छ्या स्‍ये च्‍युताते बात 2:3 - जिरेल

³ ङे मि ईन्‍देकी खित्‍सादु पीरताङ दुक्‍पा आइ परे खित्‍जीनोङ सेम मेसेता खाईन ख्‍योकोनगी ङाला विश्‍वास खिनराङ देत्‍सुङ।

छ्या स्‍ये च्‍युताते बात 2:3 Iomraidhean Croise

मर्कूस 15:21

येशूला टीला डुइन डुइनलाराङ लामला मिल्‍टेरीओनगी युलनापेई सारनापा ओङगीन ओताते शिमोन सिराते मिला ठेत्‍सुङ। थेचेन साइरेनीपे मि ओतान। थे अलेक्‍जेन्‍डरताङ रूफसबे आबा ओतान। थेमे मिल्‍टेरीओनगी थेलाराङ जुम्‍गीन येशूला टाँए खाला सेत्‍च्‍येते स्‍यिङगी थाम जबरजस्‍ती कुरगीन खेरसुङ।

लूका 14:27

ङे चेला ओङा छोल्‍कान्‍ते मिकीचेन जस्‍तो दुक्‍पा ओङसीनोङ ओङस्‍यीत सिन दाक्‍पोन टाँए खाला स्‍या फाप्‍च्‍येते स्‍यिङगी थाम खुरला ङे तिरी तिरी ख्‍याम्‍बा फाप्‍क्‍यो।

लूका 18:1

थेमे चेलातेबेकी सेम मेसेता खाला परमेश्‍वरला प्रार्थना खिनराङ देत्‍स्‍यीत सिन येशूकी दोक सिन थेबाला कथा लाःपाला स्‍यूसुङ।

लूका 21:19

थोक थोक दुक्‍पा ओङजीनोङ सेम मेसेता खाईन ङाला विश्‍वास खिन देत्‍सीन ख्‍योकोनगी नोमुङ मिसिन्‍च्‍येते जुनी ङेत्‍क्‍यो।

लूका 5:5

थेकी थोक सानामेकी शिमोनगी “खोइ गुरू, ङ्योकोनगी नुप खाङराङ दुक्‍पा खाईन जाल ग्‍यापाप। तर ङ्याज्‍यीगोङ माथेप्‍सुङ। थोगी याङराङ जाल देक्‍पाकामा फाप्‍कीतासीन। जे ईन्‍सीनोङ खुई बात ङेन्‍ला ङा जालचेन देक्‍पामीन,” सिनकामा थेत्ताङ थे र्‍वाओनगी डुङ्गा फजेकपा खेरगीन जाल ग्‍याप्‍सुङ।

लूका 8:15

कोई कोईकीचेन परमेश्‍वर बात थोनामेई आउदी लेमु खाला ङेन्‍ग्‍यो। थेबेकी खोपरोङला जे ओङसीनोङ थे बात ङेन्‍दा मोतोङा खाला लेमु काम खिन देत्‍क्‍यो। सबी लेमु ओत्‍साला फापाते सोन साबातेचेन होथोक्‍ते मिओनला साबाते ईन।

यूहन्‍ना 15:21

ङे मि ईन्‍देकीराङ थेबेकी ख्‍योकोनला खेदापानी खित्‍च्‍येते ईन। च्‍यिला सासीन ङाला दुरू तोङकान्‍तेला थेबेकी छ्याराङ मेस्‍येओ।

रोमी 12:12

थेमे परमेश्‍वरगी ख्‍योकोनगी आश खाईन देता च्‍योकराङ खित्‍च्‍येते ईन्‍देकी ख्‍योकोन गा खिन गुला देत। ज्‍येनगी दुक्‍पा तेरजीन थेमे आपत् विपत् आइ परे खित्‍जीन सेम मेसेता खाला देत। परमेश्‍वरताङ प्रार्थना खिन देता नोमुङ मातोङ।

रोमी 16:12

थेमे दुक्‍पा खाला खाला प्रभु ख्रीष्‍टकी काम खिन ओताते नुमुबा ङिबो त्रिफेनाताङ त्रिफोसाला ङेते नमस्‍ते ओत्‍लो सि। थोकराङ खाला ङिङज्‍येते नुमु परसीसलाङ ङेते नमस्‍ते ओत्‍लो सि। थेकी आउदी दुक्‍पा खाईन प्रभु ख्रीष्‍टकी काम खाबा ओतान।

