छ्या स्‍ये च्‍युताते बात 2:25 - जिरेल

²⁵ बातज्‍यीकचेन ङा ख्‍योकोनला सिओ। च्‍यि सासीन ङा ओङ ओङसाक ख्‍योकोनगी थोरूमसाक खिन ओता च्‍योकराङ खाला ङाला विश्‍वास खिन देत।

छ्या स्‍ये च्‍युताते बात 2:25 Iomraidhean Croise

यूहन्‍ना 14:3

ठाउँ ठीक खाला ङा ख्‍योकोनला लिन्‍दाला लोक्‍ला ओङगो। थेमे ख्‍योकोनोङ ङात्ताङ ङ्योम्‍बुराङ देता ङेत्‍स्‍यीत सिन ङा ख्‍योकोनलाङ ङाराङ देत्‍सादुराङ देताला खेरग्‍यो।

शक्ति काम 11:28

थेरू वाबातेबे नाङ अगाबस सिरातेकी परमेश्‍वर आत्‍मे छ्य्‌वापेई येशू चेलाओन गाङे दोन्‍दु “था गाङेपा छ्येज्‍यीक अनिकाल लाङगो,” सिन तिरी ओङच्‍येते बात लाःप्‍सुङ। थे अनिकालचेन तिरी रोमी गेल्‍बो क्‍लौडियस पालोला लाबा ओतान।

रोमी 12:9

थेमे ख्‍योकोनगी ज्‍येनला खेकीकामा मेन, पक्‍काराङ ङिङज्‍ये खि। दोकचेन खिताराङ मेङगो सिन मेलेबाते कामताङ बात सिराते छ्याःङ माकेत। खालि लेमुते कामताङ बात खित्‍च्‍ये छ्य्‌वापाकामा स्‍येत खि।

१ कोरिन्‍थी 11:26

थोगी प्रभु येशू ग्‍युरला ओङ ओङसाक जहिले जहिले ख्‍योकोनगी प्रभु भोज स्‍योबेन सेइदुक थेमे अंगूर छ्याङ थुङगीदुक थोक खित्‍जीन खित्‍जीन प्रभु येशू ङुरूङ लाईदु स्‍या ओतान सिन गाङेकी छ्या स्‍येक्‍यो।

१ कोरिन्‍थी 4:5

थोगी ङा ख्‍योकोनला च्‍यि सिते सासीन प्रभु येशू ग्‍युरगीन मावाथुप ख्‍योकोन सुङगीङ दि दोक्‍तेताङ थे थोक खित्‍कान्‍ते सिन ज्‍येनगी गल्‍ती मातेन। था वाला च्‍याला प्रभु येशूकी मिकी ज्‍येनगी छ्या मेस्‍येबा खाईन खाबाते काम ईन्‍स्‍यीत, खोपरोङ सेमलाकामा विचार खाबाते बात ईन्‍स्‍यीत, लेमु मेलेबा चुक ईन्‍दे सिन डेल्‍ग्‍यो। थेमे लेमु काम खित्‍कानलाचेन गाङेला परमेश्‍वरगी खुई आउदी लेमु खासुङ सिन सिओ।

१ थिस्‍सलोनिकी 5:21

खाङ कामताङ बात लेमु ईन्‍दे, खाङ मेलेबा ईन्‍दे सिन लेमु खाला छ्या स्‍येबा खि। जुन कामताङ बात खिता लेमु दुक थे खि,

हिब्रू 10:23

ङुरूङचेन परमेश्‍वर खिओ साबा च्‍योकराङ खित्‍कान्‍ते ईन्‍देकी थेकी दाक्‍पोनला तेरग्‍यो साबाते जति गाङे ङेत्‍क्‍यो सिन सिओ। थोगी थेकी थोक खिओ सिन आश खाईन गुकीन देताते ङेत्‍क्‍योतराङ सिन ङुरूङ छ्याःङ शंका मिक्‍किता खाला देता फाप्‍क्‍यो।

