍सादु ख्‍योकोन सेम ढुक्‍क खाला देता थुप्‍स्‍यीत सिनराङ ङे दि बाततेबा साबाते ईन। दि सा लुङबे मिओनगी ख्‍योकोनला तेरासम्‍म दुक्‍पा तेरग्‍यो। थोक ईन्‍सीनोङ ख्‍योकोन हरेस मासा। दि सा लुङबादु ओताते जे ईन्‍सीनोङ, जो ईन्‍सीनोङ गाङेला ङे ग्‍याल्‍गीन सिन्‍दा ओत,” सिन सिदुक।

शक्ति काम 14:22

थेपा ग्‍युरला डोजीन थेबेकी गोमा खोपरोङ गालाते होथे सार सारला ओताते येशू चेलाओनला “जस्‍तोराङ ओङसीनोङ प्रभु येशूला विश्‍वास खिन देता मातोङ। परमेश्‍वर राज्‍यने ड्वाप्‍ला ङुरूङगी दुरू याङ याङ दुक्‍पा ङेत्‍क्‍यो सिरच्‍येते बात टोक माज्‍येत,” सिन आँट तेरगीन गाल्‍सुङ।

शक्ति काम 26:11

थेमे बाजिताङ बाजि यहूदीओनते मिटिङ खित्‍च्‍येते खाम्‍बा खाम्‍बाला गाल्‍गीन थेबेकी येशूला विश्‍वास खिता ताङला थे विरोध खित्‍स्‍यीत सिन ङे थेबाला आउदी खाईन दुक्‍पा बिन्‍दाप। थेबाला थोङजीन ङाला टिक्‍पीई स्‍येदाङनी लाङगीन मेतान। यरूशलेमदुकामा मेन्‍देकी मि लुङबाला सार सारला समेदोङ गाल्‍गीन ङे थेला विश्‍वास खित्‍कान्‍तेबाला तेरासम्‍म दुक्‍पा बिन्‍दाप।

रोमी 12:12

थेमे परमेश्‍वरगी ख्‍योकोनगी आश खाईन देता च्‍योकराङ खित्‍च्‍येते ईन्‍देकी ख्‍योकोन गा खिन गुला देत। ज्‍येनगी दुक्‍पा तेरजीन थेमे आपत् विपत् आइ परे खित्‍जीन सेम मेसेता खाला देत। परमेश्‍वरताङ प्रार्थना खिन देता नोमुङ मातोङ।

रोमी 2:17

थेमे था ङा ख्‍योकोन नाङ यहूदीओन बात खितामीन। ख्‍योकोनचेन ङेतनी यहूदी ईन, ङेल्‍ला परमेश्‍वरगी थे खोरोङ नियम बिन्‍दा ओत थेमे थेकी ङ्योकोनला थे खोरोङ मि सिन छाने खाबाते ईन सिन छ्ये खिदुक।

रोमी 5:3

दोस्‍यिककामा मेन, ङुरूङनी पीरताङ दुक्‍पे बेलालाङ गा खिओ। च्‍यिला सासीन दुक्‍पा ङेत्‍लाराङ ङुरूङ दुक्‍पा खपे खिता थुप्‍च्‍या डुइओ।

रोमी 8:35

थोगी च्‍यि था सुइँदेकी थेमे खइँदेकी ङुरूङला ङिङज्‍ये खित्‍कान्‍ते येशू ख्रीष्‍ट छ्य्‌वापेकी डेला थुप्‍क्‍योतरो? च्‍यि सासीन ङुरूङला दुक्‍पा ओङसीनोङ, पीर फाप्‍सीनोङ, ज्‍येनगी खेदा खाईन दुक्‍पा बिन्‍सीनोङ, त्‍वाबा तुक्‍पाताङ पेर्दुङबाराङ देता फाप्‍सीनोङ, खइँसाला दाक खइँदा ओङगीता सिन ज्‍यीबा खिता फाप्‍सीनोङ थेमे सेत्‍सुङराङ सासीनोङ येशू ख्रीष्‍टकी ङुरूङला ङिङज्‍ये खिता ताङाक्‍वा सिन नोमुङ सिरा माफाबो।