रोमी 2:7

था तिरी परमेश्‍वरगी खोपरोङला थेकी ज्‍वा चाला च्‍योकराङ लेमु जोइओ थेमे मान बिन्‍ला नोमुङ मिस्‍यिच्‍येते जुनी तेरग्‍यो सिन थेकी साबाते ङेन्‍ला लेमु कामकामा खिन देत्‍कान्‍ते मिओनलाचेन थेकी नोमुङ मिसिन्‍च्‍येते जुनी तेरग्‍यो।

रोमी 8:25

थोगी परमेश्‍वरगी ङुरूङ लाईदु खिओ साबाते थेकी ङीमाई गाङे साबा च्‍योकराङ खिओ सिन ङुरूङ सेम मेसेता खाईन गुकीनराङ देता ओत।

१ कोरिन्‍थी 13:7

थेकी दाक्‍पोनला जति दुक्‍पा बिन्‍सीनोङ थोक्‍ते मिलाङ ङिङज्‍ये खिन देत्‍क्‍यो, थेकी सुङलाङ शंका मिक्‍किओ, थेकी जो मिङ लेमु काम खित्‍कान ओङा थुप्‍क्‍यो सिन आश खिओ थेमे जस्‍तो दुक्‍पा ओङसीनोङ थे सेम मेसेता खाला देत्‍क्‍यो।

१ कोरिन्‍थी 16:16

ख्‍योकोनगी स्‍तिफनासबा च्‍योक्‍ते मि अधीनला देत्‍ला थेबेकी साबाते ङेन।

२ कोरिन्‍थी 10:15

लोक्‍ला ङ्योकोननी ज्‍येनगी खाबाते कामला ङ्योकोनगीका खाबाते ईन सिराच्‍योक खाला छ्येङ मिक्‍किओ। बरू ख्‍योकोनगी प्रभु येशूला झन लेमु खाला विश्‍वास खिन गाल्‍नामेई परमेश्‍वरगी ङेराङला ख्‍योकोन नाङ खि साबाते काम झन काल्‍बा खिता थुप्‍क्‍यो सिरच्‍येते आश ओत।

२ कोरिन्‍थी 11:23

थेबेकी खोपरोङ येशू ख्रीष्‍ट काम खित्‍कान्‍तेबा ईन खिदुक। ङाङ येशू ख्रीष्‍ट काम खित्‍कान्‍तेराङ ईन। ईन्‍दानी दोक्‍ते बात खित्‍च्‍येते लेम्‍बे बात च्‍योक्‍ते ईन सिन ङाला छ्या ओत। ईन्‍सीनोङ ङा च्‍यि सिते सासीन थेबेकी भन्‍दा ङे खापान खापान ल्‍हाक्‍पा काम खाबा ओत। ङा पालो थोई जेलदु देते सिन टुङ्गो मेत। मिओनगी ङाला दुबाते बात खाला छ्याःङ साँधी मेत। पालोताङ पालो ङा कालगी खादुकी थाराते ईन।

२ कोरिन्‍थी 4:1

परमेश्‍वरगी ङ्योकोनला दया खाईन दि जमान बात लोप सिन जिम्‍मा बिन्‍दाते ईन्‍देकी ङ्योकोन सेम मेसेदो।

२ कोरिन्‍थी 4:16

बात दोक दोक ईन्‍देकी ङ्योकोन नोमुङ सेम मेसेदो। ङेराङ स्‍येत घटे खिन खोले खोले छ्याःङ खिता मुथुप्‍च्‍या डुइन ओत्‍सीनोङ परमेश्‍वरगी बिन्‍दाते नोमुङ मिसिन्‍च्‍येते जुनीचेन दोक डुइन मोन्‍डोओ सिन ङीमे ठाङमा झन झन लेमु खाला छ्या स्‍येकीदुक।

२ कोरिन्‍थी 5:9

बात दोक ईन्‍देकी दि जुनीला ईन्‍स्‍यीत, स्‍यिइन थेत्ताङ देता ङेत्‍नामेई ईन्‍स्‍यीत ङ्योकोन जहिलेङ प्रभु येशूला मन परे खित्‍च्‍येते काम खित्‍च्‍ये छ्य्‌वापाकामा स्‍येत खिओ।