हिब्रू 3:6

ख्रीष्‍टकीङ थे खोरोङ काम लेमु खाईन खाबा ओतान। तर थेचेन मोशा च्‍योक्‍ते मेन। मोशा सुइँदे खाम्‍बादु काम खित्‍कान्‍ते मि च्‍योक ओतान सासीन ख्रीष्‍टचेन होथे खाम्‍बे धनी फुज्‍युङ च्‍योकराङ ईन। थेमे ङुरूङचेन थे खाम्‍बे मि ईन। थोक ईन्‍सीनोङ जस्‍तो ओङजीनोङ ज्‍यीबा मिक्‍किता खाईन थेमे सेम मेसेता खाईन परमेश्‍वरगी था तिरी दाक्‍पोनला तेरग्‍यो साबाते गाङे ङेत्‍क्‍यो सिन थेला विश्‍वास खिन देत्‍सीनकामा ङुरूङ थे खाम्‍बे मि ईन।

हिब्रू 4:14

स्‍वर्गने गाल्‍गीन परमेश्‍वर दोन्‍दु देताते परमेश्‍वर फुज्‍युङ येशू ङुरूङते गाङे भन्‍दा छ्येते पूजारी ईन्‍देकी ङुरूङगी थेला विश्‍वास खाईन ङेन्‍दाते बात ङेन्‍दा मोतोङा खाला देता फाप्‍क्‍यो।

२ पत्रुस 3:10

चोर दि छोमुराङ ओङगो सिन सुङलाङ छ्या मेता च्‍योकराङ प्रभु येशू दि छोमु ग्‍युरला ओङगो सिनोङ सुङगीङ सिरा मुथुबो। थे ग्‍युरला ओङे छोमु नामचेन नामज्‍योक बु साच्‍याज्‍यीक ङोरो देन्‍गीन तोक तोरला डुइओ। दागार, ङीमाताङ कार्मातेबाङ मेकी छिक्‍ला सोला डुइओ। थोकराङ खाला दि सा लुङबाताङ दुरू ओताते जतिङ जेसुकै थाला डुइओ।

छ्या स्‍ये च्‍युताते बात 1:7

लो दि बात टोक माज्‍येत। च्‍यि सासीन येशू ख्रीष्‍ट था मुक्‍पे नाङ खाला देमा ओङगीन ओत। थे दोक खाला ओङगीन ओताते सा लुङबे मि गाङेकी थोङगो। थेला बार्सा रोपे खित्‍कान्‍ते मिओन समेतकीङ खोपरोङ मिगीराङ थोङगो। थे थोक खाला दुरू ओङजीन सजाय ङेत्‍क्‍यो सिन ज्‍यीबेकी खित्‍सादु दि सा लुङबे मि गाङेराङ झ्‍याउँ झ्‍याउँ ङुइओ। दोकराङ ओङस्‍यीत। आमेन।

छ्या स्‍ये च्‍युताते बात 22:20

दि गाङे बात दुरू साबा च्‍योकराङ ईन, ईन्‍दातेराङ ईन सिन सिरकान्‍तेकी “था ङा होत्ताराङ ओङगीन ओत,” सिन सिओ। आमेन, लो स्‍योक स्‍योक प्रभु येशू।

छ्या स्‍ये च्‍युताते बात 22:7

थेमे प्रभु येशूकी “था ङा होत्ताराङ ओङगीन ओत। था तिरी ओङच्‍येते परमेश्‍वरगी छ्या स्‍ये च्‍युताते दि किताब नाङ टिबाते बातओन ङेन्‍कान्‍ते मि भाग्‍यमानी ईन,” सिन सिदुक।

छ्या स्‍ये च्‍युताते बात 3:11

था ङा होत्ताराङ ओङगीन ओत। खेराङगी थोरूमसाक खिन ओताच्‍योक लेमु खिनराङ देत। दोक खिनराङ देत्‍सीन ख्‍योकोनला ङे तेरच्‍येते श्रीपेज सुङगीङ ठ्वाला खेरा मुथुबो।

छ्या स्‍ये च्‍युताते बात 3:3

ख्‍योकोनला गोमाका च्‍यि सिन लापा ओताने थेमे खेराङगी चुक लेमु खाईन ङेन्‍दा ओताने थे बात सम्‍झे खि। थेमे लोक्‍ला गोमा च्‍योकराङ खि। दोक माक्‍यासीन ङा ख्‍योकोन ओत्‍सादु चोर च्‍योक थाहाराङ मेङेता खाला ओङगो। ङा नाम ओङगीते सिन ख्‍योकोनगी छ्याःङ छ्या मेस्‍येओ।