रोमी 9:6

तर इस्राएलीओन बात विचार खाला ताजीन परमेश्‍वरगी थेबाताङ खिओ साबाच्‍योक माक्‍याबा च्‍योकका थोङगीदुक मेन? बात दोक मेन, थेकी साबाते बात नोमुङ फरक परे मिक्‍किओ। बरू बात चुक ईन्‍दे सासीन इस्राएली गाङेराङ परमेश्‍वरगी छाने खाबाते मि मेन।

२ कोरिन्‍थी 6:10

दोक दोक ओङला पीरताङ तापकी नाङ देता फाप्‍सीनोङ ङ्योकोन सधैँ छ्याःङ पीर मेताते मि च्‍योक खाला गा खिन देत्‍क्‍यो। थेमे ङेराङ लाला साकान्‍ते च्‍योक्‍तेन्‍दे ओत्‍सीनोङ ङ्योकोनगी खाबाते कामगी खित्‍सादु मिओनगी परमेश्‍वरगी तेरच्‍येते जति गाङे ङेत्‍क्‍यो। लोक्‍ला ङ्योकोन ङेराङते सिराते छ्याःङ मेताते कङ्गाली च्‍योकराङ ईन्‍सीनोङ परमेश्‍वरगी खित्‍सादु ङेत्ताङ जेसुकै ओत।

२ कोरिन्‍थी 8:2

खोपरोङगी आउदी खाईन दुक्‍पा ङेता ओत्‍सीनोङ थेमे ज्‍येनगी तेरासम्‍म दुक्‍पा बिन्‍सीनोङ थेबा आउदी गा खिन देत्‍सुङ। दोक खाला गा खिन देत्‍कीन थेबेकी खोपरोङताङ छ्याःङ मेत्‍सीनोङ दुक्‍पा ङेताते ज्‍येनला मद्धत खिताला खोपरोङगी तेरा थुपासम्‍म बिन्‍सुङ।

२ कोरिन्‍थी 8:9

ङुरूङ प्रभु येशू ख्रीष्‍टकी ङुरूङला चुक आउदी दया खासुङा सिरच्‍येते बातनी ख्‍योकोनला छ्याराङ ओत। ख्‍योकोनला थे खोरोङगी तेरच्‍येते आशी जति गाङे बिन्‍ला लेमु खितालाराङ थे स्‍वर्गनेकी थे खोरोङ मान थेमे अधिकार गाङे ताङगीन छ्याःङ मेताते च्‍योक खाईन देमा वाबाते ईन।

१ थिस्‍सलोनिकी 3:4

ङुरूङला ज्‍येनगी खेदा खाला दुक्‍पा तेरग्‍यो सिनका ङ्योकोनगी ख्‍योकोनताङ ङ्योम्‍बु ओत्‍जीनराङ साबा ओतान। ओङाबोङ थेजीन साबा च्‍योकराङ ङुरूङला दुक्‍पा ओङसुङ मेन?

१ तिमोथी 1:13

ईन्‍दानी थोङला ङे थेला आउदी खाईन विरोध खाबाप। थेला विश्‍वास खित्‍कान्‍ते मिओनला ङे खेदा खाईन खाईन दुक्‍पा बिन्‍दाप। थे मिओन दोक्‍पोईलाङ बाँकी ज्‍य्‌वाबा मेङगो सिन ङे थेबाला खितासम्‍म मेलेबा खाबाप। ङे थोक मेलेबा खाबा ईन्‍सीनोङ प्रभु येशू ख्रीष्‍टकी ङाला दया खाईन लेमु खासुङ। च्‍यिला सासीन थेजीन ङे थेला विश्‍वास खाबा मेतान थेमे ङाराङगी चुक मेलेबा खिन ओते सिनोङ ङाला छ्या मेतान।

१ तिमोथी 6:18

थेबाला सम्‍पत्ति सोक्‍पा साटोला ज्‍येनलाङ ता फाप्‍क्‍यो सिन खोपरोङ सम्‍पत्ति ज्‍येनताङ गोला सो सि। दोक खिन लेमुते कामकामा खि सि।