२ कोरिन्‍थी 6:5

थोकराङ खाला थाराङ मि लाक्‍पे दुताक सा फाप्‍सीनोङ, जेलदु देता फाप्‍सीनोङ, ङेराङ विरोधला हूलदङ्गा खासीनोङ ङ्योकोन खपेराङ खाला देत्‍क्‍यो। दोस्‍यिककामा मेन, ङीन नुप स्‍याप स्‍याप खाला काम खिता फाप्‍सीनोङ, मिक छुम मिक्‍किता खाला जागोराङ देत्‍ला नुप स्‍येन्‍दा फाप्‍सीनोङ थेमे त्‍वाबा तुक्‍पाराङ देता फाप्‍सीनोङ दोकराङ खिओ।

गलाती 6:2

दोक्‍पोईकी ज्‍येनज्‍यीक ख्‍याल ज्‍याक्‍ला ख्‍योकोन गाङेकी खेराङ नाङ सुला नाम च्‍यि मद्धत खिता फाप्‍कीका मद्धत बिन। दोक खानामेई ख्‍योकोनगी ख्रीष्‍टकी खि साबाते नियम ङेन्‍दाते ईन।

गलाती 6:9

थोगी आ लेमु खालाङ च्‍यि ओङगीतेरो सिराच्‍योक खाला ङुरूङगी लेमु खिन देता तोङा मेङगो। सेम मेसेता खाईन लेमु खिनराङ देत्‍सीनचेन बाली लै खानामेई तिरी बाली रूक्‍पा ङेता च्‍योकराङ खाला लेमु खाबेकी खित्‍सादु ङीमाई ङुरूङगीङ इनाम ङेत्‍क्‍यो।

फिलिप्‍पी 2:16

थेमे नोमुङ मिसिन्‍च्‍येते जुनी ङेत्‍च्‍येते बात ङेन्‍दा ख्‍योकोनगी बान्‍दा मातोङ। ख्‍योकोनगी ङे खि साबा च्‍योकराङ खिन देत्‍सीन था ख्रीष्‍ट ग्‍युरला ओङे छोमु ङे ख्‍योकोन नाङ स्‍याप स्‍याप खाईन दुक्‍पा खाईन खाबाते काम थाराङ खेरो मागाल्‍सुङ, ङे थोक खाबाते चुक लेमु ओङसुङा सिन गा खिता ङेत्‍क्‍यो।

फिलिप्‍पी 4:3

ङात्ताङ डिक्‍ला ङे च्‍योकराङ खाला काम खित्‍कान्‍ते ङे र्‍वा खुई थे फेम्‍मे मि ङिबोला डिक्‍पा खाला बिन। गा लाङच्‍येते बात फैले खिताला ङात्ताङ थोङला दुक्‍पा खाला खाला काम खित्‍कान्‍ते मि नाङ क्‍लेमेण्‍टताङ ज्‍येनतेबाकामा मेन, होथे फेम्‍मे मि ङिबोङ ईन। थेबा गाङे मिन नोमुङ मिसिन्‍च्‍येते जुनी ङेत्‍कान्‍ते मिओन मिन टिबाते किताबला टिबा ओत।

कलस्‍सी 1:11

दोस्‍यिककामा मेन, जस्‍तो ओङसीनोङ सेम मेसेता खाला गा खिन जस्‍तो दुक्‍पाङ खपे खिन देताला परमेश्‍वरगी ख्‍योकोनला थे खोरोङ छ्येज्‍यीक शक्ति तेरस्‍यीत

१ थिस्‍सलोनिकी 1:3

धन्‍यवाद सिरजीनराङ ख्‍योकोनगी येशू ख्रीष्‍टला विश्‍वास खाईन लेमु काम खिताला स्‍यूबाते थेमे ज्‍येनला ङिङज्‍ये खिन झन झन लेमु खाबाते बातकी लाईदु ङुरूङ आबा परमेश्‍वरला धन्‍यवाद सिओ। थे लाईदुकामा मेन, था ङीमाई ङुरूङ प्रभु येशू ख्रीष्‍ट ग्‍युरला ओङगो सिन आश खाईन गुकीन देता ओतेकी जस्‍तो दुक्‍पा ओङसीनोङ ख्‍योकोन सेम मेसेता खाईन देता ओताते बातकी लाईदुङ ङ्योकोन थेला धन्‍यवाद सिओ।

