छ्या स्‍ये च्‍युताते बात 2:5 - जिरेल

⁵ ख्‍योकोनगी नामनामेई ङाला थोक खिता ताङाते ईन्‍दे सिन ठेम्‍बा खि। थेमे थोक खिता ताङाते लेमु मेन्‍दाक्‍वा सिन छ्या स्‍येला लोक्‍ला गोमा च्‍योकराङ खि। दोक माक्‍यासुङ सासीन ङा थेपा वाला च्‍याला थे बत्ती पारला ज्‍य्‌वाच्‍येते सामदानला थेरू मोज्‍योओ, ङा थे सामदान थेरूकी थेन्‍ग्‍यो।

छ्या स्‍ये च्‍युताते बात 2:5 Iomraidhean Croise

मत्ती 5:14

दि सा लुङबे मि दोन्‍दु नाम्‍दाक सिरातेङ ख्‍योकोनराङ ईन। बोमगी लाक्‍तु जोबाते सार गाङेपेकी गाङेकी थोङगो।

मत्ती 5:15

थेमे बत्ती पारला च्‍याला सुङगीङ फामगी उप्‍ला मोज्‍योओ बरू खाम्‍बे नाङ गाङेकी नाम्‍दाक थोङस्‍यीत सिन खइँसाला थोम्‍बोला ज्‍य्‌वाक्‍यो, मेन ओना?

मर्कूस 12:9

लो ख्‍योकोन विचार खि, था थे स्‍यीङगी धनीकी थे मिओनला च्‍यि खाओङा। च्‍यि थेकी वाला थोक खित्‍कान्‍ते मिओनला सेत्‍ला थे स्‍यीङ ज्‍येनला फेम्‍माला मेतेरोतरो?

लूका 1:17

थे परमेश्‍वर बात खित्‍कान्‍ते एलिया च्‍योकराङ ओङगो। एलियाताङ चुक्‍ते शक्ति ओताने होथे शक्ति थेत्ताङ ओङगो। प्रभु परमेश्‍वर दुरू ओङा भन्‍दा गोमा वाला थेकी दाक्‍पोन फुज्‍युङ फुमुताङ डिक्‍पा माथुपाते आबातेबाला लोक्‍ला थेबाताङ डिक ज्‍युत्‍क्‍यो। परमेश्‍वरगी साबाते मेङेन्‍कान्‍ते मिओनलाङ थोक खिन देता लेमु मेन सिन छ्या स्‍ये च्‍युत्‍ला परमेश्‍वरगी खि साबा साबा च्‍योकराङ खित ज्‍युत्‍क्‍यो। थेकी थोक खानामेई तिरी प्रभु परमेश्‍वर ओङे बेलाला मि गाङेराङ था परमेश्‍वर ओङगो सिन गुला देत्‍क्‍यो,” सिन सिदुक।

लूका 20:16

च्‍यि थेकी वाला थोक खित्‍कान्‍ते मिओनला सेत्‍ला थे स्‍यीङ ज्‍येनला फेम्‍माला मेतेरोतरो?” सिन सिदुक। थेकी थोक सिरजीन थेरू ओताते मिओनगी “दोकनी मिलामलाङ मेङस्‍यीत,” सिन सिदुक।

गलाती 5:4

परमेश्‍वर नियम ङेन्‍सीन परमेश्‍वरगी खेराङला दोषी मेन सिओ सिन विचार खित्‍कान ख्‍योकोननी ख्रीष्‍टताङ ठाल्‍गीन सिन्‍दाते मि ईन। थोगी परमेश्‍वरगी ख्‍योकोनला दया खाला लेमु खिता मुथुबो।

फिलिप्‍पी 2:15

होथोक मिक्‍किता खाईन काम खासीन परमेश्‍वरगी साबाते मेङेन्‍दा खाला दाक्‍पोन खुशी खिन मनपरी खित्‍कान्‍ते मिओन नाङ देता ओत्‍सीनोङ सुङगीङ ख्‍योकोनला दिबा दोक दोक गल्‍ती खित्‍कान्‍ते मि ईन सिन सिरा मुथुबो, ख्‍योकोनचेन सेमला मेलेबा मेताते मि ओङगो थेमे ख्‍योकोन परमेश्‍वरगी लाःपा कोताते ङेन्‍कान्‍ते थे फुज्‍युङ फुमु ओङगो। दोक खाला ख्‍योकोनगी दि सा लुङबे मिओनगी चुक खिता फाप्‍कीते सिन तेन्‍ला तेरा थुप्‍क्‍यो।

हिब्रू 10:32

थेमे गा लाङच्‍येते बात ङेन्‍दाला स्‍यूनामेई खेराङगी चुक चुक्‍तेन्‍दे दुक्‍पा भोगे खिता फापा ओताने होथे गोमे बाततेबा ठेम्‍बा खि। थे बात ङेन्‍नामेई ङेतासम्‍म दुक्‍पा ङेत्‍जीनोङ ख्‍योकोनगी थे बात ङेन्‍दा बान्‍दा ताङा मेतान।