छ्या स्‍ये च्‍युताते बात 1:9

ङा ख्‍योकोन आज्‍यो यूहन्‍नाङ ख्‍योकोन च्‍योकराङ येशूताङ जीउज्‍यीकराङ ओङाते मि ईन। थोगी ङेङ ख्‍योकोनगी च्‍योकराङ खाईन दुक्‍पा ङेता ओत। थेमे ङाङ परमेश्‍वर राज्‍यदु ख्‍योकोनताङ ङ्योम्‍बुराङ देता ङेत्‍क्‍यो। जस्‍तो दुक्‍पा ङेत्‍सीनोङ ङाङ ख्‍योकोन च्‍योकराङ खपे खाईन देता ओत। ज्‍येनला परमेश्‍वर बात लापेकी थेमे येशू ख्रीष्‍ट सु ईन्‍दे, थेकी च्‍यि खिते सिन लापेकी खित्‍सादु ङाला समुन्‍द्रे किल्‍दु ओताते पत्‍मोस लुङबापा उरगीन ताङा ओतान।

छ्या स्‍ये च्‍युताते बात 2:13

च्‍यि सासीन ख्‍योकोनचेन शैतान सिंहासन ओताते सारदु देता ओत सिन ङाला छ्या ओत। दोक ईन्‍सीनोङ ख्‍योकोनगी ङाला माताङसुङ, ङाला विश्‍वास खिनराङ देत्‍सुङ। ङा सु ईन्‍दे, ङे च्‍यि खिते सिन सिनराङ देत्‍कान्‍ते एन्‍टिपासला थे सारदुराङ सेत्‍जीनोङ ख्‍योकोनगी ङाला विश्‍वास खिता माताङसुङ।

छ्या स्‍ये च्‍युताते बात 2:2

च्‍यि सासीन ख्‍योकोनगी खिन ओताते गाङे काम ङाला छ्या ओत। ख्‍योकोनगी स्‍याप स्‍याप खाईन काम खाबाते थेमे दुक्‍पा ओङजीनोङ सेम मेसेता खाईन देताते ङाला छ्या ओत। थेमे थेरू मेलेबा काम खित्‍कान्‍ते मिओनला ख्‍योकोनगी मन परे माक्‍याबातेङ ङाला छ्या ओत। खोपरोङ येशू ख्रीष्‍टकी खटे खाबाते मि ईन सिन सिरकान्‍तेबाला ख्‍योकोनगी थेबा पक्‍काराङ थोक्‍ते मि ईन्‍दाकाना मेन्‍दाका सिन विचार खाईन ताकीन थेबा थोक्‍ते मि मेन सिन छ्या स्‍येला दुक। थेबानी खोपरोङगी ईन साबा च्‍योक्‍ते मि ईनराङ मेन।

छ्या स्‍ये च्‍युताते बात 2:24

थेमे थिआटीरादु देत्‍कान्‍ते ज्‍येनगी च्‍योक मिक्‍किकान ख्‍योकोनलाचेन ङा खेराङगी खिन ओताते लाक्‍तु ज्‍येन ल्‍हाक्‍पा दुक्‍पा मेतेरो। ख्‍योकोनचेन ज्‍येन च्‍योकराङ जिजेबेलगी साबाते बात मेङेन्‍कान्‍ते थेमे कोई कोई मिकी साबाच्‍योक शैतानगी कोई कोई मिलाकामा छ्या स्‍ये ज्‍युत्‍च्‍येते बात मेङेन्‍कान्‍ते मि ईन।

छ्या स्‍ये च्‍युताते बात 3:9

दि बात ङेन। चुक सासीन खोपरोङ यहूदी ईन सिन छ्ये खित्‍कान्‍ते मिओन परमेश्‍वरगी साबाते ङेन्‍कान्‍ते मि मेन। थेबानी शैतानताङ डिक्‍कान्‍ते मिका ईन। ङा थेबाला ख्‍योकोन तिङबे ओक्‍तु दुल्‍ला ख्‍योकोन काम्‍बाला से खित ज्‍युत्‍क्‍यो। थेमे थेबेकी ङे ख्‍योकोनला ङिङज्‍ये खाबा ओताक्‍वा सिन छ्या स्‍येक्‍यो।

छ्या स्‍ये च्‍युताते बात 7:14

ङे थेला “दिबा सु ईन्‍दे सिन हजूर खोल्‍लाराङ छ्या ओत,” सिन सिरजीन थेकी “दिबाचेन आउदी छ्ये छ्ये दुक्‍पा खपे खाईन वाबाते मि ईन। दिबेकी खोपरोङ खोलाक लुई रीउकी ठाकला टुकीन दोक कार्मु जोबाते ईन।