छ्या स्‍ये च्‍युताते बात 2:24 - जिरेल

²⁴ थेमे थिआटीरादु देत्‍कान्‍ते ज्‍येनगी च्‍योक मिक्‍किकान ख्‍योकोनलाचेन ङा खेराङगी खिन ओताते लाक्‍तु ज्‍येन ल्‍हाक्‍पा दुक्‍पा मेतेरो। ख्‍योकोनचेन ज्‍येन च्‍योकराङ जिजेबेलगी साबाते बात मेङेन्‍कान्‍ते थेमे कोई कोई मिकी साबाच्‍योक शैतानगी कोई कोई मिलाकामा छ्या स्‍ये ज्‍युत्‍च्‍येते बात मेङेन्‍कान्‍ते मि ईन।

छ्या स्‍ये च्‍युताते बात 2:24 Iomraidhean Croise

शक्ति काम 15:28

ङ्योकोनला खालि ख्‍योकोनगी ङेन्‍दाराङ फाप्‍च्‍येते दि बातज्‍यीक बात ङिकामा टिला तोङा लेमु ईन सिराच्‍योक लासुङ। परमेश्‍वर आत्‍मेकी ङ्योकोनला होदि बातओनकामा टिसीन ओङगो सिन छ्या स्‍येबा खाईन बिन्‍सुङ।

शक्ति काम 16:14

थेबे नाङ परमेश्‍वरला माने खित्‍कान्‍ते लिडिया सिराज्‍यीगोङ ओताक्‍वा। थे थिआटीरा सिराते सारगी मि ओतान। थे मोर्मुते रंग ग्‍यापाते आउदी दामीते खोलाक बेपार खित्‍कान्‍ते मि ओतान। प्रभु येशूकी थे फेम्‍मे मिला पावलगी साबाते बातओन लेमु खाला ङेन्‍च्‍ये सेम बिन्‍देकी थेकी लेमु खाईन थे बात ङेन्‍सुङ।

१ कोरिन्‍थी 2:10

परमेश्‍वर बातला साबा च्‍योकराङ खाईन थे खोरोङगी गोमा सुङलाङ छ्या स्‍ये च्‍युता मेताते बात परमेश्‍वरगी ङुरूङलाचेन थे खोरोङ आत्‍मे छ्य्‌वापेई छ्या स्‍ये च्‍युता ओत। परमेश्‍वर आत्‍मेकीचेन गाङे बात छ्या स्‍येक्‍यो, परमेश्‍वरगी च्‍यि खिता चाल्‍ला दुका सिरच्‍येते बात समेदोङ छ्या स्‍येक्‍यो।

२ कोरिन्‍थी 11:3

थाङबो रूलगी हव्‍वाला आउदी च्‍याङबो खाईन छक्‍के खाबा च्‍योकराङ खाला सुइँदेकी ख्‍योकोनलाङ छक्‍के खाला ख्रीष्‍टकी साबाते ङेन्‍ला थेत्ताङकामा डिक्‍ला देत्‍से छ्य्‌वापेकी डेल्‍गीता सिन ङाला आउदी ज्‍यीबाङ लाङगीदुक।

२ कोरिन्‍थी 2:11

शैतानगी ङुरूङ नाङ खिता चालाते काम छ्याःङ खिता मेङेत्‍स्‍यीत सिनराङ ङुरूङगी दोक खाला माफ तेरा फाप्‍क्‍यो। थेकी चुक च्‍याङबो खाला काम खिते सिन ङुरूङला छ्याराङ ओत।

याकूब 3:15

ख्‍योकोनगी बात खाबा च्‍योक्‍ते बुद्धिनी परमेश्‍वरगी बिन्‍दाते ईनराङ मेन। दिनी दि सा लुङबे मिओनगी बात खित्‍च्‍येते च्‍योक्‍ते बुद्धि बात ईन। दोक्‍ते बुद्धिनी दाक्‍पोन खुशी खित्‍कान्‍ते मित्ताङ ओङच्‍येते बुद्धि ईन। थेमे शैतानगी कोता कोता ङेन्‍कान्‍ते मिओनताङ ओङच्‍येते बुद्धि ईन।