२ पत्रुस 3:17

बात दोक दोक ईन्‍देकी ङिङज्‍येते आज्‍यो न्‍वावे, होदोक्‍ते मेन्‍दे बात लोप्‍कान्‍ते मिओन ओङगो सिन ख्‍योकोनला छ्याराङ ओतेकी ख्‍योकोन च्‍याङबो खाला देत। दोक माक्‍यासीन खिता मेङच्‍या ङोचा लाङच्‍येते काम खित्‍कान्‍ते मिओनगी लोप्‍च्‍येते मेन्‍दा मेन्‍दे बात ङेन्‍ला ख्‍योकोनगी खेराङगी ङेन्‍गीन ओताते सत्‍यते बात ङेन्‍दा तोङगो।

यहूदा 1:24

ख्‍योकोन होथोक्‍ते मिओन नाङराङ देता ओत्‍सीनोङ परमेश्‍वरगी ख्‍योकोनला मेलेबा काम खित्‍सादुई जोए खिओ, थेकी ख्‍योकोनला छ्याःङ गल्‍ती मेताते मि ईन सिओ थेमे ख्‍योकोनला आउदी खाला गा खिन झिलिमिली नाम्‍दाकला थे खोरोङ दोन्‍दु देत ज्‍युत्‍क्‍यो।

छ्या स्‍ये च्‍युताते बात 1:20

ङे सामे लाःक्‍तु खुई थोङाते कार्मा दुईनबोताङ बत्ती पारला ज्‍य्‌वाच्‍येते सेरगी सामदान दुईनबो अर्थ ङा खोल्‍ला लाःपामीन। दि कार्मा दुईनबो अर्थचेन येशू ख्रीष्‍ट मिओनला ताकान्‍ते परमेश्‍वर दूत दुईनबो ईन। थेमे सेरगी सामदान दुईनबोचेन थे सार दुईनदु जम्‍मा ओङकान्‍ते येशू ख्रीष्‍ट मिओन ईन।

छ्या स्‍ये च्‍युताते बात 16:9

ङीमे रापकी थोक खाईन छिक्‍पेकी खित्‍सादु होदि दुक्‍पातेबा ओङ ज्‍युत्‍कान्‍ते परमेश्‍वर ईन सिन थे मिन तेन्‍गीन मिओनगी थेला मोता खासुङ। तर खोपरोङगी खिन ओताते मेलेबा काम खिता ताङला परमेश्‍वर छ्य्‌वापा लै खाला थेला छ्ये जोच्‍येते कामचेन थेबेकी माक्‍यासुङ।

छ्या स्‍ये च्‍युताते बात 2:16

बालाम बात थेमे निकोलाइटन सिराते पाटी मिओनगी लोप्‍च्‍येते बात ङेन्‍ला थेबेकी खि साबा च्‍योकराङ खित्‍कान्‍तेबा ख्‍योकोनगी थोक खिता थोङ। थोक माक्‍यासुङ तोबो सासीन ङा थेपा वाला ङे खानामेकी थेन्‍दा ओताते तरवार खुरला थे मिओनताङ जीङगो।

छ्या स्‍ये च्‍युताते बात 2:19

च्‍यि सासीन ख्‍योकोनगी च्‍यि च्‍यि खिन ओते सिन गाङे ङाला छ्या ओत। ख्‍योकोनगी ङाला खजो ङिङज्‍ये खिते सिरच्‍येते थेमे ङाला विश्‍वास खाबाते, लेमुते काम खाबाते थेमे ख्‍योकोनगी पीर दुक्‍पा खपे खिन ओताते गाङे बात ङाला छ्या ओत। होदि कामतेबा ख्‍योकोनगी गोमा भन्‍दा थरिङोला झन झन ल्‍हाक्‍पा खिन ओताते बादोङ ङाला छ्या ओत।

छ्या स्‍ये च्‍युताते बात 2:2

च्‍यि सासीन ख्‍योकोनगी खिन ओताते गाङे काम ङाला छ्या ओत। ख्‍योकोनगी स्‍याप स्‍याप खाईन काम खाबाते थेमे दुक्‍पा ओङजीनोङ सेम मेसेता खाईन देताते ङाला छ्या ओत। थेमे थेरू मेलेबा काम खित्‍कान्‍ते मिओनला ख्‍योकोनगी मन परे माक्‍याबातेङ ङाला छ्या ओत। खोपरोङ येशू ख्रीष्‍टकी खटे खाबाते मि ईन सिन सिरकान्‍तेबाला ख्‍योकोनगी थेबा पक्‍काराङ थोक्‍ते मि ईन्‍दाकाना मेन्‍दाका सिन विचार खाईन ताकीन थेबा थोक्‍ते मि मेन सिन छ्या स्‍येला दुक। थेबानी खोपरोङगी ईन साबा च्‍योक्‍ते मि ईनराङ मेन।

छ्या स्‍ये च्‍युताते बात 3:19

ङाराङगी ङिङज्‍ये खाबाते मिओनला ङा थाप्‍क्‍यो थेमे लेमु काम खित्‍स्‍यीत सिन आबेकी फुज्‍युङला च्‍योक ङा थेबाला तालाङ लुक्‍यो। ख्‍योकोनगी खिन ओताते मेलेबाते काम खिता ताङला ङे कोता कोताच्‍योक खि।