१ थिस्‍सलोनिकी 2:9

आज्‍यो न्‍वावे, ख्‍योकोनला परमेश्‍वरते गा लाङच्‍येते बात लोप्‍जीन ख्‍योकोन सुङलाङ छ्याःङ दुक्‍पा तेरा माफाप्‍स्‍यीत सिन ङेराङ लाईदु साप थुङा ङ्य्‌वाप्‍ला ङीन नुप ठोत थेनथेन काम खाबाप। ङ्योकोनगी थोक खाबाते बात ख्‍योकोनगी टोक ज्‍येता मेतासीन।

१ थिस्‍सलोनिकी 5:12

थेमे आज्‍यो न्‍वावे, ख्‍योकोनगी खेराङ नाङ खेराङला लेमु ओङस्‍यीत सिन दुक्‍पा खाला खाला लोप्‍कान कोत्‍कानला मान खि। थेबाला थे काम प्रभु येशूकीराङ बिन्‍दाते ईन।

२ थिस्‍सलोनिकी 3:13

थेमे चुक खिता लेमु ईन्‍दे सिन दाक्‍पोन दाक्‍पोन लाःक खिन ओताते आज्‍यो न्‍वाबा ख्‍योकोनगीचेन ङे लेमु खाईन च्‍यि ओङसुङारो सिराच्‍योक मिक्‍किता खाला थरिङसाक खिन ओता च्‍योकराङ खिन देत।

२ थिस्‍सलोनिकी 3:5

थेमे परमेश्‍वरगी खेराङला थोई ङिङज्‍ये खित्‍च्‍या ईन्‍दाका सिन ख्‍योकोनगी झन लेमु खाला छ्या स्‍येस्‍यीत थेमे जतिराङ दुक्‍पा ओङसीनोङ ख्रीष्‍टकी च्‍योकराङ सेम मेसेता खाला दुक्‍पा खपे खिन देता थुप्‍स्‍यीत सिन ङ्योकोन प्रभु येशू ख्रीष्‍टताङ प्रार्थना खिओ।

२ थिस्‍सलोनिकी 3:8

पैसा मेज्‍येला खाईन ङ्योकोनगी सुङगीङ खाम्‍बादु साप मासो। ख्‍योकोन सुङलाङ दुक्‍पा मेङस्‍यीत, साप थुङा ङेराङगीराङ पैसा च्‍याल्‍ला सा थुप्‍स्‍यीत सिन ङ्योकोनगी ङीन नुप ठोत थेनथेन काम खाबाप।

१ तिमोथी 4:10

थोक ईन्‍देकीराङ ङुरूङगी स्‍याप स्‍याप खाला दुक्‍पा खिन थुपासम्‍म ज्‍येनलाङ सत्‍यते बात लोप्‍च्‍येते ईन। च्‍यिला सासीन सोम्‍बोते परमेश्‍वरगी साबा च्‍योकराङ खाला आशी तेरग्‍यो सिन ङुरूङ आश खाईन देता ओत। मि गाङेला पापदुकी डेल्‍कान्‍ते थेराङ ईन। थेकी थोक खिओ सिन येशू ख्रीष्‍टला विश्‍वास खित्‍कान्‍ते मि जोराङ ईन्‍सीनोङ परमेश्‍वरगी थेला पापकी सजायदुकी डेल्‍ग्‍यो।

१ तिमोथी 5:17

थेमे येशू ख्रीष्‍ट मिओनला ताकान्‍तेबे नाङ खोपरोङ काम लेमु खाला खित्‍कान्‍ते मिओनला आउदी खाला मान खिता फाप्‍क्‍यो। थेबे नाङोङ गा लाङच्‍येते बात च्‍यि ईन्‍दे सिन लोप्‍कान्‍तेबालाचेन झन मान खिता फाप्‍क्‍यो। थेमे थेबा गाङेला गोच्‍येतेङ तेरा फाप्‍क्‍यो।

हिब्रू 10:36

परमेश्‍वरगी खित ज्‍युता चाला च्‍योकराङ खिता थुप्‍स्‍यीत सिन जस्‍तो दुक्‍पा ओङसीनोङ ख्‍योकोन सेम मेसेता खाला देता फाप्‍क्‍यो। दोक खिन देत्‍सीनकामा थेकी तेरग्‍यो सिन साबाते जति ख्‍योकोनगी ङेत्‍क्‍यो।