छ्या स्‍ये च्‍युताते बात 1:11

थेकीचेन “खुई च्‍यि च्‍यि थोङगीका थे गाङे बात स्‍यिउला टिला च्‍याला एफिसस, स्‍मर्ना, पर्गामम, थिआटीरा, सार्डिस, फिलाडेल्‍फियाताङ लाओडिसिया होदि सार दुईनकारदु जम्‍मा ओङकान्‍ते येशू ख्रीष्‍ट मिओनला थोङ,” सिन सिदुक।

छ्या स्‍ये च्‍युताते बात 12:9

दोक खाईन थे जोदाते डुकला स्‍वर्गनेकी पृथ्‍वीमा ङिल्‍गीन ताङसुङ। थेचेन गोमामेई ओताते रूल ईन। थे मिन शैतान दैंता ईन। खालि मेलेबा कामकामा खाला सा लुङबा खाङगी मिला छक्‍के खित्‍कान्‍ते थेराङ ईन। थेत्ताङ थे दूत गाङेला स्‍वर्गनेकी पृथ्‍वीमा युकीन क्‍युरसुङ।

छ्या स्‍ये च्‍युताते बात 13:14

थे गोमे जन्‍तुला छ्ये ज्‍वाप्‍ला दोक्‍ते अचम्‍बते काम खाला तेन्‍च्‍येते शक्ति बिन्‍दा ओतेकी दि सादुकी थेन्‍दाते जन्‍तुकी होथोक्‍ते काम खाईन सा लुङबे मि गाङेला छक्‍के खासुङ। थेकी मि गाङेला होथे गोमे जन्‍तुला मान खिता फाप्‍क्‍यो सिन थे जन्‍तु मूर्ति जोर च्‍युत्‍सुङ। थे जन्‍तुचेन स्‍यिच्‍या खाईन तरवारगी तुप्‍कीन मा थोता ओत्‍सीनोङ सोन्‍दा ओतान।

छ्या स्‍ये च्‍युताते बात 2:13

च्‍यि सासीन ख्‍योकोनचेन शैतान सिंहासन ओताते सारदु देता ओत सिन ङाला छ्या ओत। दोक ईन्‍सीनोङ ख्‍योकोनगी ङाला माताङसुङ, ङाला विश्‍वास खिनराङ देत्‍सुङ। ङा सु ईन्‍दे, ङे च्‍यि खिते सिन सिनराङ देत्‍कान्‍ते एन्‍टिपासला थे सारदुराङ सेत्‍जीनोङ ख्‍योकोनगी ङाला विश्‍वास खिता माताङसुङ।

छ्या स्‍ये च्‍युताते बात 2:18

थिआटीरा सारदु जम्‍मा ओङकान्‍ते येशू ख्रीष्‍ट मिओनला ताकोरा खित्‍कान्‍ते परमेश्‍वर दूतला दोक सिन टि। दि बातचेन मे च्‍येला च्‍योक खाला चम्‍के खित्‍च्‍याज्‍यीक मिकताङ आरनला लुगीन खारे खाबाते पित्तल च्‍योक खाला टल्‍के खित्‍च्‍याज्‍यीक काम्‍बा ओताते परमेश्‍वर फुज्‍युङ ङा सिन ओत।

छ्या स्‍ये च्‍युताते बात 2:9

च्‍यि सासीन ख्‍योकोनला ज्‍येनगी दुक्‍पा बिन्‍दाते बात ङाला छ्या ओत। थेमे ख्‍योकोनला दाङच्‍या ख्‍योप्‍च्‍या मेत सिनोङ ङाला छ्या ओत। ईन्‍सीनोङ ख्‍योकोन छ्याःङ मेताते मि मेन। खोपरोङ यहूदी ईन सिन सिरकान तर लेमुते काम मिक्‍किकान्‍ते मिओनगी ईन्‍दा मेन्‍दे दोष लै खाईन ख्‍योकोन विरोध खाबाते बात ङाला छ्या ओत। थेबाचेन शैतानताङ डिक्‍कान्‍ते मि ईन।