हिब्रू 12:1

परमेश्‍वरला सु सुकी चुक खाईन विश्‍वास खासुङा सिन ङोला ङ्वा मुथुप्‍च्‍या मि बात छ्या स्‍येनामेकी था ङुरूङगी परमेश्‍वरगी दाक्‍पोनला लेपा फाप्‍क्‍यो सासासाक लेपाला जस्‍तो ओङसीनोङ सेम मेसेता खाला जुनी खाङ थेला विश्‍वास खिन देता फाप्‍क्‍यो। दाक्‍पोनला दोक खिताला रोके खित्‍च्‍येते कामताङ बात खिता ङुरूङगी गाङे तोङा फाप्‍क्‍यो। पाप खिता तोङा दुक्‍पा ओत्‍सीनोङ पाप खिताङ ङुरूङगी पूरो खाला तोङा फाप्‍क्‍यो।

हिब्रू 13:13

थोगी ङुरूङगीङ येशू ओत्‍सादु फिला गाल्‍ला मिओनगी थेला खाबाते इज्‍जत बेइज्‍जत खपे खिता फाप्‍क्‍यो।

हिब्रू 6:10

ख्‍योकोनगी परमेश्‍वरला थोई ङिङज्‍ये खिते सिन परमेश्‍वर सन्‍तान ज्‍येनतेबाला ङिङज्‍ये खाईन लेमु खाबाते थेमे थोरूमोङ थोकराङ खिन ओताते बातकी छ्य्‌वापेई लेमु खाला छ्या स्‍येबा थुप्‍कीदुक। ख्‍योकोनगी थोक खाबाते परमेश्‍वरला गाङे छ्या ओत। थेकी दि बात थाराङ टोक मेज्‍येदो।

हिब्रू 6:12

थोगी ख्‍योकोनगीङ अल्‍छी मिक्‍किता खाला चुक खिसे सासीन परमेश्‍वरला विश्‍वास खिन जस्‍तो ओङसीनोङ सेम मेसेता खाला देत्‍कान्‍ते मिओनला ताला होथेबेकी खाबा च्‍योकराङ खि। होथोक खित्‍कान्‍ते मिओनगीचेन परमेश्‍वरगी तेरग्‍यो सिन जमान खाबाते गाङे ङेत्‍क्‍यो।

हिब्रू 6:15

थेमे अब्राहामगी परमेश्‍वरगी थे खोरोङताङ जमान खाबा च्‍योकराङ खिओ सिन लो काल्‍बेईसाक सेम मेसेता खाईन गुकीनराङ देतेकी परमेश्‍वरगी थेला तेरग्‍यो सिन साबाते गाङे बिन्‍सुङ।

२ पत्रुस 1:6

दिकामा मेन, दाक्‍पोन सेम काबूला स्‍योक, दुक्‍पा किम्‍मु जस्‍तो ओङजीनोङ सेम मेसेता खाला देत। दि लाक्‍तुङ ख्‍योकोनगी परमेश्‍वरला माने खिताला खिता फाप्‍च्‍येते कामताङ बात खि।

छ्या स्‍ये च्‍युताते बात 1:9

ङा ख्‍योकोन आज्‍यो यूहन्‍नाङ ख्‍योकोन च्‍योकराङ येशूताङ जीउज्‍यीकराङ ओङाते मि ईन। थोगी ङेङ ख्‍योकोनगी च्‍योकराङ खाईन दुक्‍पा ङेता ओत। थेमे ङाङ परमेश्‍वर राज्‍यदु ख्‍योकोनताङ ङ्योम्‍बुराङ देता ङेत्‍क्‍यो। जस्‍तो दुक्‍पा ङेत्‍सीनोङ ङाङ ख्‍योकोन च्‍योकराङ खपे खाईन देता ओत। ज्‍येनला परमेश्‍वर बात लापेकी थेमे येशू ख्रीष्‍ट सु ईन्‍दे, थेकी च्‍यि खिते सिन लापेकी खित्‍सादु ङाला समुन्‍द्रे किल्‍दु ओताते पत्‍मोस लुङबापा उरगीन ताङा ओतान।

छ्या स्‍ये च्‍युताते बात 3:10

थेमे ङे खि साबा च्‍योकराङ खाईन जस्‍तो पीरताङ दुक्‍पालाङ ख्‍योकोन सेम मेसेता खाईन देत्‍सुङ। थोगी था तिरी ना थेबेकी पाप खिता तोङगीता सिन ताप्‍ला दि सा लुङबे मिओनला आइ परे खित्‍च्‍येते मेलेबाते दुक्‍पे बेलाला ङा ख्‍योकोनला जोए खाला ज्‍य्‌वाक्‍यो।